13/03/2019

Կարենը Թալիշում էր ծառայում, ընդամենը մեկ տարի անց տուն էր վերադառնալու./Տեսանյութ/

Armlur.am կայքը գրում է.
19-ամյա Կարեն Կարապետյանի դին Գյումրի կտեղափոխվի վաղը: Շարքային զինծառայողի կյանքն ընդհատվեց նախօրեին հրազենային վիրավորումից: Կարենը Թալիշում էր ծառայում, ընդամենը մեկ տարի անց տուն էր վերադառնալու: Կարենը տան միակ զավակն էր: Ապրում էր միայնակ մոր ու 80-ամյա տատի հետ: Ամբողջ մանկությունը տնակում էր անցկացրել:
Ընդամենը տարիներ առաջ էին նոր բնակարան ստացել ու վերանորոգել: Դժվարությամբ միակ որդուն մեծացնելուց ու բանակ ճանապարհելուց հետո մայրը հավատալ չի կարողանում, որ այլեւս որդու մասին հուշերով է ապրելու: Հիշեցնենք, որ դեպքը տեղի է ունեցել Պաշտպանական բանակի հյուսիս-արևելյան ուղղությամբ տեղակայված զորամասերից մեկի մարտական դիրքում: Զինվորի ուղղությամբ կրակ արձակած զինակից ընկերը ձերբակալված է: Կատարվում է քննություն: 19-ամյա զինծառայողի դին Գյումրի կտեղափոխվի վաղը: 



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Զինծառայող Կարեն Կարապետյանի մահվան դեպքի առթիվ հարուցվել է քրեական գործ


2019թ. մարտի 12-ին՝ ժամը 06.50-ի սահմանում, N զորամասի պահպանության տեղամասի մարտական դիրքում պարտադիր ժամկետային զինծառայող, շարքային Կարեն Արտակի Կարապետյանի` մահացու հրազենային վնասվածք ստանալու դեպքի առթիվ երրորդ կայազորային քննչական բաժնում ՀՀ քրեական օրենսգրքի 104-րդ հոդվածի 1-ին մասով հարուցվել է քրեական գործ, կատարվում է նախաքննություն:

Քրեական գործի նախաքննության ընթացքում ՀՀ քրեական օրենսգրքի 104-րդ հոդվածի 1-ին մասով նախատեսված հանցագործություն կատարելու կասկածանքով ձերբակալվել է Կ.Կարապետյանի համածառայակիցը:

Ձեռնարկվում են անհրաժեշտ քննչական և դատավարական գործողություններ՝ դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

Մահացել է Համլետ Հրաչի Ավագյանը

Մարտի 12-ին՝ ժամը 17:00-ի սահմաններում, ՀՀ ՊՆ N զորամասի ջոկի սանհրահանգիչ, պարտադիր ժամկետային զինծառայող, շարքային Համլետ Հրաչի Ավագյանը (ծնված 2000թ., 2018-2 զորակոչ, Շիրակի մարզի զ/կ), բուժօգնություն ցուցաբերելու նպատակով մարտական հենակետից այլ մարտական հենակետ գնալու ճանապարհին սայթաքել է և ընկել ձորը: Ստացած մարմնական վնասվածքներից Հ. Ավագյանը մահացել է:
Դեպքի հանգամանքները պարզելու նպատակով կատարվում է քննություն:
ՀՀ պաշտպանության նախարարությունը խորին ցավակցություն է հայտնում Համլետ Ավագյանի ընտանիքի անդամներին, հարազատներին և ծառայակիցներին:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/03/2019

Մեր առաջնահերթ խնդիրը եղել է, կա, վաղն էլ կմնա Արցախի անկախության միջազգային ճանաչումը. Բակո Սահակյան

News.am կայքը գրում է.
Մեր առաջնահերթ խնդիրը եղել է ու կա Արցախի Հանրապետության անկախության միջազգային ճանաչումը: Այս մասին, այսօր՝ մարտի 12-ին, Ստեփանակերտում Հայաստանի եւ Արցախի անվտանգության խորհուրդների համատեղ նիստում հայտարարել է Արցախի նախագահ Բակո Սահակյանը:
Նա, մասնավորապես, նշել է.
«Մենք առաջին անգամ ենք այսօր անդրադառնալու մեր երկու հանրապետությունների, ասել է թե՝ մեր հայրենիքի համար կարեւորագույն եւ առաջնահերթ խնդիրների քննարկմանը: Այս ընթացքում մենք միջանկյալ բազմաթիվ եւ բազմազան հանդիպումներ ենք ունեցել տարբեր մակարդակներով: Մեր ոլորտների, մեր գերատեսչությունների, մեր նախարարությունների պատասխանատուները մի շարք հանդիպումներ են ունեցել, եւ այդ հանդիպումների ընթացքում ծնվել է այդ գաղափարը՝ հրավիրելու Անվտանգության խորհուրդների համատեղ նիստ:
Մենք նաեւ այս ընթացքում կարեւորել ենք, որ անհրաժեշտություն ունենք համազգային օրակարգ ունենալու, եւ ես ավելի քան համոզված եմ, որ այսօրվա մեր համատեղ նիստը նպաստելու է այդ ազգային օրակարգի ձեւավորմանը: Ինչպես այս տարիների ընթացքում եղել է, անփոփոխ են մնացել նաեւ այդ ազգային օրակարգում դասակարգված մեր առաջադրանքները:
Եվ կարծում եմ՝ բոլորդ համամիտ կլինեք, որ եղել է, կա եւ վաղն էլ կմնա մեր հայրենիքի համար իբրեւ առաջնահերթ խնդիր Արցախի Հանրապետության անկախության միջազգային ճանաչումը, եւ այսօրվա համատեղ նիստի ընթացքում մենք հնարավորություն կունենանք նաեւ անդրադառնալու, թե ներկայիս շրջանում տեղի ունեցող այդ ուղղությամբ քննարկումներն ինչպես են ընթանում:
Մենք գիտենք, որ Հայաստանի Հանրապետության վարչապետը մի շարք հանդիպումներ է ունեցել այս ընթացքում, եւ ես խնդրել եմ պարոն վարչապետին, որպեսզի մենք տեղեկանանք այդ հանդիպումների եւ քննարկումների մասին:
Ես կտամ լրացուցիչ տեղեկություններ, որ օր առաջ հանդիպել եմ ԵԱՀԿ գործող նախագահի անձնական ներկայացուցչին: Բնական է՝ խոսել ենք շփման գծում տիրող իրավիճակի, ինչպես նաեւ բանակցային գործընթացի մասին: Եվ այսօրվա այս յուրահատուկ խորհրդի նիստը հնարավորություն կտա՝ անդրադառնալ մեր տնտեսության խնդիրներին, մեր հանրային կյանքում տեղ գտած զարգացումներին եւ կնախանշենք հաջորդ մեր առաջադրանքները, որոնք, անկասկած, կբարձրացնեն մեր երկրի անվտանգության աստիճանը եւ կնպաստեն ընդհանրապես մեր հայրենիքի հզորացմանն ու շենացմանը:
Ողջունում եմ այս նախաձեռնությունը եւ համոզմունք եմ հայտնում, որ այսօրվա մեր համատեղ նիստը նպաստավոր պայմաններ է ստեղծելու այդ նշված ուղղություններով հաջողված աշխատանքներ կատարելուն»:
Նշենք, որ քննարկումների արդյունքում Հայաստանի եւ Արցախի Անվտանգության խորհուրդների անդամների կողմից գնահատվել է Արցախի անվտանգության համակարգը եւ վերահաստատվել է, որ պաշտպանության ապահովման կարողությունները երաշխավորված են եւ գտնվում են բարձր մակարդակի վրա: Միեւնույն ժամանակ հայկական երկու կողմերը վերստին ընդգծել են իրենց աջակցությունը եւ հանձնառությունը ԵԱՀԿ Մինսկի խմբի համանախագահության հովանու ներքո հիմնահարցի բացառապես խաղաղ կարգավորմանը` հիմնված միջազգային իրավունքի հիմնարար սկզբունքների, մասնավորապես, ժողովուրդների ինքնորոշման իրավունքի իրագործման վրա։
Համատեղ նիստի շրջանակում ընդգծվել է, որ Լեռնային Ղարաբաղի հիմնահարցի շրջանակում Արցախի անվտանգության ապահովումն ու կարգավիճակը հայկական կողմերի համար եղել եւ մնում են բացարձակ գերակայություններ: Կարեւորվել է խաղաղության մթնոլորտի ձեւավորումը, ռիսկերի նվազեցման եւ միջադեպերի կանխարգելման մեխանիզմների եւ փոխվստահության ամրապնդման միջոցառումների ներդրումը, ինչպես դա ամրագրվել է Դուշանբեի, իսկ մինչ այդ նաեւ Վիեննայի ու Սանկտ Պետերբուրգի գագաթաժողովների շրջանակում:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Զուգահեռ զորավարժություն Նախիջևանում. Ռազմինֆո

Razm.info կայքը գրում է.
Մարտի 11-ից հրամանատարաշտաբային զորավարժություններ են մեկնարկել նաև Նախիջևանի առանձին համազորային բանակում: Նախիջևանում նախորդ հրամանատարաշտաբային վարժաքնենրը ավարտվել էին 17 օր առաջ:
Զորավարժության մեկնարկի մասին հայտնել է Նախիջևանի պետական «Նուհչիխան» լրատվական գործակալությունը:
Ըստ հայտարարության՝ զորավարժության շրջանակներում տագնապի ազդանշանով ստորաբաժանումները գաղտիության պայմաններում տարվել են օպերատիվ շրջաններ:
Շտաբային աշխատանքից զատ, մարտի 12-ին անկացվել են նաև գործնական վարժանքներ: Սցենարի համաձայն՝ բանակի համալրման համար բացվել են քաղաքացիականների ընդունման կենտրոնների, իրականացվել են զորակոչի և մարդկանց պակասի լրացման քայլեր: (Հարկ է նշել, որ նախիջևանյան զորավարժություններին սովարաբար անցկացվում են նաև հենց զորահավաքային վարժանքներ:)
Զորավարժությունը տևելու է մինչև մարտի 16-ը:
Հատկանշական է, որ Նախիջևանում նախորդ հրամանատարաշտաբային զորավարժությունը ավարտվել էր փետրվարի 23-ին: Այդ զորավարժությանը Նախիջևանի առանձին համազորային բանակից բացի ներգրավվել են Պետական սահմանապահ ծառայության, ներքին զորքերի, ԱԻՆ և պետանվտանգության ծառայության ստորաբաժանումներ:
Հիշեցնենք, որ երեկ՝ մարտի 11-ին լայնամասշտաբ զորավարժություն է մեկնարկել Ադրբեջանում: Այդ վարժանքներին ներգրավվել են մինչև 500 միավոր զրահատանկային տեխնիկա, ավտոմոբիլային և հատուկ միջոց, մինչև 300 միավոր տարբեր տրամաչափի հրթիռահրետանային միջոց, տարբեր նշանակության մինչև 20 միավոր ավիացիոն միջոց: 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ադրբեջանի զորավարժությանը ներգրավվել են «Պոլոնեզ» և LORA.Ռազմինֆո

Razm.info կայքը գրում է.
Ադրբեջանում ընթացող պլանային լայնամասշտաբ զորավարժություններին  ներգրավվել են նաև բելառուսական ՀԿՌՀ-ները և իսրայելական LORA օպերատիվ-մարտավարական հրթիռային համալիրները:

Դատելով Ադրբեջանի ՊՆ հրապարակումից՝ «Պոլոնեզի» և LORA-ի դիվիզիոնների շարասյունները դուրս են գալիս մշտական տեղակայման վայրից, մեկնում օպերատիվ շրջաններ, բերվում մարտական վիճակի, պատրաստվում կրակի: Նշենք, որ հրապարակումից պարզ չէ՝ մարտական կրակ եղել է, թե՝ ոչ:
Հիշեցնենք, որ զորավարժությունը մեկնարկել է երեկ՝ մարտի 11-ին: Ըստ Ադրբեջանի ՊՆ-ի՝ այդ վարժանքներին ներգրավվել են մինչև 500 միավոր զրահատանկային տեխնիկա, ավտոմոբիլային և հատուկ միջոց, մինչև 300 միավոր տարբեր տրամաչափի հրթիռահրետանային միջոց, տարբեր նշանակության մինչև 20 միավոր ավիացիոն միջոց: 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Հայկ Թևոյանի տարեդարձն է

Գյումրի 12.03.2019թվ.Banak.info
Այսօր՝ մարտի 12-ին, հայրենիքի պաշտպանության ժամանակ զոհված Հայկը կդառնար 44 տարեկան։
Հայկը ծնունդով Արագածոտնի մարզի Նորաշեն գյուղից էր։
Սովորել և ավարտել էր տեղի դպրոցը, որից հետո 1991թվ. ուսումը շարունակել էր Ծաղկահովիտ գյուղի ուսումնարաններից մեկում՝ ստացել ավտոմեխանիկի որակավորում։
Հայկը բանակում չի ծառայել, քանի որ ծնողի միակ խնամակալն էր, օրենքի շրջանակներում ազատվել էր պարտադիր զինվորական ծառայությունից։
1993թվ. Հայկն ամուսնացել է, ունի 5 երեխա։
2010թվ-ից անցել էր պայմանագրային ծառայության Արցախի` Քարվաճառի (Քելբաջար) N զորամասում։
Հայկը ծառայության ընթացքում մշտապես աչքի է ընկել իր աչալրջությամբ, զգոնությամբ և նվիրվածությամբ։
2015թվ. սեպտեմբերի 3-ին արցախա-ադրբեջանական հակամարտ զորքերի շփման գծում տեղակայված զորամասերից մեկի մարտական հենակետում, ադրբեջանական կողմի խոշոր տրամաչափի դիպուկահարի արձակած կրակոցից պարանոցի շրջանում ստացած հրազենային վնասվածքից զոհվել  Հայկ Կառլենի Թևոյանը։
Հայկը հետմահու պարգևատրվել է ՀՀ նախագահի կողմից «Մարտական ծառայություն» մեդալով և ԵԿՄ վարչության նախագահի կողմից` «Հայաստանի երկրապահ» հուշամեդալով։
Հանուն Հայ Զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

19–ամյա զինծառայողի մահվան դեպքի առթիվ համածառայակիցը ձերբակալվել է

News.am կայքը գրում է.
Արցախի զորամասերից մեկի մարտական դիրքում այսօր՝ մարտի 12–ին, վաղ առավոտյան 19–ամյա զինծառայողի մահվան դեպքի առթիվ քրեական գործ է հարուցվել։
NEWS.am–ին Քննչական կոմիտեի դեպարտամենտի տեղեկատվության եւ հասարակայնության հետ կապերի բաժնի պետ Նաիրա Հարությունյանը հայտնեց, որ քրեական գործը հարուցվել է ՀՀ քրեական օրենսգրքի 104-րդ հոդվածի 1-ին մասով:
«Կարեն Կարապետյանին սպանելու կասկածանքով ձերբակալվել է համածառայակիցը: Ձեռնարկվում են անհրաժեշտ քննչական և դատավարական գործողություններ՝ դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ»,– ասաց Նաիրա Հարությունյանը:
Ավելի վաղ Պաշտպանության բանակի մամուլի ծառայությունը հայտնել էր, որ Արցախի Հանրապետության պաշտպանության բանակի հյուսիսարեւելյան ուղղությամբ տեղակայված զորամասերից մեկի մարտական դիրքում մարտի 12-ին ժամը 06.50-ի սահմաններում, դեռեւս չպարզված հանգամանքներում, մահացու հրազենային վիրավորում է ստացել 2000թ. ծնված ժամկետային զինծառայող Կարեն Արտակի Կարապետյանը:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`