Showing posts with label Tert.am. Show all posts
Showing posts with label Tert.am. Show all posts

22/04/2019

Թուրք զինվորականները ժամանել են Ադրբեջան՝ համատեղ զորավարժությունների անցկացման համար


Ադրբեջանում մայիսի 1-3-ը կանցկացվեն «Մուստաֆա Քեմալ Աթաթուրք-2019» ադրբեջանա-թուրքական համատեղ մարտավարական զորավարժությունները, գրում է minval.az-ը: Այդ նպատակով Ադրբեջան են ժամանել Թուրքիայի ԶՈՒ ներկայացուցիչները:

Ինչպես հայտնել են Ադրբեջանի պաշտպանության նախարարության մամուլի ծառայությունից, զորավարժությունները կանցկացվեն Ադրբեջանի և Թուրքիայի միջև ռազմական համագործակցության վերաբերյալ համաձայնագրի շրջանակում:

Դրանց հիմնական նպատակը երկու երկրների ռազմական ստորաբաժանումների փոխգործակցության համակարգումն է, անձնակազմերի մարտունակության մակարդակի բարձրացումը, և այլն:

Վարժանքներին կմասնակցեն ռազմատեխնիկա, հրետանային կայանքներ, նռնականետներ, մարտական և տրանսպորտային ուղղաթիռներ, ինչպես նաև երկու երկրների բանակների զենիթահրթիռային ստորաբաժանումները:


Նյութը՝ Tert.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/04/2019

Եթե Դավիթ Տոնոյանն այլ հայտարարություն աներ, ես նրան կազատեի նախարարի պաշտոնից. Ն. Փաշինյանը՝ Տոնոյանի «նոր պատերազմ՝ նոր տարածքների դիմաց» թեզի մասին

Այսօր Եռաբլուրում 2016 թվականի քառօրյա պատերազմի զոհերի հիշատակին հարգանքի տուրք մատուցեց ՀՀ վարչապետ Նիկոլ Փաշինյանը:
Լրագրողների հարցին՝ ի՞նչ հետևություն է արել Ապրիլյան պատերազմից հետո, Փաշինյանն ասաց, որ այսօր էլ այդ խնդիրը կառավարության օրակարգում է:
«Մենք պետք է խորությամբ հասկանանք, թե ինչ է տեղի ունեցել և հետևություններ անենք»,- նշեց վարչապետը:
Հարցին՝ Ադրբեջանի նախագահի հետ հանդիպումից հետո կարելի՞ է ասել, որ սահմանին լարվածություն չի լինի, և այլևս քառօրյա պատերազմներ չեն լինի, նա պատասխանեց. « Բանակցային խաղաղ գործընթացը պետք է շարունակվի, բայց մենք պետք է հասկանանք, որ քանի դեռ հակամարտությունը կարգավորված չէ, մենք՝ որպես պետություն, ժողովուրդ պետք է պատրաստ լինենք ցանկացած զարգացման»:
Անդրադառնալով Դավիթ Տոնոյանի հայտարարությանը՝ Նիկոլ Փաշինյանը նշեց, որ պաշտպանության նախարարի արած հայտարարության վերաբերյալ աղմուկն անիմաստ է: «Եթե Դավիթ Տոնոյանն այլ հայտարարություն աներ, ես նրան կազատեի պաշտպանության նախարարի պաշտոնից: Պաշտպանության նախարարն ասել է՝ եթե հանկարծ պատերազմ լինի, մեր ձգտումը լինելու է  հաղթելն այդ պատերազմում, եթե հանկարծ պաշտպանության նախարարն այլ բան մտածի, ինքը պետք է պաշտպանության նախարար չաշխատի: Սա որևէ կերպ ստվեր չի գցում կարգավորման խաղաղ գործընթացի վրա, ընդհակառակը՝ շեշտում է խաղաղ կարգավորման գործընթացի կարևորությունը»,- շեշտեց վարչապետը:
Նշենք, որ Նյու Յորքում հայ համայնքի հետ հանդիպմանը ՀՀ պաշտպանության նախարարը հայտարարել էր. «Ես` որպես պաշտպանության նախարար, ասում եմ՝ «տարածքներ՝ խաղաղության դիմաց»  ձևաչափը վերաձևակերպել եմ, մենք հակառակն ենք անելու՝ «նոր պատերազմ՝ նոր տարածքների դիմաց»:
Հարցին էլ՝ այսինքն համաձայնեցվա՞ծ էր Տոնոյանի խոսքը իր հետ, վարչապետը պատասխանեց. «Պաշտպանության նախարարը գործում է վարչապետի ղեկավարման և ենթակայության ներքո, դրա հետ կապված որևէ հարց ունե՞ք»:

Նյութը՝ Tert.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/04/2019

Եթե Ադրբեջանը կրկին գնա սադրանքի, լինելու է այն, ինչ Դավիթ Տոնոյանը հայտարարեց․ պաշտպանության փոխնախարարի պատասխանն Ադրբեջանի ԱԳՆ-ին

Անցած զորավարժությունների հետ կապված հաղորդագրություններում էլ հայտնել ենք, որ փորձում են նաև հարձակվողական կոմպոնենտը մտցնել՝ պահպանության  ռեժիմից դուրս գալով»,- ասաց նա։
Ինչ վերաբերում է Ադրբեջանի կողմից Դավիթ Տոնոյանի հայտարարությունը սադրիչ որակելուն, Գաբրիել Բալայանը շեշտեց, որ գրեթե չկա մեկ շաբաթ, որ ադրբեջանական կողմից սադրիչ հայտարարություն չլինի։
«Պարզապես մենք ապավինում ենք մեր պատրաստվածությանը, մենք ապավինում ենք մեր զինված ուժերի մարտունակությունը, այս պատճառով էլ ամեն անգամ նրանց սադրիչ հայտարարություններին չենք արձագանքում»,- շարունակեց Բալայանը։
Անդրադառնալով ադրբեջանական կողմի հարցադրմանը, թե արդյո՞ք Դավիթ Տոնոյանի հայտարարությունը համապատասխանում է ՀՀ բարձրագույն ղեկավարության տեսակետին, փոխնախարարը հիշեցրեց, որ պաշտպանության նախարարն իրականացնում է Կառավարության ծրագիրը։
«Եթե բացենք կառավարության ծրագիրը՝ հաստատված ԱԺ-ի կողմից, կտեսնենք, որ այնտեղ ևս խոսք է գնում բանակի զարգացման, այդ թվում սպառազինության վերաբերյալ։ Կառավարության ծրագիրը միասնական է, իսկ ՊՆ-ն՝ որպես կառավարության մաս, իրականացնում է իր ծրագիրը։ Համոզված եմ, որ սա այն քաղաքականության մասն է, որն իրականացնում է ՀՀ կառավարությունը: Միգուցե չենք գրում կառավարության ծրագրի մեջ այն ամենն, ինչ անում ենք, բայց որպես մի ուղղությունն էլ մենք դրել ենք մարտական պատրաստվածությունը, սպառազինության թարմացումը։ Մեր գործը մեր պաշտպանությունը զգոն պահելն  ու պաշտպանական  հզորություններն ավելացնելն է։ Սա ենթադրում է նաև որոշակի դեպքերում այլ գործողությունների իրականացում, որոնք միգուցե զարմանք  ենք առաջացրել մեր հակառակորդի մոտ»,- եզրափակեց ՊՆ փոխնախարար Գաբրիել Բալայանը։

Նյութը՝ Tert.am կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

30/03/2019

«Նոր պատերազմ՝ նոր տարածքների դիմաց». Դավիթ Տոնոյանը Նյու Յորքում վերաձևակերպել է «տարածքներ՝ խաղաղության դիմաց» բանաձևը (տեսանյութ)

Նյու Յորքում հայ համայնքի հետ հանդիպմանը ղարաբաղյան հակամարտության խնդիրը մեկնաբանելիս ՀՀ պաշտպանության նախարար Դավիթ Տոնոյանը հայտարարել է, որ «տարածքներ՝ խաղաղության դիմաց» ձևաչափը փոխում է: Այս մասին հաղորդում է «Ամերիկայի Ձայն»-ը:
«Ես` որպես պաշտպանության նախարար, ասում եմ՝ «տարածքներ՝ խաղաղության դիմաց»  ձևաչափը վերաձևակերպել եմ, մենք հակառակն ենք անելու՝ «նոր պատերազմ՝ նոր տարածքների դիմաց»,-ասել է նախարարը:   
«Մենք այդ խրամատային վիճակից, անընդհատ պաշտպանական վիճակից ձերբազատվելու ենք: Ավելացնելու ենք այն ստորաբաժանումների թվաքանակը, որոնք կարող են ռազմական գործողությունները տեղափոխել հակառակորդի տարածք»,-ասել է Տոնոյանը:

Նախարարը հայ համայնքի հետ հանդիպման ընթացքում ամերիկահայերին ներկայացրել է նաև բանակում տիրող իրավիճակը: Նրա խոսքով՝ բանակում մահացության աստիճանը պետք է ամեն կերպ կրճատել, չնայած, իսպառ վերացնել հնարավոր չէ. «Անխուսափելի է, զենքով են, երիտասարդ են»:



Նախարարն ընդգծել է՝ կարևոր է պայքարել կրիմինալ բարքերի դեմ, որոնց դրսևորումներից մեկը բացահայտվել էր Մեղրիի զորամասերից մեկում. «Զորամասում այնքան էին լկտիացել, որ կանեփ էին աճեցնում»:

Նյութը՝ Tert.am կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

25/03/2019

Մեղրիի զորամասի շարքայինները ցաքուցրիվ քայլում էին՝ վանկարկելով «դըմփ, դըմփ, հու»-ն և «կյանք՝ գողերին, մահ՝ ոստիկաններին» արտահայտությունը. միջադեպի մասնակից


Մեղրիի զորամասի շարքայիններն անհնազանդ կերպով ցաքուցրիվ քայլում էին՝ վանկարկելով քաջ հայտնի «դըմփ, դըմփ, հու»-ն և գողական հեղինակություններին բնորոշ «կյանք՝ գողերին, մահ՝ ոստիկաններին» արտահայտությունը:
Իսկ գլխավոր գործող անձ շարքային Մուսայելյանը բարձրաձայնում էր՝ «Տղե՛րք, դուխով, ես նստող տղա եմ, ուր էլ նստեմ, սաղիդ տեր եմ»:
Մեղրիի զորամասերից մեկում տեղի ունեցած միջադեպի մասին Սյունիքի մարզային «Զանգեզուր TV»-ին պատմել է միջադեպի անմիջական մասնակիցներից մեկը, որը, սակայն, ցանկացել է գաղտնի մնալ: «Դասալիք զինվորների հետ բանակցելուց հետո հրամանատարությանը հաջողվել է զինվորներին վերադարձնել գունդ, բայց պայմանով՝ իրենց «թագավոր ախպորը» չեն տեղափոխի այլ զորամաս: Հրամանատարական կազմն էլ ներկայացրել է իր պայմանը՝ չի տեղափոխում անկարգություն արած զինվորին, բայց մեղավորները, օրենքի սահմանված կարգով, պատժվելու են»,-ասել է նա:
Վերջինս նաև հայտնել է, որ այդ նույն շարքայինը՝ Կարոն, զորամասում առանձին սենյակ է ունեցել և ծառայել է արտոնյալ պայմաններում. «Ինչպես ժողովուրդն է ասում՝ «յախշի» էր»: Նրա խոսքով՝ բացի դա, զորամասում որոշ շարքայիններ հրաժարվում էին պահպանել օրենքով սահմանված կանոններ, ինչպես օրինակ՝ փոխում են հագուստի ձևը՝ դարձնելով այն քաղաքացիական, չէին սափրվում՝ պատճառաբանելով, որ վարչապետ Փաշինյանը նույնպես մորուք ունի. «Ինչպես նաև վերջերս Կառավարության զորամասում հատուկ սահմանված կարգով բջջային հեռախոս ունենալու թույլտվությամբ պայմանավորված՝ տեղի էր ունենում չարաշահում, այսինքն՝ զինվորը իր պարտականությունը կատարելու փոխարեն տարված էր համացանցով»:
Միջադեպի ականատեսներից մեկն էլ, ով ևս չի ցանկացել ներկայանալ, հեռուստաընկերությանը պատմել է, որ երբ այդչափ զինվոր դուրս եկավ զորամասից, ժողովուրդը վախեցավ. «Ես ասացի՝ հեսա մտան: Իրավունք չունի զինվորը զորամասը լքի: Նույնն է, ոնց որ նահանջի: Պայքարի զորամասի ներսում, բռնի գնդապետի բերանից, խեղդի, բայց մի լքի»:
Հիշեցնենք, որ Մեղրիի զորամասերից մեկում զինծառայողներն ինքնակամ լքել են զորամասը՝ այդպիսով հայտնելով իրենց բողոքը: Դրանից հետո մի խումբ զինծառայողների մարտի 17-ին տեղափոխել են Կապանի, ապա Ստեփանակերտի կարգապահական զորամասեր, որտեղից էլ այնուհետև տարել են առաջնագիծ: Ծնողների հավաստմամբ՝ միջադեպը պատահել է սպայի պատճառով:

Նյութը՝ Tert.am կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

18/03/2019

«Մոնթե Մելքոնյան» վարժարանն այդ տարածքում շարունակելու է գործել, մինչև չլինեն ավելի լավ պայմաններ. Դավիթ Տոնոյան

Tert.am կայքը գրում է.
«Մոնթե Մելքոնյան» ռազմամարզական վարժարանն այդ տարածքում շարունակելու է գործել, մինչև չլինեն ավելի լավ պայմաններ:
Այս մասին Tert.am-ի գրավոր հարցմանը, թե արդյոք շարունակելո՞ւ է գործել «Մոնթե Մելքոնյան» վարժարանը, պատաասխանել է ՀՀ պաշտպանության նախարար Դավիթ Տոնոյանը:
Նախարարի պատասխանում, մասնավորապես, ասվում է. «Մոնթե Մելքոնյանի վարժարանը որպես կառույց գործելու է, և իմ դիրքորոշումը հետևյալն է, որ մինչև վարժարանը չունենա ավելի լավ պայմաններ, իսկ լավ պայմանները հատկապես վերաբերում են ռազմակրթական գործընթացին, այդ վարժարանը այդ տարածքում շարունակելու է գործել»:
Հիշեցնենք, որ  Պետական գույքի կառավարման կոմիտեի նախագահ Նարեկ Բաբայանը հայտնել էր, որ ՊԵԿ-ի համար Դիլիջանում կառուցված կենտրոնը նախատեսված է եղել որպես հյուրանոց և առողջարան, որը հատկացվել է վարժարանին, և տարածքն ամբողջությամբ չի օգտագործվում:

Մոնթե Մելքոնյանի անվան ռազմամարզական վարժարանի ղեկավարությունն էլ հայտարարություն էր տարածել Նարեկ Բաբայանի ելույթի մասին, նշելով, որ  Հայաստանի լավագույն ռազմամարզական վարժարանը մանկապարտեզի հետ համեմատելն առնվազն հեգնանք է:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/03/2019

Իրանի և Ադրբեջանի սահմանին փոխհրաձգության հետևանքով ադրբեջանցի զինծառայող է մահացել

Tert.am կայքը գրում է.

Այսօր առավոտյան փոխհրաձգություն է տեղի ունեցել իրանա-ադրբեջանական սահմանին, սպանվել է ադրբեջանցի մեկ զինծառայող, այս մասին տեղեկացնում է INTERFAX-ի ադրբեջանական ծառայությունը:

Հայտնի է, որ միջադեպը տեղի է ունեցել Արցախի Հորադիզ բնակավայրի հարևանությամբ: Ադրբեջանցի սահմանապահները կրակ են բացել Իրանի տարածքից Ադրբեջան մտնել փորձող զինված խմբի ուղղությամբ, որոնք էլ պատասխանել են ադրբեջանական կողմի կրակոցներին: 

Նշվում է, որ փոխհրաձգության ընթացքում վիրավորվել է ադրբեջանցի երկու զինծառայող, որոնցից մեկը մահացել է հիվանդանոցի ճանապարհին: 

Աղբյուրը հայտնում է, որ զինված խմբի անդամներին հաջողվել է փախուստի դիմել, նրանց գտնվելու վայրի մասին տեղեկություններ չեն հաղորդվում: Դեպքի առնչությամբ Ադրբեջանի ռազմական դատախազությունում հարուցվել է քրեական գործ: 

Այլ մանրամասներ չեն փոխանցվում:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

05/03/2019

2019-ին գրանցված 4 զինծառայողի մահվան դեպքի մասին ՊՆ-ն ու ՊԲ-ն չեն հայտնել.Tert.am

Tert.am կայքը գրում է.
Tert.am-ի տեղեկություններով` մոտ երկու ամսվա ընթացքում ՀՀ զինված ուժերում և Արցախի Հանրապետության պաշտպանության բանակում զինծառայողներ են զոհվել, ինչի մասին ՊՆ-ն ու ՊԲ-ն չեն հայտնել։
Տեղեկության վերաբերյալ պաշտոնական պարզաբանում ստանալու համար Tert.am-ը գրավոր հարցում ուղարկեց ՀՀ գլխավոր դատախազություն՝ հարցադրումներով, թե սույն թվականի հունվարի 1-ից փետրվարի 20-ը քանի զոհ է գրանցվել ԶՈւ-ում ու ՊԲ-ում։ ՀՀ գլխավոր դատախազությունից հայտնել են, որ նշված ժամանակահատվածում ԶՈւ-ում ու ՊԲ-ում զինծառայության հետ կապված 3 մահվան դեպք է գրանցվել,4  մահվան դեպք գրանցվել է ծառայության հետ չկապված հանգամանքներում։
Այսինքն՝ 1 ամիս 21 օրվա ընթացքում զոհվել է 7 զինծառայող։ ՀՀ գլխավոր դատախազությունից Tert.am-ի հարցմանն ի պատասխան հայտնել են.
«2019 թվականի հունվարի 1-ից փետրվարի 21-ն ընկած ժամանակահատվածում ՀՀ ԶՈւ-ում և ԱՀ ՊԲ-ում արձանագրվել է զինծառայողների՝ ծառայության հետ կապված մահվան 3 դեպք։

1․ Էդ․ Գրիգորյանի՝ 01․01․2019թ․ մարտական հերթապահության ընդգրկված լինելու ընթացքում մահվան դեպքի կապակցությամբ քրեական գործ է հարուցվել ՀՀ քրեական օրենսգրքի 110-րդ հոդվածի 1-ին մասով նախատեսված հանցագործության հատկանիշներով։
2․ Մ․ Գրիգորյանի՝ 11․02․2019թ․ մարտական հերթապահություն իրականացնելու ընթացքում ժամկետային զինծառայողի կողմից արձակված կրակոցի հետևանքով մահվան դեպքի կապակցությամբ քրեական գործ է հարուցվել ՀՀ քրեական օրենսգրքի 104-րդ հոդվածի 1-ին մասով նախատեսված հանցագործության հատկանիշներով։
3․ Ֆ․ Թամազյանի՝ 12․02․2019թ․ առողջական վիճակի հետ կապված մահվան դեպքի կապակցությամբ քրեական գործ է հարուցվել ՀՀ քրեական օրենսգրքի 376-րդ հոդվածի 2-րդ մասով նախատեսված հանցագործության հատկանիշներով։
Տեղեկացնում ենք նաև, որ նշված ժամանակահատվածում արձանագրվել է ՀՀ ԶՈւ և ԱՀ ՊԲ զինծառայողների՝ ծառայության հետ չկապված մահվան 4 դեպք, որոնցից 2-ը տեղի են ունեցել հիվանդության, և 2-ը՝ ավտովթարի հետևանքով»։
Նշված չորս դեպքի մասին Պաշտպանության նախարարությունն ու Արցախի պաշտպանության բանակը չեն հայտնել, պաշտոնական հաղորդագրություն կամ գրառում չի արվել։
Նշենք, որ Էդգար Գրիգորյանի մահվան փաստի առթիվ հարուցվել է քրեական գործ՝ ինքնասպանության հասցնելու հատկանիշներով, Մեսրոպ Գրիգորյանի մահվան փաստի առթիվ՝ սպանության հատկանիշներով, Թամազյանի մահվան փաստի առթիվ հարուցվել է քրեական գործ՝ ՔՕ-ի 376-րդ հոդվածի 2-րդ մասով՝ անփույթ վերաբերմունքը ծառայության նկատմամբ, որն առաջացրել է ծանր հետևանքներ։
Tert.am-ը լրացուցիչ հարցումներ է ուղարկել չորս զինծառայողի մահվան դեպքի հանգամանքների և հարուցված քրեական գործերի վերաբերյալ պարզաբանումներ ստանալու համար։
Հիշեցնենք, որ Պաշտպանության նախարարությունը 2019 թվականին զոհված Էդգար Գրիգորյանի մասին ևս չէր հայտնել, տեղեկությունն առաջինը հայտնել է Tert.am-ը։ Այդ լուրի հրապարակումից հետո մեկ այլ դեպքի՝ զինծառայող Մեսրոպ Գրիգորյանի զոհվելու մասին «Ֆեյսբուքի» իր էջում գրառում է արել ՊՆ խոսնակ Արծրուն Հովհաննիսյանը։
Մեկ այլ զինծառայողի մահվան մասին հայտնել է Արցախի ՊԲ-ն. «Փետրվարի 12-ին` ժամը 18:00-ին, նախնական` լյարդային անբավարարություն, սրտի կանգ ախտորոշմամբ ծայրահեղ ծանր վիճակում Մարտակերտի զինվորական հոսպիտալ է տեղափոխվել ՊԲ հյուսիս-արևելյան ուղղությամբ տեղակայված զորամասերից մեկի զինծառայող, 2000թ. ծնված Ֆրունզիկ Վալերիի Թամազյանը։ Չնայած բժիշկների գործադրած ջանքերին՝ ժամը 20:30-ի սահմանում գրանցվել է զինծառայողի կենսաբանական մահը»։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

28/02/2019

Ադրբեջանը պետք է մտածի պաշտպանության նախարար Հասանովի ոչ ամբողջական ռազմական կրթության ու «փառավոր» ծառայողական անցյալի մասին. Ա. Հովհաննիսյանի պատասխանն Ադրբեջանին

Tert.am կայքը գրում է.
Կարծում եմ, որ նման բարձր պետական մակարդակում սթափություն է պետք, և իրականության զգացողությունը կորցնելը ճիշտ չէ:  Այս մասին Tert.am-ին ասաց ՀՀ պաշտպանության նախարարության մամուլի խոսնակ Արծրուն Հովհաննիսյանը՝ պատասխանելով հարցին, թե ինչ կարծիք ունեն Ադրբեջանի ԱԳՆ-ի արձագանքի վերաբերյալ:
«Ռազմավարության, հարձակման ու պաշտպանության մասին միայն կարող են խոսել հաղթանակած բանակի ղեկավարները:
Նոր ու շատ զենքեր առնելով դեռ հաղթող չեն դառնում։ Այս ամենի մասին Ադրբեջանի ղեկավարությունը հատկապես պետք է մտածի՝ հաշվի առնելով նաև Ադրբեջանի պաշտպանության նախարար Հասանովի ոչ ամբողջական ռազմական մասնագիտական կրթությունն ու «փառավոր» ծառայողական անցյալը»,- ասաց նա:
Հիշեցնենք, որ պաշտպանության նախարար Դավիթ Տոնոյանը հայտարարել էր, որ Հայոց բանակի փիլիսոփայությունը փոխվել է՝ պաշտպանականից դառնալով հարձակողական: Դրան արձագանքել էր Ադրբեջանի արտգործնախարարությունը՝ նշելով, որ անհնար է իրենց վախեցնել «քարոզչական բնույթի հայտարարություններով»:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

13/02/2019

Ահաբեկիչ երկիրը բացեիբաց հայտարարում է` ինչ է իր բուն նպատակը. հայոց պետականության կործանումն է. Դավիթ Բաբայանը` Ալիևի հայտարարությունների մասին

Tert.am կայքը գրում է.
Ահաբեկիչ երկիրը բացեիբաց հայտարարում է` ինչ է իր բուն նպատակը: Այս մասին Tert.am-ի հետ զրույցում ասաց Արցախի նախագահի մամուլի խոսնակ Դավիթ Բաբայանը՝ անդրադառնալով Ադրբեջանի նախագահ Իլհամ Ալիևի հայտարարությանը:

«Ադրբեջանի բուն նպատակը չի փոխվել, դա հայոց պետականության` և՛ Արցախի, և՛ Հայաստանի Հանրապետության կործանումն է: Սրա մասին Ադրբեջանը միշտ խոսում է, ավելին` մեղադրում է հայկական կողմին բանակցային գործընթացը տապալելու մեջ: Սակայն իր այդ հայտարարություններով հենց ինքն է խոչընդոտում բանակցային գործընթացին: Բայց Ադրբեջանն այսպիսին է, մենք միշտ պետք է հասկանանք ու չմոռանանք, թե ում հետ գործ ունենք: Չպետք է ակնկալել Ադրբեջանից դիրքորոշման փոփոխություն կամ ակնկալել, որ նա ինչ-որ կառուցողական քայլեր է կատարելու, հնարավոր չէ»,- ասաց Բաբայանը:
Հիշեցնենք, որ Ադրբեջանի նախագահ Իլհամ Ալիևը հայտարարել էր, որ Լեռնային Ղարաբաղն Ադրբեջանի անբաժան մասն է, և հակամարտության կարգավորումը հնարավոր է միայն Ադրբեջանի տարածքային ամբողջականության շրջանակում: «Ադրբեջանը երբեք չի հաշտվի իր հողերի «գրավման» հետ: Այժմ աշխարհում իշխող է դառնում ուժի գործոնը. «ով ուժեղ է, նա էլ իրավացի է»»,-ասել էր Ալիևը։
Դավիթ Բաբայանի խոսքով` Ադրբեջանի այս վարքագիծն օբյեկտիվ և սուբյեկտիվ հիմք ունի իր մեջ: «Ադրբեջանը բազմազգ երկիր է և անելու է ամեն ինչ, որպեսզի չճանաչի Արցախը: Ուշ թե շուտ ճանաչելու է, բայց ամեն ինչ անելու է, որպեսզի դա հետաձգվի, որովհետև բազմազգ է: Եթե Արցախը ճանաչի, այլ ազգեր նույնպես կարող են անկախության ձգտման իրենց քայլերը գործնական դարձնել: Ադրբեջանի համար նույնիսկ շատ ավելի վտանգավոր է Արցախի ինքնավարությունը ճանաչել, քան անկախությունը: Իհարկե, մեզ համար անընդունելի է ինքնավարության ճանաչումը, բայց այդ ինքնավարությունն ավելի վտանգավոր է Ադրբեջանի համար, որովհետև այլ ժողովուրդներ նույնպես ինքնավարություն կուզեն, ինչը կնշանակի, որ Ադրբեջանն իրոք արհեստական է, իսկ փոքրամասնություններին ներկայացնում են որպես ադրբեջանցի»,- պարզաբանեց նա:
Նա նշեց, որ Ադրբեջանի համար կա երկու տարբերակ` փորձել ոչնչացնել մեր պետականությունը կամ պարզապես սսկվել: «Որպեսզի Ադրբեջանը չկարողանա կործանել մեր պետականությունը, դրա բանաձևը պարզ է` միշտ պետք է ունենանք ուժեղ բանակ, ներհայկական միասնականության բարձր մակարդակ և միշտ պետք է վարենք ճիշտ արտաքին քաղաքականություն` խորացնելով, ամրապնդելով մեր ավանդական բարեկամների ընկերների դաշնակիցների հետ կապերը, ինչպես նաև զարգացնելով մեր հարաբերություններն այլ երկրների հետ: Սա է բանաձևը՝ ինչպես անել, որպեսզի Ադրբեջանի երազանքներն այդպես էլ մնան երազանքներ»,- շեշտեց նա։
Միևնույն ժամանակ Բաբայանն ընդգծեց, որ Արցախի հիմնախնդրի հետ կապված անկախ իշխանափոխությունից նույն կարևորագույն գաղափարները պահպանվել են: «Կառավարության, Ազգային ժողովի և այլ փոփոխությունները ժողովրդավարական գործընթացներ են, որոնք կան ու պիտի լինեն թե՛ Արցախում, թե՛ ՀՀ-ում,  բայց կան գաղափարներ, որոնք անփոփոխ են, և որոնց փոփոխությունը և ոչ ճիշտ ձևով փոփոխությունը կարող է լինել ճակատագրական:
Այդ խնդիրների շարքին է դասվում նաև Արցախի հիմնախնդիրը: Այս առումով մենք չենք տեսնում որևէ վտանգավոր փոփոխություն: Պաշտոնական Երևանը շարունակում է համարել Արցախը, Արցախյան հիմնախնդիրը որպես հայոց պետականության համար կարևորագույն հարց, կողմնակից է խաղաղ կարգավորման և անպայման Արցախի մասնակցությանը բանակցային գործընթացին լիիրավ ձևով: Հետևաբար, կան գաղափարներ, որոնք պետք է լինեն անփոփոխ, բարեբախտաբար, Արցախի հիմնախնդրի հարցով որևէ լուրջ նեգատիվ բացասական զարգացում չկա, լինի դա Արցախում, թե ՀՀ-ում»,- եզրափակեց նա:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/02/2019

Եթե այդ ժամանակ տեղեկությունը հրապարակվեր, հնարավոր է՝ քննությանը խանգարեր. ՊՆ փոխնախարարը՝ զինվորի մահվան դեպքը չհայտնելու մասին

Tert.am կայքը գրում է.
Եթե այդ ժամանակ զինվորի մահվան մասին տեղեկությունը հրապարակվեր, հնարավոր է՝  քննությանը խանգարեր։ Այս մասին Tert.am-ի հետ զրույցում ասաց ՀՀ պաշտպանության նախարարի տեղակալ Գաբրիել Բալայանը՝ անդրադառնալով դեկտեմբերի 31-ին զինծառայողի մահվան դեպքը չհայտնելուն։
«Տեսե՛ք՝ նախաքննություն է ընթանում, և հանգամանքները ճշտելու կարիք կա։ Մենք չգիտենք՝ ինչ հանգամանքներում է եղել դեպքը»,- ասաց Գաբրիել Բալայանը։
Դիտարկմանը, որ սովորաբար տեղեկատվությունը լինում էր զինծառայողների մահվան մասին հենց դեպքի հաջորդ օրը կամ հաջորդող օրերին, բայց ոչ ավելի, քան մեկ ամիս անց, ՊՆ փոխնախարարը նշեց. «Այո, սովորաբար Պաշտպանության նախարարությունը հնարավորինս հաղորդում է, բայց հաշվի առնելով որոշակի հանգամանքներ՝ այս պարագայում քննությանը կխանգարեր»։
Հիշեցնենք, որ Tert.am-ը հայտնել էր, որ Ամանորի գիշերը հրազենային վնասվածքից մահացել է ՀՀ ՊՆ պայմանագրային զինծառայող Էդգար Գրիգորյանը, սակայն դեպքի մասին Պաշտպանության նախարարությունն ու ՀՀ քննչական կոմիտեն որևէ տեղեկություն չեն հայտնել:
Այս առնչությամբ պարզաբանում, ինչպես նաև տեղեկություն ստանալու համար Tert.am-ը գրավոր հարցումներ էր ուղարկել համապատասխան կառույցներին։
Պաշտպանության նախարարությունից Tert.am-ի հարցմանն ի պատասխան հայտնել էին. «2019 թվականի հունվարի 1-ին՝ ժամը 04:00-ի սահմաններում, ՀՀ ՊՆ N զորամասի մարտական դիրքի պահպանության տեղամասում կրծքավանդակի շրջանում ստացած հրազենային վնասվածքով հայտնաբերվել է նույն զորամասի պայմանագրային զինծառայող Էդգար Էդուարդի Գրիգորյանը: Նա տեղափոխվել է Մեղրի ԲԿ, որտեղ ժամը 08:10-ին մահացել է»:
ՊՆ-ից հայտնել էին, որ դեպքի առթիվ Քննչական կոմիտեում հարուցվել է քրեական գործ ՀՀ ՔՕ-ի 110-րդ հոդվածի 1 մասով՝ ինքնասպանության հասցնելը:
Հարցին, թե այս դեպքից հետո հասարակությունում չե՞ն կարող կասկածներ առաջանալ, որ բանակում մահվան այլ դեպքերի մասին ևս չի հաղորդվում, Գաբրիել Բալայանը պատասխանեց. «Կարծում եմ՝ ոչ, որովհետև ամփոփ տվյալները հրապարակվում են որոշակի պարբերականությամբ»։
«Եվ վերջում նաև հաշվի առե՛ք, որ բոլոր դեպքերում մարդկային ճակատագրի և հարազատների հետ կապված որոշակի նրբություններ կան, որոնք միանգամից հրապարակելը կարող է խնդիր առաջացնել ոչ միայն քննության, այլև ընկալման համար»,- նշեց փոխնախարարը։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ամանորի գիշերը ՊՆ զորամասերից մեկում հրազենային վնասվածքից զինծառայող է մահացել. ՊՆ-ն ու Քննչական կոմիտեն դեպքի մասին չեն հայտնել

Tert.am կայքը գրում է.

Tert.am-ի տեղեկություններով՝ ամանորի գիշերը հրազենային վնասվածքից մահացել է ՀՀ ՊՆ պայմանագրային զինծառայող Էդգար Գրիգորյանը, սակայն դեպքի մասին պաշտպանության նախարարությունն ու ՀՀ քննչական կոմիտեն որևէ տեղեկություն չեն հայտնել, պաշտոնական հաղորդագրություն գերատեսչությունների կայքերում տեղադրված չէ:

Այս առնչությամբ պարզաբանում, ինչպես նաև տեղեկություն ստանալու համար Tert.am-ը գրավոր հարցումներ ուղարկեց համապատասխան կառույցներին:

Պաշտպանության նախարարությունից Tert.am-ի հարցերին, թե ինչու ՊՆ-ն չի հայտնել դեպքի մասին, ի՞նչ հանգամանքներում է գրանցել զինծառայողի մահը, պատասխանել են.

«2019 թվականի հունվարի 1-ին՝ ժամը 04:00-ի սահմաններում, ՀՀ ՊՆ N զորամասի մարտական դիրքի պահպանության տեղամասում կրծքավանդակի շրջանում ստացած հրազենային վնասվածքով հայտնաբերվել է նույն զորամասի պայմանագրային զինծառայող Էդգար Էդուարդի Գրիգորյանը: Նա տեղափոխվել է Մեղրի ԲԿ, որտեղ ժամը 08:10-ին մահացել է»:

ՊՆ-ից հայտնել են, որ դեպքի առթիվ Քննչական կոմիտեում հարուցվել է քրեական գործ ՀՀ ՔՕ-ի  110-րդ հոդվածի 1 մասով՝ ինքնասպանության հասցնելը:

ՊՆ-ից առաջարկել են լրացուցիչ տեղեկությունների համար դիմել քրեական վարույթ իրականացնող մարմնին:

Նշենք,որ Tert.am-ը ՊՆ-ին հարցում ուղարկելուն զուգահեռ գրավոր հարցում է ուղարկել նաև վարույթն իրականացնող Քննչական կոմիտեին:

ՊՆ-ն չի պատասխանել հարցին, թե ինչու այդ մասին որևէ տեղեկություն չի հայտնել:

Tert.am-ի տեղեկություններով՝ պայմանագրային զինծառայողը երեք երեխայի հայր էր:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

13/12/2018

Ես պաշտոնից ազատվելու դիմում չեմ գրել. Լևոն Մնացականյան

Tert.am կայքը գրում է;
Արցախի Հանրապետության պաշտպանության բանակի հրամանատար, գեներալ-լեյտենանտ Լևոն Մնացականյանն իր պաշտոնից ազատվելու մասին դիմում չի գրել: Այս մասին Tert.am-ի հետ զրույցում ասաց Լևոն Մնացականյանը:

Ի պատասխան հարցի, թե լուրեր են շրջանառվում իր պաշտոնանկության վերաբերյալ, Լևոն Մնացականյանն արձագանքեց. «Ես դեռ ոչնչից տեղյակ չեմ»:

Հարցին, թե իր պաշտոնից ազատվելու համար դիմում չի՞ գրել, Լևոն Մնացականյանն ասաց.«Ես իմ պաշտոնից ազատվելու դիմում չեմ գրել»:
Նշենք, որ երեկ գիշեր Tert.am-ի հետ զրույցում Լևոն Մնացականյանի պաշտոնանկության լուրերի վերաբերյալ Արցախի նախագահ Բակո Սահակյանի մամուլի քարտուղար Դավիթ Բաբայանն ասել էր.«Նման հրամանագիր հրապարակվե՞լ է։ Հրամանագիր, որ լինի, կտեսնեն բոլորը, չի լինի՝ չեն տեսնի»։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/11/2018

Երբ նշվում է «տարածքային ամբողջականություն», չի նշանակում, որ Արցախը մտնում է Ադրբեջանի կազմի մեջ․ Դ․ Բաբայանը՝ Ստամբուլում ընդունված հռչակագրերի մասին


Tert.am կայքը գրում է.
Արցախի նախագահի մամուլի խոսնակ Դավիթ Բաբայանի խոսքով՝ ԵԱՀԿ Մինսկի խմբի համանախագահների՝ Ստեփանակերտ այցի ժամանակ քննարկվել են տարբեր հարցեր, այդ թվում՝ Արցախի պաշտոնական դիրքորոշումը, որ Արցախը պետք է մասնակցի ԼՂ հիմնախնդրի բանակցային  գործընթացին որպես լիարժեք կողմ: Նա Tert.am-ի հետ զրույցում նշեց, որ այդ հարցը մշտապես է բարձրացվում, քանի որ այլ տարբերակ պարզապես չկա:

«Հանդիպման ժամանակ տարբեր հարցեր են քննարկվել: Հիմնական շեշտը դրվել է խաղաղության և կայունության պահպանման վրա: Հիմա, սակայն, զարգացում սպասելը դժվար է, որովհետև Ադրբեջանը չի վերանայել  իր հայատյաց ապակառուցողական քաղաքականությունը»,- ասաց նա:

Դավիթ Բաբայանի խոսքով՝ պաշտոնական Ստեփանակերտը ԵԱՀԿ ՄԽ համանախագահների հետ հանդիպմանը նաև կարևորել է, որ վերականգնվի Արցախի և Ադրբեջանի միջև երբեմնի եղած օպերատիվ կապը սահմանում տեղակայված զորամիավորումների հրամանատարների միջև: «Այդպիսի կապ եղել է 1994 թվականից ի վեր մինչև Իլհամ Ալիևի իշխանության գալը, որից հետո այդ խողովակը ևս փակվել է»,- ասաց նա:

Դավիթ Բաբայանի ներկայացմամբ՝ ժամանակին երկու կողմերը ամենօրյա կապ էին պահում, և շատ արագ արձագանքում էին այնպիսի միջադեպերին, որոնք վերաբերում էին զինադադարի կամ սահմանի խախտմանը: «Այդ կապը մեծ ներդրում ուներ զինադադարի և խաղաղության պահպանման գործում: Բայց Իլհամ Ալիևի իշխանության գալուց հետո այն իսպառ վերացավ»,- ասաց նա՝ նշելով, որ իրենց՝ այդ կապը վերականգնելու ցանկությանը հիմա Ադրբեջանը չի արձագանքում:

Դիտարկմանը, թե ՀՀ արտաքին գործերի նախարարությունը հավաստել էր, որ Դուշամբեում Նիկոլ Փաշինյանի և Իլհամ Ալիևի միջև ձեռք բերված պայմանավորվածությունը, որ պետք է օպերատիվ կապ ստեղծել սահմանում, գործում է, Դավիթ Բաբայանն արձագանքեց․

«Դա Հայաստանի և Ադրբեջանի նախագահների միջև կապ է, որը նախկինում էլ է եղել, բայց Բաքվի՝ հատկապես Իլհամ Ալիևի ապակառուցողական քաղաքականության արդյունքում աստիճանաբար խզվել և վերացել է:

Այդ կապը համանախագահներն են դրական գնահատում, մենք ևս համարում ենք, որ դրական քայլ է,  բայց նաև զուգահեռաբար նշում ենք, որ Ադրբեջանն այն երկիրը չէ, որ հավատարիմ է մնում համաձայնություններին․ նա բազմաթիվ անգամներ խախտել է գրավոր, բանավոր համաձայնությունները, միջազգային նորմերը, փաստաթղթերը, իր սեփական օրենդրությունն է խախտում: Հետևաբար մենք դա միշտ պետք է հաշվի առնենք: Այդ օպերատիվ կապը ստեղծելը շատ դրական քայլ է, բայց չի նշանակում, որ վաղը Բաքուն ամենաանհարմար պահին, ամենանենգ ձևով չի խախտի հրադադարի ռեժիմը, ինչպես դա արել է բազմիցս»,- ասաց նա:

Դավիթ Բաբայանն ընդգծեց՝ չնայած ծանոթ են Ադրբեջանի քաղաքականությանը, բայց, այնուամենայնիվ, հայտնում են իրենց ցանկությունը արցախաադրբեջանական սահմանում հրամանատարների միջև օպերատիվ կապի ստեղծման վերաբերյալ, քանի որ գիտակցում են, որ այդպես գոնե հնարավոր կլինի վերահսկել, թե որ կողմն է սահմանին խնդիրներ ստեղծում: «Այդ ժամանակ գոնե հնարավոր կլինի վերահսկողություն սահմանել որոշ հարցերի վրա՝ առանց քաղաքական աղմուկի, առանց շահարկումների»,- ասաց նա: 

Արցախի նախագահի մամուլի խոսնակի հիշատակմամբ՝ անգամ ժամանակին Արցախի և Ադրբեջանի ղեկավարների միջև է եղել օպերատիվ կապ․ վերջիններիս՝ զինադադար խնդրելու և այլ թեմաներով քննարկումների մասին փաստաթղթեր Ստեփանակերտում կան: «Բայց այդ կապն էլ խզվեց, և ոչ միայն այդ կապը․ Իլհամ Ալիևի իշխանություն գալուց հետո խզվել է նաև հասարակությունների միջև կապը»,- ասաց նա:

Tert.am-ը Դավիթ Բաբայանից հետաքրքրվեց նաև Արցախի կարծիքի մասին՝ վերջերս Ստամբուլում ընդունված ԼՂ մասին հռչակագրերի վերաբերյալ,  որոնց մեջ, մի դեպքում Թուրքիան և Վրաստանը, մյուս դեպքում՝ Թուրքիան և Իրանը հայտում են իրենց հարգանքը Ադրբեջանի տարածքային ամբողջականության վերաբերյալ:  

«Մենք պետք է հանգիստ վերաբերվենք նման հռչակագրերին: Նախևառաջ, երբ նշվում է՝ «տարածքային ամբողջականություն», չի նշանակում, որ Արցախը մտնում է Ադրբեջանի կազմի մեջ: Սա քաղաքականություն է, և կարելի է տարբեր կերպ մեկնաբանել: Այսինքն՝ խնդիր չէ, թող Ադրբեջանի տարածքային ամբողջականությունը հարգեն,  բայց դա չի նշանակում, որ Արցախը Ադրբեջանի կազմում է: Մենք ինչու՞ պետք է մտահոգվենք: Իրանը բազմիցս հայտարարել է, որ չունի հատուկ ընդգծված վերաբերմունք ԼՂ հիմնախնդրի վերաբերյալ, միայն ցանկանում է, որ տարածաշրջանում լինի խաղաղություն և կայունություն: Կարծում եմ՝ նույն կերպ է հիմնախնդրին վերաբերում Վրաստանը: Չեմ կարծում նրանք ադրբեջանամետ են և չեն հասկանում թուրքական գործոնի վտանգը: Իհարկե, շատ կարևոր է զբացմունքային պահը, բայց շատ ավելի կարևոր է սառնասրտությունը․ քաղաքականությունը սառը դատողություն է, սառը հաշվարկներ է»,- ասաց նա՝ նշելով, որ չի կարծում, որ Հայաստանին հարևան Վրաստանի և Իրանի օրեր առաջ դրսևորումը հակահայկական քայլ էր:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

26/09/2018

Պաշտոնական Ստեփանակերտը դեմ չի լինի, եթե հանդիպեն Ն. Փաշինյանն ու Ի. Ալիևը, այդ հանդիպումները նպաստում են խաղաղության պահպանմանը. Դ. Բաբայան


Tert.am կայքը գրում է.
ՀՀ վարչապետ Նիկոլ Փաշինյանի՝ ՄԱԿ-ի Գլխավոր ասամբլեայի ելույթում շատ կարևոր մեսիջներ կար՝ Արցախի խնդրի կարգավորման հետ կապված, կար այն, ինչ պաշտոնական Ստեփանակերտը տարիներ շարունակ հնչեցնում է։ 

Tert.am-ի հետ զրույցում նման տեսակետ հայտնեց Արցախի նախագահի մամուլի խոսնակ Դավիթ Բաբայանը՝ հավելելով, որ ՀՀ վարչապետի՝ Արցախի հակամարտության հետ կապված հիմնական շեշտադրումները համահունչ են պաշտոնական Ստեփանակերտի տեսակետին։ Բաբայանն առանձնացրեց վարչապետ Փաշինյանի այն հայտարարությունը, որ Արցախը չի կարող լինել Ադրբեջանի կազմում, որովհետև դա ցեղասպանություն կնշանակի։

Ըստ նրա՝ շատ դիպուկ ու ճիշտ մոտեցում է, ինչի մասին պաշտոնական Ստեփանակերտը միշտ ասել է։ «Ադրբեջանի բուն նպատակը մեզ ոչնչացնելն է, վերադարձ անցյալին կնշանակի Արցախի կորուստ, ինչն էլ կնշանակի հայոց պետականության կորուստ։ Շատ կարևոր է, որ Հայաստանի ղեկավարը շեշտել է, որ Ադրբեջանը պետք է հրաժարվի այն գաղափարներից, որոնք այս տարիների ընթացքում որդեգրել է, քանի որ այն կարծ ու հայատյաց է, ավելին՝ իրենց լուրջ խոչընդոտ է ներկայացնում հակամարտության կարգավորման ճանապարհին։ 

Կարևոր է, որ ՀՀ ղեկավարը հաստատում է, որ հակամարտությունը պետք է կարգավորի խաղաղ ճանապարհով՝  ԵԱՀԿ Մինսկի խմբի համանախագահների ձևաչափով, որին էլ տրված է հակամարտության կարգավորման միջազգայնորեն ճանաչված միակ մանդատը:

 Սա այլ կերպ նշանակում է, որ համանախագահների առաջարկած ձևաչափը պետք է պահպանվի, և այլ պետություններ, մասնավորապես Թուրքիան, չեն կարող մխրճվել այդ համանախագահության կազմ։ Թուրքիան չի կարող լինել չեզոք երկիր. ունի ընդգծված հայատյաց մոտեցում»,- ասաց նա։

Բաբայանի համար կարևոր է նաև այն, որ ևս մեկ անգամ շեշտվել է, որ Արցախը պետք է մասնակցի բանակցային գործընթացին, այսինքն՝ լիարժեք ձևաչափի վերականգնում, քանի որ առանց դրա հնարավոր չէ ակնկալել համապարփակ կարգավորում։ Նա համակարծիք չէ այն դիտարկման հետ, որ վարչապետ Փաշինյանի կողմից արտաքին քաղաքականության կոշտացումն, այսինքն՝ անընդհատ շեշտելը, որ առանց Արցախի բանակցություններ չեն կարող լինել, կարող է բանակցային փակուղի ստեղծել։ Դավիթ Բաբայանը նշեց, որ եթե այդպես լիներ,  ապա Ադրբեջանի կարծր դիրքորոշումը պետք է վաղուց տապալեր  բանակցությունները։ Նրա կարծիքով՝  բանակցությունները պետք է շարունակվեն, պետք է լիարժեք ձևաչափը վերականգնվի՝ պաշտոնական Ստեփանակերտը լիարժեք մասնակցի բանակցությունների բոլոր փուլերին, այլ ոչ թե մի պահ վերադառնա, իսկ հաջորդ փուլերին դուրս գա։ Միևնույն ժամանակ, նա գտնում է, որ բանակցություններր պետք է շարունակվեն, քանի որ եռանախագահության ձևաչափով բանակցությունները կարգավորում են ոչ միայն Արցախյան հակամարտությունը, այլև անմիջականորեն առնչվում է տարածաշրջանում խաղաղության ու անվտանգության հետ։

«Հետևաբար, այդ բանակցությունները պետք է շարունակվեն, քանի դեռ չկա կողմերի ընդհանուր հայտարարի գալու փուլը, բանակցությունների լիարժեք ձևաչափը վերականգնված չէ, հակամարտության կարգավորումն Ադրբեջանի դեստրուկտիվ քաղաքականության շնորհիվ դանդաղում է։ Կարևոր է, որ ինչ-որ կերպ երկխոսություն լինի, որը կնպաստի տարածաշրջանում խաղաղության ու կայունության պահպանմանը։ Այստեղ առանց պաշտոնական Երևանի մասնակցության հնարավոր չէ այդ ամենը պահպանել, քանի որ ադրբեջանա-ղարաբաղյան հակամարտության բռնկվելու դեպքում, պատկերացնո՞ւմ եք, թե ամբողջ տարածաշրջանն ինչ քաոսի կվերածվի։ Այլ խնդիր է, որ պաշտոնական Երևանն ավելի հաճախ է շեշտադրում անում, որ պետք է վերականգնվի լիարժեք ձևաչափը, բայց միևնույն ժամանակ հասկանալի է, որ պաշտոնական Բաքուն փորձելու է խանգարել այս գործընթացին, բայց դա կապ չունի, քանի որ ՀՀ ղեկավարի խոսքը հուշում է, որ ՀՀ-ն պատրաստ է երկարատև, քրտնաջան աշխատանքի ՝ վերականգնելու բանակցությունների լիարժեք ձևաչափը»,- շարունակեց Դավիթ Բաբայանը։

Հարցին՝ այսինքն՝ Արցախը նորմալ կընդունի, եթե, ի վերջո, մի օր հանդիպում կայանա ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի միջև, ԱՀ նախագահի մամուլի խոսնակը պատասխանեց․ «Իհարկե, կողմ կլինենք, քանի որ այդ հանդիպումները նպաստում են խաղաղության կայունության պահպանմանը տարածաշրջանում։ Ռազմաքաղաքական առումով մենք նաև պահպանում ենք այդ կայունությունը, հանդիսանում ենք խաղաղության ու անվտանգության պահպանման կարևոր գործոններից մեկը»։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

06/09/2018

Տավուշի սահմանային գոտում կրակոցները պարբերական բնույթ են կրում, բայց ՀՀ ԶՈՒ-ն իրավիճակը վերահակում է. Դավիթ Տոնոյան


Tert.am կայքը գրում է.
Իրավիճակը Տավուշի մարզի սահմանային գոտում գնահատում եմ կայուն, կրակոցները պարբերական բնույթ են կրում, բայց դա պայմանավորված է որոշ գյուղատնտեսական և շինարարական աշխատանքներով:

Այս մասին ռազմական լրագրողների հետ զրույցում նշեց նախարար Դավիթ Տոնոյանը, ով մասնակցում էր ՊՆ–ի կողմից «Ռազմական լրագրություն 2018» դասընթացի մասնակցության հավաստագրերը հանձնելու միջոցառմանը: Դավիթ Տոնոյանն ասաց, որ մեր ԶՈՒ կողմից իրավիճակը վերահսկվում է:

«Խոտը չոր է, հատուկ կրակում են, որպեսզի տեսանելիություն ունենան. տարբեր իրավիճակներ են ստեղծվում. խոտն այրվում է, մեկ-մեկ  գնում է դեպի անտառ, քամին փչում է դեպի իրենց: Բայց անհանգստանալու խնդիր այս պահին չկա»,- շեշտեց պաշտպանության նախարարը:

Անդրադառնալով հարցին, թե այս պահին Տավուշի մարզում մարտական հերթապահություն իրականացնող ոստիկանության զորքերի ներկայացուցիչները որքանով են ինտեգրվել բանակին՝ հաշվի առնելով, որ հաստիքացուցակները տարբեր են, Դավիթ Տոնոյանն ասաց.

«Քանի որ ոստիկանական զորքերն այլ զորքերի դասի են պատկանում, իրենք ունեն և՛ մարտական պատրաստվածություն, և՛ հատուկ պատրաստվածություն, արդեն վարժված, պատրաստված են և շատ հեշտ ինտեգրվում են մեր ստորաբաժանումների կազմին:

ԶՈՒ համազգեստ են կրում, գտնվում են միասնական հրամանատարական ուղղահայացի ներքո»:

Անդրադառնալով Tert.am-ի հարցին՝ արդյոք ոստիկանական զորքի ներկայացուցիչները, որոնք սահմանին վիրավորվում կամ զոհվում են, կարող են դառնալ 1000 դրամների հիմնադրամի շահառու, Դավիթ Տոնոյանը պատասխանեց՝ միանշանակ, այո:

«Ոստիկանական զորքերը մեր Զինված ուժերի բաղկացուցիչ մասն են կազմում, ինչպես նաև սահմանապահ զորքերը»,- շեշտեց նա:

Անդրադառնալով Tert.am-ի մեկ այլ հարցի՝ արդյոք կամավորական խմբերը, որոնք ցանկանում են պայմանագրային հիմունքներով համալրել ԶՈւ շարքերը, ավելացել են և արդյոք բոլոր կարգավորումներն են տարածվում նրանց վրա «Սև Հովազ» ջոկատի օրինակով, նախարարն ասաց.

«Իրենք ևս մեր ապահովման վրա են, և 1000 դրամների ապահովագրությունն է իրենց վրա տարածվում: Մենք ունենք բավականին մեծ քանակությամբ դիմումներ, որպեզի կամավորները մարտական հերթապահություն իրականացնեն: Տեսե՛ք՝ մեզ համար կամավորները, որոնք այս պահին մտնում են ԶՈւ կազմ, դառնում են մեր պայմանագրային զինծառայողները, իրենք ոչնչով չեն տարբերվում»,- եզրափակեց նա:

 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: Տեղեկացրու՛ ընկերներիդ`

13/08/2018

Նախիջևանում լարվածության աճն անխուսափելի էր, ցանկացած պահի իրավիճակը կարող է սրվել. Կ. Վրթանեսյան (տեսանյութ)


Tert.am կայքը գրում է.
Պետք է հասկանանք, որ ցանկացած պահի Նախիջևանի ինչ-որ հատվածում իրավիճակը կարող է սրվել: Այս մասին Tert.am-ի հետ զրույցում ասաց Razm.info մասնագիտացված կայքի համակարգող, ռազմական հարցերով փորձագետ Կարեն Վրթանեսյանը` անդրադառնալով Նախիջևանի հատվածում գրանցված միջադեպին, որի վերաբերյալ  գրառում է կատարել ՀՀ պաշտպանության նախարարի մամուլի խոսնակ Արծրուն Հովհաննիսյանը:

«Նախ, մանրամասներ հայտնի չեն, թե ինչ է կատարվել Նախիջևանում, ինչպես է վիրավորվել ադրբեջանցի զինվորը: Մի տարօրինակություն նշեմ` Ադրբեջանը սովորաբար չի հայտնում իր վիրավորների մասին, նույնիսկ զոհերի մասին չեն հայտնում իրենք: Շատ հազվադեպ է լինում, որ պաշտոնական հայտնեն ինչ-որ սպանվածի մասին, այնպես որ զարմանալի է այն, որ հայտնել են վիրավորի մասին: Երևի նպատակ կա ցույց տալու, որ հայկական կողմն ինչ-որ բան է անում Նախիջևանում:

Այն, որ Նախիջևանի ուղղությամբ պարբերաբար լինելու են նման միջադեպեր, դա էլ սպասելի է այն պահից սկսած, երբ դիրքերը մոտեցրին: Այդ պահից սկսած սպասելի էր, որ լարվածությունը աճելու է: Եթե առաջ կիլոմետրով հեռու էին, հիմա մոտեցել են, հասկանալի է, որ լարվածությունն աճելու է»,-նշեց նա:

Կարեն Վրթանեսյանը նշեց, որ Ադրբեջանը պիտի հասկանա, որ հայկական կողմը ձեռքերը ծալած չի նստելու և փորձելու է չեզոքացնել նոր դիրքերում ամրանալու ցանկացած փորձ:

«Հիմա Նախիջանում ինչ-որ աշխատանքներ են տանում, ճանապարհներ են բարելավում, որպեսզի կարողանան այդ դիրքերին մատակարարում իրականացնել, բնական է, որ հայկական կողմն էլ փորձում է կասեցնել այդ գործողությունները»,-նկատեց նա:

Մանրամասները` տեսանյութում:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`