Showing posts with label տարելից. Show all posts
Showing posts with label տարելից. Show all posts

12/08/2019

Այսօր Կարեն Հովհաննիսյանի մահվան 4-րդ տարելիցն է


Գյումրի 12.09.2019թվ.Banak.info
2015թվ. օգոստոսի 12-ին ՊԲ արևելյան ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված գնդակից մահացու հրազենային վիրավորում է ստացել զինծառայող 1992թվ.ծնված Կարեն Պարույրի Հովհաննիսյանը: 
Կարենը ծնունդով Երևան քաղաքից էր, մինչ ծառայության մեկնելը աշխատել է, օգնել ծնողներին։
2013թվ. էլ զորակոչվել էր պարտադիր զինվորական ծառայության Արցախում, ծառայության ավարտին մնացել էր ընդամենը 4 ամիս։
Կարենի մայրը՝ տիկին Անուշը, մեզ հետ զրույցում պատմում է, որ որդին մեծ սիրով է անցել ծառայության, սիրում էր բանակը, ծառայությունից չէր դժգոհում։ Նշում է, որդին շատ համեստ էր, սիրված իրեն ճանաչողների կողմից, բարի ու նվիրված, հավասարակշռված։
Կարենը ազատ ժամանակ պարի է հաճախել, ինչպես նաև զբաղվել ֆուտբոլով, երազանքներից մեկն էր նույն դաշտում խաղալ հայտնի ֆուտբոլիստների հետ։
Կարեն Պարույրի Հովհաննիսյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։


Ալվինա Հարությունյան 




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/08/2019

10 տարի առաջ 2009թվ. օգոստոսի 4-ին զոհվել է Արամ Մեժլումյանը


Գյումրի 04.08.2019թվ.Banak.info
2009թվ. օգոստոսի 4-ին արցախա-ադրբեջանական հակամարտ զորքերի շփման գծի հյուսիսային ուղղությամբ տեղակայված մարտական հենակետերից մեկի պահպանության տեղամասում, թշնամու կողմից դիպուկահարի կրակոցից զոհվել է ՊԲ զինծառայող Արամ Միշայի Մեժլումյանը։
Արամը ծնունդով Արարատի մարզի Շահումյան գյուղից էր։
2007թվ. անցել էր պարտադիր զինվորական ծառայության Մարտակերտի շրջանի N զորամասում։ Ծառայության առաջին օրվանից Արամն աչքի էր ընկել իր նախաձեռնող բնավորությամբ, կարճ ժամանակահատվածում արժանացել էր եֆրեյտորի, ապա կրտսեր սեժանտի զինվորական կոչման։

 -Արամիս ծառայակիցները պատմում էին նրա հոգատարության մասին, թե ինչքան ուշադիր է եղել իր զինվորների հանդեպ: Պատմում են, որ զինվորներին հանձնարարված գործը Արամս անում էր նրանց հետ միասին, որ մի կոնֆետը կիսում էր հավասար մասերի ու տալիս զինվորներին: Սահմանը հատած վիրավոր շանը խնամել է, ասել են Արա՛մ, կսատկի բաց թող, թող գնա, ասել է. «Տղերք, տեսե՛ք հեսա ինչ շուն է դառնում»:
Ասում են, շան ոտքը վիրակապել է, ու իր ասածով էլ եղել է, լավացել է ու մեծացել: Պատմում են, որ տղայիս դեպքից հետո, շունը կապը կտրել ու նորից հատել է սահմանը:
Երբ արձակուրդ էր եկել, ասում էինք, Արամ ջան, ինչի՞ ես շտապում գնաս, ասում էր՝ գնամ տղերքս մենակ են, գնամ հասնեմ իրանց. Banak.info կայքին տված հարցազրույցներից մեկի ժամանակ պատմել է Արամի մայրը՝ Տիկին Լաուրան։

 Արամ Միշայի Մեժլումյանը հետմահու պարգևատրվել է ԱՀ նախագահի կողմից «Արիության համար» մեդալով և «Մայրական երախտագիտություն Արցախի քաջորդիներին» հուշամեդալով, ինչպես նաև ծառայության ընթացքում արժանացել էր բազմաթիվ խրախուսանքների, «Քաջարի մարտիկ» կրծքանշանի։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Արամ Գրիգորյանի մահվան 5-րդ տարելիցն է



Գյումրի 04.08.2019թվ.Banak.info
2014թվ. օգոստոսի 4-ին արցախա-ադրբեջանական հակամարտ զորքերի շփման գծի Քարվաճառի ուղղությամբ տեղակայված մարտական հենակետերից մեկում հակառակորդի դիպուկահարի կողմից արձակված կրակոցից զոհվել է ՊԲ պայմանագրային զինծառայող, Արամ Մկրտիչի Գրիգորյանը։
Արամը ծնվել էր 1971թվ. Արագածոտնի մարզի Վերին Բազմաբերդ գյուղում։
Տեղի դպրոցն ավարտել էր 8-ամյա կրթությամբ, հետո շարունակել Ներքին Մասնաշենի դպրոցում։ Ավարտել և ծառայության էր անցել Խորհրդային բանակում։ 1991թվ. զորացրվել էր, իսկ օրեր անց մեկնել Արցախ։
Արամ Գրիգորյանը մասնակցել է Արցախյան պատերազմին։ Կռվել է Պետրոս Ղևոնդյանի ջոկատում, Ժիրայր Սեֆիլյանի` «Շուշիի առանձնակի գումարտակ»-ի և Կարո Քեհքեջյանի` «Խաչակիրներ» ջոկատներում։ Մասնակցել է Շահումյանի, Հադրութի, Մարտակերտի, Ֆիզուլիի մարտերին: 
Արցախյան ազատամարտի ավարտից հետո էլ Արամը չլքեց հայկական բանակի շարքերը և շարունակեց ծառայել, որպես պայմանագրային զինծառայող։
2000թվ. Արամն ամուսնացել է, ունի երեք երեխա։
2002թվ. ընտանիքը բնակության էր մեկնել Արցախի Քարվաճառի շրջանի Հավսթաղ գյուղ։
Արամ Մկրտիչի Գրիգորյանը հետմահու պարգևատրվել է ՀՀ Նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Նյութի տվյալները վերցված են Արմինե Կարախանյանի  ֆեյսբուքյան էջից

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

03/08/2019

Վաշտի հսկան՝ Սարգիսը հրամանատարի կողքին կռվեց մինչև վերջին շունչը


Գյումրի 03.08.2019թվ.Banak.info
2014թվ. հուլիս-օգոստոս ամիսներին արցախա-ադրբեջանական հակամարտ զորքերի շփման գծում գգալի լարվածության աճ էր նկատվել: Թշնամու կողմից ձեռնարկված մի քանի դիվերսիաները ձախողվել էին հայկական ԶՈՒ-ի պատասխան գործողությունների արդյունքում:
Օգոստոսի 2-ի գիշերը Մարտակերտի ուղղությամբ հակառակորդը ձեռնարկել էր հետախուզադիվերսիոն ներթափանցման փորձ։ Հակառակորդի առաջխաղացումը կասեցնելիս զոհվել է ՊԲ զինծառայող, ավագ լեյտենանտ  Զորիկ Ժիրայրի Գևորգյանը և վիրավորվել ՊԲ զինծառայող Սարգիս Մովսիսյանը։
Հրամանատարի՝ Զորիկի հետ Սարգիսը վիրավոր պայքարել է չլքելով նրան, օգոստոսի 3-ին նա մահացել է զինհոսպիտալում:
Սարգիս Մովսիսյանը հետմահու պարգևատրվել է ՀՀ և ԱՀ նախագահների կողմից «Արիության համար» մեդալներով:

Սարգիսը 2012թվ. էր ծառայության անցել սկզբնական շրջանում Վանաձորի ուսումնական զորամասում, որից հետո շարունակել էր Մարտակերտի շրջանի N զորամասերից մեկում, որպես  հետախույզ կրտսեր սերժանտ, հետագայում արդեն սերժանտ՝ ջոկի հրամանատար։
Ծառայության ընթացքում Սարգիսը իր ֆիզիկական ահռելի ուժի արդյունքում ծառայակիցների կողմից ստացել էր Վաշտի հսկա անունը։
Սարգսի ու հրամանատարի՝ Զորիկի վերջին մարտը հակառակորդին մեծաքանակ զոհեր պատճառեց։ Սարգիսը հրամանատարին չլքեց, վիրավոր ժամանակ էլ շտապել էր օգնել Զորիկին։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։


Ալվինա Հարությունյան 


Նյութի տվյալները վերցված են Էդգար Էլբակյանի «Հայ-ադրբեջանական պատերազմ և մերօրյա հերոսներ» գրքից:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/08/2019

Այսօր Գևորգ Հարությունյանի մահվան 3-րդ տարելիցն է


Գյումրի 02.08.2019թվ.Banak.info
2016թվ. օգոստոսի 2-ին` ժամը 15:00-ի սահմաններում, ՊԲ արևելյան ուղղությամբ տեղակայված զորամասերից մեկի պահպանության տեղամասում ականի պայթյունից մահացել է Գևորգ Արթուրի Հարությունյանը։
Գևորգը ծնվել էր 1996թվ. Երևանում։
Սովորել էր Երևանի թիվ 127 դպրոցում և ավարտել 2013թվականին։ 
Մինչ բանակ զորակոչվելը խոհարարություն էր սովորել, աշխատում էր։
2015թվ. զորակոչվել էր պարտադիր զինվորական ծառայության Ասկերանի N զորամասում, կոչումով կրտսեր սերժանտ էր։
Գևորգի մայրը՝ Տիկին Անահիտը, մեզ հետ զրույցում պատմում է, որ որդին շատ ընկերասեր էր, հայրենասեր, լուսավոր ժպտերես ու կյանքով լեցուն։
Գևորգ Արթուրի Հարությունյանը հետմահու պարգևատրվել է ԱՀ և ՀՀ նախագահների կողմից «Արիության համար» մեդալներով։
Գևորգը ընտանիքում միակ որդին էր, նրա զոհվելուց հետո ընտանիքում լույս աշխարհ է եկել եղբայրը, ով կրում է Գևորգի անունը։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանի վիշտը։


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Անորսալի գայլի վերջին մարտը.2014թվ. օգոստոսի 2


Գյումրի 02.08.2019թվ.Banak.info
 «Неуловимый одинокий волк» ռազմանունը թերևս հակառակորդին շատ բան է ասում, հենց նրանք էին այսպես բնորոշում Զորիկ Գևորգյանին, ով մարտական խնդիրները հաճախ կատարում էր միայնակ, հեշտությամբ հակառակորդին ցույց տալով իր ներկայության ու գործողության մասին, մեկ անգամ չէր որ թշնամին սեփական մասշկի վրա զգացել էր Զորիկի բազկի ուժը։ 

 «2014 թ. օգոստոսի 1-ի լույս 2-ի գիշերը Զորիկ Գևորգյանի հետախուզական վաշտին վստահվեց պաշտպանելու այն դիրքը, որի ուղղությամբ օրեր առաջ տեղի էր ունեցել թշնամու դիվերսիոն հետախուզական ներթափանցման փորձ։
Երեկ­յան 22:00-ի սահմաններում զորամասի հրամանատար Էդվարդ Ասրյանը գնացել է հետախուզական վաշտի պաշտպանած դիրք ու նոր գիշերային նշանոց տրամադրել Զորիկին՝ հարցնելով, թե որն է ավելի լավը՝ հինը, թե նորը։ Փորձարկելով նշանոցը՝ հմուտ հետախույզը պատասխանել է՝ «70 մետրի վրա թնամու շարժը տեսնում եմ, շատ լավն
է»: Հրամանատարը հարցրել է՝ «Իսկ եթե թշնամին առջևդ դուրս գա՞»։ «Կսատկացնեմ»,- իրեն բնորոշ կենսախնդությամբ պատասխանել է Զորիկը։ Խոսքից զատ Զորիկը նաև գործնական միջոցների էր դիմել՝ կանխավ իր ԱԿ-74 գիշերային նշանոցով զենքի պահունակը փոխարինելով ձեռքի գնդացրի 45 փամփշտանոց պահունակով:

 Գիշերը՝ ժամը 02:10­ի սահմաններում, թշնամու դիվերսիոն խմբին հաջողվում է տեղորոշել հետախուզական վաշտի պահպանած դիրքը և առաջանալ այդ ուղղությամբ։ Թշնամու ուժեղացված խումբն առաջացել է երկու խմբով՝ գրոհող և ապահովող։ Այդքան բազմաքանակ խումբն իր հետ բերել էր նաև գծային կապի մալուխ և ձեռնաշղթաներ. միով բանիվ՝ թշնամու նպատակը մաքսիմալ էր՝ ոչնչացնել կամ գերեվարել հայկական դիրքի անձնակազմին և գրավել դիրքը։ Սրանով Ադրբեջանը փորձում էր սրբել նախորդ գիշերը կրած խայտառակությունը, երբ հայկական հատուկ նշանակության խմբի կողմից ոչնչացվել էին միանգամից ութ ադրբեջանցի կոմբատանտ։

 Գիշերային նշանոցով նկատելով թշնամու մոտ լինելը՝ Զորիկը հրամայում է արթնացնել հանգստացողներին, դիրքավորվել և պատրաստ լինել հակառակորդի հարձակմանը։ Գիտակցելով, որ երիտասարդ զինվորների համար բարդ է իսկույն մարտի մեջ մտնելը՝ Զորիկը գլխի շրջանում մահացու խոցում է փշալարը քանդել փորձող թշնամու մեկ գրոհայինի։ Թշնամին սկսում է կրակ բացել Զորիկի կրակած ուղղությամբ։ Զորիկը շարունակում է կռիվը՝ հմտորեն փոխելով դիրքը և մեկական թիրախային կրակոցներ ուղղելով թշնամու ուղղությամբ։ Քաջարի սպան թշնամու կենդանի ուժի երկրորդ թիրախը խոցում է սրտի շրջանում։ Կռիվը բարդ էր նրանով, որ նախորդ դիվերսիայից հետո տվյալ դիրքում տակավին չէին իրականացվել ինժեներատեխնիկական անհրաժեշտ աշխատանքներ, և թշնամին կարողացել էր կիսաշրջանաձև թևանցել Զորիկի և իր հրամանատարության տակ եղած զինծառայողների պահպանած դիրքը հարևան երկու դիրքերից:
 Այնուամենայնիվ, անգամ նման պայմաններում Զորիկը կարողանում է շարունակել մարտը՝ անընդհատ փոխելով դիրքը։ Հավաստանշելով Զորիկի տեղը՝ թշնամին խոցում է հայ սպային ոտքից, քիչ անց` նաև կողքից։ Ծնկած դիրքում վերստին փոխելով տեղը և նկատելով թշնամու առաջացող խմբին՝ Զորիկը նռնակ է նետում վերջիններիս ուղղությամբ։ Թշնամին, խուճապի մատնվելով, աստիճանաբար սկսում է նահանջել՝ մարտադաշտից հանելով նաև վիրավորներին։ Ընդհանուր առմամբ Զորիկի զենքից այդ գիշեր թշնամու ուղղությամբ արձակվեց 29 կրակոց։ Զորիկի զենքը չէր լռի, եթե թշնամու դիպուկահարը, զննադիտարկելով հայկական դիրքից տեղացող կրակների ուղղությունն ու օրինաչափությունը, հարևան դիրքից չխոցեր հերոսին գլխի շրջանում:
  Նահանջող թշնամին ՌՊԳ-26 միանգամյա օգտագործման հակատանկային նռնականետով խոցում է հայկական դիրքերը: Ընդհանուր առմամբ ամբողջ մարտը տևեց 15 րոպե։ Զորիկի հետ հավասար հարևան խրամաբջջից թշնամու դեմ կրակ էր տեղում ժամկետային սերժանտ Սարգիս Մովսիսյանը, ով նույնպես վիրավորվել էր մարտում։ 
Նկատելով, որ Զորիկի կողմից տեղացող կրակը դադարել է, իսկ այնուհետև, որ բռնկվել է զինանոցը՝ Սարգիսը վիրավոր վիճակում շտապում է հրամանատարի մոտ՝ ցանկանալով ապահովել վերջինիս դին թշնամու վրեժխնդրությունից։ Սարգիսն այդ ժամանակ ստանում է երկրորդ վիրավորումը։ Սարգիս Մովսիսյանը մահանում է օգոստոսի 3-ին հոսպիտալում։

 Միայնակ Գայլի և Վաշտի Հսկայի՝ Սարգսի անօրինակ սխրանքի շնորհիվ ձախողվում է թշնամու նախօրոք մշակված ռազմական պլանը։ Զորիկն ու Սարգիսը բարձր պահեցին հայ զենքի պատիվը՝ ապահովելով Հայաստանի հաղթանակն օգոստսսյան հնգօրյա միկրոպատերազմում». Հատվածը Էդգար Էլբակյանի «Հայ-ադրբեջանական պատերազմ և մերօրյա հերոսներ» գրքիրց։

 Ծավալված գործողությունները հակառակորդին մեծաքանակ վնասներ պատճառեցին, հայկական կողմը իր զգոնության ու ճիշտ մարտերի արդյունքում տապալեց հակառակորդի նախապես ծրագրված գործողությունները։ 

 Զորիկը ծնունդով Տավուշի մարզի Իջևան քաղաքից էր, սակայն ընտանիքը բնակություն է հաստատել Վանաձոր քաղաքում։
Զորիկը 2006-2010թթ.սովորել և ավարտել էր Վազգեն Սարգսյանի անվան Ռազմական ինստիտուտը (ներկայումս համալսարան), և ծառայության անցել Արցախում, Զորկը հետախուզական վաշտի հրամանատարն էր։
Զինվորականի բարդ ու պատասխանատու մասնագիտությունը Զորիկը ժառանգել էր հորից, ով նույնպես զինվորական է, երբեք չփուսափելով դժվարություններից նա ընտրեց զինվորական գործի ամենաբարդ ուղղվածությունը, որը հաղթահարեց պատվով։

  Զորիկ Ժիրայրի Գևորգյանը հետմահու պարգևատրվել է ՀՀ նախագահի կողմից «Մարտական խաչ» 2-րդ աստիճանի շքանշանով, ԱՀ նախագահի կողմից «Արիության համար» մեդալով, ինչպես նաև շնորհվել է կապիտանի զինվորական կոչում։
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Նյութի տվյալները վերցված են Էդգար Էլբակյանի «Հայ-ադրբեջանական պատերազմ և մերօրյա հերոսներ» գրքից:
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/08/2019

Այսօր Գոռ Գրիգորյանի մահվան 5-րդ տարելիցն է



Գյումրի 01.08.2019թվ.Banak.info
2014թվ. օգոստոսի 1-ին Արցախի ՊԲ մարտական հենակետերից մեկում համածառայակցի կողմից զենքի կանոնների խախտման արդյունքում հերթապահության ժամանակ զոհվել է ՊԲ զինծառայող, լեյտենանտ Գոռ Գրիգորյանը(Aravot.am):
Aravot.am կայքին տված հարցազրույցներից մեկի ժամանակ ԱՀ ՊՆ մամուլի խոսնակ Սենոր Հասրաթյանը ասել է.
«Գոռ Գրիգորյանը յոթերորդ պաշտպանական գոտու ամենաբարդ դիրքում է կանգնած եղել, ինքը դիրք էր պահում, մարտական հերթապահության ժամանակ է զոհվել, հետո ի՞նչ, որ համածառայակցի կողմից կանոնների խախտման արդյունքում է զոհվել, բայց ինքը սահմանը պահում էր ամենադժվարին պահին, եւ պետությունը գնահատել է»: 

Գոռը ծնվել էր 1990թվ. Արմավիրի մարզի Ջանֆիդա գյուղում:Դպրոցն ավարտելուց հետո ընդունվել էր Վ.Սարգսյանի անվան Ռազմական ինստիտուտ, որն ավարտել էր 2012թվ. և ծառայության անցել Արցախում:
Գոռը ծառայության ընթացքում մշտապես աչքի է ընկել իր մասնագիտական բարձր պատրաստվածությամբ, արիությամբ, իր հոգատար ու նվիրված աշխատանքով։
Գոռ Բաբկենի Գրիգորյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

31/07/2019

5 տարի առաջ հակառակորդի դիվերսիոն գործողությունները կասեցնելիս զոհվել են Արարատ Խանոյանն ու Ազատ Ասոյանը



Գյումրի 31.07.2019թվ.Banak.info
2014թվ. հուլիս-օգոստոս ամիսներին արցախա-ադրբեջանական հակամարտ զորքերի շփման գծում լարվածության աճ էր գրանցվել։
Արդյունքում հայկական ԶՈՒ-ն կասեցրել էր մի քանի դիվերսիաներ և թշնամուն պատճառել կենդանի ուժի կորուստներ:
Հուլիսի 31-ի առավոտյան չորս հայ դիրքապահներ կատարում էին հանձնարարված առաջադրանքը՝ մարտական դիրք պիտի հասցնեին իրենց համար նախատեսված սնունդը: Ճանապարհին տղաներից ոչ հեռու դարանակալած են եղել թշնամու չորս հատուկջոկատայիններ, որոնց նպատակներ էր գերևարել հայ զինծառայողներին։
Մարտական գործողությունների ժամանակ զոհվել են Ազատ Ասոյանն ու Արարատ Խանոյանը, իսկ Նորայր Քամալյանը բազմաթիվ ծանր վիրավորումներ էր ստացել:

Ազատ Ասոյանը ծնունդով ՌԴ Սամարա քաղաքից էր, ընտանիքն ավելի վաղ վերդարձել էր Հայաստան։
2012թվ. ծառայության էր անցնել Արցախի Մարտակերտի շրջանի N զորամասում որպես հետախույզ։
Ազատը սպորտով էր զբաղվում, բազմաթիվ մրցաշարերի հաղթող էր։

Արարատ Խանոյանը ծնունդով Արմավիրի մարզի Սարդարապատ գյուղից էր: Ընտանիքը որոշ ժամանակ բնակվել էր ՌԴ-ում, սակայն վերադարձել հայրենիք։
2012թվ. անցել էր պարտադիր զինվորական ծառայության սկզբնական շրջանում Վանաձորի ուսումնական զորամասում, որից հետո ծառայությունը շարունակել էր Մարտակերտի շրջանի N զորամասում։

Ազատ Ասոյանն ու Արարատ Խանոյանը հետմահու պարգևատրվել են ՀՀ նախագահի կողմից «Մարտական ծառայություն» և ԱՀ նախագահի կողմից «Երախտագիտություն» մեդալներով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 



Նյութի տվյալները վերցված են Էդգար Էլբակյանի «Հայ-ադրբեջանական պատերազմ և մերօրյա հերոսներ» գրքից:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/07/2019

Այսօր Արմեն Հայրապետյանի մահվան 5-րդ տարելիցն է


Գյումրի 29.07.2019թվ.Banak.info
2014թվ. հուլիսի 29-ին Արցախի ՊԲ մարտական հենակետերից մեկում ականի պայթյունից զոհվել է ՊԲ պայմանագրային զինծառայող Արմեն Յուրիի Հայրապետյանը։
Արմենը ծնվել էր 1980թվ. Արցախի Մարտունու շրջանի Սոս գյուղում։ Դպրոցն ավարտելուց հետո անցել էր պարտադիր զինվորական ծառայության։
1999թվ. մասնակցել էր Համազորային հրամանատարական դասընթացների, ստացել լեյտենանտի զինվորական կոչում ու շարունակել ծառայությունը։ 
Հետագայում լավ ծառայության համար արժանացել էր բազմաթիվ պատվոգրերի ու մեդալների, հասել մինչև կապիտանի զինվորական կոչման։
Արմեն Յուրիի Հայրապետյանը հետմահու պարգևատրվել է ՀՀ նախագահի կողմից «Մարտական ծառայություն», ԱՀ նախագահի կողմից «Արիության» մեդալներով։
Արմենն ամուսնացած էր, ունի 2 երեխա։
Հանուն հայ զինվորի ՀԿ-ն և Banak.info-ի խմբագրությունը ցավակցում է ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

26/07/2019

Այսօր Խաչատուր Բադասյանի մահվան 5-րդ տարելիցն է


Գյումրի 26.07.2019թվ.Banak.info
2014թվ. հուլիսի  25-ի լույս` 26-ի գիշերը ղարաբաղա-ադրբեջանական հակամարտ զորքերի շփման գծի հյուսիսային և հյուսիս-արևելյան ուղություններով հակառակորդը ձեռնարկել էր դիվերսիոն հետախուզական ներթափանցման փորձեր: Հայկական կողմը ժամանակին հայտնաբերել և դիմել էր պատասխան գործողությունների, որի արդյունքում թշնամին կրել էր զգալի կորուստներ՝ թողնելով զինամթերք և հետ շպրտվել ելման դիրքեր:Ծավալված գործողությունների արդյունքում զոհվել է ՊԲ ժամկետային զինծառայող 1994թվ. ծնված Խաչատուր Լևոնի Բադասյանը:

Խաչատուրը ծնունդով Տավուշի մարզի Հաղթանակ գյուղից էր։
2012թվ. ինքնակամ ցանկություն էր հայտնել ծառայել Արցախում, որի արդյունքում ծառայության էր անցել Մարտակերտի շրջանի N զորամասում։
Նվիրված ու բարեխղճորեն է ծառայել, սիրված եղել թե՛ ապայական անձնակազմի, թե՛ ծառայակիցների կողմից։

Խաչատուր Բադասյանը հետմահու պարգևատրվել է ՀՀ և ԱՀ նախագահների կողմից  «Արիության համար» մեդալներով:
Արցախյան ազատամարտի տարիներին Հաղթանակ գյուղը բազմաթիվ զոհեր է ունեցել, հրադադարից հետո Խաչատուրը համալրեց նրանց շարքերը, կյանքը զոհելով հայրենիքի համար։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։



Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

18/07/2019

Այսօր Իգոր Ասրյանի մահվան 9-րդ տարելիցն է


Գյումրի 18.07.2019թվ.Banak.info 
2010թվ. հուլիսի 18-ին արցախա-ադրբեջանական սահմանի հարավարևելյան ուղղությամբ տեղակայված զորամասերից մեկի պահպանության տեղամասում, հակատակորդի կողմից արձակած գնդակից մահացու հրազենային վիրավորում է ստացել 1983թվ. ծնված կապիտան Իգոր Գառնիկի Ասրյանը։ 
 Իգորը ծնունդով Արցախի Մարտունու շրջանի Նորաշեն գյուղից էր։ 2001թվ. ավարտելով տեղի դպրոցը ընդունվել է Վ.Սարգսյանի անվան Ռազմական համալսարան։ 
 Իգորն ավարտելուց հետո վերադարձել է Արցախ՝ լեյտենատի զինվորական կոչմամբ ծառայության անցնել Մարտունու պաշտպանական շրջանի զորամասերից մեկում։ 
 Ծառայության ընթացքում բազմաթիվ անգամներ խրախուսանքների է արժանացել, պատվոգրերի, նվերների, շնորհակալագրերի, ինչպես նաև պարգևատրվել է ԱՀ «Մարտական ծառայություն» մեդալով։ 
 2009թվ. Իգորը ամուսնացել էր, զոհվելուց հետո 40 օր անց լույս աշխարհ է եկել նրանց ընտանիքի առաջնեկը: Կինը՝ Կարինեն որդուն անվանակոչել է հոր պատվին՝ Իգոր։ Մեզ հետ զրույցում Կարինեն նշում է, որ ամուսինը շատ նվիրված էր իր ծառայությանը, ուշադիր իր զինվորների հանդեպ, լավ մարդ էր, բարի ու հայրենասեր։ 
Իգոր Գառնիկի Ասրյանը հետմահու պարգևատրվել է ԱՀ նախագահի կողմից «Արիություն» մեդալով։ Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

11/07/2019

Այսօր Մովսես Գասպարյանի մահվան 5-րդ տարելիցն է


Գյումրի 11.06.2019թվ.Banak.info
2014թվ. հուլիսի 11-ին արցախա-ադրբեջանական հակամարտ զորքերի շփման գծի հարավ-արևելյան ուղղությամբ տեղակայված զորամասերից մեկի պահպանության տեղամասի մարտական հենակետում, հակառակորդի կողմից հրազենային գնդակային մահացու վիրավորում է ստացել ժամկետային զինծառայող Մովսես Նորայրի Գասպարյանը:  
Ծնվել էր ՌԴ Տյումեն քաղաքում, սովորել էր ու ավարտել տեղի դպրոցներից մեկը։ Հայրնիքից հեռու մեծացած տղան մեծ սեր ուներ հայրենիքի նկատմամբ, որի արդյունքը եղավ իր վերադարձն ու բանակում ծառայելու ցանկությունը։ 
2012թվ. անցել էր պարտադիր զինվորական ծառայության Արցախում։
Մովսեսը ցանկանում էր ծառայության ավարտից հետո մնալ Հայաստանում շարունակել ուսումն ու ապրել հայրենիքում։ 
Մովսես Նորայրի Գասպարյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով: 
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:



Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

24/06/2019

Այսօր Արմեն Ավետիսյանի մահվան տարելիցն է



Գյումրի 24.06.2019թվ.Banak.info
2014թվ. հունիսի 24-ին արցախա-ադրբեջանական հակամարտ զորքերի շփման գծի արևելյան ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված կրակոցից մահացու վիրավորում է ստացել ժամկետային զինծառայող Արմեն Արթուրի Ավետիսյանը:
Արմենը ծնունդով Գեղարքունիքի մարզի Նորատուս գյուղից էր: Սովորել և ավարտել էր տեղի N 3-րդ միջնակարգ դպրոցը: 
2013թվ. անցել էր պարտադիր զինվորական ծառայության Արցախում։
Արմենի զոհվելուց որոշ ժամանակ անց ընտանիքում լույս աշխարհ է եկել նրա փոքր եղբայրը, ով ընտանիքին սփոփում է, ապրելու ուժ ու համբերություն տալիս։
Արմեն Արթուրի Ավետիսյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

19/06/2019

Այսօր Նարեկ Պողոսյանի մահվան տարելիցն է


Գյումրի 19.06.2019թվ. Banak.info
2014թվ. հունիսի 19-ին արցախա-ադրբեջանական սահմանագոտու
Մարտունիի ուղղությամբ տեղակայված մարտական հենակետերից մեկում թշնամու դիպուկահարի կրակոցից զոհվել է պայմանագրային զինծառայող Նարեկ Կարոյի Պողոսյանը։
Նարեկը Մարտունու շրջանի Բերդաշեն գյուղից էր, ծնված Արցախյան ազատամարտի թոհ ու բոհով անցած ընտանիքում, հայրը մասնակից էր եղել պատերազմին, որի համար արժանացել է «Մարտական խաչ» շքանշանի։

Նարեկը 2006-2008թթ. անցել էր պարտադիր զինվորական ծառայության Արցախում։
2009թվ-ից սկսած պայմանագրային ծառայության էր անցել Արցախի Մարտունու շրջանի N զորամասում որպես ավագ սերժանտ։
Ծառայության ընթաքում Նարեկը հոգատարությամբ ու ջերմությամբ է վերաբերվել յուրաքանչյուր զինվորի: Սիրված ու հարգված էր նաև սպայական անձնակազմի կողմից: Որպես պայմանագրային զինծառայող Նարեկը միշտ արդարացրել է սպասելիքները: Այս մասին պատմում են նրանք, ովքեր ծառայել են Նարեկի հետ։
Նարեկը Կարոյի Պողոսյանը հետմահու պարգևատրվել ԱՀ նախագահի կողմից «Մարտական ծառայություն» մեդալով:
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

18/06/2019

2010թվ.հունիսի 18-ին զոհվել են չորս ժամկետային զինծառայողներ.Այսօր նրանց մահվան տարելիցն է

Գյումրի 18.06.2019թվ. Banak.info
2010թվ. հունիսի 18-ին թշնամու հատուկ նշանակության ջոկատայինները ղարաբաղա-ադրբեջանական զորքերի շփման գոտու հյուսիս-արևելյան հատվածում, գրոհել են Չայլու գյուղի մերձակա ուղղությամբ տեղակայված ՊԲ դիրքերից մեկի վրա: 
Երկու տասնյակից կազմված ջոկատայինների առաջխաղացումը կասեցնելիս զոհվել են ժամկետային զինծառայողներ կրտսեր սերժանտ Մնացական Ռոբերտի Գասպարյանը և շարքայիններ  (1991թվ. ծնված) Պարույր Արարատի Մելքոնյանը, Արայիկ Սևակի Բարսեղյանը,  Էդուարդ Սուրենի Մանուկյանը և վիրավորվել են չորս զինծառայողներ:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան 


Պարույր Մելքոնյան, Մնացական Գասպարյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

Այսօր Արամ Գյուլնազարյանի մահվան 7-րդ տարելիցն է



Գյումրի 18.06.2019թվ. Banak.info
2012թվ. հունիսի 18-ին, ժամը՝ 08։25-ի սահմանում ՊԲ արևելյան ուղղությամբ տեղակայված զորամասերից մեկի պահպանության տեղամասի մարտական դիրքում հակառակորդի կողմից արձակված գնդակից մահացու հրազենային վիրավորում է ստացել ժամկետային զինծառայող 1993թվ. ծնված Արամ Սիմոնի Գյուլնազարյանը։
Արամը ծնվել էր 1993թվ. Արագածոտնի մարզի Օշական գյուղում։ Սովորել և ավարտել էր Մ.Մաշտոցի անվան միջնակարգ դպրոցը։ 2002թվ. հաճախել էր Սուրբ Մեսրոպ Մաշտոց եկեղեցուն կից «Հայորդաց տուն» կիրակնօրյա դպրոցը, մասնակցել էր ժողովրդական և ազգագրական երգի-պարի, նկարչության, գոբելենի խմբակներին, դպրոցում գործող շախմատի խմբակին։ 
2009թվ. ընդունվել էր Երևանի պետական ճարտարագիտական համալսարանի ճանապարհային և տրանսպորտային երթևեկության կազմակերպում և կառավարում բաժինը։ 2011 թվ. ուսումը կիսատ թողնելով անցել էր պարտադիր ծառայության Արցախի Ասկերանի շրջանի N զորամասում։ 
Արամ Սիմոնի Գյուլնազարյանը հետմահու պարգևատրվել է ԱՀ նախագահի կողմից «Մարտական ծառայության» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

17/06/2019

2017թվ. հունիսի 17-ին զոհվել է Նարեկ Գասպարյանը


Գյումրի 17.06.2019թվ.Banak.info
2017թվ. հունիսի 17-ի առավոտյան ադրբեջանական կողմը հյուսիսային ուղղությամբ դիմել է հերթական սադրանքի, որի արդյունքում ժամը 09։40-ի սահմաններում մահացու հրազենային վիրավորում է ստացել ՊԲ զինծառայող Նարեկ Տիգրանի Գասպարյանը։
Նարեկը ծնունդով Երևան քաղաքից էր, սովորել և ավարտել էր Օլիմպոս կրթահամալիրը։
Նարեկի եղբայրը՝ Նվերը, մեզ հետ զրույցում պատմում է, որ եղբայրը անսահման բարի էր, նվիրված, կամեցող, միշտ օգնում էր բոլորին ինչով կարողանում էր։ Ուսմանը զուգահեռ երաժշտությամբ էր զբաղվում՝ դհոլ էր նվագում։
2015թվ. ամռանը զորակոչվել էր պարտադիր զինվորական ծառայության Մարտակերտի շրջանի Մատաղիսի N զորամաս:
Հարազատները նշում են, որ Նարեկը մեծ սիրով է անցել ծառայության, հայրը՝ Տիգրանը, Արցախյան ազատամարտին մասնակից է եղել, Նարեկն էլ փոքրուց շատ պատմություններ է լսել ռազմադաշտի ու պատերազմի մասին։
2016թվ.ապրիլյան ռազմական գործողությունների ժամանակ Նարեկն իր կարևոր մասնակցությունն է ունեցել, որի համար ՀՀ նախագահի կողմից պարգևատրման էր արժանացել։
Նարեկ Գասպարյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով։
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

16/06/2019

Այսօր Անուշավան Կիրակոսյանի մահվան 9-րդ տարելիցն է


Գյումրի 16.06.2019թվ. Banak.info
2010թվ. հունիսի 16-ին արևելյան ուղղությամբ տեղակայված մարտական հենակետերից մեկում ծառայողական պարտականությունները կատարելու ժամանակ թշնամու դիպուկահարի կրակոցից զոհվել է ՊԲ շարքային զինծառայող Անուշավան Սուրենի Կիրակոսյանը:
Անուշավանը ծնունդով Կոտայքի մարզի Աղավնաձոր գյուղից էր: Փոքր տարիքից ակտիվորեն սպորտով էր զբաղվել ՝ բազմաթիվ մրցաշարերի ժամանակ գրավել էր պատվավոր տեղեր։

«Մինչև բանակ գնալն ուզում էինք, որ բուհ ընդունվեր, բայց չուզեց, ասաց՝ գնամ, ծառայեմ, հետո: Ծառայության ժամանակ էլ ասում էր՝ պա՛պ ջան, հենց բանակից հասնեմ տուն, գնալու ենք Երևան, ընդունվեմ ինստիտուտ ու զբաղվեմ սպորտով,- պատմում  է Անուշավանի հայրը՝ Սուրենը, և ավելացնում, -մենք երկար ժամանակ ապրում էինք Ռուսաստանում, բայց Անուշավանը չուզեց փոխել քաղաքացիությունն ու էնտեղ մնալ, ասում էր՝ պետք ա ծառայեմ: Վերադարձանք Հայաստան, դպրոցն այստեղ ավարտեց, 2008-ին զորակոչվեց ծառայության», -Aravot.am կայքին տված հարցազրույցներից մեկի ժամանակ պատմել է Անուշավանի հայրը։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան 


Նյութի տվյալները՝ Aravot.am կայքի
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

2017թվ.հունիսի 16-ին զոհված երեք ժամկետային զինծառայողների մահվան 2-րդ տարելիցն է



Գյումրի 16.06.2019թվ.Banak.info
2017թվ. հունիսի 16-ին՝ ժամը 18:05-ի սահմաններում, հակառակորդը հաստոցավոր հակատանկային նռնականետերից խախտել է հրադադարի պահպանման ռեժիմը  ՊԲ կենտրոնական ենթակայության զորամասերից մեկի պահպանության տեղամասի ուղղությամբ, ինչի հետևանքով մահացու վիրավորումներ են ստացել 1997թվ. ծնված ՊԲ զինծառայողներ՝ Արայիկ Ռուդիկի Մատինյանը, Վիգեն Ժիրայրի Պետրոսյանը և Վարդան Ծովակի Սարգսյանը։

Արայիկ Մատինյանը ծնունդով Լոռու մարզի Շնող գյուղից էր, դպրոցն ավարտելուց հետո որոշ ժամանակով մեկնել էր ՌԴ։
2016թվ. վերադարձել էր, անցել պարտադիր զինվորական ծառայության, որպես դիպուկահար։

Արայիկ Մատինյան

Վիգեն Պետրոսյանը ծնունդով Գեղարքունիքի մարզի Սևան քաղաքից էր, դպրոցն ավարտելուց հետո ընդունվել էր Սևանի Պետական քոլեջ։
2015թվ. անցել էր պարտադիր զինվորական ծառայության, ծառայում էր որպես գնդացրորդ։

Վիգեն Պետրոսյան

Վարդան Սարգսյանը ծնունդով Արագածոտնի մարզի Լուսագյուղ համայնքից էր, դպրոցն ավարտելուց հետո ընդունվել էր Ռոմանոս Մելիքյանի անվան երաժշտական քոլեջը։
Ազգային երաժշտական գործիքներ էր նվագում Վարդանը, մի շարք միջոցառումների էր մասնակցել, զբաղեցրել պատվավոր տեղեր։
2016թվ. անցել էր պարտադիր զինվորական ծառայության։

Վարդան Սարգսյան

Զոհված զինծառայողները նվիրված ու պարտաճանաչ զինվորներ են եղել, պատշաճ իրականացրել իրենց ծառայությունը, բազմաթիվ անգամներ արժանացել խրախուսանքների։
Զոհված երեք զինծառայողները հետմահու պարգևատրվել են ԱՀ նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/06/2019

2007թվ.հունիսի 12-ին զոհվել է Էդուարդ Միրզոյանը



Գյումրի 12.09.2019թվ.Banak.info
2007թվ. հունիսի 12-ին ադրբեջանական կողմի դիպուկահարի կրակոցից զոհվել է  Էդուարդ Մուրազիկի Միրզոյանը:
Էդուարդը ծնվել է 1987թվ. Կոտայքի մարզի Աբովյան քաղաքում, սովորել տեղի թիվ 7 դպրոցում:
Դպրոցն ավարտելուց  հետո Էդուարդ որոշ ժամանակով մեկնել է ՌԴ, սակայն 2005թվ. վերադարձել է ծառայության անցնելու նպատակով, ծառայել է Արցախի Մարտակերտի շրջանի  N զորամասում:
Ծառայության ընթացքում Էդուարդը հարազատներին բազմաթիվ նամակներ ու բանաստեղծություններ է ուղարկել, իր մտքերը գրել տարբեր թղթերի վրա, որոնք այս տարիների ընթացքում հարազատները խնամքով պահում են ամեն անգամ թերթում ու վերապրում ցավը:
Պետության սահմանները պաշտպանելիս ցուցաբերած անձնազոհության համար Էդուարդ Միրզոյանը հետմահու պարգևատրվել է ՀՀ նախագահի կողմից  «Մարտական ծառայություն»  մեդալով:
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:



Ալվինա Հարությունյան 


Նյութի տվյալները՝ Aravot.am կայքի։
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`