Showing posts with label տարեդարձ. Show all posts
Showing posts with label տարեդարձ. Show all posts

25/06/2019

Այսօր Կարեն Ուլուբաբյանը կդառնար 24 տարեկան


Գյումրի 25.06.2019թվ.Banak.info
Այսօր՝ հունիսի 25-ին, հայրենիքի պաշտպանության ժամանակ զոհված Կարենի Ուլուբաբյանի տարեդարձն է։
Կարենը ծնունդով Արցախի Մարտունի քաղաքից էր։ Ծնողները իրենց որդուն Կարեն էին անվանակոչել ի պատիվ հորեղբոր, ով զոհվել էր Արցախյան ազատամարտում։
Սովորել և ավարտել էր Ն.Ստեփանյանի անվան թիվ 1 դպրոցը:
Կարենի հայրը՝ Մարատը, Արցախյան ազատամարտի մասնակից է եղել, իր երեխաների մեջ սերմանել է հայրենասիրություն։
2013-2015թվ. Կարենը ծառայել է ԱՀ ՊԲ-ի Մարտունիի N զորմասերից մեկում:
Կարենը պարտադիր զինվորական ծառայության ժամանակ մշտապես աչքի է ընկել իր աչալրջությամբ ու մարտական բարձր պատրաստավածությամբ։ 2014թվ. օգոստոսին ծառայակիցների հետ կանխել էր թշնամու դիվերսիոն -հետախուզական ներթափանցման փորձը, հակառակորդին պատճառելով կենդանի ուժի կորուստներ։
2016թվ. ապրիլյան ռազմական գործողությունների ժամանակ կամավոր մեկնել էր առաջնագիծ, շաբաթներ շարունակ եղել է զինվորների կողքին։
Նույն տարվա սեպտեմբեր ամսից անցել էր պայմանագրային ծառայության որպես ավագ սերժանտ Մարտունիի N զորամասերից մեկում։
Հակառակորդի կողմից հրադադարի ռեժիմի խախտման արդյունքում՝ 2017թվ. հունվարի 22-ին ժամը՝ 23:25-ի սահմաններում, մահացու վիրավորում է ստացել պայմանագրային զինծառայող, 1995թ. ծնված Կարեն Մարատի Ուլուբաբյանը:
Կարեն Ուլուբաբյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով:
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

24/06/2019

Այսօր ապրիլյան պատերազմում զոհված Արթուր Գևորգյանի տարեդարձն է


Գյումրի 24.06.2019թվ.Banak.info
Այսօր՝ հունիսի 24-ին, հայրենիքի պաշտպանության ժամանակ զոհված Արթուր Գևորգյանը կդառնար 22 տարեկան։

Արթուրը ծնունդով Աբովյան քաղաքից էր, սովորել էր թիվ 1 դպրոցում, ավարտելուց հետո՝ 2012թվ., մեկնել ՌԴ աշխատելու նպատակով։
Արթուրի քույրը մեզ հետ զրույցում նշում է, որ եղբայրը շատ տաղանդավոր էր, երգում էր, նկարում, բայց ժամանակի մեծ մասը տրամադրում էր աշխատելուն, կենսախինդ ու կյանքով լեցուն պատանի էր։
2015թվ. վերադարձել էր և անցել պարտադիր զինվորական ծառայության Մեխակավանի (Ջեբրայիլ) N զորամասում որպես ավագ-գնդացրորդ։

2016թվ. ապրիլի 1-ին Արթուրը վերջին անգամ խոսել էր ծնողների հետ ու բարձրացել մարտական հերթապահության։
Ապրիլ 1-ի լույս 2-ի գիշերը թշնամու կողմից ձեռնարկված լայնամասշտաբ ռազմական գործողությունների կասեցման ժամանակ Արթուրն ու ծառայակիցները զոհվում են հակառակորդի դեմ մարտնչելիս։

Արթուր Գառնիկի Գևորգյանը հետմահու պարգևատրվել է ՀՀ նախագահի կողմից «Արիության համար» և ԱՀ նախագահի կողմից «Մարտական ծառայություն» մեդալներով։
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

23/06/2019

Այսօր Վլադիմիր Մելքոնյանի տարեդարձն է



Գյումրի 23.06.2019թվ.Banak.info
Այսօր՝ հունիսի 23-ին, հայրենիքի պաշտպանության ժամանակ զոհված Վլադիմիր Մելքոնյանը կդառնար 23 տարեկան։ 
Վլադիմիրը ծնունդով Գյումրի քաղաքից էր, 2014թվ. անցել էր պարտադիր զինվորական ծառայության Արցախում, սկզբնական շրջանում Մատաղիսի զորամասում, որից հետո ծառայությունը շարունակել էր Թալիշում: 
Վլադիմիրը մեծ սիրով էր անցել ծառայության և հենց իր ցանկությունն է եղել ծառայել Արցախում: Վլադիմիրի սերը դեպի Արցախ եկել էր հորից, ով Արցախյան ազատամարտի մասնակից էր: 
2016թվ. ապրիլի 1-ին՝ ժամը 12:20-ի սահմաններում, ՊԲ հյուսիսային զորամասերից մեկի պահպանության տեղամասում, հակառակորդի կրակոցից զոհվել է ՊԲ զինծառայող, 1996թ. ծնված Վլադիմիր Աշոտի Մելքոնյանը: 
Վլադիմիրը ապրիլյան ագրեսիայի առաջին զոհեևից էր, ապրիլի 1-ի լույս 2-ի գիշերը հակառակորդը սկսեց լայնամասշտաբ գործողություններ արցախա-ադրբեջանական սահմանի ողջ երկայնքով, որը տևեց օրեր շարունակ։
ԱՀ և ՀՀ նախագահների կողմից ստորագրված հրամանագրերի համաձայն պատական սահմանը պաշտպանելիս ցուցաբերած արիության համար Վլադիմիր Մելքոնյանը հետմահու պարգևատրվել է «Մարտական ծառայություն» մեդալներով: 
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:



Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

18/06/2019

Այսօր ապրիլյան պատերազմի ժամանակ զոհված Արտակ Պետրոսյանի տարեդարձն է


Գյումրի 18.06.2019թվ.Banak.info
Այսօր՝ հունիսի 18-ին, հայրենիքի պաշտպանության ժամանակ զոհված Արտակը կդառնար 22 տարեկան։
Արտակը ծնունդով Լոռու մարզի Մեծավան գյուղից էր։
Սովորել և 2014թվ. ավարտել էր գյուղի միջնակարգ դպրոցը։
2015 ամռանը Արտակը զորակոչվել էր պարտադիր զինվորական ծառայության, սկզբնական շրջանում Արմավիրի N զորամասում 6 -ամսյա ուսումնական փուլ անցնելուց հետո տեղափոխվել էր Արցախ՝ Մատաղիսի N զորամաս որպես՝ տանկի մեխանիկ-վարորդ:
Տանկի անձնակազմի անդամներն էին Արտակ Պետրոսյանը, Միշա Աղաջանյանը և Դավիթ Հայրապետյանը:
2016թվ. ապրիլի 1-ի լույս 2-ի գիշերը թշնամին անցել էր լայնամասշտաբ ռազմական գործողությունների արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Արտակ Պետրոսյանը հետմահու պարգևատրվել է ՀՀ նախագահի կողմից «Արիության համար» և ԱՀ նախագահի կողմից «Մարտական ծառայություն» մեդալներով:
Արտակը մինչ ծառայության անցնելը փորագրությամբ է զբաղվել, աղավնիներ պահել, որոնք մաքրություն ու հավատարմություն են խորհրդանշում:
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/06/2019

Այսօր Մովսես Գասպարյանի տարեդարձն է


Գյումրի 11.06.2019թվ.Banak.info 
 Այսօր՝ հունիսի 11-ին, հայրենիքի պաշտպանության ժամանակ զոհված Մովսեսը կդառնար 25 տարեկան։ 
ՌԴ Տյումեն քաղաքում էր ծվել Մովսեսը, սովորել էր ու ավարտել տեղի դպրոցներից մեկում։ Հայրնիքից հեռու մեծացած տղան մեծ սեր ուներ հայրենիքի նկատմամբ, որի արդյունքը եղավ իր վերադարձն ու բանակում ծառայելու ցանկությունը։ 
2012թվ. անցել էր պարտադիր զինվորական ծառայության Արցախում։
2014թվ. հուլիսի 11-ին արցախա-ադրբեջանական հակամարտ զորքերի շփման գծի հարավ-արևելյան ուղղությամբ տեղակայված զորամասերից մեկի պահպանության տեղամասի մարտական հենակետում, հակառակորդի կողմից հրազենային գնդակային մահացու վիրավորում է ստացել ժամկետային զինծառայող Մովսես Նորայրի Գասպարյանը:  
Մովսեսը ցանկանում էր ծառայության ավարտից հետո մնալ Հայաստանում շարունակել ուսումն ու ապրել հայրենիքում։ 
Մովսես Նորայրի Գասպարյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով: 
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/06/2019

Այսօր Վարդան Մկրտչյանի տարեդարձն է


Գյումրի 12.06.2019թվ.Banak.info
Այսօր՝ հունիսի 12-ին, հակառակորդի դիվերսիոն ներթափանցումը կանխելիս զոհված Վարդանը կդառնար 24 տարեկան։
Վարդանը Արարատի մարզի Հովտաշեն գյուղից էր։Տեղի դպրոցն ավարտելուց հետո ընդունվել էր Երևանի Ճգնաժամային կառավարման պետական ակադեմիան։
Պարտադիր զինվորական ծառայության էր անցել Ա րցախի Ասկերանի շրջանի N զորամասերից մեկում:
Ծառայությանը Վարդանը միշտ մեծ պատասխանատվությամբ է վերաբերվել, բարեխղճորեն իրականացրել իրեն տրված հրամանները։
2015թվ. հունվարի 2-ի լույս 3-ի գիշերը ժամը 03:15-ի սահմաններում, Արցախի ՊԲ հարավային եւ արեւելյան ուղղություններով հակառակորդը ձեռնարկել է դիվերսիոն հետախուզական երկու գործողություն: Պաշտպանության բանակի առաջապահ ստորաբաժանումների կողմից ձեռնարկված օպերատիվ գործողությունների արդյունքում հակառակորդը, կորուստներ կրելով, հետ է շպրտվել ելման դիրքերը:
Հակառակորդին դիմակայելու ընթացքում զոհվել է ՊԲ զինծառայող՝ Վարդան Մարտիկի Մկրտչյանը:
Վարդան Մարտիկի Մկրտչյանը հետմահու պարգևատրվել է ԱՀ նախագահի կողմից «Արիության համար» և ՀՀ նախագահի կողմից «Արիության» մեդալներով։
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

11/06/2019

Այսօր ապրիլյան պատերազմում զոհված Բագրատ Ալեքսանյանի տարեդարձն է


Գյումրի 11.06.2019թվ.Banak.info
Այսօր՝ հունիսի 11-ին, հայրենիքի պաշտպանության ժամանակ զոհված Բագրատը կդառնար 24 տարեկան։
Ծնունդով Երևան քաղաքից էր։
Սովորել էր Երևանի Խ. Աբովյանի անվան թիվ 84 դպրոցում, ավարտելուց հետո ընդունվել Հայաստանի պետական ճարտարագիտական համալսարանի հենակետային վարժարան։
Բագրատը որոշել էր ընտրել խոհարարի մասնագիտությունը և 2011թվ. ընդունվել էր հայ-հունական պետական քոլեջ։
Բագրատի ընտանիքը երկար տարիներ ապրել էր ՌԴ-ում, Բագրատն էլ վերադարձել էր ծառայության մեկնելու նպատակով։
2014թվ. անցել էր պարտադիր զինվորական ծառայության Արցախի Մեխակավանի (Ջեբրայիլ) N զորամասում, որպես շարքային նռնակաձիգ։
2016թվ. ապրիլին թշնամին ձեռնարկել էր լայնամասշտաբ ռազմական գործողություններ արցախ-ադրբեջանական սահմանի ողջ երկայնքով՝ օգտագործելով օդուժ, ծանր զինտեխնիկա և մեծաքանակ կենդանի ուժ։
Ապրիլի 1-ի լույս 2-ի գիշերը Մեխակավանի բարձունքներից մեկը  թշնամու կողմից ենթարկվել էր գրոհի։ Բարձունքում մարտական հերթապահություն իրականացնող զինվորները ժամեր շարունակ պայքարել են թշնամու մեծաքանակ ուժերի դեմ։ Ժամկետային զինծառայողներին օգնության են հասել սպաներից բաղկացած խումբը։
Բարձունքի պաշտպանության ժամանակ քաջաբար մարտնչելիս ընկել են սպաներ Ալեքսան Առաքելյանը, Օնիկ Գրիգորյանը, Մաքսիմ Գրիգորյանը, Ռոման Պողոսյանը, Սուրեն Մելքումյանը, ժամկետային զինծառայողներ՝ Սաշա Գալստյանը, Բագրատ Ալեքսանյանը, Կարեն Ներսիսյանը, Ժորա Եսայանը, Բորիս Օզմանյանը, Ադամ Սահակյանը,  Տիգրան Բերակչյանը, պայմանագրային զինծառայող՝ Անդրանիկ Գրիգորյանը։
Բագրատը մարտական գործողությունների ընթացքում իրեն դրսևորել է որպես քաջ ու անվախ զինվոր, պայքարել մինչև վերջին շունչը։
Բագրատը դեռ փոքրուց ստեղծագործում էր, նրա զոհվելուց հետո լույս է տեսել  նրա ստեղծագործությունների ժողովածուն, որը կոչվում է «Վերադարձ»։
Բագրատ Ալեքսանյանը հետմահու պարգևատրվել է ՀՀ նախագահի կողմից «Արիության համար», ԱՀ նախագահի կողմից «Մարտական ծառայություն» մեդալներով։
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

10/06/2019

Այսօր հետախույզ Սասուն Մկրտչյանի տարեդարձն է


Գյումրի 10.06.2019թվ.Banak.info
Այսօր՝ հունիսի 10-ին, հայրենիքի պաշտպանության ժամանակ զոհված Սասուն Մկրտչյանը կդառնար 30 տարեկան։
Սասունը ծնունդով Երևան քաղաքից էր։
Սովորել և ավարտել էր Երևանի Հ. Հայրապետյանի անվան թիվ 78 դպրոցը։ Փոքրուց Սասունը բռնցքամատով էր զբաղվել, հաջողություններ գրանցել սպորտում, որոնց վկայում են նրա բազմաթիվ մեդալնելները, պատվոգրերն ու մրցանակները։
Սասունի նախնիները սասունցիներ էին, որով նա միշտ հպարատանում էր և իր տեսակի մեջ նա ուներ սասունցիներին հատուկ համառություն և անկոտրուն կամք։
2007-2009թվ. Սասունն անցել էր պարտադիր զինվորական ծառայության Տավուշի մարզի N զորամասում։
Ծառայության ավարտից հետո Սասունը ընդունվել էր Երևանի դատական փորձագիտության և հոգեբանության ինստիտուտ զուգահեռ աշխատել Վերաքննիչ դատարանում որպես կարգադրիչ։
Որոշ ժամանակ աշխատելուց հետո 2011-2014թվ. Սասունը ծառայության էր անցել Խաղաղապահ զորքերում։
2014թվ. Սասունը որոշել էր ծառայության անցնել Հայոց բանակում։ Ծառայության էր անցել ԱՀ Մարտակերտի շրջանի N զորամասերից մեկում, որպես պայմանագրային զինծառայող և համալրել հատուկ նշանակության ջոկատը հետախույզ-գնդացրորդի մասնագիտությամբ։
2016թվ. ապրիլին թշնամին անցել էր լայնամասշտաբ ռազմական գործողությունների արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Ընթացած թեժ մարտական գործողությունների ժամանակ Թալիշի ուղղությամբ հակառակորդը բազմաթիվ կորուստներ տալով գրավել էր 170Մ/Դ, որի հետգրավման մարտական խնդիրը կատարելիս թեժ մարտում զոհվել է հետախույզ Սասուն Մկրտչյանը։
Սասուն Մկրտչյանը հետմահու պարգևատրվել է ՀՀ նախագահի կողմից «Մարտական խաչ» 1-ին աստիճանի շքանշանով և ԱՀ նախագահի կողմից «Մարտական ծառայություն» մեդալով։
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Նյութի տվյալները՝ Yerkirmedia.am կայքի։
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր մայոր Ռուդիկ Մովսեսյանի տարեդարձն է


Գյումրի 10.06.2019թվ.Banak.info
Այսօր՝ հունիսի 10-ին, ապրիլյան պատերազմին կամավոր մասնակից մայոր Ռուդիկ Մովսիսյանը կդառնար 43 տարեկան
Ծնունդով Ստեփանակերտ քաղաքից Ռուդիկ Մովսեսյանը պարտադիր զինվորական ծառայության ավարտից հետո կյանքը կապել էր Հայոց բանակի հետ, 22 տարի շարունակ ծառայել բարդ մասնագիտությամբ։
 «Քանի որ հետախույզ էր, իր աշխատանքից ոչինչ չէր պատմում, ասում էր, որ դա հայրենիքի գաղտնիքն է և գաղտնիք էլ պետք է մնա: Իր գործին նվիրված, հայրենասեր, պատվով, հարգանքով տղա էր: Ինչպես ընտանիքն էր նվիրված, այնպես էլ` իր զինվորներին: Այնքան էր ներծծված զինվորական կյանքով, որ անգամ տանն էր մեզանից զինվորին հատուկ ճշտապահություն ու կարգապահություն պահանջում: Մենք էլ կատակով ասում էինք. «Կարո՞ղ ա մենք քո զինվորներն ենք», ինքն էլ էդ արտահայտությունից ուրախանում էր»,- Yerkirmedia.am կայքին պատմել է Ռուդիկ Մովսեսյանի մայրը` Ալինա Օհանջանյանը:
2016թվ. ապրիլին թշնամին անցել էր լայնամասշտաբ ռազմական գործողությունների արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Ապրիլի 4-ին հակառակորդի անօդաչու սարքի պայթյունից առաջացած բեկորներից ստացած վնասվածներից: Մարտակերտի պաշտպանական զորամասի հետախույզ, մայոր Մովսեսյանը, նկատելով անօդաչու սարքը, ինտենսիվորեն կրակ էր բացել, որի արդյունքում անօդաչուն փոխել էր իր ուղղությունը,  հարվածել էր պատին ու պայթել:
Ռուդիկ Մովսեսյանը հետմահու պարգևատրվել է ՀՀ նախագահի կողմից «Մարտական ծառայություն» մեդալով։
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Նյութի տվյալները՝ Yerkirmedia.am կայիք։
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր աշխարհազորային Սարգիս Խալաֆյանի տարեդարձն է


Գյումրի 10.06.2019թվ.Banak.info
Այսօր՝ հուլիսի 10-ին, ապրիլյան ռազմական գործողությունների ժամանակ զոհված Սարգիս Խալաֆյանը կդառնար 52 տարեկան։
Սարգիսը ծնունդով Երևան քաղաքից էր։ Սովորել էր Երևանի Ե.Չարենցի անվան թիվ 67 դպրոցում, ավարտելուց հետո ընդունվել թիվ 20 ուսումնարան, սովորել խոհարարի մասնագիտությամբ։
1985-1987թվ. ծառայել էր ԽՍՀՄ զինված ուժերում։
Սարգիս Խալաֆյանն Արցախյան ազատամարտում իր ներդրումն էր ունեցել, մասնակցելով հայրենիքի համար մղվող համառ մարտերին։
1990-ականների պատերազմում Սարգիսը մարտական ուղին սկսել էր «Արաբո» ջոկատի կազմում, մասնակցել Նոյեմբերյանի, Վարդենիսի, Վայքի, Գորիսի սահմանամերձ շրջանների ինքնապաշտպանությանը։ 
1992 թ․-ից անդամագրվել էր «Տիգրան Մեծ» աշխարհազորային գնդին, մասնակցել էր Լաչինի ազատագրմանը, այնուհետև միացել էր «Արծիվ 24» ջոկատին։ Շահումյանի շրջանի անկումից հետո 1992 թ. հունիսի 13-ին մասնակցել էր ԼՂՀ` Մարտակերտի շրջանի Կարմիրավան և Լենինավան գյուղերի համար մղվող մարտերին, ինչից հետո միացել էր Շահեն Մեղրյանի կազմավորած «Եղնիկներ» պարտիզանական ջոկատին։
2016թվ. ապրիլին թշնամու կողմից ձեռնարկված լայնամասշտաբ ռազմական գործողությունների վերսկսման լուրը իմանալուն պես երկու մարտական ընկերներ` Սարգիս Խալաֆյանն ու Նորայր Հաջիյանը մի խումբ կամավորների հետ մեկնում են Արցախ։
Նրանց ջոկատի վերջին կանգառը Թալիշի մարտական դիրքերից մեկն էր։
Ապրիլի 4-ի երեկոյան ժամը` 23:00-ի սահմաններում Թալիշի դիրքերից մեկում, մարտական գործողությունների ժամանակ թշնամու արկի պայթյունից զոհվել են կամավորներ Սարգիս Խալաֆյանն ու Նորայր Հաջիյանը։
Սարգիս Խալաֆյանը հետմահու պարգևատրվել է ՀՀ նախագահի կողմից «Արիություն» և ԱՀ նախագահի կողմից «Մարտական ծառայություն» մեդալներով։
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Նյութի տվյալները՝ April2016.am կայքի։
Ծանուցում․ Կայքից մեջբերումներ անելիս հղումը www.banak.info-ին պարտադիր է։Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

22/05/2019

Գեներալ-մայոր Արկադի Տեր-Թադևոսյանն (Կոմանդոս) այսօր դարձավ 80 տարեկան

Երևան 22.05.2019թվ.Banak.info
Այսօր լեգենդար հրամանատար Կոմանդոսի տարեդարձն է. «Մեզ համար կորուստ է ցանկացած սանտիմետր, միլիմետր քառակուսի տարածքը, էլ ուր մնաց՝ հեկտարը...»

Արցախյան ազատամարտի հերոս, Շուշիի ազատագրման ակունքներում կանգնած գեներալ-մայոր Արկադի Տեր-Թադևոսյանն (Կոմանդոս) այսօր դարձավ 80 տարեկան: Կոմադոսի համար մայիսը հպարտության ամիս է, և հատկանշական է, որ նա հենց մայիսին է ծնվել: Արկադի Տեր-Թադևոսյանը միջնակարգ կրթությունը ստացել է Թբիլիսիի՝ համար 9, իսկ հետո՝ համար 10 ռուսական դպրոցներում, քանի որ հենց այնտեղ էլ ծնվել է: 
Դպրոցն ավարտելուց հետո Տեր-Թադևոսյանը զորակոչվում է բանակ, այնուհետև ընդունվում Սանկտ Պետերբուրգի կապի ռազմական ակադեմիա, որից հետո ծառայության է անցնում նախ՝ Գերմանիայում, հետո՝ Աֆղանստանում, Չեխիայում ու Բելառուսում, իսկ 1987թ.-ին գալիս է Հայաստան: Այստեղ նա ծառայության է անցնում Գյումրիում, իսկ հետո Երևանում: 
Կոմանդոսը չի մասնակցել Արցախյան շարժմանը, բայց թե ինչ արեց հետո, հայտնի է բոլորիս: 

1991 թվականին Արկադի Տեր-Թադևոսյանը նշանակվում է Արցախի Պաշտպանության պետական կոմիտեի արտազինվորական պատրաստության բաժնի պետ։ 1991 թվականի հոկտեմբերի 30-ին Արցախի նորաստեղծ ինքնապաշտպանական ուժերը՝ վերջինիս հրամանատարության տակ, փայլուն գործողության շնորհիվ թշնամուց ազատագրում են ռազմավարական մեծ կարևորություն ունեցող՝ Հադրութի շրջանի Տող գյուղը, իսկ 1992թ.-ի մայիսի 8-ին իրականացվում է Շուշիի՝ ռազմարվեստի մեջ գլուխգործոց համարվող «Հարսանիքը լեռներում» օպերացիան: 
Նրան նկարագրելիս կարելի է ասել, որ նա ապացուցեց՝ անհնարինը կարող է դառնալ հնարավոր:
Հրամանատարը հետագայում պատմում է, այդ օրերի մասին.
«Մեկ օրում՝ 26․5 ժամում մենք ազատագրեցինք Շուշիի ամրոցն ու դրա մերձակա տարածքը։ Հաղթանակը ապահովվել է մեր ազատագրող զինվորների մարտական պատրաստվածության շնորհիվ»։

 Ռազմական մտքի հեղափոխական՝ լեգենդար հրամանատարը չի սիրում խոսել, թե ինչպես է ստացել Կոմանդոս անունը: Սակայն ընկերներին մի անգամ պատմել է, որ Կոմանդոս անունով իրեն կնքել են զինակից ընկերները Արցախում՝ որպես առաջնորդ, ում խոսքով շարժվել են գործողութունների ժամանակ: Ի դեպ Տեր-Թադևոսյանին կոչել են նաև Լեռնային աղվես: Այս անունը կապված է մի գործողության հետ, որն իրականացրել են Արցախի լեռնային անտառներում՝ գյուղերը պաշտպանելիս: 

Կոմանդոսը պարգևատրվել է «Մարտական խաչ» 1-ին աստիճանի շքանշանով: 
Հանուն Հայ Զինվորի ՀԿ-ն և Banak.info-ի խմբագրությունը շնորհավորում են հրամանատարի տարեդարձը և մաղթում առողջություն: Մեզ համար պատիվ է ապրել ու արարել նման մարդ-հերոսի հետ՝ կողք կողքի:


Իննա Թումանյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

18/05/2019

Այսօր ապրիլյան պատազմում զոհված Դավիթ Հայրապետյանի տարեդարձն է

Գյումրի 18.05.2019թվ.Banak.info
Այսօր՝ մայիսի 18-ին, հայրենիքի պաշտպանության ժամանակ զոհված Դավիթ Հայրապետյանը կդառնար 22 տարեկան։
Դավիթը ծնունդով Գեղարքունիքի մարզի Զոլաքար գյուղից էր։ Սովորել և ավարտել էր տեղի դպրոցը։
2015թվ. անցել էր պարտադիր զինվորական ծառայության Արմավիրի ուսումնական զորամասում, որտեղից տեղափոխվել էր Արցախ` Մատաղիսի N զորամաս, որպես տանկի նշանառու-օպերատոր։

2016թվ. ապրիլի1-ի լույս 2-ի գիշերը թշնամին անցել էր լայնամասշտաբ ռազմական գործողությունների արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Ապրիլի 4 -ին Դավիթ Հայրապետյանը, Արտակ Պետրոսյանը և Միշա Աղաջանյանը իրենց տանկի անձնակազմով անցել են մարտական խնդրի կատարմանը` զոհվել մարտադաշտում։
Դավիթ Հայրապետյանը հետմահու պարգևատրվել է ԱՀ նախագահի կողմից` «Մարտական ծառայություն», ՀՀ նախագահի կողմից` «Արիություն» մեդալներով։
Հանուն Հայ Զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

16/05/2019

Այսօր աշխարհազորային Գագիկ Փարասադանյանի տարեդարձն է



Գյումրի 16.05.2019թվ.Banak.info
Այսօր՝ մայիսի 16-ին, հայրենիքի պաշտպանության ժամանակ զոհված Գագիկ Փարսադանյանը կդառնար 59 տարեկան։ 
Գագիկը ծնունդով Կապան քաղաքից էր։
1992-1994թթ. մասնակից էր եղել Արցախյան ազատամարտին, երկու անգամ վիրավորվել, սակայն ռազմադաշտը չէր լքել։
Արցախյան ազատամարտի տարիներին Գագիկը վաստակել էր Հասան անունը, գործողություններից մեկի ժամանակ շրջափակման մեջ ընկնելով Գագիկը սկսել էր թուրքերեն խոսել ներկացել որպես՝ Հասան, որն էլ երկրորդ անվան հիմքն էր դարձել։
2016թվ. ապրիլին թշնամին ձեռնարկել էր լայնամասշտաբ ռազմական գործողություններ արցախա-ադրբեջանական սահմանի ողջ երկայնքով՝ օգտագործելով օդուժ, ծանր զինտեխնիկա և մեծաքանակ կենդանի ուժ։
«Երբ ասաց, որ գնալու է Ղարաբաղ,  չհավատացի, առողջականը լավ չէր: Բայց  տեսա, որ իրոք պատրաստվում է գնալ: Ու՝ գնաց: Շատ էր սիրում իր հայրենիքը»,- Panorama.am-ի հետ զրույցում պատմել է Գագիկի կինը՝  Անահիտ Փարսադանյանը:
Ապրիլի 3-ին Սիսիանի կամավորականների ջոկատի կազմում Գագիկ Փարսադանյանը մեկնել էր Արցախ։ 
Ապրիլի 4-ին Մարտակերտի ճանապարհին հակառակորդը ռմբակոծել էր Սիսիանի ջոկատի ավտոբուսը, որի հետևանքով զոհվել են Գագիկ Փարսադանյան, Սեդրակ Ասրյանը, Սերգեյ Դանղյանը, Արմեն Հովհաննիսյանը, Դավիթ Սարգսյանը, Կարո Համբարձումյանը, Եղիշե Նիկալյանը, Էդուարդ Ալեքսանյանը, Արմեն Բեգլարյանը և Մայիս Միրզոյանը:
Գագիկ Փարսադանյանը հետմահու պարգևատրվել է ՀՀ նախագահի կողմից «Հայրենիքին մատուցած ծառայությունների համար» 2-րդ աստիճանի և այլ մի շարք մեդալով։ 
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան 


Նյութը՝ Panorama.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/05/2019

Այսօր Մանվել Գևորգյանի տարեդարձն է


Գյումրի 14.05.2019թվ.Banak.info
Այսօր՝ մայիսի 14-ին, հայրենիքի պաշտպանության ժամանակ զոհված Մանվել Գևորգյանը կդառնար 22 տարեկան։
Մանվելը ծնունդով Երևան քաղաքից էր։  2014թվ. ավարտել էր Երևանի թիվ 198 ավագ դպրոցը, որից հետո ընդունվել էր Երևանի ֆիզիկական կուլտուրայի հայկական պետական ինստիտուտի «Ադապտիվ ֆիզկուլտուրայի»  բաժինը։ 
Մանվելը նաև սպորտում մեծ հաջողություններ էր գրացել։
2015թվ.ուսումը կիսատ թողնելով անցել է պարտադիր զինվորական ծառայության Արցախի Մարտունու շրջանի N պաշտպանական զորամասում։ Ծառայության ժամանակ արժանացել էր կրտսեր սերժանտի զինվորական կոչման, ծառայում էր որպես սանհրահանգիչ։
2016թվ. ապրիլին թշնամին ձեռնարկել էր լայնամասշտաբ ռազմական գործողություններ արցախա-ադրբեջանական սահմանի ողջ երկայնքով՝ օգտագործելով օդուժ, ծանր զինտեխնիկա և մեծաքանակ կենդանի ուժ։
Ապրիլի 14-ին հակառակորդը խախտելով կրակի դադարեցման շուրջ ձեռք բերված բանավոր պայմանավորվածությունը խախտել է հրադադարի պահպանման ռեժիմն ու արցախա-ադրբեջանական սահմանի որոշ հատվածներում ձեռնարկել սադրիչ գործողություններ, որի արդյունքում հակառակորդի կրակոցից զոհվել է ՊԲ զինծառայող Մանվել Արմենի Գևորգյանը։
Մանվել Գևորգյանը հետմահու պարգևատրվել է ՀՀ նախագահի կողմից  «Մարտական ծառայություն»  և ԱՀ նախագահի կողմից «Արիության համար»  մեդալներով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում ծանր վիշտը:

Ալվինա Հարությունյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Խոստանում ենք հիշել ու վրեժխնդիր լինել. Արգիշտի Գաբոյանը կդառնար 28 տարեկան./Ֆոտոշարք/

Գյումրի 14.05.2019թվ. Banak.info
Ապրիլյան ռազմական գործողությունների ժամանակ Շիրակի մարզի Մեծ Մանթաշ գյուղը անմասն չմնաց հայրենիքի պաշտպանությունից, սահմանից հարյուրավոր կիլոմետրեր հեռու գտնվող գյուղը երեք զոհ տվեց՝ ՊԲ սպաներ՝ Արգիշտի Գաբոյանը, Բենիամին (Մոնթե) Եղոյանը և ՊԲ ժամկետային զինծառայող`  Արման Անդրասյանը։

Մայիս ամիսը իր խորհրդանշական օրերի մեջ առանձնացնում է նաև 1991թվ. մայիսի 13-ը, այդ օրը ծնվել է կապիտան Արգիշտի Գաբոյանը, ով կդառնար 28 տարեկան։
Արգիշտիի հայրը՝ Արծվի Գաբոյանը, ով Արցախյան պատերազմ անցած ազատամարտիկ է, հետագայում արդեն պայմանագրային զինծառայող պատմում է, երբ որդին 6 տարեկան էր, Արցախում հանդիպել էր Վազգեն Սարգսյանին, գրկախառնվել, երկար զրուցել էին, երևի թե այդ զրույցն ու հանդիպումը հիմնովին փոխել էին Արգիշտիի կյանքը։

Հարազատների հետ զրույցից տեղեկանում ենք, որ Արգիշտիի սիրելի ուսուցչուհիներից մեկը Լուսինե Մուքոյանն է, ով դպրոցում պատմություն առարկան է դասավանդում։
Դպրոցում կազմակերպված փոքրիկ միջոցառման ավարտից հետո հանդիպում ենք ընկեր Մուքոյանին, փորձում հասկանալ, թե ինչպիսին էր Արգիշտին իր համար.
  «Յուրաքանչյուր դաս իր համար մեծ ճակատամարտ էր, մի խիզախ հերոսական օրինակ, որը նա նախապես թղթի վրա գծագրում էր բոլոր ճակատամարտերը և հատուկ մարտավարություն մշակում, թե ինչու որ զորավարը սխալվեց և պարտվեց, գալիս էր այդ գծագրով դասարանին ու ինձ բացատրում, թե ինչպես կարող էինք հաղթել և ինչպես կարող էր նաև թշնամին մարտ վարել»։
Ընկեր Մուքոյանը նաև հիշում է, թե ինչ մեծ ոգևորությամբ ու հպարտությամբ էր Արգիշտին համադասարանցիներին պատմում, թե ինչպես է հանդիպել հոր մարտական ընկերներին, լսել նրանց անցած մարտական ուղու պատմություններն ու անձամբ ծանոթ է նրանց հետ։

 Մարտավարական փայլուն   մշակված գիտելիքները, հայրենասիրությունը, սովորելու մղումը Արգիշտիին տարան դեպի Վազգեն Սարգսյանի անվան ռազմական ինստիտուտ, որտեղ 2008-2013թթ. սովորել և լեյտենանտի զինվորական կոչմամբ անցել էր ծառայության Արցախի՝ Թալիշ գյուղի N զորամասում։
Արգիշտիի հետ նույն զորամասում ծառայող զինվորներից մեկը պատմում է.
«Բացառիկ հայրենասեր սպա էր, միշտ զգոն, երբեք չէր հանդուրժում անարդարությունն ու կամայականությունը, շատերիս համար հայրենասիրության վառ օրինակ էր»։
Ծառայության տարիներին Արգիշտին որոշել էր զորամասում Վազգեն Սարգսյանին նվիրված անկյուն ստեղծել, հավաքագրել էր նկարներ նյութեր, որոնք պիտի դառնային իր հերոսի՝ սպարապետի անկյունը։

2016թվ. ապրիլին թշնամին ձեռնարկել էր լայնամասշտաբ ռազմական գործողություններ արցախա-ադրբեջանական սահմանի ողջ երկայնքով՝ օգտագործելով օդուժ, ծանր զինտեխնիկա և մեծաքանակ կենդանի ուժ։
Ապրիլի 4-ին սկսված ուժեղ հրաձգության արդյունքում մարտական գոծողություններ իրականացնելու ժամանակ Արգիշտի Գաբոյանը զոհվել է գիտակցաբար նետվելով մարտի։
Արգիշտի Արծվիի Գաբոյանը հետմահու պարգևատրվել է ՀՀ նախագահի կողմից «Մարտական խաչ» 2-րդ աստիճանի, ԱՀ նախագահի կողմից «Մարտական խաչ» 1-ին աստիճանի շքանշանով, «Արիության համար», ինչպես նաև ծառայության ընթացքում պարգևատրվել էր «Մարտական ծառայություն» մեդալներով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում ծանր վիշտը:

Ալվինա Հարությունյան 







































Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`