Showing posts with label վարժանքներ. Show all posts
Showing posts with label վարժանքներ. Show all posts

18/04/2019

Հրթիռահրետանային վարժանքներ Ադրբեջանի ԶՈւ-ում

Ադրբեջանի ԶՈւ «Սմերչը»
զորավարժությանը
արձակում է 122մմ հրթիռ
Ապրիլի 18-ին Ադրբեջանի պաշտպանության նախարարությունը հայտնել է հրթիռահրետանային ստորաբաժանումների կրակային պլանային վարժանքներ անցկացնելու մասին:
Դատելով ՊՆ հրապարակմանը կից տեսանյութից՝ վարժանքներին ներգրավվել են Ադրբեջանի ԶՈւ հրթիռահրետանային բրիգադներից մեկի 130մմ Մ-46 և 152մմ «Գիացինտ-Բ» թնդանոթների, ինքնագնաց 152մմ «Ակացիա» հրետանային համակարգերի, 122մմ «Գռադ» և 300մմ «Սմերչ» համազարկային կրակի ռեակտիվ համակարգերի ստորաբաժանումները:

Դատելով կադրերից՝ «Սմերչի» կրակային վարժանքի համար օգտագործվել են ոչ թե 300մմ հրթիռ, այլ 122մմ «Գռադի» հրթիռ: 
Նշենք նաև, որ ապրիլի 18-ին թվագրվող զորավարժության տեսահոլովակը Youtube-ում ցուցադրվում է որպես ապրիլի 17-ի վերբեռնված հոլովակ, սակայն մեր ուսումնասիրությունը ցույց է տալիս, որ դա տեխնիկական խնդիր է, իսկ հոլովակը իրականում վերբեռնվել է հենց ապրիլի 18-ին: 

Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

11/04/2019

Ադրբեջանում վարժանքներ են անում հրթիռա–հրետանային ստորաբաժանումները


Ապրիլի 11-ին մարտական կրակով պլանային վարժանքներ են արել Ադրբեջանի հրթիռա–հրետանային զորամասի ստորաբաժանումները:

Այս մասին գրում է Ադրբեջանի ՊՆ պաշտոնական կայքը։ Հրապարակվել են նաև վարժանքների կադրերը, որոնցում երևում են 152 մմ «Գիացինտ Բ»  ինչպես նաև 120 մմ Դ-30 քարշակվող հաուբիցներ։
Հիշեցնենք, որ կրկին մարտական պատրաստության ծրագրի համաձայն ապրիլի 8-ին մարտական կրակով վարժանքներ էին անցկացնում Ադրբեջանի ՌՕՈւ հարվածային ուղղաթիռները։ Վարժանքների կադրերում երևում էին Մի–24Պ և Մի-35 հարվածային ուղղաթիռներ։

Նյութը՝ News.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

09/04/2019

Ադրբեջանի ՌՕՈւ ուղղաթիռները վարժանքներ են անում

Ապրիլի 8-ին Ադրբեջանի ռազմաօդային ուժերի հարվածային ուղղաթիռները մարտական պատրաստվածության ծրագրի համաձայն մարտական կրակով թռիչքա–մարտավարական վարժանքներ են անցկացրել։

Այս մասին հայտնում է Ադրբեջանի պաշտպանության նախարարության կայքը։ Նշվում է, որ ուղղաթիռները մարտական կրակով ոչնչացրել են պայմանական հակառակորդի ցամաքային թիրախները, ինչպես նաև իրականացրել են պատերազմական տարբեր իրավիճակներում բոլոր ստորաբաժանումներին օդային կրակի աջակցության վարժանքներ։
Նշենք, որ Ադրբեջանի ՊՆ հրապարակած կադրերում երևում են վարժանքներին մասնակցող Մի–24Պ և Մի-35 հարվածային ուղղաթիռները։
Հիշեցնենք, որ ապրիլի 1-ին վարժանքներ էին անցկացրել Ադրբեջանի ՀՕՊ ստորաբաժանումները, որոնց ներգրավվել է նաև իսրայելական ավիաշինական ընկերության EԼM-2106 ռադարը, որը կարող է կապող օղակ լինել խորհրդային/ռուսաստանյան արտադրության ՀՕՊ միջոցների միջև՝ բարձրացնելով դրանց արդյունավետությունը: 
Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/03/2019

3-րդ զորամիավորումում անցկացվել են կապի վարժանքներ

Մարտի 11-ին և 12-ին 3-րդ զորամիավորման ենթակա հրետանային ստորաբաժանումներում անցկացվել են կապի համակարգի պահանջների արդյունավետության բարձրացման վարժանքներ:
Վարժանքների նպատակն էր ստուգել հրետանու կապի մարտունակությունը, ապահովել բացազատված կապի համակարգի կայունությունը, կատարելագործել անձնակազմի գործնական հմտությունները` ազդանշանների հաղորդման և ստացման ժամանակ:
Վարժանքների արդյունքները ցույց են տվել, որ անձնակազմն ունակ է առկա ուժերով և միջոցներով կատարել իր առջև դրված մարտական խնդիրները:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

21/02/2019

Նախիջևանի բանակում մարտական կրակով վարժանքներ են

Razm.info կայքը գրում է.
Փետրվարի 18–ին Նախիջևանի առանձին համազորային բանակում մեկնարկել են 2019թ. առաջին հրամանատարաշտաբային եռաստիճան վարժանքները՝ երկու փուլով։
Այս մասին հայտնում է Ադրբեջանի պաշտպանության նախարարության պաշտոնական կայքը՝ նշելով, որ վարժանքները կավարտվեն փետրվարի 23–ին։

Այսօր՝ փետրվարի 20-ին, մարտական կրակով վարժանքներ են անցկացրել ռազմաօդային ուժերի ՀՕՊ ստորաբաժանումները՝ պայմանական հակառակորդի հարվածների դեմ գործողությունների պլանավորմամբ։ 
Հիշեցնենք, որ հունվարի վերջին Նախիջևանի հատուկջոկատայինների մի խումբ մեկնել էրԹուրքիայի Կարս քաղաք՝ միջազգային զորավարժության մասնակցելու համար: Դրանք ևս տևելու են մինչև փետրվարի 23–ը։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/02/2019

Տանկիստների գործնական պարապմունքներ

3-րդ զորամիավորման ուսումնական կենտրոններից մեկում ենթակա ստորաբաժանումների տանկային անձնակազմերի հետ անցկացվել է մեքենավարման և հրաձգություն գործնական պարապմունքներ:

Պարբերական բնույթ կրող այս պարապմունքները հնարավորություն են ընձեռում տանկիստներին առավել կատարե­լա­գոր­ծե­լ մասնագիտական հմտությունները, լիարժեք տիրապետել տանկին և դրա մարտավարական-տեխնիկական բնութագրին:






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

09/11/2018

Հրամանատարաշտաբային վարժանքներ Ադրբեջանում՝ արբանյակային միջոցների կիրառմամբ

Razm.info կայքը գրում է.
Նոյեմբերի 12-ից Ադրբեջանում զորքերի օպերատիվ պատրաստության շրջանակներում մեկնարկելու են հրամանատարաշտաբային զորավարժություններ: Վարժանքները պլանային են:Այս մասին հայտնում է Ադրբեջանի ՊՆ կայքը:
Հայտարարվում է, որ վարժանքների հիմնական նպատակն է տարբեր տեսակի ռազմական գործողությունների պայմաններում ստուգել և բարելավել ղեկավարման մարմինների փոխգործակցության մակարդակը:
Ներգրավվելու են ռազմավարական, օպերատիվ, օպերատիվ-մարտավարական և մարտավարական օղակների ղեկավարման մարմինները, զորատեսակներ և հատուկ նշանակության ուժեր:
Նշվում է, որ վարժանքների ընթացքում կիրառվելու են նորագույն՝ այդ թվում արբանյակային միջոցներ, փորձարկվելու են զորքերի անընդհատ ղեկավարման, փոխգործակցության, տվյալների փոխանցման և իրավիճակային արագ որոշումների կայացման ունակությունները:
Հատկանշական է, որ բանակի կողմից վարժանքներին արբանյակային միջոցների կիրառման մասին սա, գոնե հայտարարությունների մակարդակով, առաջին վկայությունն է:
Կարելի է ենթարդել, որ զորավարժությունը միտված է ստուգել զորքերի կառավարումը և գործողությունների վերահսկումը նոր միջոցների առկայությամբ:
Հիշեցնենք, որ նոյեմբերի 2-ին Ադրբեջանի պաշտպանության նախարարը այցելել էր Ադրբեջանի բանակի արբանյակային կապի ղեկավարման կենտրոն, ինչը նման կենտրոնի գոյության մասին պաշտոնական առաջին բաց վկայությունն էր:
Կենտրոնին ավելի մանրամասն կարող եք ծանոթանալ այստեղ: Հակված ենք կարծելու, որ Ադրբեջանի բանակում արբանյակային կապի ղեկավարման միջոցները նոր են, և ներդրվել են վերջին երկու ամսվա ընթացքում:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

19/10/2018

Հայ զինծառայողները մասնակցել են միջազգային հեղինակավոր վարժանք-մրցույթին

ՀՀ զինված ուժերի հատուկ նշանակության 10 հոգանոց ստորաբաժանումը հոկտեմբերի 5-ից 19-ին մասնակցել է Ուելսում անցկացվող Քեմբրիան Փաթրոլ վարժանքի նախապատրաստական ծրագրին և բուն վարժանքին:
Քեմբրիան Փաթրոլը աշխարհում ամենամեծ վարժանք-մրցույթն է, որն անցկացվում է 1959 թվականից Ուելսի 160-րդ հետևակային բրիգադի կողմից: Երկօրյա բուն վարժանքի ընթացքում տասնյակ երկրների թիմեր, կիրառելով մարտավարական հմտություններ և ֆիզիկական մեծ ջանքեր, պետք է հաղթահարեն 60 կիլոմետրանոց տարածք` մանևերելով վարժանքի անհատական սցենարի համաձայն: Մրցույթի մասնակիցների մոտ մեկ երրորդը սովորաբար չի կարողանում ավարտել վարժանքը: Հաղթահարելով ամբողջ տարածությունը և հավաքելով համապատասխան միավորներ, թիմերը ստանում են Քեմբրիան Փաթրոլը հաղթահարելու հավաստագիր:
Այս տարի վարժանքին մասնակցել են 36 երկրների թիմեր: ՀՀ զինված ուժերի թիմը գիշերային և ցերեկային պայմաններում հաջողությամբ հաղթահարելով ինքնաշեն պայթուցիկ միջոցների, քիմիական, կենսաբանական և ռադիոլոգիական արգելքները, կիրառելով վիրավորների տարհանման, հետախուզական, ջրային տարածությունների հաղթահարման հնարքներ, հավաքել են բավարար միավորներ և արժանացել Քեմբրիան Փաթրոլի հավաստագրի:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

05/10/2018

Զորավարժության ժամանակ առաջին անգամ կիրառվել են Արցախում թողարկված անօդաչու թռչող սարքեր

News.am կայքը գրում է.
Արցախի «Տիգրանակերտ» զորավարժարանում առաջին անգամ կիրառվել են Արցախում թողարկված անօդաչու թռչող սարքեր։
Արցախի պաշտպանության բանակի մամուլի խոսնակ Սենոր Հասրաթյանն այս առնչությամբ իր ֆեյսբուքյան էջում գրել է. «Հոկտեմբերի 4-ին ՊԲ «Տիգրանակերտ» զորավարժարանում խաղարկվեց մարտական հրաձգությամբ ցուցադրական գումարտակային մարտավարական զորավարժություն: Այն առանձնահատուկ էր ժամանակակից մարտավարատեխնիկական հնարավորություններով օժտված մի շարք զինատեսակների ներգրավվածությամբ: Այդ օրն առաջին անգամ մարտականին առավելագույնս մոտեցված պայմաններում կիրառվեցին նաեւ նավարկային տեղորոշման համակարգերից անկախ գործող հայրենական արտադրության հարվածային անօդաչու թռչող սարքեր:
Հատկանշականն այն է, որ նշված անօդաչու թռչող սարքերը նախագծվել ու թողարկվում են Արցախի Հանրապետությունում եւ ունեն առաջադրված մարտական խնդիրը լիարժեք կատարելու բալոր անհրաժեշտ չափորոշիչները: Հավելենք նաեւ, որ նախքան դրանց գաղտնազերծելն ու մարտավարական զորախաղերում կիրառելը, նշված ԱԹՍ-ներն անցել են համապատասխան փորձաշրջան եւ լիովին ապացուցել իրենց արդյունավետությունը»:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/10/2018

Ադրբեջանում անցկացվել են հրթիռահրետանային վարժանքներ.Razminfo

Կադր «Դանա» ինքնագնաց հրետանու
 կրակային վարժանքներից
Razm.info կայքը գրում է.
Ադրբեջանում անկացվել են հրթիռահրետանային ստորաբաժանումների վարժանքներ, որոնց ներգրավվել են միջին հեռահարության համազարկային կրակի ռեակտիվ համակարգեր, ինքնագնաց և քարշակվող հրետանի: Այս մասին, հոկտեմբերի 4-ին հայտնել է Ադրբեջանի ՊՆ կայքը:
Ըստ հրապարակված լուսանկարների և տեսանյութի վարժանքներին ներգրավվել են «Դանա» ինքնագնաց հրետանի, RM-70, «Գռադ», «Գռադ-Լար» համազարկային կրակի ռեակտիվ համակարգեր, «Գիացինտ-Բ» քարշակվող հրետանի:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

14/09/2018

Ուսումնավարժական հավաքներ ԱՀ ՊԲ-ում

 ՊԲ զորահավաքային պատրաստության ընթացիկ տարվա պլանի համաձայն՝ սեպտեմբերի 13-ից մեկնարկել են ուսումնավարժական հավաքներ՝ ՊԲ-ի զորահավաքային մարդկային ռեսուրսի ներգրավմամբ:
 Ուսումնավարժական հավաքների ընթացքում մասնակիցների հետ նախատեսվում են իրականացնել տեսական ու գործնական տարաբնույթ պարապմունքներ, ներդաշնակման միջոցառումներ՝ նպատակ ունենալով պահեստազորայիններին նախապատրաստել մարտական հերթապահության կրմանն ու հավանական մարտական գործողությունների ժամանակ համապատասխան խնդիրների կատարմանը:

ԱՀ ՊՆ մամուլի ծառայություն

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/08/2018

Ադրբեջանում անցկացվել են ինժեներա–սակրավորական վարժանքներ. Ռազմինֆո

Razm.info կայքը գրում է.
Օգոստոսի 28-ի
 ինժեներա–սակրավորական ստորաբաժանումների
 վարժանքների ժամանակ
Օգոստոսի 28-ին Ադրբեջանում 2018թ․ մարտական պատրաստության ծրագրի համաձայն ինժեներա–սակրավորական ստորաբաժանումներում անցկացվել են հատուկ մարտավարական վարժանքներ։ Այս մասին հայտնում է Ադրբեջանի ՊՆ կայքը։
Ըստ աղբյուրի՝ վարժանքների ընթացքում ինժեներական զորքերը իրականացրել են տեղանքի ինժեներական հետախուզության առաջադրանքներ, ինչպես նաև զորքերի առաջխաղացման ճանապարհների անցկացում։
Իսկ սակրավորները, հայտնաբերելով պայմանական թշնամու տեղադրած ականները, հատուկ միջոցներով ականազերծել են տվյալ տարածքը։
Օգոստոսի 28-ի ինժեներա–սակրավորական ստորաբաժանումների վարժանքների ժամանակ


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

5-րդ զորամիավորումում անցկացվել են շտաբային մարզումներ

5-րդ զորամիավորումում հրամանատար, գնդապետ Ա. Փիլոյանի ղեկավարությամբ զորամիավորման վարչակազմի հետ անկացվել են շտաբային մարզումներ:

Վարժանքի ժամանակ խնդիր էր դրվել ստուգել սպայակազմի գործողությունների իրատեսությունը, կառավարման մարմինների գործնական ունակությունները, ինչպես նաև` մասնագիտական վարպետությունը հաշվարկներ կատարելիս և պաշտպանական օպերացիայի վերաբերյալ առաջարկություններ անելիս:






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

11/08/2018

Ադրբեջանում անցկացվում են մարտական պատրաստության բարձրացման վարժանքներ.Razminfo

Ադրբեջանական լրատվամիջոցներում
 օգոստոսի 11-ին հրապարակված
լուսանկարներ վարժանքներից
Razm.info կայքը գրում է.
Օգոստոսի 11-ին Ադրբեջանի զինված ուժերի տարբեր ստորաբաժանումներում անցկացվում են մարտական պատրաստության բարձրացման վարժանքներ։ 
Այս մասին հայտնել են ադրբեջանական լրատվամիջոցները, հղում անելով ՊՆ հայտարարությանը։
Նշենք, որ այս պահին և՛ Ադրբեջանի ՊՆ կայքը և՛ լրատվամիջոցներից մի քանիսը հայտարարությունը հեռացրել են։
Հիշեցնենք, որ վերջին զորավարժությունը Ադրբեջանում անցկացվեց հուլիսի 2–6-ը։ Զորավարժությունների անցկացման մասին ՊՆ հայտարարության մեջ նշվում էր, որ դրանց մասնակցելու էին 20000 զինծառայողներ, 120 միավոր տանկ և այլ զրահատեխնիկա, 200 տարբեր տրամաչափի հրթիռա-հրետանային կայաններ, համազարկային կրակի ռեակտիվ համակարգեր և ականանետներ, մինչև 30 միավոր ավիացիոն միջոցներ՝ նախատեսված տարբեր նպատակների համար։
Ադրբեջանական լրատվամիջոցներում
օգոստոսի 11-ին հրապարակված
լուսանկարներ վարժանքներից


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`