Showing posts with label նորություններ. Show all posts
Showing posts with label նորություններ. Show all posts

09/07/2020

Զինվորից հինգ պակաս. Կյանքի յուրաքանչյուր ժամանակահատվածում մենք նորը սովորելու հնարավորություն ունենք


 «Մա՛մ ջան, մի՛ նեղվիր, կապի մեջ կլինենք: Հետ եմ գալու ավելի հասուն մարդ դարձած»: Ահա այս խոսքերով ծնողին սփոփելով և սիրով ծառայության է մեկնում Սերյոժա Անտոնյանը: Սերյոժան բանակային կյանքի մասին շատ պատկերացումներ չունի, բայց կարծում է, որ ամեն ինչ շատ լավ է լինելու: 
 «Անհաղթահարելի բարդություններ չկան»,- ասում է նա: Բանակային կյանքում Սերյոժան ոչինչ էլ չէր փոխի. ըստ նրա ամեն բան շատ լավ է և գնալով ավելի է լավանում, իսկ թե որտեղ կանցկացնի ծառայությունը՝ ամենից կարևորն է նրա համար: Սերյոժան ցանկանում է ծառայել Արցախում և չի հասկանում այն մարդկանց, ովքեր ուզում են հնարավորինս մոտ ծառայել Հայաստանին: 
Զորացրվելուց հետո Սերյոժան մի մեծ նպատակ ունի. ցանկանում է Հայաստանում զարգացնել ֆուտբոլը՝ զբաղվելով մարզչական աշխատանքով: 
«Գնացեք բանակ և վայելեք դա, քանի որ կյանքի յուրաքանչյուր ժամանակահատվածում մենք նորը սովորելու ու ավելի լավը դառնալու հնարավորություն ենք ունենում», - հորդորում է Սերյոժան զինակոչիկներին ու իրենց հերթին սպասող տղաներին: 

Բլից հարցեր 

- Եթե ճաշարանի ուտելիքները Ձեր սրտով չլինեն: 
Կփորձեմ հարմարվել: 

- Եթե հնարավորությու չունենաք հարազատների, ընկերների հետ կապ պահելու: 
Կսպասեմ հարմար պահի: 

- Եթե Ձեր կողքի մահճակալին քնողը խռացնի ողջ գիշեր: 
Կխնդրեմ տեղս փոխեն:

-Եթե ցանկությամբ լիներ ծառայել կամ չծառայելը: 
Չէի ծառայի:

-Եթե Ձեր վաշտի սերժանտների ծառայության մեջ թերություններ նկատեք: 
Կասեմ, որ ուղղեն:

 - Եթե փախուստի հնարավորություն ունենաք:
 Չեմ փախչի։

 - Եթե իմանաք, որ քաղաքացիական կյանքում Ձեզ համար ամենատհաճ անձնավորության հետ նույն վաշտում եք ծառայելու:
 Կփորձեմ ինչքան հնարավոր է հեռու մնալ:

- Երբ մի օր արթնանաք և ասեն, որ այսուհետ աղջիկներն էլ են ծառայելու: 
Կուրախանամ:

 - Երբ հասկանաք, որ մի քանի օրից զորացրվում եք: 
Կփորձեմ վաշտի տղաների հետ նշել:

Բանակը կյանքի հերթական փորձություններից է՝ տղաների կյանքում կոփող մի արկած, որը կոչված է ավելի հասուն դարձնելու և հայրենիքը պաշտպանելու սուրբ գործին մասնակից լինելու: Իսկ Սերյոժային և մյուս զորակոչիկներին մաղթում ենք բարի ծառայություն:


Սիմոն Հովհաննիսյան



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/07/2020

Ռադիացիոն, քիմիական և կենսաբանական պաշտպանության մարզումներ


Զինծառայողների պատրաստության աստիճանը ստուգելու և դաշտային պայմաններում անհատական պաշտպանիչ միջոցների կիրառման հմտությունները զարգացնելու նպատակով հուլիսի 7-ին 1-ին զորամիավորման N զորամասում անցկացվել են ռադիացիոն, քիմիական և կենսաբանական պաշտպանության մարզումներ։
Ստուգվել են անձնակազմի գործողությունները զանգվածային խոցման զենքերի կիրառման դեպքում, ազդարարման հաջորդականությունը, անհատական և խմբային պաշտպանական միջոցների կիրառման գիտելիքները։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հրետանային ստորաբաժանումների զինծառայողներն անցկացվել են վարժանքներ


Մարտավարական-մասնագիտական գիտելիքների ստուգման և գործնական հմտությունների զարգացման նպատակով հուլիսի 7-ին 3-րդ զորամիավորման հրետանային ստորաբաժանումների զինծառայողների հետ անցկացվել են վարժանքներ։ 
Բացազատվել են հրետանային հաշվարկների կառավարման կետեր,  հրետանային միջոցները բերվել են մարտական վիճակի: Ճշգրտվել են պայմանական հակառակորդի թիրախների կոորդինատները, հղկվել են հրամանատարների գործողությունները մարտական տարբեր իրավիճակներում:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Զորամասերում անցկացվում են ամփոփիչ ստուգումներ


Զորքերի և կառավարման մարմինների մարտական խնդիրների կատարման պատրաստականությունը, զորամասերի և ստորաբաժանումների ներդաշնակման մակարդակը, ինչպես նաև զորքերի ծառայության, մարտական պատրաստության և կարգապահության վիճակը ստուգելու նպատակով ՀՀ զինված ուժերի զորամասերում անցկացվում են ամփոփիչ ստուգումներ:






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

07/07/2020

«ՆԱՆՈ ՄԵԴԻՔԼ ԷՅ ԷՄ» ՍՊԸ-ն առաջին անգամ տարածաշրջանում արտադրելու է նանոմանրաթել


«ՆԱՆՈ ՄԵԴԻՔԼ ԷՅ ԷՄ» սահմանափակ պատասխանատվությամբ ընկերությունը (Nano Medical AM) - բարձր տեխնոլոգիական ձեռնարկություն է, որը արտադրելու է ստերիլ և ոչ ստերիլ «նանո» մանրաթել, որը կիրառվում է թե՛ թեթև, թե՛ ծանր արդյունաբերությունում։

Ձեռնարկությունը նախատեսում է առաջին անգամ տարածաշրջանում արտադրել նանոմանրաթել՝ 100 նմ-ից պակաս տրամագծով, որը ստացվելու է պոլիմերացման միջոցով՝ NanoSpider պատենտավորված տեխնոլոգիայով։ Տեխնոլոգիան պատետնավորված է սարքավորումները մատակարարող Եվրոպական արտադրության ELMARCO ընկերության կողմից, որն էլ իրականացնելու է արտադրամասի մոնտաժումը և համապատասխան մասնագետների վերապատրաստումը։ Սարաքավորումը ունի 20 մլն մ2 արտադրողականություն, և աշխատում է 24/7 ռեժիմով։ 

Նանոտեխնոլոգիաների կիրառման շնորհիվ մանրաթելի վրա առաջանում են բարակ եռաչափ մակերեսային կառուցվածք, որից ջուրը, յուղը, կեղտը հեշտությամբ սահում են և լվացվում։  Նանոմանրաթելերի օգտագործումը հնարավորություն է տալիս ստանալ տեքստիլ նյութեր, որոնց դիմային շերտը ձեռք է բերում ջրի, յուղի, բակտերիաների  կլանման հատկություններ, իսկ ներսի կողմը մնում է հիդրոֆիլային եւ կարողանում է կլանել խոնավությունը մարմնից, ուստի նանոմանրաթելով հագեցած արտահագուստը ձեռք են բերում հետևյալ հատկությունները.

- Ուլտրամանուշակագույն պաշտպանություն,
- Հակամանրէային և հակավիրուսային հատկություններ,
- Էլեկտրական հաղորդունակություն,
- Չկեղտոտող հատկությունները,
- ֆոտո-օքսիդացնող ունակություն տարբեր քիմիական և կենսաբանական պայմաններում,
- Հրակայունություն,
- Սնկերի և բորբոսների առաջացման դիմադրողականություն։

«Նանո» մանրաթելերից արտադրված նյութերը պաշտպանում են ցրտից, խոնավությունից, հրկիզումից, ինչպես նաեւ մանրէներից, վիրուսներից և սնկից հատուկ հանդերձանք պահանջող մասնագետներին՝  ուժային կառույցների, արտակարգ իրավիճակների աշխատակիցների, բժշկական հաստատությունների, ինչպես նաև բարձր դասի սպորտսմենների համար.

Ձեռնարկությունը նախատեսում է արտադրել հետևյալ հիմնական տեսականին՝

1. Ուժային կառույցների համար արտահագուստ
  • Հատուկ պայմաններում ծառայողների համար 
  • Հատուկ ջոկատների համար նախատեսված 
  • Անբարենպաստ բնական պայմաններում աշխատող անձնակազմի համար 

2. Արտակարգ իրավիճակների նախարարության աշխատակիցների համար հատուկ արտահագուստ
  • Չհրկիզվող
  • Քիմիական և կենսաբանական պայմանների համար
  • Թեթև և շնչող
  • Ծուխը չկլանող դիմակներ

3. Բարձրակարգ հյուրանոցների համար 
  • Անձնակազմի համար հակամանրէային արտահագուստ
  • Համարների համար հակամանրէային և հակավիրուսային սպիտակեղեն
  • Հյուրերի համար հակամանրէային և հակավիրուսային սրբիչներ, խալաթներ, հողաթափեր
  • Սննդի կետերի համար չհրկիզվող, խոնավությունը չկլանող սփրոցներ

4. Հատուկ չափանիշներով օժտված սպորտային հագուստ
  • Սպորտային ակումբների համար 
  • Առողջության կենտրոնների համար
  • Ակտիվ հանգստի համար

5. Բժշկական հաստատությունների համար
  • Արտահագուստ բուժանձնակազմի համար
  • Արտահագուստ պացիենտների համար
  • 1, 2 և 3 շերտանի ստերիլ և ոչ ստերիլ դիմակներ
  • Վիրահատարանների համար ստերիլ տեքստիլ
  • Հիվանդասենյակների համար ստերիլ սպիտակեղեն

6. Նանոֆիլտրի արտադրություն՝ 
  • Բժշկական վիրակապերի համար
  • Նավթաարդյունաբերության համար
  • Ավտոմոբիլային ինդուստրիայի համար
  • Պատուհանների համար

Ինչպես տեղեկացրեց Nano Medical AM ընկերության տնօրեն Ն.Մանուկովան, Ընկերությունը առաջիկա 3-5 տարիների ընթացքում նախատեսում է իրականացնել ներդրումներ մոտ 10 մլն եվրոյի չափով, իսկ ստեղծված աշխատատեղերը առաջին տարվա ընթացքում կլինեն մինչև 60-ը, իսկ երկրորդ հոսքագիծը մոնտաժելուն պես կհամալրվեն ևս 50-60 աշխատատեղերով։

«Մեր սեփական լաբորատորիայի առկայությունը կնպաստի արտադրվող տեսականու որակի շարունակական ապահովմանը: Ընկերությունում ներ են դրվելու Որակի կառավարման, վերահսկման և ապահովման ամենախիստ միջազգային ստանդարտներին համապատասխան համակարգ՝ համաձայն պատշաճ արտադրական պրակտիկայի GXP (GMP/GDP/GLP/GHP), ինչպես նաև ISO 13485, ISO 9001 պահանջների»,-ամփոփեց տիկին Մանուկովան։












Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հայաստանում բացվեց AK-103 ինքնաձիգի հավաքման արտադրամաս /տեսանյութ/

Հայաստանում բացվեց ԱԿ-103 Կալաշնիկով ինքնաձիգների հավաքման արտադրամաս։ Ձեռնարկությունը հիմնվել է Նեյտրոն գիտաարտադրական միավորում ՓԲԸ-ի և ռուսական «Կալաշնիկով» կոնցեռնի  համագործակցության պայմանագրի հիման վրա։ Մանրամասները` ստորև ներկայացվող տեսանյութում։

Իննա Թումանյան



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

Գործնական պարապմունք մարտական հենակետերում


Հուլիսի 6-ին 2-րդ զորամիավորման զորամասերից մեկի մարտական հենակետերում անցկացվել են գործնական պարապմունքներ։
Հայտարարվել է ուսումնական տագնապ, ստուգվել են մարտական հերթապահության կրման տեսական գիտելիքներն ու գործնական հմտությունները: Զինծառայողները հրահանգավորվել են պաշտպանական և հակահարձակողական գործողությունների կազմակերպման և իրականացման վերաբերյալ:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հակաօդային պաշտպանության վարժանքներ


Հուլիսի  3-ին  5-րդ  զորամիավորման հակաօդային պաշտպանության ստորաբաժանումների զինծառայողները դաշտային պայմաններում անցկացրել են մասնագիտական վարժանքներ:
Ստուգվել են հակաօդային պաշտպանության հրամանատարական կետերի անձնակազմերի մասնագիտական գիտելիքները, ըստ իրադրության՝ տրվել են ներմուծականներ: Զինծառայողները ցուցաբերել են բարձր պատրաստվածություն, գերազանց կատարել  առաջադրված խնդիրները:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

06/07/2020

Դավիթ Տոնոյանն ընդունել է Հայաստանում ԿԽՄԿ պատվիրակության ղեկավարին


Հուլիսի 6-ին ՀՀ պաշտպանության նախարար Դավիթ Տոնոյանն ընդունել է Հայաստանում Կարմիր խաչի միջազգային կոմիտեի ներկայացուցիչներին՝ պատվիրակության ղեկավար Քլեր Մեյթրոի գլխավորությամբ:
Հանդիպման ընթացքում կողմերն անդրադարձել են Հայաստանի պաշտպանական գերատեսչության և ՀՀ-ում Կարմիր խաչի միջազգային կոմիտեի պատվիրակության համագործակցության ընթացիկ հարցերին, օրակարգային միջոցառումներին, ինչպես նաև փոխգործակցության արդյունավետության բարձրացման հնարավորություններին ու առաջիկա անելիքներին:
Զրուցակիցները քննարկել են ոչ ինքնակամ Ադրբեջանում հայտնված և անազատության մեջ գտնվող ՀՀ քաղաքացիներ Կարեն Ղազարյանի և Արա Ղազարյանի հետագա ճակատագրին վերաբերող հարցեր, կարևորել Երևանում և Բաքվում Կարմիր Խաչի գրասենյակների համակարգված աշխատանքը՝ կանոնավոր տեսակցությունների և ընտանիքների անդամների հետ նամակագրության ապահովման նպատակով:  
Կողմերն անդրադարձել են նաև Լեռնային Ղարաբաղի հակամարտության հետևանքով անհետ կորած անձանց ճակատագրերը պարզելուն ուղղված հարցերին, ինչպես նաև ՀՀ գերիների, պատանդների, անհայտ կորածների հարցերով զբաղվող հանձնաժողովի և ԿԽՄԿ-ի կողմից իրականացվող աշխատանքների համադրմանն առնչվող այլ խնդիրների: 
Հանդիպման ավարտին Դավիթ Տոնոյանը շնորհակալություն է հայտնել Հայաստանում ԿԽՄԿ-ի ղեկավարին՝ պատվիրակության կողմից կորոնավիրուսի համավարակի դեմ պայքարի շրջանակներում Հայաստանի Հանրապետության կառավարության ջանքերին աջակցելու համար:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հակատանկային ստորաբաժանումներում անցկացվել են գործնական պարապմունքներ


Անձնակազմի մասնագիտական գիտելիքները և հաստիքային սպառազինության տիրապետման հմտությունները կատարելագործելու նպատակով հուլիսի 3-ին 3-րդ զորամիավորման հակատանկային ստորաբաժանումներում անցկացվել են գործնական պարապմունքներ` առանց մարտական հրաձգության։
Զինծառայողները ցուցաբերել են բարձր պատրաստվածություն և հաջողությամբ կատարել առաջադրված խնդիրները:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

05/07/2020

«Լսարանից խրամատ անցումը պարտավորեցնող է». «Զինվորից 5 պակաս»

    «Եթե գնամ խորը արմատներ, ապա կարող եմ ասել որ ծուռ սանսունցի եմ»,-հպարտությամբ պատմում է «Զինվորից 5 պակաս» շարքի մեր հաջորդ զրուցակիցը՝ Արմեն Բեգանյանը, որն այժմ ապրում է Արագածոտնի մարզի Ուջան գյուղում:
 Արմենը սովորել է Ուջան գյուղի երաժշտական դպրոցում, ապա սերը դեպի երգն ու երաժշտությունը՝ նրան տարել են Առնո Բաբաջանյանի անվան պետական երաժշտամանկավարժական քոլեջ. «Նոր եմ ավարտել 3-րդ կուրսը, սակայն բանակից վերադառնալուց հետո շարունակելու եմ ուսումս ևս մեկ տարի, որպեսզի ավարտեմ քոլեջը»,- պատմում է ու հավելում, որ սիրում է նորարարություններ անել տարբեր երաժշտական գործիքներով. «Սկզբում ակորդեոն, ապա գալարափող, շեփոր, սինթեզ, բոլորովին վերջերս սկսել եմ կիթառ նվագել սովորել։ Շա՜տ ժամանակ եմ անցկացնում ականջակալներով` Կոմիտաս, Բոչելլի, Պավարոտի, Կոկեր լսելով»:

Ապագա զինվորն իրեն նկարագրելիս չափազանց անկեղծ է. «Բռնկուն եմ, ինքնամփոփ, ընկերներիս հետ կատակասեր եմ, բայց աշխատասեր չեմ»:
Դեռ մանուկ հասակից հիշում է, որ մայրը մտահոգվում էր, թե տղան մի օր բանակ է գնալու, իսկ հայրը շարունակ կրկնում էր, որ տղան ամեն դեպքում պետք է հաստատ ծառայի. «Ինքս էլ երբեք չեմ մտածել ծառայությունից խուսափելու մասին։ Դեռ ավելին՝ անգամ չուզեցի մեկ տարով ևս հետաձգել։ Քոլեջում պետք է սովորեմ 4 տարի, անվճար եմ ու կար հնարավորություն ծառայության մեկնելու ոչ թե այս տարի, այլ մյուս, երբ կավարտեի, սակայն ինքս եմ որոշել չհետաձգել ծառայությունը»:
«Լսարանից խրամատ անցումը պարտավորեցնող է: Իսկ ծնողներիս տխրությունը, վստահ եմ՝ գերակա չէ նրանց զգացած հպարտությանը»,- ասում է Արմենը

Բլից հարցում.
1. Եթե ճաշարանի ուտելիքները սրտովդ չլինեն...
-Մի քանի անգամ գուցե սոված մնամ, հետո կհարմարվեմ։

2Եթե հնարավորություն չունենաս հարազատներիդ, ընկերներիդ հետ կապ պահելու

- Կկարոտեմ կամ էլ թղթի միջոցով նամակ կգրեմ:

3 Եթե ցանկությամբ լիներ ծառայել կամ չծառայելը
- Կարծում եմ, այնուամենայնիվ կլիներ ծառայելու ցանկություն։

4 Եթե վաշտիդ սերժանտների ծառայության մեջ թերություններ նկատես
-Կտխրեմ:

5Եթե ինքդ սերժանտ դառնաս
-Պարտավորված կլինեմ առավել անթերի ծառայել:

6 Եթե փափուստի հնարավորթյուն ունենաս
- Փախուստի դիմողները մինչև զորակոչվելն են փախչում։

7 Եթե իմանաս, որ քաղաքացիական կյանքում քեզ համար ամենատհաճ մարդու հետ նույն վաշտում ես ծառայելու
- Ուրախ կլինեմ, բոլորի հետ հնարավոր է լեզու գտնել:

8 Երբ մի օր արթնանաս ու ասեն, որ այսուհետ աղջիկներն էլ են ծառայելու
- Շատ աղջիկ երեխաներ կունենամ:

9 Երբ հասկանաս, որ մի քանի օրից զորացրվում ես
- Չեմ կարող ասել ինչ կանեմ, կամ կզգամ. կուրախանամ, կտխրեմ, կլարվեմ։

                                                                
                       Իննա Թումանյան



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

Ջալալ Հարությունյանն առանձնազրույց է ունեցել նորակոչիկների հետ


Հուլիսի 5-ին ՊԲ կենտրոնական ենթակայությամբ գործող զորամասերից մեկում տեղի է ունեցել նորակոչիկների ընդունման հանդիսավոր հավաք, որին մասնակցել է ԱՀ ՊՆ, ՊԲ հրամանատար, գեներալ-մայոր Ջալալ Հարությունյանը:
Արցախի Հանրապետության ռազմական գերատեսչության ղեկավարը, շնորհավորելով զորակոչիկներին բանակի շարքերում ծառայության անցնելու կապակցությամբ, համոզմունք է հայտնել, որ նորակոչիկները պատվով կկատարեն հայ ժողովրդի պահապանը լինելու բարձր առաքելությունը՝ վերջիններիս մաղթելով բարի և հաջողություններով ուղեկցվող ծառայություն:
Հանդիսավոր միտինգի ավարտին ԱՀ ՊՆ, ՊԲ հրամանատար, գեներալ-մայոր Ջալալ Հարությունյանն առանձնազրույց է ունեցել նորակոչիկների հետ, պատասխանել վերջիններիս հուզող հարցերին և պատասխանատու սպայակազմին տվել նորակոչիկների՝ զինվորական կյանքին արագ ինտեգրվելու համար անհրաժեշտ ցուցումներ ու հանձնարարականներ:


ԱՀ ՊՆ մամուլի ծառայություն 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/07/2020

Տավուշում ՊՆ «Կամազ» է կողաշրջվել

Հունիսի 3-ին Տավուշում կողաշրջվել է ՀՀ ՊՆ-ին պատկանող «Կամազ» մակնիշի ավտոմեքենա։ 7 զինծառայող բուժզննման նպատակով տեղափոխվել է զինվորական հոսպիտալ։
Այս մասին հայտնում է Shamshyan.com կայքը։

Razm.info-յի հետ զրույցում դեպքը հաստատեցին ՊՆ-ից, հավելելով, որ զինծառայողներից 4-ը այսօր վերադարձել է ծառայության վայր, իսկ մյուսների կյանքին վտանգ սպառնացող վնասվածքներ չկան։


Նյութը՝ Razm.info կայքի


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ՝

ՀՀ վարչապետը հանդիպել է ՊՆ և ԶՈՒ ղեկավար կազմի հետ


Վարչապետ Նիկոլ Փաշինյանն աշխատանքային հանդիպում է ունեցել Պաշտպանության նախարարության և Զինված ուժերի ղեկավար կազմի հետ՝ նախարար Դավիթ Տոնոյանի և ԶՈՒ գլխավոր շտաբի պետ, գեներալ-լեյտենանտ Օնիկ Գասպարյանի գլխավորությամբ: Հանդիպման ընթացքում քննարկվել  են տարածաշրջանում ստեղծված ռազմաքաղաքական իրադրության հնարավոր զարգացումներն ու Զինված ուժերի կիրառման պլանը: 

Իր խոսքում, վարչապետը, մասնավորապես, նշել է. «Այսօրվա մեր քննարկումը շատ կարևոր է, սկզբունքորեն մենք ժամանակ առ ժամանակ զինված ուժերի կիրառման պլանը քննարկում ենք ամենատարբեր ֆորմատներով: Ես այսօրվա քննարկման մեկնարկին շատ կարևոր եմ համարում արձանագրել, որ Զինված ուժերի զարգացման բավականին լավ տեմպ և որակ ունենք այսօր: Ուզում եմ արձանագրել, որ մեր կառավարության համար այս ուղղությունը ոչ թե ուղղակի առաջնահերթություն է, այլ առաջնահերթությունների առաջնահերթություն, որովհետև այն հավակնությունները, որոնք հայ ժողովուրդն ըստ էության որդեգրել և հայատարարել է, դրանք կարող են իրականություն դառնալ ու շանս ունենալ, եթե Հայաստանի Հանրապետության Զինված ուժերը համարժեք են մեր երկրի շուրջ ստեղծված ռազմաքաղաքական իրավիճակին և ի վիճակի են արձագանքել բոլոր մարտահրավերներին: Ընդ որում, մենք նկատի ենք ունենում ոչ միայն կարճաժամկետ, այլև երկարաժամկետ առումով ոչ միայն մարտավարական, այլև ռազմավարական մարտահրավերները: 

Բայց և ուզում եմ ընդգծել, որ Զինված ուժերի բնականոն զարգացումը և այսօր որդեգրված զարգացման տեմպը մեզ անհրաժեշտ է տարածաշրջանում խաղաղություն և կայունություն ապահովելու համար: Անվտանգության խորհրդի վերջին նիստում ես առիթ ունեցա այդ թեմայով խոսելու և արձանագրելու, որ այն քաղաքականությունը, որ մենք վարում ենք և այն նպատակադրումները, որ մենք, ըստ էության, ունենք գոյություն ունեցած և նոր ի հայտ եկած բազմաթիվ հանգամանքների բերումով, ծառայում են ոչ միայն Հայաստանի և Արցախի անվտանգության, կայունության ապահովմանը, այլև ակամա, թե կամա ստացվել է այնպես, որ ողջ տարածաշրջանի անվտանգությանը և կայունությանը: Եվ ես ուրախ եմ, որ մենք հենց այս շեշտադրումներով ենք ընկալում մեր և մեր Զինված ուժերի առաքելությունը Հայաստանում և ընդհանրապես տարածաշրջանում»:   






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

7 օր առաջնագծում

Հունիսի 28-ից հուլիսի 4-ն ընկած ժամանակահատվածում, արցախա-ադրբեջանական հակամարտ զորքերի շփման  գոտում, հակառակորդը հրադադարի պահպանման ռեժիմը խախտել է ավելի քան 200 անգամ՝ տարբեր տրամաչափի հրաձգային զինատեսակներից հայ դիրքապահների ուղղությամբ արձակելով  շուրջ 2000 կրակոց:

           ՊԲ առաջապահ զորամասերը հիմնականում ձեռնպահ են մնացել պատասխան գործողություններից և շարունակել իրականացնել մարտական դիրքերի հուսալի պահպանություն:


ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Զորավարժությունների արդյունքների ամփոփում ՊԲ-ում

Հուլիսի  4-ին, ԱՀ ՊՆ, ՊԲ հրամանատար, գեներալ-մայոր Ջալալ Հարությունյանի նախագահությամբ, տեղի է ունեցել  ս.թ. հունիսի 22-ից 26-ը անցկացված մարտավարական զորավարժությունների արդյունքների ամփոփումը: Ըստ փուլերի անդրադառնալով զորավարժությունների արդյունքներին՝ բանակի հրամանատարը մանրակրկիտ վերլուծության  է ենթարկել 2020 թվականի բանակային ուսումնական տարվա կարևորագույն միջոցառումներից մեկի ընթացքը, մասնավորապես մարտական պատրաստականության, սպառազինության ու ռազմական տեխնիկայի շահագործման, զորամասերի ու ստորաբաժանումների ղեկավարման և կրակային խոցման ուղղությունները:

Հանրապետության ռազմական գերատեսչության ղեկավար,  գեներալ-մայոր Ջալալ Հարությունյանը զորավարժությունների ընթացքում արձանագրված ձեռքբերումների ու թերացումների վերաբերյալ հրամանատարական կազմին տված  համապատասխան ցուցումներից  ու հանձնարարականներից  բացի, կարևորել է նաև հաջորդ ուսումնական փուլի նախապատրաստական աշխատանքների համալիրը, մասնավորապես մարտական հերթապահության կազմակերպման, ստորաբաժանումների ներդաշնակման և զորամասերի կենսագործունեության այլ առանցքային ուղղություններում:

Ամփոփիչ զեկույցից հետո հրապարակվել է  ՊԲ հրամանատարի հրամանը, համաձայն որի  զորավարժությունների ընթացքում լավագույն կողմերով աչքի ընկած զորամասերը, ստորաբաժանումներն ու առանձին զինծառայողներ խրախուսվել են արժեքավոր նվերներով և դրամական պարգևներով:




ԱՀ ՊՆ մամուլի ծառայություն 



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

5-րդ զորամիավորումում անցկացվել է մարտավարական զորավարժություն


5-րդ զորամիավորման հրաձգային վաշտերը հուլիսի 2-ին անցկացրել են մարտավարական զորավարժություն՝ մարտական հրաձգությամբ։
Ստուգվել են զինծառայողների գործողությունները դաշտային պայմաններում, հրամանատարական կազմի ղեկավարման հմտությունները, ստորաբաժանումների փոխգործակցությունը մարտի նախապատրաստման և վարման ժամանակ, անցկացվել է գործնական հրաձգություն տարբեր զինատեսակներից։






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`