Showing posts with label համագործակցություն. Show all posts
Showing posts with label համագործակցություն. Show all posts

24/12/2019

ՀՀ-ում ՌԴ դեսպանն այցելել է պաշտպանական ազգային հետազոտական համալսարան


Դեկտեմբերի 24-ին Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինն ու դեսպանության ռազմական և ռազմաօդային կցորդ, գնդապետ Անդրեյ Գրիշչուկն այցելել են ՀՀ ՊՆ պաշտպանական ազգային հետազոտական համալսարան: 
ՌԴ դեսպանը ծանոթացել է համալսարանի ծրագրերին, առարկաների դասավանդմանը, հանդիպումներ է ունեցել սպա-ունկնդիրների հետ և պատասխանել նրանց հարցերին: ՊԱՀՀ-ի ղեկավարության հետ քննարկվել են նաև երկկողմ հետաքրքրություն ներկայացնող հարցեր, հետագա փոխգործակցության ուղղություններն ու հեռանկարները:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

03/12/2019

Մեկնարկում է նոր ծրագիր. համագործակցություն հանուն Արցախի հյուսիսարևելյան N զորամասի


Հարգելի հայրենակիցներ, «Հանուն հայ զինվորի» ՀԿ-ն համագործակցելով «Հայ վիրավոր հերոսների» հիմնադրամի հետ, ուրախությամբ հայտարարում է նոր ծրագրի մեկնարկի մասին։
 Հերթական ծրագիրը ուղղված է հյուսիսարևելյան ուղղությամբ տեղակայված N զորամասում ինժեներական աշխատանքների համար անհրաժեշտ որոշակի պարագաների, ցրտադիմացկուն ճտքակոշիկների ձեռքբերմանը  և ջրի որակի բարելավման աշխատանքների իրականացմանը։ 
Ծրագրի իրականացման համար «Հանուն հայ զինվորի» ՀԿ-ն կիրականացնի բաց, թափանցիկ և հաշվետու դրամահավաք, որի արդյունքում հանգանակված գումարին «Հայ վիրավոր հերոսների» հիմնադրամը կավելացնի դրա կրկնակին։ Դրամահավաքը կտևի մեկ շաբաթ և կավարտվի դեկտեմբերի 11-ին։

Դրամահավաքին մասնակցել ցանկացողները կարող են գումար փոխանցել՝
Ինեկո բանկ (ընթացիկ հաշիվ)
2050080818251001 ստացող՝ Դավիթ Թորոսյան

Արարատ բանկ (քարտային հաշիվ)
4375 1311 0014 2308 ստացող՝ Դավիթ Թորոսյան

Idram  համակարգ 434278565 ստացող՝ Դավիթ Թորոսյան 

Հարցերի և առաջարկությունների համար կարող եք զանգահարել 077035334 և 095035334 հեռախոսահամարներով, «Հանուն հայ զինվորի» ՀԿ նախագահ Դավիթ Թորոսյանին։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/11/2019

«Ամուր թիկունք՝ հզոր բանակ». ամփոփում


 «Ամուր թիկունք՝ հզոր բանակ» ծրագրի շրջանակներում «Հանուն հայ զինվորի» ՀԿ անդամները օգոստոսի 25-28-ը եղան ԱՀ ՊԲ 4 զորամասերում: Ծրագրի նպատակն էր բարձրացնել զինծառայողների ռազմահայրենասիրական ոգին, նպաստել ազգային ինքնագիտակցության բարձրացմանը և բանակ-հասարակություն կապի ամրապնդմանը, ինչպես նաև հարստացնել գիտելիքները տեղեկատվական անվտանգության ոլորտում: Դրանց իրագործման համար կատարվել են մշակութային միջոցառումներ և տեղեկատվական անվտանգության վերաբերյալ թեստավորումներ և այդ ամենը լուսաբանվել է banak.info կայքում: 



  ՀԿ-ն իր կազմավորման 3-րդ ամյակը նշեց Արցախում, որի առթիվ պարգևատրվեցին հյուսիսարևելյան ուղղությամբ տեղակայված զորամասերի զինվորներ և նույն զորամասերի հրամանատարական կազմից Արմեն Մարկոսյանը, Արման Հովհաննիսյանը, Զարզանդ Մխիթարյանը, Արմեն Մկրտչյանը, Տիգրան Աբրահամյանը և Կարեն Շաքարյանը ստացան շնորհակալագիր «Ամուր թիկունք՝ հզոր բանակ» ծրագրի իրականացմանը ցուցաբերած աջակցության համար։ Իսկ ՀԿ-ն ստացավ պատվոգիր պաշտպանական շրջանի հրամանատարի կողմից՝ զորմասերում մշտապես նման ծրագրեր իրականացնելու համար: 




 Ինչպես ամեն այցին, այս անգամ ևս ՀԿ-ն օժանդակության կարգով զորամասերին հանձնեց որոշ իրեր. տեսահսկման սարքավորում՝ դիրքերում դիրտարկումներն ավելի արդյունավետ դարձնելու նպատակով, ջրի ուսապարկեր, սպարտային շապիկներ և գնդակներ:

 Ծրագրի նախապատրաստման և իրականացման ընթացքում համագործակցություն է եղել․ 
1. ՀՀ կրության, գիտության, մշակույթի և սպորտի նախարարության,
2.ՀՀ պաշտպանության նախարարության, 
3. Արցախի Հանրապետության Պաշտպանության բանակի, 
4. ՏՏ անվտանգության մասնագետ Սամվել Մարտիրոսյանի,
5. «Լեգիտիմուս» ՍՊԸ-ի, 
6. Combat և Max-Kar զինվորական խանութների, 
7. «Royal Armenia» ընկերություն,
8. Mybookstore առցանց գրախանութի, 
9. «Շամշյան մեդիա» ՍՊԸ-ի` www.shamshyan.com կայքի,
10. www.ditaket.am կայքի, 
11. www.erit.am կայքի, 
12. www.khatutik.ru կայքի հետ: 

 «Հանուն հայ զինվորի» ռազմահայրենասիրական ՀԿ-ն 3 տարի է ծավալում է նման գործունեություն, նպատակ ունենալով պահպանել ազգ-բանակ փոխհարաբերությունները: Իսկ հաջորդ ծրագրերը երկար սպասեցնել չեն տա:








Լիանա Բրյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/11/2019

Նոր համագործակցության արդյունքում «Հանուն հայ զինվորի» ՀԿ-ն կրկին Արցախում էր

«Հանուն հայ զինվորի» հասարակական կազմակերպությունը վերջերս կրկին եղավ հյուսիս- արևելյան մի քանի զորամասերում: «Թամարա և Անի» ՍՊԸ-ի և «Օվալ պլաստիկ» ՍՊԸ-ի հետ համագործակցության արդյունքում (նվիրատվության կարգով) այցի ընթացքում զորամասերին են տրամադրվել «Juicinad» տիպի 2025 հատ զովացուցիչ ըմպելիքներ և 200 հատ պլասմասե 10 լիտրանոց ջրի տարաներ:
 Կազմակերպության մի շարք անդամներ ծանոթացել են զորամասերի կենցաղային պայմաններին, այցելել դիրքեր ու շփվել մարտական հերթապահություն իրականացնող զինվորների հետ:
«Շնորհակալ ենք Վարուժան Խալաթյանին և Արմեն Մկրտչյանին համագործակցության համար. սա առաջին անգամն է, բայց հուսով ենք ոչ վերջին: Շնորհակալ ենք նաև Արեգ Հակոբյանին՝ այցի իրականացմանն աջակցելու համար և Կարեն Անտոնյանին՝ հերթական անգամ բեռները Արցախ անվճար փոխադրելու համար:
  Կարևոր քայլ եմ համարում նման նախաձեռնությունները, որոնք ինչ- որ չափով օժանդակում են բանակին: Մեր կազմակերպությունը միշտ անելու է ամեն ինչ, իր ուժերի ներածին չափով, զինվորի կողքին լինելու համար», - ասաց ՀԿ նախագահ Դավիթ Թորոսյանը:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 

Տեղեկացրու՛ ընկերներիդ`

30/10/2019

Հայ խաղաղապահները գերազանց կատարել են առաջադրված խնդիրները


Հոկտեմբերի 28-ին կայացել է ՀԱՊԿ անդամ պետությունների զինված ուժերի համատեղ օպերատիվ և մարտական պատրաստության 2019թ. պլանի համաձայն Տաջիկստանի Հանրապետությունում անցկացված «Անքակտելի եղբայրություն-2019» համատեղ խաղաղապահ զորավարժության եզրափակիչ փուլը:
Զորավարժությանն ընդգրկված ՀՀ ԶՈՒ խաղաղապահ բրիգադի զինծառայողները գերազանց կատարել են առաջադրված ուսումնամարտական խնդիրները և արժանացել հրամանատարության խրախուսանքին ու բարձր գնահատանքին:  







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/10/2019

Հայաստանում կառուցվելու է նոր ռազմամարզական վարժարան

Հայաստանի Հանրապետության և Ռուսաստանի Դաշնության պաշտպանության նախարարներ Դավիթ Տոնոյանը և բանակի գեներալ Սերգեյ Շոյգուն հոկտեմբերի 29-ին մասնակցել են ՀՀ ՊՆ նոր ռազմամարզական վարժարանի հիմնարկեքի արարողությանը:
Ռազմամարզական վարժարանի համար հատկացված մոտ 46,000 քմ. տարածքում շուտով վեր կխոյանա միջազգային լավագույն չափանիշներով կառուցված, գերժամանակակից տեխնոլոգիական լուծումներով, ռազմամարզական ուսուցման կազմակերպման համար անհրաժեշտ բոլոր ենթակառուցվածքներով հագեցած նոր համալիր:
Վարժարանի շինարարությունն իրականացվելու է ՌԴ պաշտպանության նախարարության տեխնիկական աջակցությամբ՝ շինարարական և կառուցապատման նորագույն տեխնոլոգիաների ու ճարտարապետական լուծումների կիրառմամբ:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ստորագրվել է ՀՀ և ՌԴ պաշտպանության նախարարությունների համագործակցության 2020թ. ծրագիրը


Հոկտեմբերի 29-ին ՀՀ ՊՆ վարչական համալիրում տեղի է ունեցել պաշտոնական այցով Հայաստան ժամանած ՌԴ պաշտպանության նախարար, բանակի գեներալ Սերգեյ Շոյգուի գլխավորած պատվիրակության դիմավորման արարողությունը:
Պաշտոնական արարողությունից հետո կայացել է ՀՀ պաշտպանության նախարար Դավիթ Տոնոյանի և ՌԴ պաշտպանության նախարար, բանակի գեներալ Սերգեյ Շոյգուի առանձնազրույցը, որն այնուհետև շարունակվել է ընդլայնված կազմով՝ պատվիրակությունների մասնակցությամբ։

Ողջույնի խոսքում ՀՀ պաշտպանության նախարարը բարձր է գնահատել հայ-ռուսական ռազմավարական համագործակցության ընթացքը, գոհունակությամբ ընդգծել ռազմական և ռազմատեխնիկական ոլորտում իրականացվող համատեղ միջոցառումների արդյունավետությունը: Դավիթ Տոնոյանը համոզմունք է հայտնել, որ ՌԴ ՊՆ պատվիրակության այս այցը նոր լիցք կհաղորդի պաշտպանության բնագավառում հայ-ռուսական դաշնակցային հարաբերությունների հետագա զարգացմանը և կնպաստի տարածաշրջանում կայունության և անվտանգության ամրապնդմանը:

ՌԴ պաշտպանության նախարարն իր հերթին շնորհակալություն է հայտնել ջերմ ընդունելության համար, նշել, որ իր այցը մեկնարկել է Գյումրիից` ընդգծելով տեղի ազգաբնակչության բարեկամական վերաբերմունքը 102-րդ ռուսական ռազմակայանի անձնակազմի հանդեպ:

Սերգեյ Շոյգուն գոհունակությամբ արձանագրել է պաշտպանական ոլորտում երկկողմ և բազմակողմ ձևաչափերով հարաբերությունների բարձր մակարդակը և դրանց ռազմավարական դաշնակցային բնույթը, կարևորել է համատեղ մարտական պատրաստության, օպերատիվ պլանավորման, ռազմական կրթության, ՌԴ 102-րդ ռազմակայանի մարտունակության ամրապնդման և մի շարք այլ ոլորտներում համագործակցության հետևողական զարգացումը։

Հանդիպման ընթացքում մտքեր են փոխանակվել հայ-ռուսական ռազմավարական դաշնակցային գործընկերության ներկա վիճակի, փոխգործակցության հետագա զարգացման ուղիների ու հեռանկարների, ինչպես նաև տարածաշրջանային և միջազգային անվտանգությանն առնչվող հարցերի շուրջ: Անդրադարձ է կատարվել Սիրիայում իրականացվող մարդասիրական առաքելությանը:  

 Այցի արդյունքներով ստորագրվել է ՀՀ և ՌԴ պաշտպանության նախարարությունների համագործակցության 2020 թ. ծրագիրը, որը ներառում է  երկկողմ համագործակցության ուղղությունների լայն շրջանակ:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հայաստան է ժամանել ՌԴ պաշտպանության նախարարի գլխավորած պատվիրակությունը

Հոկտեմբերի 29-ին պաշտոնական այցով Հայաստան է ժամանել ՌԴ պաշտպանության նախարար, բանակի գեներալ Սերգեյ Շոյգուի գլխավորած պատվիրակությունը:
Այցի ընթացքում նախատեսված է ՌԴ պաշտպանության նախարարի այցելությունը ՀՀ-ում տեղակայված ռուսաստանյան 102-րդ ռազմակայան, ՀՀ և ՌԴ պաշտպանության նախարարների առանձնազրույցը, երկու պետությունների պատվիրակությունների բանակցություններն ընդլայնված կազմով: Նախատեսված է նաև ՌԴ պաշտպանության նախարարի հանդիպումը ՀՀ վարչապետի հետ:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

22/10/2019

Կայացել է Հայաստանի և Չինաստանի պաշտպանության նախարարների հանդիպումը


Պեկինում անցկացվող միջազգային անվտանգության հարցերով Սյանշանի 9-րդ համաժողովի շրջանակում հոկտեմբերի 22-ին կայացել է ՀՀ պաշտպանության նախարար Դավիթ Տոնոյանի առանձին երկկողմ հանդիպումը Չինաստանի Ժողովրդական Հանրապետության պաշտպանության նախարար, գեներալ-գնդապետ Վեյ Ֆենխեի հետ:
Պաշտպանական գերատեսչությունների ղեկավարները բարձր են գնահատել հայ-չինական երկկողմ համագործակցության ընթացքը, գոհունակություն են հայտնել ռազմական և ռազմատեխնիկական բնագավառում իրականացվող միջոցառումների վերաբերյալ: 
Հատուկ ուշադրության են արժանացել երկու պետությունների ուսումնական հաստատություններում զինծառայողների փոխադարձ վերապատրաստման, խաղաղապահ առաքելություններին ներգրավման, օպերատիվ և մարտական պատրաստության միջոցառումներին համատեղ մասնակցության հարցերը:
Հանդիպման ընթացքում մտքեր են փոխանակվել հայ-չինական փոխգործակցության հետագա զարգացման ուղիների, ոլորտների ու հեռանկարների, ինչպես նաև տարածաշրջանային և միջազգային անվտանգությանն առնչվող հարցերի շուրջ:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

21/10/2019

Հայ խաղաղապահները կմասնակցեն «Անքակտելի եղբայրություն-2019» համատեղ զորավարժությանը


ՀԱՊԿ անդամ պետությունների զինված ուժերի համատեղ օպերատիվ և մարտական պատրաստության 2019թ. պլանի համաձայն Տաջիկստանի Հանրապետությունում անցկացվող «Անքակտելի եղբայրություն-2019» համատեղ խաղաղապահ զորավարժությանը և դրան նախորդող նախապատրաստական փուլին մասնակցելու նպատակով ՀՀ ԶՈՒ խաղաղապահ ուժերի ստորաբաժանումը հոկտեմբերի 21-ին ՀՀ ՊՆ Իլ-76 ինքնաթիռով մեկնել է Դուշանբե:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

ՀՀ պաշտպանության նախարարի գլխավորած պատվիրակությունը մեկնել է Չինաստան

Հոկտեմբերի 21-ից 23-ը Պեկինում անցկացվող միջազգային անվտանգության հարցերով Սյանշանի 9-րդ համաժողովին մասնակցելու նպատակով ՀՀ պաշտպանության նախարար Դավիթ Տոնոյանի գլխավորած պատվիրակությունը մեկնել է Չինաստանի Ժողովրդական Հանրապետություն:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

11/10/2019

ՀՀ ԶՈՒ ստորաբաժանումը մասնակցում է «Փոխգործակցություն-2019» համատեղ զորավարժությանը


ՀԱՊԿ օպերատիվ արձագանքման հավաքական ուժերի «Փոխգործակցություն-2019» համատեղ հրամանատարաշտաբային զորավարժությանը և նախապատրաստական փուլին մասնակցելու նպատակով Ռուսաստանի Դաշնություն է մեկնել ՀՀ զինված ուժերի ստորաբաժանումը:

«Փոխգործակցություն-2019» համատեղ զորավարժությունն անցկացվում է ՀԱՊԿ հավաքական անվտանգության ղեկավարման մարմինների և կազմավորումների ուժերի ու միջոցների օպերատիվ և մարտական պատրաստության համատեղ միջոցառումների 2019թպլանի համաձայն:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/10/2019

Կայացել է ԱՊՀ անդամ պետությունների ԶՈՒ կապի պետերի համակարգող կոմիտեի նիստը


ՀՀ ԶՈՒ կապի զորքերի պետ-կապի և ԱԿՀ վարչության պետ, գեներալ-մայոր Թ. Շահնազարյանը Ղրղզստանի Հանրապետության Չոլպան-Աթա քաղաքում մասնակցել է ԱՊՀ անդամ պետությունների զինված ուժերի կապի պետերի համակարգող կոմիտեի հերթական նիստին:

Նիստի ընթացքում քննարկվել են ԱՊՀ անդամ պետությունների զինված ուժերի համատեղ (միասնական) կապի համակարգում 2019թ. կատարված և հեռանկարային պլանավորվող միջոցառումները, ստորագրվել են մի շարք փաստաթղթեր:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

05/10/2019

ՀՀ զինված ուժերի ստորաբաժանումը կմասնակցի «Էշելոն-2019» զորավարժությանը



ՀՀ զինված ուժերի ստորաբաժանումը մեկնել է Ռուսաստանի Դաշնություն:
Հայ զինծառայողները կմասնակցեն ՀԱՊԿ հավաքական անվտանգության ղեկավարման մարմինների և կազմավորումների ուժերի ու միջոցների օպերատիվ և մարտական պատրաստության համատեղ միջոցառումների 2019թ. պլանի համաձայն անցկացվող ՀԱՊԿ անդամ պետությունների զինված ուժերի նյութատեխնիկական ապահովման ուժերի և միջոցների «Էշելոն-2019» զորավարժությանը:







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

24/09/2019

ՀՀ պաշտպանության նախարարն ընդունել է ՌԴ ՊՆ միջազգային ռազմական համագործակցության գլխավոր վարչության պետին


Սեպտեմբերի 24-ին ՀՀ պաշտպանության նախարար Դավիթ Տոնոյանն ընդունել է աշխատանքային այցով Հայաստանում գտնվող ՌԴ ՊՆ միջազգային ռազմական համագործակցության գլխավոր վարչության պետ, գեներալ-լեյտենանտ Ալեքսանդր Կշիմովսկիին:

ՀՀ պաշտպանության նախարարը բարձր է գնահատել հայ-ռուսական երկկողմ համագործակցության ընթացքը, գոհունակությամբ ընդգծել ռազմական և ռազմատեխնիկական ոլորտում իրականացվող միջոցառումների արդյունավետությունը:
Հանդիպման ընթացքում մտքեր են փոխանակվել հայ-ռուսական ռազմավարական դաշնակցային գործընկերության ներկա վիճակի, փոխգործակցության հետագա զարգացման ուղիների ու հեռանկարների, ինչպես նաև տարածաշրջանային և միջազգային անվտանգությանն առնչվող հարցերի շուրջ:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/09/2019

Ռազմավարական զորավարժություն



Հայկական երկու հանրապետությունների ռազմական համագործակցության և գործողությունների համադրման ծրագրի շրջանակում ՀՀ զինված ուժերում մեկնարկող ‹‹Զինված ուժերի ծավալումը, հակառակորդի ագրեսիայի դիմագրավումը›› թեմայով ռազմավարական զորավարժությանը զուգահեռ սեպտեմբերի 24-ից հոկտեմբերի 5-ը պաշտպանության բանակում անց են կացվելու նմանատիպ զորախաղեր, որին ընդգրկվելու են նաև տեղական և ինքնակառավարման մարմինները:

Անցակացվող զորավարժության նապատակներն են ծավալման և մարտական կիրառման պլանների գործնական ստուգումը, ԱՀ և ՀՀ ընդհանուր զորահավաքի պլանների իրականին համապատասխանությունը, ներգրավված ուժերի և միջոցների մարզումը, զորահավաքային խնդիրների կատարման ուղղությամբ պետական և տեղական ինքնակառավարման մարմիններին, ՊԲ ղեկավարման օղակներին ու զորահավաքային ռեսուրսներին գործնական փորձի հաղորդումը, զորախաղերին ընդգրկված ուժերի, միջոցների, զորահավաքային մարմինների և ռեսուրսների հնարավորությունների ուսումնասիրումն ու ճշգրտումը, շտաբների գործողությունների ներդաշնակումը, հակառակորդի կողմից հնարավոր ագրեսիայի դեպքում հավանական զարգացումների գնահատումն ու դրանց լուծման արդյունավետ ուղիների առաջադրումը:

​ ​ ​ ​ Եռափուլ զորախաղերի ժամանակ իրականացվելու է նաև պայմանական նշանակետերի խոցում՝ մարտական կրակի կիրառմամբ:


ԱՀ ՊՆ մամուլի ծառայություն




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

20/09/2019

Ամփոփվել է ՀՀ ՊՆ ՌՈ խաղաղապահ դասակի զինծառայողների մեկշաբաթյա դասընթացը


Սեպտեմբերի 19-ին ամփոփվել է հայ-ամերիկյան երկկողմ պաշտպանական համագործակցության շրջանակում ԱՄՆ ՊՆ Միջազգային իրավական հետազոտությունների ինստիտուտի ուսումնական խմբի կողմից ՀՀ ՊՆ ռազմական ոստիկանությունում անցկացված «Խաղաղապահ գործողությունների իրավական ասպեկտները» թեմայով դասընթացը: 
Մեկշաբաթյա դասընթացի շրջանակում ՀՀ ՊՆ ռազմական ոստիկանության խաղաղապահ դասակի զինծառայողներին են ներկայացվել ՄԱԿ-ի Անվտանգության խորհրդի բանաձևեր, խաղաղապահ առաքելություններին վերաբերող իրավական նորմատիվային փաստաթղթեր, անցկացվել են թիմային աշխատանքներ: 
Դասընթացի մասնակիցներն այցելել են նաև Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության սրբադասված նահատակների հիշատակին:









ՀՀ ՊՆ Տեղեկատվության և հասարակայնության հետ կապերի վարչություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

18/09/2019

ԱՀ-ում անց են կացվելու ռազմավարական զորավարժություններ. Կարեն Աբրահամյան



Համաձայն՝ 2019 թվականի զինված ուժերի պատրաստության պլանի, սեպտեմբերի 24-ից հոկտեմբերի 5-ը ՀՀ պաշտպանության նախարարի և զինված ուժերի գլխավոր շտաբի պետի ղեկավարությամբ անց են կացվելու ռազմավարական զորավարժություններ՝ ամբողջ զինված ուժերի ներգրավմամբ:

«Արցախպրես»-ի  թղթակցի  հաղորդմամբ,այս  մասին,  այսօր՝  սեպտեմբերի   18-ին,   ԱՀ  կառավարության  նիստի   ժամանակ   ասել է  ԱՀ  պաշտպանության  նախարար  Կարեն  Աբրահամյանը՝  նշելով, որ   զորավարժության թեման   է «Զինված  ուժերի     ծավալումը    հակառակորդի  ագրեսիայի   դիմագրավումը»:

Նրա խոսքով՝ զորավարժության  հիմնական       նպատակներից   են՝ ստուգել  զինված  ուժերի  ծավալման  և  մարտական կիրառման պլանների գործնական   իրականացումը, ԱՀ  և  ՀՀ  ընդհանուր զորահավաքի պլանների  իրականին  համապատասխանությունը, հակառակորդի  կողմից  ագրեսիայի   սկսման  սպառնալիքի պայմաններում  վեր  հանել  պրոբլեմային  հարցերը  և  որոշել   դրանց  արդյունավետ  լուծման   ուղիները:

Ըստ Կ. Աբրահամյանի՝  զորավարժության երկրորդ   նպատակն  է պետական  և  տեղական  ինքնակառավարման, զինված ուժերի  կառավարման  մարմինների  և  զորահավաքային  ռեսուրսներին  տալ  գործնական  փորձ՝ ռազմաքաղաքական  ղեկավարության  կողմից    զորահավաք  հայտարարելու   ժամանակ    զորահավաքային  խնդիրների    կատարումից:

«Զորավարժությունների  առանձնահատկությունն  այն է,  որ    պետության  և  զինված  ուժերի    մասշտաբով    նման   ծավալներով  զորահավաքային    պատրաստակամության   և  առաջադրանքների  կատարումն   անց  է  կացվում    առաջին  անգամ: Զորավարժությունն անց  է կացվելու երեք  փուլերով:  Հատկապես   կարևորում ենք   առաջին  փուլը՝  զինված  ուժերի     ծավալումը, որի  համար  հատկացվել  է  4  օր. այդ     ընթացքում  իրականացվելու  են    զորահավաքային  պատրաստակամության   խնդիրներ՝  24   ժամվա   ընթացքում»,-մասնավորապես   ասել  է  Կ. Աբրահամյանը:

ԱՀ  կառավարության  նիստը   ղեկավարող՝   ԱՀ  նախագահ  Բակո  Սահակյանի  խոսքով՝  անհրաժեշտ  է      հաշվի   առնել, որ   զորահավաքն  իրականացվելու  է     հաստատված      նոր  պահանջներին   համապատասխան:

«Այդ   գործողությունները  համակարգելու են    ԱՀ  պետնախարարն  ԱՀ  պաշտպանության   բանակի  հրամանատարության     հետ  մեկտեղ»,-նշել  է  նախագահը:

Նախագահը հանձնարարականներ է տվել շահագրգիռ մարմինների ղեկավարներին՝ առկա խնդիրների պատշաճ լուծման ուղղությամբ:



Նյութը՝ Artsakhpress.am կայքի


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

06/09/2019

Հայ հակաօդայինների փայլուն գործողությունները «Մարտական ընկերակցություն 2019» շրջանակներում




Սեպտեմբերի 5-ին ՌԴ «Աշուլուկ» զորավարժարանում ավարտվել է ԱՊՀ անդամ պետությունների ՀՕՊ միավորված համակարգի զորքերի «Մարտական ընկերակցություն 2019» համատեղ զորավարժությունը։

Վճռական փուլին հետևելու նպատակով  զորավարժարան են այցելել ՀՀ ԶՈՒ գլխավոր շտաբի պետի տեղակալ գեներալ-լեյտենանտ Ստեփան Գալստյանը, ՀՕՊ զորքերի պետ, գեներալ մայոր Արմեն Վարդանյանը,  ինչպես նաև ԱՊՀ անդամ մասնակից երկրների բարձրաստիճան ներկայացուցիչներ:  Մեկնարկից  հետո երկնքում նախ հայտնվել են ռազմական կործանիչները, որից հետո գործի են անցել հակաօդայինները:  Մարտական հրաձգության փուլին ներառված էր  Ս-300, Ս-400, զենիթահրթիռային նորագույն այլ համակարգեր,   ՄԻԳ և ՍՈՒ տեսակի գրոհային ու ռմբակոծիչ ինքնաթիռներ:  ՀՕՊ և ավիացիոն ստորաբաժանումները համատեղ կատարել են առաջադրված խնդիրները:  ՀՀ զինված ուժերի հակաօդային պաշտպանության զորքերի զինծառայողները Ս-300 համակարգերով խոցել են ինչպես մեզ տրված, այնպես էլ դաշնակից պետությունների պայմանական թիրախները և արձանագրել գերազանց արդյունքներ:  
Վճռական փուլից հետո տեղի է ունեցել զորավարժության փակման արարողությունը, որի շրջանակում մասնակից  պետությունների բարձրաստիճան ներկայացուցիչները մեդալներ, պատվոգրեր և արժեքավոր նվերներ են  հանձնել  ազգային ստորաբաժանումների զինծառայողներին:



























Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`