Showing posts with label խախտումներ. Show all posts
Showing posts with label խախտումներ. Show all posts

18/03/2019

Մարտական դիրքում ոստիկանը ծառայությունից ժամանակավորապես խուսափելու նպատակով անդամախեղում է կատարել.ՀՀ ՔԿ


2018թ. սեպտեմբերի 2-ին՝ ժամը 21:55-ին,  ՀՀ ՔԿ ԶՔԳՎ վեցերորդ կայազորային քննչական բաժին ՀՀ ՊՆ N զորամասից հեռախոսագիր է ստացվել առ այն, որ նույն օրը` ժամը 21:00-ի սահմաններում, զորամասի պաշտպանական շրջանում տեղակայված  մարտական դիրքում հակառակորդի հետ  տեղի ունեցած փոխհրաձգության հետևանքով որպես դիտորդ ծառայության նշանակված ոստիկանության զորքերի N զորամասի դասակի հրաձիգ-դիպուկահարը ձախ ուսի շրջանում ստացել է  հրազենային վնասվածք:

Դեպքի առթիվ ՀՀ քննչական կոմիտեի ԶՔԳՎ վեցերորդ կայազորային քննչական բաժնում հարուցվել է քրեական գործ՝  ՀՀ քրեական օրենսգրքի 34-104-րդ հոդվածի 2-րդ մասի 13-րդ կետով, և ձեռնարկվել նախաքննություն:

Քրեական գործով Ոստիկանության զորքերի ծառայողը ճանաչվել է տուժող և ցուցմունք տվել, որ 02.09.2018թ., ըստ գրաֆիկի՝ ժամը 19:00-ից մինչև ժամը 21:00-ն առաջնագծում որպես դիտորդ ծառայություն իրականացնելիս, ժամը 20:30-ի սահմաններում, հակառակորդի զինծառայողը ներթափանցել է առաջնագծի խրամատ, և վերջինիս հետ փոխհրաձգության ժամանակ զգացել է, որ ձախ ուսի հատվածում հրազենային վնասվածք է ստացել:

Մարտական հերթապահության ժամանակ կյանքին սպառնացող վտանգի պայմաններում ծառայողական պարտականությունները գերազանց կատարելու համար, ոստիկանության պետի հրամանի համաձայն, ոստիկանության պետի կողմից ծառայողը պարգևատրվել է «Ոստիկանության զորքերում գերազանց ծառայության համար» 1-ին աստիճանի կրծքանշանով:

Քրեական գործով իրականացված քննչական և դատավարական գործողությունների արդյունքում բացահայտվել է, որ ծառայողը ձախ ուսի շրջանում հրազենային վնասվածքը հասցրել է ինքն իրեն, իրեն կցված դիպուկահար հրացանով՝ կատարելով անդամախեղում, ինչը հանգեցրել է վերջինիս կողմից զինվորական ծառայության պարտականությունները ժամանակավորապես դադարեցնելուն:

Այնուհետև, հանցագործության դեպքի մասին գիտակցաբար տրամադրելով կեղծ տեղեկատվություն՝ ուղղակի դիտավորությամբ կատարել է սուտ մատնություն, որը զուգորդվել է առանձնապես ծանր հանցագործության մեջ մեղադրելով, ինչից հետո մեղադրանքի արհեստական ապացույցներ ստեղծելու նպատակով իրեն կցված դիպուկահար հրացանից 12 կրակոց  է արձակել հակառակորդի  ուղղությամբ՝ վատնելով իրեն տրամադրված  ռազմամթերք հանդիսացող թվով 12 փամփուշտ:

Ձեռք բերված բավարար ապացույցների համակցությամբ Ոստիկանության զորքերի ծառայողին մեղադրանք է առաջադրվել ՀՀ քրեական օրենսգրքի 363-րդ հոդվածի 1-ին մասով, 333-րդ հոդվածի 2-րդ մասի 1-ին և 2-րդ կետերով և 371-րդ հոդվածի  2-րդ  մասով: Վերջինիս նկատմամբ որպես խափանման միջոց է կիրառվել ստորագրություն՝ չհեռանալու մասին:

Նախաքննությունը շարունակվում է:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

09/01/2019

ՀՀ ռազմական ոստիկանապետը նորակոչիկների միջադեպի մասին` «քեռին եկել, խնդրվում է` ղալաթ եմ արել».Armlur.am

Armlur.am կայքը գրում է.
Հունվարի 8-ին զինակոչիկներ տեղափոխող ավտոբուսի միջադեպի փաստով քրեական գործ հարուցվեց։ Ռազմական ոստիկանությունում քրեական գործը հարուցվել է ՔՕ 258֊րդ հոդվածի 3-րդ մասի 1-ին կետի հատկանիշներով։ Հիշեցնենք` վերոնշյալ օրը նորակոչիկի հարազատներից մեկը կանգնեցրել էր ՀՀ ՊՆ Կոտայքի զինկոմիսարիատի Նաիրիի բաժանմունքից ՀՀ ՊՆ կենտրոնական հավաքակայան նորակոչիկներին տեղափոխող ՊԱԶ 32053 մակնիշի ՊՆ 3299 Տ զինվորական համարանիշի ավտոբուսը, վարորդի համար արհեստական խոչընդոտներ ստեղծել, այդ թվում՝ վթարային իրավիճակ, հարկադրել են Պն վարորդին կանգ առնել ու այդ ժամանակ դիտավորությամբ, կոպիտ կերպով խախտելով հասարակական կարգը, ինչպես նաեւ հարվածներ են հասցրել ավտոբուսի տարբեր հատվածներին։

ArmLur.am-ը ստեղծված իրավիճակի շուրջ զրուցեց ՀՀ ռազմական ոստիկանապետ Արթուր Բաղդասարյանի հետ` հասկանալու համար, թե որտեղ էր ռազմական ոստիկանությունը, երբ նորակոչիկների մեքենան անօրինական կերպով կանգնեցնում են եւ վնասելով այն` բացում դռները:

 -Պարո’ն Բաղդասարյան, որտե՞ղ է, ինչո՞վ է զբաղված ռազմական ոստիկանությունը, երբ այսպիսի դեպքեր են արձանգրվում: Ձեր մեղքի բաժինը չե՞ք տեսնում կատարվածում: 
-Ռազմական ոստիկանությունն իր տեղում է, շատ կազմակերպված աշխատանքներն իրականացնում է: Ինչ վերաբերում է ավտոբուսի հետ կապված. նախ իրենք զինվորականներ չեն, իրենք նորակոչիկներ են: 

-Բայց արդեն զինկոմիսարիատից նրանք Ձեր հսկողության տակ պետք է լինեն… 
-Իրենք զինվորական չեն, մենք ուղեկցենք որպես ի՞նչ: Բացատրեմ, երբ իրենք գնում-հասնում են Կենտրոնական հավաքակայան, մասնակցում են «ժիրիբյովկա» ասվածին, համազգեստը հագնում են եւ դառնում են զինվորական, այդ պահից սկսած մենք մեր մարդիկ դնում ենք , մեր ուղեկցումը կազմակերպում ենք ճանապարհային ոստիկանության հետ համատեղ եւ ճանապարհում ենք համապատասխան զորամասեր:

Բայց թույլ տվեք ասել, որ այն ինչ տեղի է ունեցել, անշնորհքություն է, երեւի ցանկացել են կրկնակի հաջողություն մաղթել իրենց նորակոչիկին: Մյուս քեռին նորակոչիկի, արդեն եկել, խնդրվում է, ասել է` երեք երեխա ունեմ, չորրորդը հեսա կծնվի, ղալաթ ենք արել: Բայց արդեն ուշ է, մենք ընթացք ենք տվել կատարվածին: Ցանկանում եմ եւս մեկ անգամ նշել, որ մենք նորակոչիկներին չենք ուղեկցել, իրենք իրենց զինկոմից գնում էին կենտրոնական հավաքակայան, հո կալանավոր չե՞ն` ուղեկցենք, տղաները կամավոր գնում են բանակ: 

Մենք կենտրոնական հավաքակայանից ենք որպես պատասխանատու անձ ավտոբուսի մեջ դնում ռազմական ոստիկան, որ տղաներին ցանկացած հարցով օգնեն: Այսօր, փառք Աստծո, այնպես է, որ բանակը այնպիսին է, որ ժամանակին արձակուրդը տալիս են, ծնողի հետ տեսակցությունը կազմակերպվում է ժամանակին, մեր հրամանատարական կազմը նորմալ վերաբերմունք ունի, հեռախոսը նախարարի հրամանով թույլ են տալիս, կարող են զանգահարել խոսել, ամեն լավ պայման ստեղծված է լավ ծառայելու համար: 



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/01/2019

Զինակոչիկներ տեղափոխող ավտոբուսի հետ կապված միջադեպի փաստի առթիվ հարուցվել է քրգործ



Զինակոչիկներ տեղափոխող ավտոբուսի հետ կապված հունվարի 8-ին արձանագրված միջադեպի փաստի առթիվ Ռազմական ոստիկանությունում հարուցվել է քրեական գործ խուլիգանության հատկանիշներով։
«Ռազմական ոստիկանությունում փաստի առթիվ հարուցվել է քրեական գործ՝ ՀՀ ՔՕ-ի 258-րդ հոդվածի 3-րդ մասի 1-ին կետի հատկանիշներով։
Դատախազական հսկողությունն իրականացնում է Զինվորական դատախազությունը»,- ասաց Արևիկ Խաչատրյանը։
Նշենք, որ ՀՀ ՔՕ-ի 258-րդ հոդվածի 3-րդ մասի 1-ին կետը սահմանում է. խուլիգանություն, որը զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաև ուրիշի գույքը ոչնչացնելով կամ վնասելով՝ մի խումբ անձանց կողմից։
Հիշեցնենք, որ armtimes.com-ը տեսանյութ էր հրապարակել, որտեղ երևում է, որ դեպի հավաքակայան երթևեկող ավտոբուսը շրջափակվել է քաղաքացիական մեքենաներով, մի խումբ երիտասարդներ լցվել են ավտոբուս՝ կռվի նպատակով, սակայն տեսանյութում լսվում է, թե ինչպես են կոչ անում դադարեցնել պլանավորածը՝ «նկարում են, մի՛ արեք»:


Նյութը՝ Dailyarmenia.net կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ավտոբուսը սահմանված կարգով ուղեկցվել է մինչև բնակավայրի ավարտը. ՀՀ Ոստիկանության պարզաբանումը


Այսօր ԶԼՄ-ներում տեսանյութ է տարածվել, թե ինչպես մի խումբ երիտասարդներ կանգնեցրել են զորակոչիկներին տեղափոխող ավտոբուսը և քաշքշուկ սկսել։
Սոցիալական ցանցերի որոշ օգտատերեր տեսանյութի հրապարակումից հետո շտապել են մեղադրել ոստիկանությանը, թե ինչու ավտոբուսը չի ուղեկցվել ոստիկանական կարգախմբի կողմից։
Հայտնում ենք, որ ՀՀ Կառավարության 29․10․2018 թ․ 1337-Ն որոշման համաձայն ՝ ոստիկանությունը զորակոչիկների խմբերին պետք է ուղեկցի Երևան քաղաքի զինվորական կոմիսարիատից մինչև հանրապետական հավաքակայան, իսկ մարզերում՝ մինչև քաղաքային գծի ավարտը․․․
Կոտայքի մարզի զորակոչիկներին տեղափոխող ավտոբուսը սահմանված կարգով ուղեկցվել է մինչև բնակավայրի ավարտը, այսինքն կարգի համաձայն՝ ոստիկանությունն այլևս չէր կարող շարունակել ուղեկցումը մինչև հավաքակայան։
Ավելացնենք նաև, որ միջադեպով ռազմական ոստիկանությունում նյութեր են նախապատրաստվում, և տեսանյութի հրապարակումից անմիջապես հետո ՀՀ ոստիկանությունը ռազմական ոստիկանության գործընկերների հետ համագործակցում է միջադեպի մասնակիցների ինքնությունը ճշտելու և նրանց հայտնաբերելու ուղղությամբ։

Այս մասին տեղեկացնում է ՀՀ Ոստիկանության կայքը։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

27/12/2018

Չարաշահումներ են բացահայտվել զինված ուժերի համար հենապատերի կառուցապատման աշխատանքների ընթացքում


ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործով մի շարք չարաշահումներ են բացահայտվել զինված ուժերի համար հենապատերի կառուցապատման աշխատանքների ընթացքում, մեղադրանք է առաջադրվել կապալառու ընկերության գործադիր տնօրենին։ 

Մասնավորապես՝ քրեական գործով կատարված մեծածավալ քննչական գործողությունների արդյունքում պարզվել է, որ ՍՊ ընկերությունը պայմանագիր է ստորագրել զինված ուժերի համար անհրաժեշտ կառուցապատման աշխատանքներ կատարելու վերաբերյալ, որի ժամանակ կազմել է ակնհայտ կեղծ տեղեկություններ պարունակող, իրավունք վերապահող պաշտոնական փաստաթղթեր՝ խաբեության եղանակով դիտավորությամբ հափշտակելով առանձնապես խոշոր չափերի գումար:

Պայմանագիրն ստորագրվել է 2013 թվականի հուլիսին, որով սահմանափակ պատասխանատվության ընկերությունը պարտավորվել է դաշտային պահեստների, պահակակետի և հակահրդեհային դեպոյի շրջակայքում կառուցել հենապատեր։ Նախնական քննության տվյալներով՝ ընկերությունը պատշաճ չի իրականացրել ստանձնած պարտավորությունները, այն է՝ չի կատարել նախագծային փաստաթղթերով սահմանված հենապատերի հետնամասում ձեռքով գրունտի հետլիցք, գրունտի հետլիցքը պնևմոգործիքով խտացման, ավելորդ գրունտը 1 կմ հեռավորությամբ տեղափոխման աշխատանքները, իսկ հենապատերի հիմքերի խորությունը նախատեսված 60 սմ-ի փոխարեն կառուցել է միջինը 15-ից 45 սմ խորությամբ։ Սակայն կազմվել է ակնհայտ կեղծ ծավալնելով, իրավունք վերապահող պաշտոնական փաստաթուղթ համարվող կատարողական ակտեր՝ աշխատանքները նախագծա-նախահաշվային փաստաթղթերին համապատասխան կատարված լինելու վերաբերյալ, որի դիմաց փոխանցված գումարը հափշտակվել է։ 

Բացի այդ, չարաշահումներ են արձանագրվել նաև նույն ՍՊ ընկերության հետ 2017 թվականի փետրվարի 16-ին ստորագրված պայմանագրված նախատեսված պահեստի կառուցապատման աշխատանքներում։  Մասնավորապես՝ դաշտային պահեստների կառուցման  ընթացքում չեն պահպանվել նախագծային փաստաթղթերով սահմանված պահանջները։ Այն է՝ պահեստի հիմքի ամբողջ մակերեսը բիտումային շերտով չի պատվել, մինչդեռ ընթացիկ աշխատանքների վերաբերյալ կազմված կատարողական ակտերում դրանք ներկայացվել են որպես պատշաճ կատարված, որի դիմաց փոխանցված  գումարը հափշտակվել է:

Մինչդատական վարույթում ձեռք բերված ապացույցների համակցությամբ՝ ՍՊԸ գործադիր տնօրենին մեղադրանք է առաջադրվել՝ ՀՀ քրեական օրենսգրքի 325-րդ հոդվածի 1-ին մասով՝ 2 դրվագ, ՀՀ քրեական օրենսգրքի 178-րդ հոդվածի 1-ին մասով և ՀՀ քրեական օրենսգրքի 178-րդ հոդվածի 3-րդ մասի 1-ին կետով: Մեղադրյալն ընդունել է առաջադրված մեղադրանքը և ամբողջությամբ վերականգնել պատճառված վնասը։ 

ՍՊԸ գործադիր տնօրենի մասով հայտարարվել է նախաքննության ավարտի մասին, և քրեական գործը՝ մեղադրական եզրակացությամբ, ուղարկվել դատարան։

Բազմակողմանի քննության արդյունքում չարաշահումներ են հայտնաբերվել նաև զինված ուժերի համար այլ ենթակառուցվածքների, օժանդակ շինությունների կառուցապատման, հրդեհի ահազանգման համակարգերի տեղադրման ընթացքում, հստակեցվել առերևույթ հանցագործություն կատարած անձանց շրջանակը։ Նախաքննության արդյունքներով մեղադրանքներ են առաջադրվել ևս 10 անձի, որոնցից 7-ը՝ տարբեր ընկերությունների ղեկավարներ, 3-ը՝ բարձրաստիճան զինվորականներ, որոնց նկատմամբ քրեական հետապնդումը դադարեցվել է՝ «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքով սահմանված կարգով, ինչպես նաև հանցանքի վաղեմության ժամկետներն անցած լինելու հիմքով։

Եւս մեկ ՍՊ ընկերության տնօրենի նկատմամբ հայտարարվել է հետախուզում՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով։ Նրա նկատմամբ որպես խափանման միջոց է ընտրվել կալանավորումը: Նրա մասով քննությունը շարունակվում է, հանձնարարություն է տրվել ոստիկանությանը՝ միջոցներ ձեռնարկել հետախուզվողին հայտնաբերելու և վարույթն իրականացնող մարմնին ներկայացնելու ուղղությամբ։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

25/12/2018

Վազգեն Սարգսյանի անվան ռազմական համալսարանի պետի ԺՊ-ն սպայական անձնակազմին պարգևավճարներ չի տվել


Hayastan24.com կայքը գրում է.
Վազգեն Սարգսյանի անվան ռազմական համալսարանի պետի ժամանակավոր պաշտոնակատար գնդապետ Խաչատուր Խաչատրյանը նախարարության կողմից հատկացված պարգևավճարները միայն յուրայիններին է հատկացրել: Այս մասին ահազանգեցին Հայաստան 24-ին:

Նա պարգևավճարները հետևյալ կերպ է բաշխել. 300.000-400.000 դրամն ինքն է վերցրել և նույնքան պարգևավճար էլ բաժանել է տեղակալներին և բաժնի պետերին: Սպայական անձնակազմին պարգևավճարներից գումար չի հասել:

Իսկ բողոքներին գնդապետը պատասխանել է. «Մի՛ բողոքեք, «բալքի» եկող տարի մի բան կլինի»:

Հիշեցնենք, որ հոկտեմբերի 27-ին վարչապետի պաշտոնակատար Նիկոլ Փաշինյանի առաջարկով ՀՀ նախագահ Արմեն Սարգսյանը Ռազմական համալսարանի պետ Աշոտ Ղահրամանյանին ազատել էր պաշտոնից: Գեներալ-մայոր Ղահրամանյանն ուսումնական հաստատությունը ղեկավարում էր 2015 թվականի փետրվարից։ Նրան այդ պաշտոնում նշանակել էր Սերժ Սարգսյանը։ Եվ Վազգեն Սարգսյանի անվան ռազմական համալսարանի պետի առաջին տեղակալ գնդապետ Խաչատրյանը նշանակվել է պետի ժամանակավոր պաշտոնակատար:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/12/2018

ՀՀ ՊՆ-ի հանդեպ ստանձնած պարտավորությունները չկատարելու դեպքերի առթիվ հարուցվել են քրեական գործեր, պարզվել են նոր հանգամանքներ

Ինչպես արդեն տեղեկացվել էր ՀՀ պաշտպանության նախարարության և մատակարար կազմակերպությունների միջև կնքված տարբեր պայմանագրերով ստանձնած պարտավորությունները չկատարելու արդյունքում պետությանը պատճառված վնասի չափը և մեղավոր անձանց շրջանակը հստակեցնելու, վերջիններիս արարքներին իրավական գնահատական տալու նպատակով ՀՀ Զինվորական դատախազության պետական շահերի պաշտպանության բաժնի կողմից իրականացված ուսումնասիրությունների արդյունքները ուղարկվել էին ՀՀ ՔԿ ԶՔԳ վարչություն:

Հիշեցնենք՝ ուսումնասիրությունների արդյունքում արձանագրվել էր, որ հայտնաբերված՝ պայմանագրային չկատարված պարտավորությունների ընդհանուր արժեքը կազմել էր մոտ 700 միլիոն  ՀՀ դրամ, իսկ  ընդհանուր առմամբ 1 միլիարդ 317 միլիոն դրամ կազմող 4 տարբեր պայմանագրերով մատակարար կազմակերպություններին թեև տրվել է ավելի քան 620 միլիոն ՀՀ դրամի կանխավճար, սակայն անգամ այդ դեպքում նշված պայմանագրերով շուրջ 230 միլիոն դրամի չափով պարտավորություն չի կատարվել:

Նկատի ունենալով, որ նշված դեպքերի առթիվ նյութերի նախապատրաստմամբ ձեռք բերված փաստական տվյաները առերևույթ վկայում են  ՀՀ քրեական օրենսգրքի 376–րդ հոդվածի 2-րդ մասով նախատեսված /անփույթ վերաբերմունքը ծառայության նկատմամբ, որն անզգուշությամբ առաջացրել է ծանր հետևանքներ/ հանցագործության հատկանիշների առկայության մասին՝ վարույթն իրականացնող մարմնի կողմից հարուցվել են երկու առանձին քրեական գործեր, որոնց մինչդատական քրեական վարույթի օրինականության նկատմամբ հսկողությունն իրականացվում է ՀՀ զինվորական կենտրոնական դատախազության զինվորական ծառայության դեմ ուղղված ՀԿԳ քննության նկատմաբ հսկողություն իրականացնող բաժնի դատախազների կողմից։

Բացի վերը նշված երկու դեպքից ՀՀ Զինվորական դատախազության պետական շահերի պաշտպանության բաժնի կողմից իրականացվող ուսումնասիրությունների արդյունքում արձանագրվել է նաև, որ միևնույն տեխնիկական միջոցի տարբեր մասերի վերանորոգման համար 2013-2015թթ․ նույն կազմակերպության հետ կքնվել են 3 պայմանագրեր: Դրանց շրջանակներում, որպես  ծառայության գումար, վճարվել է 220.000.000 ՀՀ դրամ, և վերանորոգման համար անհրաժեշտ նյութական միջոցների ձեռքբերման համար ծախսվել է շուրջ 58.000.000 ՀՀ դրամ, սակայն, նշված տեխնիկական միջոցը մինչ օրս գտնվում է անսարք վիճակում և պիտանի չէ շահագործման համար։

Ուսումնասիությունների արդյունքները վկայում են այն մասին, որ  Ընկերությունը  ՀՀ պաշտպանության նախարարության հետ 2015թ. մայիսի 8-ին կնքված պայմանագրի շրջանակներում միայն ստանալով ընդհանուր 120․000․000 ՀՀ դրամի չափով կանխավճար, շուրջ 3 տարի չի կատարել պայմանագրով ստանձնած պարտավորությունները, իսկ ՀՀ ՊՆ համապատասխան պաշտոնատար անձանց կողմից գործուն միջոցներ չեն ձեռնարկվել Ընկերության ստանձնած պայմանագրային պարտավորությունների պատշաճ կատարումն ապահովելու կամ սահմանված ընթացակարգով պայմանագրի էական պայմանի խախտման հիմքով լուծարման գործընթաց նախաձեռնելու, վճարված կանխավճարը հետ ստանալու և հաշվարկված տույժերը գանձելու ուղղությամբ, ինչը, կանխավճարի վճարման պայմաններում, բավարար հիմքեր է տալիս կասկածի տակ դնելու ՀՀ ՊՆ կարիքների համար անհրաժեշտ ծառայությունների գնման պլանավորման, պետական ֆինանսական միջոցների օգտագործման  արդյունավետությունը և հիմնավորվածությունը, ինչպես նաև վերը նշված ծառայությունների գնման անհրաժեշտությունը։

Վերոհիշյալ փաստերը քննության առարկա դարձնելու, պետությանը պատճառված վնասի չափը և մեղավոր անձանց շրջանակը հստակեցնելու, վերջիններիս արարքներին իրավական գնահատական տալու նպատակով ուսումնասիրության փաստաթղթերն ուղարկվել են ՀՀ ՔԿ ԶՔԳ վարչություն:
Պետական շահերի պաշտպանության հարցադրումներով իրականացվող ուսումնասիրությունները շարունակվում են, դրանց արդյունքների մասին պարբերաբար կտրամադրվի տեղեկատվություն:

Այս մասին տեղեկացնում  է՝ ՀՀ Դատախազության կայքը։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

17/11/2018

Վերջերս տեղի ունեցած ավտովթարի հետևանքով մի շարք զինծառայողներ ազատվեցին կամ նկատողություն ստացան պաշտպանության նախարարի կողմից

ՀՀ ՊԲ մամուլի խոսնակ Արծրուն Հովհաննսիյանը իր facebook-յան էջում գրում է.
ՀՀ պաշտպանության նախարարի հրամանը վերջին դեպքի կապակցությամբ։ 
Զինվորական ծառայությունից ազատել 

1. 1-ին տանկային վաշտի տանկային դասակի հրամանատար, ավագ լեյտենանտ Գ.Մ. 

2. ՀՀ ՊՆ N զորամասի ավտոմոբիլային ծառայության պետ մայոր Մ.Ա.

3. ՀՀ ՊՆ N զորամասի 4րդ զրահատանկային գումարտակի հրամանատարի սպառազինության գծով տեղակալ Կապիտան Շ. Ա. 

4. ՀՀ ՊՆ N զորամասի 4 զրահատանկային գումարտակի նախկին հրամանատար  մայոր Ս.Բ.

Նախազգուշացում պաշտոնին ոչ լրիվ համապատասխանության մասին:

1. ՀՀ ՊՆ N զորամասի տանկային վաշտի տանկային դասակի հրամանատար ավագ լետենանտ Ս.Թ.

2. ՀՀ ՊՆ N զորամասի ավտոմոբիլային տեխնիկայի և զրահատանկային ծառայության պետ Մայոր Գ.Չ. 

Խիստ նկատողություն

1. ՀՀ ՊՆ N զորամասի նախկին տեխնիկական մասի պետ-հրամանատարի սպառազինության գծով տեղակալ փոխգնդապետ Ա.Շ. 

2. ՀՀ ՊՆ N զորամասի տեխնիկական մասի պետռհրամանատարի սպառազինության գծով տեղակալ փոխգնդապե Պ. Ա. 

Նկատողություն 

1. ՀՀ ՊՆ N զորամասի նախկին հրամանատար գնդապետ Ե. Գ.

Հիշեցում. Այս պատիժները որևէ մեկին չեն ազատում քրեական պատասխանատվությունից։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

13/11/2018

Հերթական ծեծկռտուքն է տեղի ունեցել Գյումրիում տեղակայված 102 ռազմաբազայի ծառայողների միջև. նրանք եղել են ոչ սթափ.Shamshyan.com

SHAMSHYAN.com-ի տեղեկություններով՝ Ոստիկանության Գյումրի քաղաքի Կումայրիի բաժնի հետաքննչական բաժանմունքում նյութեր են նախապատրաստվում նոյեմբերի 12-ին Գյումրիում տեղի ունեցած ծեծկռտուքի փաստով։

Ինչպես հայտնում է ֆոտոլրագրող Գագիկ Շամշյանը, ժամը 03։00-ի սահմաններում Ոստիկանության Կումայրիի բաժին ահազանգ է ստացվել, որ Գյումրի քաղաքի Մազմանյան փողոցի տներից մեկի մոտ 2 քաղաքացի բարձրաձայն հայհոյում, վիճաբանում և հարվածներ են հասցնում մեկմեկու։

Նշված վայր են ժամանում Կումայրիի ոստիկանության օպերատիվ խումբը։ Պարզվում է, որ նշված փողոցի տներից մեկի առաջին հարկում վիճաբանում են Գյումրիում տեղակայված Ռուսաստանի Դաշնության թիվ 102 ռազմաբազայի հրետանային դիվիզիոնի 2-րդ մարտկոցի հեռախոսավար, շարքային, 21-ամյա Վլադիսլավ Ռոմադինը և նույն ռազմաբազայի վարորդ՝ շարքային, 20-ամյա Դմիտրի Կրասնինը։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/11/2018

Ռուս սահմանապահները սահմանախախտների հերթական խմբին են ձերբակալել

News.am կայքը գրում է.
ՀՀ–ում ՌԴ դաշնային անվտանգության ծառայության սահմանապահ վարչության Արմավիրի սահմանապահ ջոկատի աշխատակիցները նոյեմբերի 7-ին հայ–թուրքական սահմանն ապօրինի հատելու փորձի ժամանակ ձերբակալել են 4 անհայտ անձանց, նրանց մոտ փաստաթղթեր չեն հայտնաբերվել։
NEWS.am–ին ՀՀ–ում ՌԴ դաշնային անվտանգության ծառայության սահմանապահ վարչության մամուլի ծառայությունից հայտնում են, որ նախնական տվյալներով սահմանախախտները Հնդկաստանի քաղաքացիներ են։ Նրանք իրենց հետ ունեցել են ուսապարկեր՝ անձնական իրերով ու դրամական միջոցներով։  
Բացատրություններից պարզ է դարձել, որ սահմանախախտները կյանքի ավելի լավ պայմաններ որոնելիս եկել են Հայաստան հետագայում Թուրքիայի տարածքով Եվրոպական միության երկրներ գնալու նպատակով։
Ձերբակալված քաղաքացիները փոխանցվել են իրավապահ մարմիններին դեպքի բոլոր հանգամանքները պարզելու համար։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/10/2018

Սահմանախախտը հատել է երեք պետական սահմաններ եւ ձերբակալվել Հայաստան թափանցելու փորձ կատարելիս


News.am կայքը գրում է.
Արտաշատի սահմանապահ ջոկատի տեղամասում Հայաստանի պետական սահմանն ապօրինի հատած անհայտ անձ է ձերբակալվել, ում մոտ փաստաթղթեր չեն եղել:

Հայաստանում ՌԴ ԱԴԾ Սահմանապահ վարչության մամուլի ծառայությունից հայտնում են, որ նախնական տեղեկություններով՝ նա Աֆղանստանի քաղաքացի է:

Սահմանախախտեը կյանքի լավագույն պայմաններ որոնելով՝ անպատիժ հատել է պակիստանա-աֆղանստանյան, աֆղանստանա-իրանյան եւ իրանա-թուքական սահմանները, եւ ռուս սահմանապահների կողմից ձերբակալվել է միայն Հայաստան թափանցելու փորձ կատարելիս:

Սահմանախախտին հանձնել են իրավասու մարմիններին՝ տեղի ունեցածի բոլոր հանգամանքները պարզելու համար:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

17/10/2018

Մանրամասներ են պարզվել՝ կապված Հայաստանի սահմանը ապօրինի հատած Թուրքիայի քաղաքացու հետ

News.am կայքը գրում է.
Հայաստանի սահմանը ապօրինի հատած Թուրքիայի քաղաքացու հետ կապված որոշ մանրամասներ են պարզվել:
Հայաստանում ՌԴ ԱԴԾ Սահմանապահ վարչության մամուլի ծառայությունից հայտնում են, որ նախնական տեղեկություններով՝ սահմանախախտը ազգությամբ քուրդ է եւ պետական սահմանը հատել է Թուրքիայի իրավապահ մարմինների հետապնդումներից թաքնվելու նպատակով՝ կապված նրա կողմից կատարված ծանր հանցագործությունների հետ:
Հիշեցնենք, որ 2018 թվականի հոկտեմբերի 15-ին ծառայության ժամանակ Գյումրիի սահմանապահ ջոկատի սահմանապահ վերակարգը պետական սահմանը հատող անհայտ մարդու է նկատել: Սահմանախախտը ուշադիր զննում էր տեղանքը եւ աշխատում աննկատ առաջ շարժվել՝ օգտագործելով տեղանքի անհարթությունները: Որոշ ժամանակ անց, նրա շարժման ենթադրվող երթուղու վրա սահմանապահները դարանակալել են:
Սահմանապահ ջոկատի զինծառայողների պրոֆեսիոնալ գործողությունների շնորհիվ սահմանախախտին օպերատիվորեն ձերբակալել են: Օրենսդրությամբ սահմանված կարգով նրան հանձնել են Հայաստանի իրավապահ մարմիններին:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ռուս սահմանապահները հայ–թուրքական սահմանի 4 սահմանախախտի են ձերբակալել (ֆոտո)

News.am կայքը գրում է.
Ռուս սահմանապահները հայ–թուրքական սահմանի 4 սահմանախախտների են ձերբակալել։
ՀՀ-ում ՌԴ Դաշնային անվտանգության ծառայության սահմանապահ վարչության մամուլի ծառայությունից հայտնում են,  որ հոկտեմբերի 15-ի լույս 16-ի գիշերը հայ–թուրքական պետական սահմանը հատելու անօրինական փորձի ժամանակ ձերբակալվել է սահմանախախտների խումբ։ 
Նրանք մտադրվել էին գիշերը գաղտնի մտնել Արաքս գետը ու կարճ ժամանակահատվածում հատել սահմանը: Սակայն Արտաշատի սահմանապահ ջոկատի զինծառայողների օպերատիվ գործողությունների շնորհիվ կանխվել է հայ-թուրքական սահմանն ապօրինի հատելու հերթական փորձը:
Նախնական տվյալներով՝ ձերբակալվածները ծագումով Հարավային Ասիայից են: Սահմանն ապօրինի հատելու նպատակը կպարզեն լիազոր մարմինները: Սահմանված օրենսդրական կարգի համաձայն՝ սահմանախախտները փոխանցվել են Հայաստանի իրավապահ մարմիններին:






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

16/10/2018

Ռուս սահմանապահները հայ-թուրքական սահմանին հերթական սահմանախախտին են ձերբակալել (ֆոտո)

News.am կայքը գրում է.
Ռուս սահմանապահները հայ-թուրքական սահմանին հերթական սահմանախախտին են ձերբակալել:
Հայաստանում ՌԴ անվտանգության դաշնային ծառայության սահմանապահ վարչության մամուլի ծառայությունից հայտնում են, որ հեկտեմբերի 15-ին Գյումրիի սահմանապահ ջոկատի սահմանապահները անհայտ մարդու են նկատել, որը հատում էր պետական սահմանը:
Սահմանախախտն ուշադիր զննում էր տեղանքը եւ աշխատում աննկատ առաջ շարժվել՝ օգտագործելով տեղանքի անհարթությունները: Որոշ ժամանակ անց նրա շարժման ենթադրվող երթուղու վրա սահմանապահները դարանակալել են: Սահմանախախտը ձերբակալվել է սահմանապահ ջոկատի զինծառայողների պրոֆեսիոնալ գործողությունների շնորհիվ:
Նախնական տեղեկություններով՝ ձերբակալված անձը Թուրքիայի քաղաքացի է: Ապօրինի սահմանախախտման դրդապատճառները կպարզեն իրավասու մարմինները:
Օրենսդրությամբ սահմանված կարգով սահմանախախտին հանձնել են Հայաստանի իրավապահ մարմիններին:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

Առանց համապատասխան թույլտվության սահմանային շերտ մուտք գործելու և սահմանային ռեժիմը խախտելու համար ձերբակալվել են ՀՀ քաղաքացիներ

Ս.թ. հոկտեմբերի 12-ին, ժամը 08:45-ի սահմաններում, հայ-վրացական սահմանի՝ Լոռու մարզի Ճոճկան գյուղի տեղամասում, պետական սահմանի պահպանություն իրականացնող սահմանապահ վերակարգի կողմից առանց համապատասխան թույլտվության սահմանային շերտ մուտք գործելու և սահմանային ռեժիմը խախտելու համար ձերբակալվել են Ալավերդի քաղաքի բնակիչ Ա.Ս-ն (ծնված 1982թ.) և Երևան քաղաքի բնակիչ Ա.Մ-ն (ծնված 1964թ.), ովքեր տվյալ տարածքում զբաղվել են որսորդությամբ: Վերջիններիս մոտ հայտնաբերվել են օրինական գրանցված որսորդական ողորկափող հրացաններ: 
Համապատասխան արձանագրություններ կազմելուց հետո ՀՀ ԱԱԾ սահմանապահ զորքերի զինծառայողները Ա.Ս-ին և Ա.Մ-ին հանձնել են ՀՀ ոստիկանության Լոռու մարզային վարչության Թումանյանի բաժնի աշխատակիցներին՝ հետագա քննության, անօրինական գործունեության հանգամանքները պարզաբանելու նպատակով:
Հարկ է նշել, որ նմանատիպ դեպք վերջերս արձանագրվել է նաև ՀՀ պետական սահմանի հարավային հատվածում: Ս.թ. սեպտեմբերի 18-ին, հայ-իրանական սահմանի տեղամասում՝ Մեղրի-Հորադիզ ավտոճանապարհին, սահմանապահ զորքերի զինծառայողները ձերբակալել են սահմանային շերտ անօրինական մուտք գործած        5 անձանց՝ զինված երկփողանի ողորկափող որսորդական հրացաններով, որոնցից 2-ը եղել են ապօրինի: Վերջիններիս պատկանող տրանսպորտային միջոցի զննությամբ հայտնաբերվել են 12 տրամաչափի 20 հատ և 16 տրամաչափի 78 հատ փամփուշտներ, 5 փասիան և 15 կաքավ տեսակի թռչուններ: Կազմվել են համապատասխան արձանագրություններ, որից հետո վերոնշյալ 5 անձինք և նրանց մոտ հայտնաբերված իրերը փոխանցվել են ԱՀ ոստիկանության Հադրութի բաժնի աշխատակիցներին՝ հետագա քննության, քաղաքացիների անօրինական գործունեության հանգամանքները պարզելու և օրենքով սահմանված կարգով իրավական ընթացք տալու նպատակով:
 ՀՀ ազգային անվտանգության սահմանապահ զորքերը քաղաքացիներին հորդորում են  զերծ մնալ սահմանային ռեժիմի խախտման դեպքերից և մեկ անգամ ևս հիշեցնում, որ ՀՀ օրենսդրությամբ արգելվում է սահմանային շերտում որսորդությամբ զբաղվելը:

Այս մասին տեղեկացնում է ՀՀ ԱԱԾ կայքը:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

15/10/2018

Ռուս սահմանապահները հայ–թուրքական սահմանն ապօրինի հատած անձի են ձերբակալել (ֆոտո)

News.am կայքը գրում է.
Ռուս սահմանապահները կանխել են հայ–թուրքական սահմանի ապօրինի հատման հերթական փորձը։
Հայաստանում ՌԴ անվտանգության դաշնային ծառայության սահմանապահ վարչության մամուլի ծառայությունը հայտնում է, որ հոկտեմբերի 14-ին Արտաշատի սահմանապահ ջոկատներից մեկում պետական սահմանի պահպանության տեխնիկական միջոցներից տագնապի ազդանշան է ստացվել: Տագնապի ազդանշանը ստանալուց մի քանի րոպե անց միջադեպի վայր է հասել սահմանապահների տագնապային խումբը և հայտնաբերել դեպի Հայաստանի Հանրապետության տարածք տանող հետքեր:
Որոնողական աշխատանքների համար օգտագործվել է ծառայողական շուն, որը կարճ ժամանակում հայտնաբերել է սահմանախախտին: Սահմանապահները նրա մոտ անձը հաստատող փաստաթղթեր չեն հայտնաբերել: Նախնական տեղեկություններով՝ սահմանախախտը Իրանի Իսլամական Հանրապետության քաղաքացի է: Նա հայտնել է, որ սահմանը հատել է զինվորական ծառայությունից խուսափելու համար:
Ռուս սահմանապահները սահմանախախտին փոխանցել են ՀՀ իրավապահ մարմիններին:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

15/09/2018

Վերջին 7 օրերի ընթացքում հակառակորդը հրադադարի ռեժիմը խախտել է 250 անգամ, հայ դիրքապահների ուղղությամբ արձակել ավելի քան 2500 կրակոց

Սեպտեմբերի 9-ից 15-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է շուրջ 250 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 2500 կրակոց:
 ՊԲ առաջապահ զորամասերը լիարժեք վերահսկողություն են պահպանում առաջնագծում և շարունակում վստահորեն իրականացնել իրենց առջև դրված մարտական խնդիրը:

ԱՀ ՊՆ մամուլի ծառայություն

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/09/2018

ՀՀ ՊՆ ռազմական ոստիկանությունը բացահայտել է հերթական կաշառքի դեպքը

ՀՀ ՊՆ ռազմական ոստիկանության աշխատակիցների կողմից ձեռնարկված միջոցառումների արդյունքում ՀՀ ՊՆ ռազմական ոստիկանություն է հրավիրվել քաղաքացի Հ. Ա.-ն: Վերջինս հաղորդում է տվել այն մասին, որ Եղեգնաձորի զինկոմիսարիատի զորակոչի բաժանմունքի պետ, կապիտան Գ. Գ.-ն առաջարկել է 11.000 ԱՄՆ դոլարի դիմաց իրեն ազատել զորակոչից և տալ զինվորական գրքույկ՝ գործարքը սկսելու համար նախապես պահանջելով 3.000 ԱՄՆ դոլար: Սակայն Հ. Ա.-ը բուժհետազոտությունների ժամանակ իմացել է, որ ունի սրտի հետ կապված առողջական խնդիր, որով հնարավոր է չզորակոչվել բանակ, և հրաժարվել է կապիտան Գ.Գ.-ին տալ նշված գումարը:
Դեպքի առթիվ ՀՀ ՊՆ ռազմական ոստիկանությունում նախապատրաստված նյութերի հիման վրա ՀՀ ՔԿ ԶՔԳՎ 8-րդ կայազորային քննչական բաժնում ՀՀ քրեական օրենսգրքի 311 հոդվածի 4-րդ մասի հատկանիշներով հարուցվել է քրեական գործ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ ՊՆ ՌԱԶՄԱԿԱՆ ՈՍՏԻԿԱՆՈՒԹՅՈՒՆ


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

03/09/2018

Կրակոցներ եւ հրդեհ Նոյեմբերյանի սահմանագոտում.Aravot.am

Aravot.am կայքը գրում է.
Այսօր`սեպտեմբերի 2-ին, ժամը 19-ից Նոյեմբերյանի տարածաշրջանի Ոսկեվան եւ Բաղանիս գյուղերի սահմանագոտում եղել են ադրբեջանական կրակոցներ: Դրանից հետո, հավանաբար, ադրբեջանական կրակոցների հետեւանքով Ոսկեվան գյուղի սահմանագոտում հրդեհ է բռնկվել, որը մինչեւ հիմա շարունակվում է: Բաղանիսի վարչական ղեկավար Նարեկ Սահակյանը հայտնեց, որ ադրբեջանական զինուժը կրակ է բացել է մեր պաշտպանական դիրքերի վրա,նաեւ մի քանի լուսածիր գնդակներով կրակել Բաղանիս գյուղի վրա, որոնք գյուղին վնաս չեն պատճառել: Նա հայտնեց, որ ժամը 20.40-ի դրությամբ իրավիճակը համեմատաբար հանգիստ է, սակայն այդ հանգստությունն ամեն պահ կարող է խախտվել : 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

27/08/2018

Հայ-թուրքական սահմանը ապօրինի հատած պարսիկներ են ձերբակալվել


Irakanum.am կայքը գրում է.
Հայաստանում Ռուսաստանի Դաշնության Դաշնային անվտանգության ծառայության սահմանապահ վարչության աշխատակիցները հայ-թուրքական սահմանն ապօրինի հատած երկու անձի են ձերբակալել:
Ինչպես տեղեկացրել են Հայաստանում Ռուսաստանի Դաշնության Դաշնային անվտանգության ծառայության սահմանապահ վարչության մամուլի ծառայությունից, ծառայության ընթացքում սահմանապահ հերթափոխը Թուրքիայի տարածքում նկատել է երկու անհայտ անձի, ովքեր փորձել են լողալով անցնել Արաքս գետը:
Մի քանի ժամ անց անհայտ անձինք հատել են պետական սահմանը և փորձել են թաքնվել Հայաստանի տարածքում: Ռուս սահմանապահներին հաջողվել է հետապնդել սահմանախախտներին և ձերբակալել նրանց:  Ձերբակալման ընթացքում սահմանախախտները փորձել են դիմադրել, սակայն սահմանապահները կարողացել են չեզոքացնել նրանց:
Հարցման արդյունքներով պարզվել է, որ սահմանախախտները Պակիստանի Իսլամական Հանրապետության քաղաքացիներ են:
Օրենսդրական կարգի համաձայն՝ սահմանախախտները փոխանցվել են Հայաստանի իրավապահ մարմիններին, որոնք կպարզեն հայ-թուրքական սահմանը խախտելու  նպատակները:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:


Տեղեկացրու՛ ընկերներիդ`