Showing posts with label զոհեր. Show all posts
Showing posts with label զոհեր. Show all posts

16/04/2018

Մահացել է Ալեք Կարապետյանը

Ապրիլի 15-ին՝ ժամը 19:15-ի սահմաններում, ՊԲ հյուսիսային ուղղությամբ տեղակայված զորամասերից մեկում տեղի ունեցած արտակարգ պատահարի հետևանքով մահացու հրազենային վիրավորում է ստացել ՊԲ զինծառայող, 1998թ. ծնված Ալեք Նվերի Կարապետյանը:
Դեպքի մանրամասները պարզելու համար կատարվում է քննություն:
Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

ԱՀ ՊՆ մամուլի ծառայություն

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

06/03/2018

Այսօր Մարատ Դանիելյանի տարեդարձն է

Գյումրի 06.03.2018թվ. Banak.info
Հայրենիքի պաշտպանության ժամանակ զոհված Մարատ Դանիելյանն այսօր՝ մարտի 6-ին, կդառնար 34 տարեկան։ Մարատը ծնվել է 1984թվ. ԱՀ Ստեփանակերտ քաղաքում։ 1991-2002 թվ. սովորել է Ստեփանակերտի Խ.Աբովյանի անվան թիվ 1 միջնակարգ դպրոցում: 2002-2004թվ. ծառայել է հայոց բանակում։ Սովորել է Արցախի պետական համալսարանի Ֆիզկուլտուրայի բաժինը: 2014թվ. աշխատել է ԱՀ տուրիզմի վարչության պատմական միջավայրի պահպանության պետական ծառայության ոչ առևտրային կազմակերպությունում։ 2015թվ.զբաղեցրել է «Հունոտի կիրճ» պետական բնապատմական արգելոցի վարիչի պաշտոնը։ 2016թվ. ապրիլին արցախա-ադրբեջանական հակամարտ զորքերի շփման գծում, թշնամու կողմից ռազմական գործողությունների վերսկսման պատճառով, Մարատ Դանիելյանը կամավոր մեկնել է առաջնագիծ՝ կանգնելու հայ զինվորի կողքին։ Ապրիլի 21-ին ժամը 06:30-ին հակամարտ զորքերի շփման գծի հյուսիսային (Թալիշ) ուղղությամբ մարտական դիրքում, ադրբեջանական զինուժի կողմից ձեռնարկված նախահարձակ գործողության հետևանքով Մարատ Ռաֆայելի Դանիելյանը թիկունքից մահացու հրազենային վիրավորում է ստացել։ Մարատ Ռաֆայելի Դանիելյանը հետմահու պարգևատրվել է ԱՀ Նախագահի կողմից «Մարտական ծառայություն» մեդալով։ Մարատն ամուսնացած էր ունի 2 երեխա։ 
Հանուն Հայ Զինվորի ՀԿ-ն և Banak.info-ի խմբագրությունը ցավակցում է ընտանիքի անդամներին և կիսում կորստյան ծանր վիշտը:

Նյութը տվյալները վերցված են Blognews.am կայքից։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

03/03/2018

Այսօր Արսեն Կարապետյանի մահվան տարելիցն է

Գյումրի 03.03.2018թվ. Banak.info
2015թվ. մարտի 2-ին և լույս` 3-ի գիշերը ՊԲ արևելյան ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից մահացու հրազենային վիրավորում է ստացել զինծառայող, 1995թ. ծնված Արսեն Աբրեստի Կարապետյանը: 
Արսենը ծնվել է 1995թվ. Երևանում։ Սովորել է Երևանի Սիամանթոյի անվան թիվ 162 հիմնական դպրոցում,ավարտելուց հետո ցանկություն է ունեցել բուհ ընդունվել, սակայն ավարտելուն պես աշխատանքի է անցել ծնողներին օգնելու համար։ Դեպքից երեք ամիս հետո Արսենը զորացրվելու էր։ ԱՀ Նախագահի կողմից ստորագրված հրամանագրի համաձայն Արսեն Կարապետյանը հետմահու պարգևատրվել է` «Մարտական ծառայություն» մեդալով։ Արսենը մշտապես առանձնացել է իր մարդկային լավ հատկանիշներով։ 
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:

Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

29/01/2018

Զոհվել է Հովսեփ Կարենի Գրիգորյանը

ՊԲ հյուսիսային ուղղությամբ տեղակայված զորամասերից մեկի պահպանության տեղամասում, նախնական տվյալներով զենքի օգտագործման կանոնների խախտման հետևանքով, մահացու հրազենային վիրավորում է ստացել ՊԲ զինծառայող, 1998թ. ծնված Հովսեփ Կարենի Գրիգորյանը:
   Դեպքի մանրամասները պարզելու համար կատարվում է քննություն:
Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:




ԱՀ ՊՆ մամուլի ծառայություն
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

26/01/2018

Այսօր Արամայիս Ոսկանյանի տարեդարձն է



Գյումրի 26.01.2018թ Banak.info
Այսօր՝ հունվարի 26-ին Արամայիսը կդառնար 22 տարեկան։
Արամայիսը ծնվել է 1996թվ. Գեղարքունիքի մարզի Գավառ քաղաքում։
Ընտանիքում երկար տարիներ սպասված արու զավակն էր, ով իր ծնունդով փոխել էր քույրերի ու ծնողների կյանքը։
Սովորել է Գավառի N9 հիմանական դպրոցում, որից հետո շարունակել է ավագ դպրոցում: Ավարտելուց հետո ընդունվել է Երևանի Ագրարային համալսարանի «Ֆինանսներ» բաժինը:
2014թվ. ծառայության է անցել ԱՀ Մարտունիի N պաշտպանական զորամասերից մեկում:
Ծառայության ժամանակ Արամայիսը աչքի է ընկել իր աչալրջությամբ ու զգոնությամբ։
Արամայիսի մայրը՝ Տիկին Անուշը պատմում է, որ տղան երբեք չի ցանկացել խուսափել ծառայությունից, նույնիսկ մտքով չի անցել, որ կարող է չծառայել բանակում, նրա համար մեծ ուրախություն էր ծառայել Արցախում ու հսկել բոլորիս անդորրը։
2016թվ. հունվարի 9-ին՝ ժամը 21:30-ի սահմաններում, ՊԲ արևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 1996թ. ծնված Արամայիս Յուրիկի Ոսկանյանը։
Արամայիս Յուրիկի Ոսկանյանը հետմահու պարգևատրվել է ՀՀ Նախագահի կողմից «Արիության համար», ԱՀ նախագահի կողմից «Մարտական ծառայություն» մեդալներով:
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը: 


Ալվինա Հարությունյան




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

21/01/2018

Այսօր Գոռ Կիրակոսյանի տարեդարձն է

Գյումրի 21.01.2018թ Banak.info
Ապրիլյան ռազմական գործողությունների ժամանակ զոհված Գոռն այսօր՝ հունվարի 21-ին, կդառնար 22 տարեկան։
Ծնվել է 1996թվ. Արմավիրի մարզի Արևիկ համայնքում։
Դպրոցն ավարտելուց հետո ընդունվել է Երևանի պետական ֆինանսատնտեսագիտական քոլեջ, ապա 2014թվ. զորակոչվել հայոց բանակ, ծառայության անցնելով Արցախի Մատաղիսի N զորամասում, որպես սննդի մեքենայի վարորդ:
2016թվ. ապրիլի 5-ին Գոռը վերջին անգամ իր շտապեց զինակիցներին սնունդ հասցնել, ճանապարհին թշնամու կողմից իրականացված սադրանքի արդյունքում Գոռը զոհվեց։
Գոռը ընտրել էր ավտոէլեկտրիկի մասնագիտությունը, զորամասում մշտապես վերանորոգել է մեքենաներն ու սարքին վիճակում պահել։
Գոռ Կարապետի Կիրակոսյանը հետմահու պարգևատրվել է ԱՀ Նախագահի կողմից «Մարտական ծառայության», «Արիություն» ՀՀ Նախագահի կողմից «Արիություն» մեդալներով և «Զինվոր Հայրենյաց» շքանշանով:
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

Այսօր Արման Ուդումյանի մահվան տարելիցն է

Գյումրի 21.01.2018թ Banak.info
2015թվ. հունվարի 21-ին`ժամը 18-ի սահմաններում հայ-ադրբեջանական սահմանի Տավուշի` Բերդի տարածաշրջանի սահմանագոտում դիպուկահարի կողմից արձակված կրակոցից մահացու հրազենային վիրավորում է ստացել պայմանագրային զինծառայող կրտսեր սերժանտ Արման Ռաշիդի Ուդումյանը։
Ծնվել է 1980թվ. Տավուշի մարզի Չորաթան գյուղում։ Ամուսնացած էր, ունի 3 երեխա:
Արման Ռաշիդի Ուդումյանը հետմահու պարգևատրվել է ՀՀ Նախագահի կողմից «Մարտական ծառայության» մեդալով:
Արմանը շուրջ 6 տարի ծառայում էր հայոց բանակում։
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը: 

Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

Այսօր Նահապետ Ասատրյանի մահվան տարելիցն է


Գյումրի 21.01.2018թ. Banak.info
2015թվ. հունվարի 20֊ին լույս՝ 21-ի գիշերը ՝ ժամը 3։00֊ի սահմաններում արցախա-ադրբեջանական հակամարտ զորքերի շփման գծի Քարվաճառի ուղղությամբ ,հակառակորդի հերթական դիվերսիոն-հետախուզական ներթափանցումը կանխելիս զոհվել է 1982թվ. ծնված պայմանագրային զինծառայող՝ Նահապետ Արտակի Ասատրյանը։
Նահապետը Արագածոտնի մարզի Լուսագյուղ համայնքից էր։ Ամուսնացած էր, ունի 3 երեխա։ Նահապետ Ասատրյանը հետմահու պարգևատրվել է՝ «Մարտական ծառայություն» մեդալով։
Հանուն Հայ Զինվորի ՀԿ-ն և Banak.info կայքի խմբագրությունը ցավակցում է ընտանիքի անդամներին և կիսում կորստյան ծանր վիշտը:


Ալվինա Հարությունյան

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

20/01/2018

«Ինչքան պոստ պահող տղերք կան, սաղ թագավոր տղեք են…». այսօր Արմեն Հովհաննիսյանի մահվան տարելիցն է…

2014 թվականի հունվարի 19-ի լույս 20-ի գիշերը արցախաադրբեջանական հակամարտ զորքերի շփման գծի հյուսիսարևելյան (Ջրաբերդ) և հարավարևելյան (Կորգան) ուղղություններում արձանագրվել են հակառակորդի դիվերսիոն խմբերի ներթափանցման միաժամանակյա փորձեր:
Ադրբեջանցիները գիշերը հարձակվել են  մեծ խմբով, սակայն կրտսեր սերժանտ Արմեն Հովհաննիսյանը նկատել է դիվերսանտներին, զգուշացրել զինակիցներին և սկսել դիմադրությունը: Նույնիսկ ծանր վիրավոր վիճակում նա չի  ընկրկել և շարունակել է դիմադրությունը: Դա հայկական ուժերին  հնարավորություն է տվել արագ կազմակերպվել և հետ շպրտել թշնամուն՝ պատճառելով մեծ քանակի կորուստներ:
Բռնկված փոխհրաձգության արդյունքում հակառակորդի կողմից ստացած հրազենային վիրավորումից հյուսիսարևելյան ուղղությամբ տեղակայված մարտական դիրքում իր առջև դրված խնդիրը արիաբար կատարելու ժամանակ էլ զոհվել է:
Չհասավ իր երազած 20-ին, ժպիտը սառեց դեմքին, բայց բռնեց հավերժի ճամփան՝առանց մի վայրկյան անգամ մտածելու:
Արմենի քայլը մեր օրերում իսկապես անօրինակ էր: Պատահական չէ, որ հերոս զիվորի աճյունն ամփոփվեց Եռաբլուրում՝ փառքի պանթեոնում:
Արցախի Հանրապետության նախագահ Բակո Սահակյանի հրամանով Արմեն Հովհաննիսյանը հետմահու պարգևատրվել է «Արիության համար» մեդալով.նա այդ պարգևի ամենաերիտասարդ մեդալակիրն է:
Հունվարի 28-ին ՀՀ Նախագահը Արմեն Հովհաննիսյանին հետմահու պարգևատրել է «Հայրենիքին մատուցած ծառայությունների համար»
1-ին աստիճանի մեդալով:
Ասում են, մարդն ապրում է այնքան ժամանակ, որքան նրան հիշում են, իսկ հերոսը…
Դեռ շատ կխոսվի Արմենի մասին, դեռ շատ ծաղիկներ կխոնարհվեն նրա շիիմին: Արմենի սխրանքն անմահ է, իսկ անունը ՝մեր շուրթերին…
Իննա Թումանյան

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

Այսօր Տիգրան Խաչատրյանի տարեդարձն է

Գյումրի 20.01.2018 Banak.info
Տիգրանն այսօր՝ հունվարի 20-ին կդառնար 20 տարեկան։
Ծնվել է 1998թվ. Երևանում։
Սովորել է Երևանի N157 և Օլիմպոս դպրոցներում։ Ավարտելուց հետո ընդունվել է Պետական Տնտեսագիտական համալսարան։
Տիգրանն ակտիվորեն զբաղվել է սպորտով, կարատեով և ֆուտբոլով, կոփված ու ամուր երիտասարդ էր։
Ուսումը կիսատ թողնելով 2016թվ. զորակոչվել է պարտադիր զինվորական ծառայության Արցախի Մարտակերտի N զորամասում։
Տիգրանի ընտանիքը բազմաթիվ շնորհակալական նամակներ է ստացել նման զինվոր դաստիարակելու համար։
2017թվ. հոկտեմբերի 19-ին, ժամը՝15:50-ի սահմաններում, Արցախի Պաշտպանության Բանակի հյուսիսարևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 1998թ. ծնված Տիգրան Արմենի Խաչատրյանը։
ԱՀ Նախագահի կողմից ստորագրված հրամանագրով Տիգրան Արմենի Խաչատրյանը հետմահու պարգևատրվել է «Մարտական ծառայություն» մեդալով։
Տիգրանի քույրը եղբորը բնութագրում է որպես համբերատար, հանգիստ, հավասարակշռված, ընկերասեր ու նվիրված մարդ , սիրված ու հարգված իր շրջապատում։
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

Այսօր Հովիկ Սուքիասյանի մահվան տարելիցն է


Գյումրի 20.01.2018թ Banak.info

Ծնվել է 1986թվ. Շիրակի մարզի՝ Բանդիվան գյուղում: Դպրոցն ավարտելուց հետո ընդունվել է Վ.Սարգսյանի անվան Ռազմական ինտիտուտ, որն ավարտել է 2007թվ. և ծառայության անցել որպես մոտոհրաձգային դասակի հրամանատար` Արցախում:
2011թվ. հունվարի 20-ին Հովիկը զոհվել է մարտական խնդիր կատարելիս: Հետմահու պարգևատրվել է` ԱՀ Նախագահի կողմից «Մարտական ծառայություն» մեդալով: Հովիկի Մայրիկի խոսքով․
-ԵՍ հպարտ եմ, որ Հովիկի մայրն եմ, ես հպարտ եմ, որ որդիս հերոս է,որ որդուս կյանքը խաղաղության արժեք ուներ, ես հպարտ եմ, որ նրա հիշատակի հավերժացման գրավականը` գյուղի դպրոցը Հովիկիս անվամբ կոչելն էր: Ես ուզում եմ, որ ոչ մի մայր իր որդու կյանքը չդնի խաղաղության նժարին, թող միշտ խաղաղություն լինի, թող այն չապահովվի թեկուզ մեկ զինվորի կյանքով...»:
Հանուն Հայ Զինվորի ՀԿ-ն և Banak.info կայքի խմբագրությունը ցավակցում է ընտանիքի անդամներին և կիսում կորստյան ծանր վիշտը:
Ալվինա Հարությունյան

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

18/01/2018

Այսօր Անդրանիկ Մուսիկյանի մահվան տարելիցն է

Գյումրի 18.01.2018 Banak.info

2017թվ. հունվարի 18-ին՝ ժամը 14:00-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել զինծառայող 1997թ. ծնված Անդրանիկ Սմբատի Մուսիկյանը:
Անդրանիկը Գեղարքունիքի մարզի Գեղհովիտ համայնիքց էր, ծառայության ավարտին մնացել էր 5 ամիս։
Արցախի նախագահի կողմից ստորագրված հրամանագրով Անդրանիկ Սմբատի Մուսիկյանը հետմահու պարգևատրվել է «Մարտական ծառայություն» մեդալով։
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

17/01/2018

Այսօր Արման Հարությունյանի մահվան 3֊րդ տարելիցն է


Գյումրի 17.01.2018թ Banak.info

2015թվ. հունվարի 17-ին Արմանը զոհվել է թշնամու կողմից արձակված կրակոցից, ինժեներական աշխատանք իրականացնելու ժամանակ։
Ծնվել է 1994թվ. Տավուշի մարզի Ոսկեվան գյուղում: Դպրոցն ավարտելուց հետո 2012-2014թթ. ծառայել է հայոց բանակում, որի ավարտից հետո անցել է պայմանագրային ծառայության։
Արման Ալիկի Հարությունյանը հետմահու պարգևատրվել է ՀՀ Նախագահի կողմից «Մարտական ծառայություն» մեդալով:
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

16/01/2018

Զոհվել է Հարություն Վանյայի Խաչատրյանը

Հունվարի 16-ին՝ ժամը 01:15-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1998թ. ծնված Հարություն Վանյայի Խաչատրյանը:
Դեպքի մանրամասները պարզելու համար կատարվում է քննություն:
Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

ԱՀ ՊՆ մամուլի ծառայություն

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`