Showing posts with label զոհ. Show all posts
Showing posts with label զոհ. Show all posts

19/08/2019

Այսօր ապրիլյան պատերազմի ժամանակ զոհված Գևորգ Վարդանյանի և Ադամ Սահակյանի տարեդարձն է


Գյումրի 19.08.2019թվ.Banak.info
 Այսօր՝ օգոստոսի 19-ին, հայրենիքի պաշտպանության ժամանակ զոհված Գևորգն ու Ադամը կդառնային 23 տարեկան։
 Տարբեր քաղաքներում ծնված ու մեծացած հասակակից տղաներին կապում էր հայրենիքիը, նրա պաշտպանությունը։

 Գևորգը ծնունդով Գյումրի քաղաքից էր, սակայն 6 տարեկանում ընտանիքը մշտական բնակության է մեկնել ՌԴ։
Գևորգը 18 տարին լրանալուն պես վերադարձել էր հայրենիք ու անցել պարտադիր զինվորական ծառայության Մարտակերտի շրջանի Թալիշ գյուղում։
2015թվ.Գևորգը առաջին անգամ առճակատվել էր թշնամու հետ, անտեսելով գնդակոծությունը շտապել ու օգնություն էր ցուցաբերել վիրավոր ընկերոջը։

 Ադամը ծնունդով Երևան քաղաքից էր։
Ավարտել էր Խ. Դաշտենցի անվան թիվ 114 ավագ դպրոցը։
2013թվ. ընդունվել էր Երևանի ճարտարապետության և շինարարության պետական համալսարանի ճարտարապետա-դիզայներական ֆակուլտետը։
Ադամը ակտիվ սպորտով է զբաղվել։
2015թվ. անցել էր պարտադիր զինվորական ծառայութան Մեխակավանի (Ջեբրայիլ) N զորամասում։ Բարեխիղճ ծառայության արդյունքում Ադամը կարճ ժամանակում արժանանացել էր սերժանտի կոչման։

 2016թվ.ապրիլյան ռազմական գործողությունների ժամանակ հակառակորդը անցել էր լայնամասշտաբ ռազմական գործողությունների արցախա-ադրբեջանական սահմանի ողջ երկայնքով։ Ծավալված գործողությունների ժամանակ տարբեր ուղղություններում զոհվել են Ադամ Սահակյանն ու Գևորգ Վարդանյանը։
Ադամը զոհվել է Մեխակավանի (Ջեբրայիլ) ուղղությամբ տեղակայված մարտական դիրքերից մեկում, հակառակորդի մեծաքանակ ուժերի դեմ համառ պայքարի հետևանքով։
Գևորգը զոհվել է Թալիշի ուղղությամբ տեղակայված մարտական դիրքերից մեկում, դասակի հրամանատար Հրաչ Գալստյանի հետ, հակառակորդի մեծաքանակ ուժերի դեմ համառ պայքարի հետևանքով։

Գևորգ Վարդանյանն ու Ադամ Սահակյանը հետմահու պարգևատրվել են ԱՀ նախագահի կողմից «Մարտական ծառայություն», ՀՀ նախագահի կողմից «Արիության» մեդալներով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

17/08/2019

Այսօր Կարեն Դանիելյանի տարեդարձն է



Գյումրի 17.08.2019թվ.Banak.info
2017թ. Մայիսի 20-ին՝ ժամը 07:20-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում հակառակորդի կողմից արձակված կրակոցից մահացու վիրավորում է ստացել զինծառայող, Կարեն Սարիբեկի Դանիելյանը:
Կարենն այսօր՝ օգոստոսի 17-ին, կդառնար 23 տարեկան։
Կարենը Շիրակի մարզի Սարատակ գյուղից էր։
Պարտադիր զինվորական ծառայության էր անցել Արցախում` մեծ սիրով ու ոգևորությամբ։
2016թվ. ապրիլյան պատերազմին ակտիվ մասնակցություն էր ունեցել, թշնամու ագրեսիայից հրաշքով  փրկվել։
2019թվ. հունվարի 17-ին Կարենի ընտանիքում լույս աշխարհ է եկել երնվորյակ զավակներին, նրանցից մեկը կրում է Կարենի անունը, իսկ մյուսը Նարեն անունը։
Կարեն Սարիբեկի Դանիելյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:



Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Սարգսի Մելիքյանի տարեդարձն է



Գյումրի 17.08.2019թվ.Banak.info
2017թվ. նոյեմբերի 21-ին ժամը 18:35-ի սահմաններում ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում ականապայթյունային մահացու վիրավորում են ստացել ՊԲ զինծառայողներ Գեղամ Կորյունի Զաքարյանը (ծնված 1995թ.), Սարգիս Գուրգենի Աբրահամյանը (ծնված 1998թ.) և Սարգիս Մհերի Մելիքյանը (ծնված 1997թ.), ինչպես նաև ծանր վիրավորում էր ստացել մեկ զինծառայող:
Զոհված Սարգիս Մելիքյանը այսօր՝ օգոստոսի 17-ին, կդառնար 22 տարեկան։
Սարգիսը ծնունդով Գեղարքունիքի մարզի Վարդենիս քաղաքից էր։
Սովորել էր տեղի  N2 միջնակարգ դպրոցում, ավարտել 2012թվ. և 2013թվ. ուսումը շարունակել Վարդենիսի պետական քոլեջում։ Ազատ ժամանակը  Սարգիսը զուր չի վատնել.արհեստավոր հորն էր օգնում։
2016թվ. զորակաչվել էր պարտադիր զինվորական ծառայության, 6 ամիս ծառայել Էջմիածնի ուսումնական զորամասում, որից հետո շարունակել Արցախի Մարտակերտի N զորամասում, որպես սակրավոր։
Սարգիս Մելիքյանը հետմահու պարգևատրվել են ԱՀ նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

15/08/2019

Այսօր Ռուբեն Ալեքսանյանի տարեդարձն է


Գյումրի 15.08.2019թվ.Banak.info
2015թ. դեկտեմբերի 17-ի լույս 18-ի գիշերը հակառակորդի կողմից ձեռնարկված դիվերսիոն-հետախուզական ներթափանցման փորձը կասեցնելիս պաշտպանական մարտերում զոհվել են ՊԲ շարքային զինծառայողներ Աղասի Արսենի Գրիգորյանը (ծնվ. 1996թ.) և Ռուբեն Ռոբերտի Ալեքսանյանը (ծնվ. 1996թ.): Մարտական գործողությունների արդյունքում հայկական կողմն ունեցել է 4 վիրավոր զինծառայող:
Ռուբենը, Աղասին և մյուս զինծառայողները անհավասար մարտում քաջաբար կռվել են թշնամու դեմ թույլ չտալով իրականացնել մարտական խնդիրը։
Այսօր՝ օգոստոսի 15-ին, հայրենիքի պաշտպանության ժամանակ զոհված Ռուբեն Ալեքսանյանը կդառնար 23 տարեկան։
Ռուբենը ծնունդով Լոռու մարզի Կաթնառատ գյուղից էր։ Ընտանիքը որոշ ժամանակ հետո մշտական բնակություն էր հաստատել Տաշիր քաղաքում։
2014թվ. Ռուբենը զորակոչվել էր պարտադիր զինվորական ծառայության Արցախի Մեխակավանի (Ջեբրայիլ) N զորամասում, որպես հետախույզ։
Ռուբենը ծառայության էր մեկնել երկվորյակ եղբոր հետ, ծառայության ընթացքում երկուսն էլ աչքի են ընկել իրենց որակական լավ հատկանիշներով։ Ռուբենը աչալուրջ ու նվիրված զինվոր էր։
Ռուբեն Ալեքսանյանը հետմահու պարգևատրվել են ՀՀ նախագահի կողմից «Արիության համար» և ԱՀ նախագահի կողմից  «Մարտական ծառայություն»  մեդալներով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:



Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

Այսօր ապրիլյան պատերազմի ժամանակ զոհված հետախույզ Նվեր Սիմոնյանի տարեդարձն է



Գյումրի 15.08.2019թվ.Banak.info
Այսօր՝ օգոստոսի 15-ին, հայրենիքի պաշտպանության ժամանակ զոհված Նվեր Սիմոնյանը կդառնար 29 տարեկան։
Նվերը ծնունդով Արցախի Հադրութի շրջանի Թաղասեռ գյուղից էր։ 2008-2010թվ. անցել էր պարտադիր զինվորական ծառայության Արցախում։
Այնուհետև պայմանագրային ծառայության էր անցել Հադրութի շրջանի N զորամասում, հատուկ նշանակության զորքերում որպես դիպուկահար` ավագ սերժանտի զինվորական կոչումով։
Նվերն իր մասնագիտական հմտություններին գերազանց էր տիրապետում, մշտապես պատրաստակամ էր իրականացնել ցանկացած տեսակի մարտական առաջադրանք։
2016թվ. ապրիլի 1-ի լույս 2-ի գիշերը թշնամին անցել էր լայնամասշտաբ ռազմական գործողությունների՝ արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Հադրութի հատուկ նշանակության ստորաբաժանման տղաներից Նվեր Սիմոնյանը, Ղարիբ Սահակյանը և Ազնաուր Բալայանը զոհվել են ապրիլի 4-ին թշնամու կողմից ծանր զինտեխնիկայի օգտագործման արդյունքում` արկի պայթյունից։
Երեք ընկեր հետախույզներ, ովքեր բազում անգամներ առճակատվել էին թշնամու հետ, այս անգամ էլ իրենց մարտական առաջադրանքը կատարեցին գերազանց։
Նվեր Սիմոնյանը հետմահու պարգևատրվել է ՀՀ նախագահի կողմից «Արիության համար», ԱՀ նախագահի կողմից «Մարտական ծառայություն» մեդալներով, ինչպես նաև բազում մեդալների ու պատվոգրերի է արժանացել ծառայության ժամանակ։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/08/2019

Այսօր Կարեն Հովհաննիսյանի մահվան 4-րդ տարելիցն է


Գյումրի 12.09.2019թվ.Banak.info
2015թվ. օգոստոսի 12-ին ՊԲ արևելյան ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված գնդակից մահացու հրազենային վիրավորում է ստացել զինծառայող 1992թվ.ծնված Կարեն Պարույրի Հովհաննիսյանը: 
Կարենը ծնունդով Երևան քաղաքից էր, մինչ ծառայության մեկնելը աշխատել է, օգնել ծնողներին։
2013թվ. էլ զորակոչվել էր պարտադիր զինվորական ծառայության Արցախում, ծառայության ավարտին մնացել էր ընդամենը 4 ամիս։
Կարենի մայրը՝ տիկին Անուշը, մեզ հետ զրույցում պատմում է, որ որդին մեծ սիրով է անցել ծառայության, սիրում էր բանակը, ծառայությունից չէր դժգոհում։ Նշում է, որդին շատ համեստ էր, սիրված իրեն ճանաչողների կողմից, բարի ու նվիրված, հավասարակշռված։
Կարենը ազատ ժամանակ պարի է հաճախել, ինչպես նաև զբաղվել ֆուտբոլով, երազանքներից մեկն էր նույն դաշտում խաղալ հայտնի ֆուտբոլիստների հետ։
Կարեն Պարույրի Հովհաննիսյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։


Ալվինա Հարությունյան 




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր ապրիլյան պատերազմում զոհված սանհրահանգիչ Սաշա Գալստյանի տարեդարձն է


Գյումրի 12.08.2019թվ.Banak.info
Այսօր՝ օգոստոսի 12-ին, հայրենիքի պաշտպանության ժամանակ զոհված Սաշան կդառնար 23 տարեկան։
Սաշան ծնունդով Արմավիրի մարզի Արմավիր քաղաքից էր, սակայն ընտանիքը բնակվել է Մեծամոր քաղաքում։
Տեղի դպրոցն ավարտելուց հետո ընդունվել էր Արմավիրի պետական բժշկական քոլեջ, իսկ 2014 թվ. ընդունվել էր Երևանի Հայբուսակ համալսարան: 

2015թվ. Սաշան անցել էր պարտադիր զինվորական ծառայության Արցախի Մեխակավանի (Ջեբրայիլ) N զորամասում, որպես կրտսեր սերժանտ, սանհրահանգիչ։
Սաշայի ծառայակից ընկերը՝ Վահեն, մեզ հետ զրույցում պատմում է, որ ծանոթացել են Արցախ գնալու ճանապարհին, այդպես էլ շարունակվել է իրենց ընկերությունը, հիշում է շատ ժպիտով ու կատակասեր էր, ուշադիր բոլորի հանդեպ։
Սաշան որպես սանհրահանգիչ չափազանց ուշադիր է եղել, իր պարտականությունները ժամանակին բարեխղճորեն կատարել։ Ծնողներից ժամանակ առ ժամանակ իր տղաների համար մուրաբաներ է ուզել, որ կարողանա տնական միջոցներով էլ բուժել։

2016թվ. ապրիլի 1-ի լույս 2-ի գիշերը թշնամին անցել էր լայնամասշտաբ ռազմական գործողությունների՝ արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Մեխակավանի բարձունքներից մեկի ուղղությամբ հակառակորդի գրոհները կասեցնելիս Սաշան զոհվել է, մարտի ընթացքում օգտագործելով այնպիսի զինատեսակներ որոնցից երբևէ չէր կրակել։
Բարձունքի պաշտպանության ժամանակ քաջաբար մարտնչելիս ընկել են սպաներ՝ Ալեքսան Առաքելյանը, Օնիկ Գրիգորյանը, Մաքսիմ Գրիգորյանը, Ռոման Պողոսյանը, Սուրեն Մելքումյանը, ժամկետային զինծառայողներ՝ Սաշա Գալստյանը, Բագրատ Ալեքսանյանը, Կարեն Ներսիսյանը,  Ժորա Եսայանը, Բորիս Օզմանյանը, Ադամ Սահակյանը,  Տիգրան Բերակչյանը, պայմանագրային զինծառայող՝ Անդրանիկ Գրիգորյանը։

 «Մեծ ցավ եմ ապրում, միևնույն ժամանակ հպարտ եմ շատ, որ այսօր ամբողջ աշխարհն է խոսում իմ տղայի և իր ընկերների մասին։ Բայց չէի ուզի, որ էսպես լիներ։ Երանի ոչ ոք չճանաչեր իմ Սաշին։ Ես նրա ապրած կյանքով  էլ էի շատ հպարտ»,-Banak.info կայքին տված հարցազրույցներից մեկի ժամանակ պատմել է Սաշա Գալստյանի մայրը՝ Տիկին Սոֆին։

Սաշա Վաչագանի Գալստյանը հետմահու պարգևատրվել է ԱՀ Նախագահի կողմից  «Մարտական ծառայունթյուն», ՀՀ Նախագահի կողմից «Արիություն», Վետերանների միության կողմից  «Հայրենիքի պաշտպանության համար» մեդալներով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/08/2019

Այսօր ապրիլյան պատերազմի ժամանակ զոհված դիպուկահար Հարություն Աբրահամյանի տարեդարձն է


Գյումրի 10.08.2019թվ.Banak.info
Այսօր՝ օգոստոսի 10-ին, հայրենիքի պաշտպանության ժամանակ զոհված Հարություն Աբրահամյանը կդառնար 34 տարեկան։
1988թվ.Աբրահամյանների ընտանիքը հաստատվել է Գեղարքունիքի մարզի Վարդենիսի շրջանի Արեգունի գյուղում։
Տեղի դպրոցն ավարտելուց հետո Հրազդանում Հարությունը սովորել էր ատամնատեխնիկի մասնագիտություն։
2003-2005թթ.անցել է պարտադիր զինվորական ծառայության ՀՀ ՊՆ սահմանամերձ զորամասերից մեկում որպես հետախույզ-դիպուկահար։

«Ես էլ Արցախյան պատերազմի մասնակից եմ եղել։ Որ գնում էի կռվի, ինքը դեռ հինգ տարեկան էր։ Անընդհատ հարցեր էր տալիս՝ ինչը ոնց է եղել, ես էլ պատմում էի, ու էդ ոգով էլ մեծացել է։ Տեսել ու սիրել է զինվորականի գործը։ Ինքս դիպուկահար եմ եղել, իրեն ամեն ինչ սովորեցրել եմ, ասել եմ բոլոր հնարքները։ Ինքը համակարգչով էլ էր շատ բաներ նայում, սովորում։ Ինքն էլ դարձավ լավագույն դիպուկահարներից մեկը»,- April2016.am կայքին տված հարցազրույցներից մեկի ժամանակ պատմել է Հարություն Աբրահամյանի հայրը՝  Հովհաննես Աբրահամյանը։

Պայմանագրային ծառայության անցնելուց հետո Հարությունը որոշ ժամանակ ծառայել է այն զորամասում, որտեղ իրականացրել է պարտադիր զինվորական ծառայությունը, որից հետո տեղափոխվել է՝ Քարվաճառ Օմարի դիրքեր։
2016թվ. ապրիլի 1-ի լույս 2-ի գիշերը թշնամին անցել էր լայնամասշտաբ ռազմական գործողությունների՝ արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Ընթացած մարտական գործողությունների ժամանակ Օմարի դիրքերից Հարությունն ու ծառայակիցները օգնության են հասել Թալիշ, որտեղ էլ ապրիլի 4-ին զոհվել է։
Հարությունի հետ զոհվել է նաև նրա ծառայակից մտերիմ ընկեր՝ Վրեժ Սարգսյանը, նրանք ծառայությունն իրականացնում էին միասին։
Հարություն Աբրահամյանը հետմահու պարգևատրվել է ՀՀ նախագահի կողմից «Արիություն», ԱՀ նախագահի կոմից «Մարտական ծառայություն» մեդալներով։
Հարությունն ամուսնացած էր, ունի երեք երեխա։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։


Ալվինա Հարությունյան


Նյութի տվյալները վերցված են՝ April2016.am կայքից։
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

09/08/2019

Այսօր ապրիլյան պատերազմի ժամանակ զոհված Ժորա Եսայանի տարեդարձն է


Գյումրի 09.08.2019թվ.Banak.info
Այսօր՝ օգոստոսի 9-ին, հայրենիքի պաշտպանության ժամանակ զոհված Ժորա Եսայանը կդառնար 23 տարեկան։
Ծնունդով Արարատի մարզի Դարբնիկ գյուղից էր, դպրոցն ավարտելուց հետո՝ 2014թվականին, զորակոչվել էր պարտադիր զինվորական ծառայության Մեխակավանի (Ջեբրայիլ) N զորամասում, որպես գնդացրորդ:
Ժորային ճանաչողները նրա զսպվածությունն ու համեստությունն են առանձնացնում, բարի էր, սրտացավ, մարդկային։

 2016թվ. ապրիլին թշնամին ձեռնարկել էր լայնամասշտաբ ռազմական գործողություններ արցախ-ադրբեջանական սահմանի ողջ երկայնքով՝ օգտագործելով օդուժ, ծանր զինտեխնիկա և մեծաքանակ կենդանի ուժ։
Ապրիլի 1-ի լույս 2-ի գիշերը, Մեխակավանի բարձունքներից մեկը թշնամու կողմից ենթարվել էր գրոհի։ Մարտական հերթապահություն իրականացնող զինվորներին օգնության էին հասել սպաների խումբը։ 

 Պաշտպանության ժամանակ քաջաբար մարտնչելիս ընկել են սպաներ՝ Ալեքսան Առաքելյանը, Օնիկ Գրիգորյանը, Մաքսիմ Գրիգորյանը, Ռոման Պողոսյանը, Սուրեն Մելքումյանը, ժամկետային զինծառայողներ՝ Սաշա Գալստյանը, Բագրատ Ալեքսանյանը, Կարեն Ներսիսյանը,  Ժորա Եսայանը, Բորիս Օզմանյանը, Ադամ Սահակյանը,  Տիգրան Բերակչյանը, պայմանագրային զինծառայող՝ Անդրանիկ Գրիգորյանը։
Ժորա Արթուրի Եսայանը հետմահու պարգևատրվել է ՀՀ նախագահի կողմից «Արիություն», ԱՀ նախագահի կողմից «Մարտական ծառայունթյուն» մեդալներով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/08/2019

Այսօր ապրիլյան պատերազմի ժամանակ զոհված հետախույզ Ղարիբ Սահակյանի տարեդարձն է


Գյումրի 08.08.2019թվ.Banak.info
Այսօր՝ օգոստոսի 8-ին, հայրենիքի պաշտպանության ժամանակ զոհված Ղարիբ Սահակյանը կդառնար 32 տարեկան։
Ղարիբը ծնունդով Արցախի Հադրութի շրջանի Տող գյուղից էր։
2005-2007թթ. գտնվել է ժամկետային զինվորական ծառայության մեջ: 
2008թվ. անցել էր պայմանագրային ծառայության: Եղել է N զորամասի հատուկ նշանակության վաշտի 3-րդ խմբի` 1-ին ջոկի հետախույզ- դիպուկահար, 3-րդ խմբի 2-րդ ջոկի հրամանատար և 2-րդ խմբի 1-ին ջոկի հրամանատար, խմբի հրամանատարի տեղակալի պաշտոններում՝ որպես  ավագ սերժանտ:
Մեծ սիրով ու պատասխանատվությամբ է վերաբերվել իր աշխատանքին, հետախույզի բարդ ու պատասխանատու մարտական առաջադրանքերը միշտ իրականացրել գերազանց։
2016թվ. ապրիլի 1-ի լույս 2-ի գիշերը թշնամին անցել էր լայնամասշտաբ ռազմական գործողությունների՝ արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Ապրիլի 4-ին Մեխակավանի (Ջեբրայիլ) ուղղությամբ ընթացած մարտական գործողությունների ժամանակ զոհվել են Ղարիբ Սահակյանը, Ազնավուր Բալայանը և Նվեր Սիմոնյանը։
Ղարիբ Սահակյանը հետմահու պարգևատրվել է ԱՀ և ՀՀ նախագահների կողմից «Արիություն» մեդալներով, իսկ ծառայության ընթացքում պարգևատրվել է բազմաթիվ մեդալներով ու պարգևներով։
Ղարիբն ամուսնացած էր, ունի երեք որդի։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Վահե Վանոյանի տարեդարձն է



Գյումրի 08.08.2019թվ. Banak.info
2015թվ. նոյեմբերի 12-ին ՊԲ հարավային ուղղությամբ տեղակայված զորամասերից մեկի պահպանության տեղամասի մարտական հենակետում, հակառակորդի կողմից արձակված կրակոցից մահացու հրազենային վիրավորումներ են ստացել ՊԲ զինծառայողներ Միքայել Թորոսյանը և Վահե Վանոյանը:
Զոհված Վահե Վանոյանը այսօր՝ օգոստոսի 8-ին, կդառնար 24 տարեկան։
Վահեն ծնունդով Շիրակի մարզի Արևիկ գյուղից էր։ Դպրոցն ավարտելուց հետո զորակոչվել էր պատադիր զինվորական ծառայության Արցախում։
Վահե Վարդգեսի Վանոյանը հետմահու պարգևատրվել է ԱՀ նախագահի կողմից «Մարտական ծառայություն» ՀՀ նախագահի կողմից «Արիության համար» մեդալներով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

07/08/2019

Այսօր ապրիլյան պատերազմում զոհված փոխգնդապետ Ալեքսան Առաքելյանի տարեդարձն է


Գյումրի 07.08.2019թվ.Banak.info
Այսօր՝ օգոստոսի 7-ին, հայրենիքի պաշտպանության ժամանակ զոհված Ալեքսան Առաքելյանը կդառնար 37 տարեկան։
Ալեքսան Առաքելյանը ծնվել էր Գյումրիում: Սովորել էր Գ. Նարեկացու անվան թիվ 9 դպրոցում։ 
Ալեքսանը մասնագիտության հարցում վաղուց էր կողմնորոշվել, զինվորականին հարիր պահվածք ու կեցվածքը նրա մեջ դեռ փորքուց է եղել. կոկիկ զուստ ու հավասարակշռված պատանի էր։
Սովորել և 2004թվ. ավարտել էր Վ. Սարգսյանի անվան Ռազմական ինստիտուտը և ծառայության անցել ԱՀ Մեխակավանի (Ջեբրայիլ) N զորամասում։
2014թվ. սովորել էր գլխավոր շտաբի ռազմական ակադեմիայում, որն ավարտելուց հետո նշանակվել էր ՀՀ 2-րդ կորպուսի մարտական պատրաստության պետ, սակայն նրա սիրտն ու հոգին հավերժ կապվել էին Արցախ աշխարի հետ և նա նորից վերադառնում է Մեխակավան (Ջեբրայիլ) ՝ նախընտրելով դժվար ու պատասխանատու աշխատանքը առաջնագծում։

2016թվ. ապրիլի 1-ի լույս 2-ի գիշերը թշնամին անցել էր լայնամասշտաբ ռազմական գործողությունների՝ արցախա-ադրբեջանական սահմանի ողջ երկայնքով օգտագործելով օդուժ, ծանր զինտեխնիկա, հրետանի, ինչպես նաև մեծաքանակ կենդանի ուժ։
Հարվածներից մեկը Մեխակավանի (Ջեբրայիլ) բարձունքներից մեկի ուղղությամբ էր, հինգ սպաներից բաղկացած օպերատիվ խումբը արագ օգնության էր հասել խրամատում առաջին հարվածը ընդունած զինվորներին: 
Հակառակորդի հատուկ նշանակության ուժեղացված ջոկատի դեմ կատաղի մարտում հայ զինծառայողները թշնամուն պատճառել են մեծաքանակ կենդանի ուժի կորուստներ: 
Բարձունքի պաշտպանության ժամանակ քաջաբար մարտնչելիս ընկել են Ալեքսան Առաքելյանը, Օնիկ Գրիգորյանը, Մաքսիմ Գրիգորյանը, Ռոման Պողոսյանը, Սուրեն Մելքումյանը, Սաշա Գալստյանը, Բագրատ Ալեքսանյանը, Կարեն Ներսիսյանը, Ժորա Եսայանը, Բորիս Օզմանյանը, Ադամ Սահակյանը, Տիգրան Բերակչյանը, Անդրանիկ Գրիգորյանը։
Փոխգնդապետ Ալեքսան Առաքելյանը հետմահու պարգևատրվել է ՀՀ նախագահի կողմից «Մարտական Խաչ» 1-ին աստիճանի շքանշանով և ԱՀ նախագահի կողմից «Արիություն» մեդալով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։



Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/08/2019

10 տարի առաջ 2009թվ. օգոստոսի 4-ին զոհվել է Արամ Մեժլումյանը


Գյումրի 04.08.2019թվ.Banak.info
2009թվ. օգոստոսի 4-ին արցախա-ադրբեջանական հակամարտ զորքերի շփման գծի հյուսիսային ուղղությամբ տեղակայված մարտական հենակետերից մեկի պահպանության տեղամասում, թշնամու կողմից դիպուկահարի կրակոցից զոհվել է ՊԲ զինծառայող Արամ Միշայի Մեժլումյանը։
Արամը ծնունդով Արարատի մարզի Շահումյան գյուղից էր։
2007թվ. անցել էր պարտադիր զինվորական ծառայության Մարտակերտի շրջանի N զորամասում։ Ծառայության առաջին օրվանից Արամն աչքի էր ընկել իր նախաձեռնող բնավորությամբ, կարճ ժամանակահատվածում արժանացել էր եֆրեյտորի, ապա կրտսեր սեժանտի զինվորական կոչման։

 -Արամիս ծառայակիցները պատմում էին նրա հոգատարության մասին, թե ինչքան ուշադիր է եղել իր զինվորների հանդեպ: Պատմում են, որ զինվորներին հանձնարարված գործը Արամս անում էր նրանց հետ միասին, որ մի կոնֆետը կիսում էր հավասար մասերի ու տալիս զինվորներին: Սահմանը հատած վիրավոր շանը խնամել է, ասել են Արա՛մ, կսատկի բաց թող, թող գնա, ասել է. «Տղերք, տեսե՛ք հեսա ինչ շուն է դառնում»:
Ասում են, շան ոտքը վիրակապել է, ու իր ասածով էլ եղել է, լավացել է ու մեծացել: Պատմում են, որ տղայիս դեպքից հետո, շունը կապը կտրել ու նորից հատել է սահմանը:
Երբ արձակուրդ էր եկել, ասում էինք, Արամ ջան, ինչի՞ ես շտապում գնաս, ասում էր՝ գնամ տղերքս մենակ են, գնամ հասնեմ իրանց. Banak.info կայքին տված հարցազրույցներից մեկի ժամանակ պատմել է Արամի մայրը՝ Տիկին Լաուրան։

 Արամ Միշայի Մեժլումյանը հետմահու պարգևատրվել է ԱՀ նախագահի կողմից «Արիության համար» մեդալով և «Մայրական երախտագիտություն Արցախի քաջորդիներին» հուշամեդալով, ինչպես նաև ծառայության ընթացքում արժանացել էր բազմաթիվ խրախուսանքների, «Քաջարի մարտիկ» կրծքանշանի։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Արամ Գրիգորյանի մահվան 5-րդ տարելիցն է



Գյումրի 04.08.2019թվ.Banak.info
2014թվ. օգոստոսի 4-ին արցախա-ադրբեջանական հակամարտ զորքերի շփման գծի Քարվաճառի ուղղությամբ տեղակայված մարտական հենակետերից մեկում հակառակորդի դիպուկահարի կողմից արձակված կրակոցից զոհվել է ՊԲ պայմանագրային զինծառայող, Արամ Մկրտիչի Գրիգորյանը։
Արամը ծնվել էր 1971թվ. Արագածոտնի մարզի Վերին Բազմաբերդ գյուղում։
Տեղի դպրոցն ավարտել էր 8-ամյա կրթությամբ, հետո շարունակել Ներքին Մասնաշենի դպրոցում։ Ավարտել և ծառայության էր անցել Խորհրդային բանակում։ 1991թվ. զորացրվել էր, իսկ օրեր անց մեկնել Արցախ։
Արամ Գրիգորյանը մասնակցել է Արցախյան պատերազմին։ Կռվել է Պետրոս Ղևոնդյանի ջոկատում, Ժիրայր Սեֆիլյանի` «Շուշիի առանձնակի գումարտակ»-ի և Կարո Քեհքեջյանի` «Խաչակիրներ» ջոկատներում։ Մասնակցել է Շահումյանի, Հադրութի, Մարտակերտի, Ֆիզուլիի մարտերին: 
Արցախյան ազատամարտի ավարտից հետո էլ Արամը չլքեց հայկական բանակի շարքերը և շարունակեց ծառայել, որպես պայմանագրային զինծառայող։
2000թվ. Արամն ամուսնացել է, ունի երեք երեխա։
2002թվ. ընտանիքը բնակության էր մեկնել Արցախի Քարվաճառի շրջանի Հավսթաղ գյուղ։
Արամ Մկրտիչի Գրիգորյանը հետմահու պարգևատրվել է ՀՀ Նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Նյութի տվյալները վերցված են Արմինե Կարախանյանի  ֆեյսբուքյան էջից

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

03/08/2019

Վաշտի հսկան՝ Սարգիսը հրամանատարի կողքին կռվեց մինչև վերջին շունչը


Գյումրի 03.08.2019թվ.Banak.info
2014թվ. հուլիս-օգոստոս ամիսներին արցախա-ադրբեջանական հակամարտ զորքերի շփման գծում գգալի լարվածության աճ էր նկատվել: Թշնամու կողմից ձեռնարկված մի քանի դիվերսիաները ձախողվել էին հայկական ԶՈՒ-ի պատասխան գործողությունների արդյունքում:
Օգոստոսի 2-ի գիշերը Մարտակերտի ուղղությամբ հակառակորդը ձեռնարկել էր հետախուզադիվերսիոն ներթափանցման փորձ։ Հակառակորդի առաջխաղացումը կասեցնելիս զոհվել է ՊԲ զինծառայող, ավագ լեյտենանտ  Զորիկ Ժիրայրի Գևորգյանը և վիրավորվել ՊԲ զինծառայող Սարգիս Մովսիսյանը։
Հրամանատարի՝ Զորիկի հետ Սարգիսը վիրավոր պայքարել է չլքելով նրան, օգոստոսի 3-ին նա մահացել է զինհոսպիտալում:
Սարգիս Մովսիսյանը հետմահու պարգևատրվել է ՀՀ և ԱՀ նախագահների կողմից «Արիության համար» մեդալներով:

Սարգիսը 2012թվ. էր ծառայության անցել սկզբնական շրջանում Վանաձորի ուսումնական զորամասում, որից հետո շարունակել էր Մարտակերտի շրջանի N զորամասերից մեկում, որպես  հետախույզ կրտսեր սերժանտ, հետագայում արդեն սերժանտ՝ ջոկի հրամանատար։
Ծառայության ընթացքում Սարգիսը իր ֆիզիկական ահռելի ուժի արդյունքում ծառայակիցների կողմից ստացել էր Վաշտի հսկա անունը։
Սարգսի ու հրամանատարի՝ Զորիկի վերջին մարտը հակառակորդին մեծաքանակ զոհեր պատճառեց։ Սարգիսը հրամանատարին չլքեց, վիրավոր ժամանակ էլ շտապել էր օգնել Զորիկին։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը։


Ալվինա Հարությունյան 


Նյութի տվյալները վերցված են Էդգար Էլբակյանի «Հայ-ադրբեջանական պատերազմ և մերօրյա հերոսներ» գրքից:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/08/2019

Այսօր Գևորգ Հարությունյանի մահվան 3-րդ տարելիցն է


Գյումրի 02.08.2019թվ.Banak.info
2016թվ. օգոստոսի 2-ին` ժամը 15:00-ի սահմաններում, ՊԲ արևելյան ուղղությամբ տեղակայված զորամասերից մեկի պահպանության տեղամասում ականի պայթյունից մահացել է Գևորգ Արթուրի Հարությունյանը։
Գևորգը ծնվել էր 1996թվ. Երևանում։
Սովորել էր Երևանի թիվ 127 դպրոցում և ավարտել 2013թվականին։ 
Մինչ բանակ զորակոչվելը խոհարարություն էր սովորել, աշխատում էր։
2015թվ. զորակոչվել էր պարտադիր զինվորական ծառայության Ասկերանի N զորամասում, կոչումով կրտսեր սերժանտ էր։
Գևորգի մայրը՝ Տիկին Անահիտը, մեզ հետ զրույցում պատմում է, որ որդին շատ ընկերասեր էր, հայրենասեր, լուսավոր ժպտերես ու կյանքով լեցուն։
Գևորգ Արթուրի Հարությունյանը հետմահու պարգևատրվել է ԱՀ և ՀՀ նախագահների կողմից «Արիության համար» մեդալներով։
Գևորգը ընտանիքում միակ որդին էր, նրա զոհվելուց հետո ընտանիքում լույս աշխարհ է եկել եղբայրը, ով կրում է Գևորգի անունը։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանի վիշտը։


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Անորսալի գայլի վերջին մարտը.2014թվ. օգոստոսի 2


Գյումրի 02.08.2019թվ.Banak.info
 «Неуловимый одинокий волк» ռազմանունը թերևս հակառակորդին շատ բան է ասում, հենց նրանք էին այսպես բնորոշում Զորիկ Գևորգյանին, ով մարտական խնդիրները հաճախ կատարում էր միայնակ, հեշտությամբ հակառակորդին ցույց տալով իր ներկայության ու գործողության մասին, մեկ անգամ չէր որ թշնամին սեփական մասշկի վրա զգացել էր Զորիկի բազկի ուժը։ 

 «2014 թ. օգոստոսի 1-ի լույս 2-ի գիշերը Զորիկ Գևորգյանի հետախուզական վաշտին վստահվեց պաշտպանելու այն դիրքը, որի ուղղությամբ օրեր առաջ տեղի էր ունեցել թշնամու դիվերսիոն հետախուզական ներթափանցման փորձ։
Երեկ­յան 22:00-ի սահմաններում զորամասի հրամանատար Էդվարդ Ասրյանը գնացել է հետախուզական վաշտի պաշտպանած դիրք ու նոր գիշերային նշանոց տրամադրել Զորիկին՝ հարցնելով, թե որն է ավելի լավը՝ հինը, թե նորը։ Փորձարկելով նշանոցը՝ հմուտ հետախույզը պատասխանել է՝ «70 մետրի վրա թնամու շարժը տեսնում եմ, շատ լավն
է»: Հրամանատարը հարցրել է՝ «Իսկ եթե թշնամին առջևդ դուրս գա՞»։ «Կսատկացնեմ»,- իրեն բնորոշ կենսախնդությամբ պատասխանել է Զորիկը։ Խոսքից զատ Զորիկը նաև գործնական միջոցների էր դիմել՝ կանխավ իր ԱԿ-74 գիշերային նշանոցով զենքի պահունակը փոխարինելով ձեռքի գնդացրի 45 փամփշտանոց պահունակով:

 Գիշերը՝ ժամը 02:10­ի սահմաններում, թշնամու դիվերսիոն խմբին հաջողվում է տեղորոշել հետախուզական վաշտի պահպանած դիրքը և առաջանալ այդ ուղղությամբ։ Թշնամու ուժեղացված խումբն առաջացել է երկու խմբով՝ գրոհող և ապահովող։ Այդքան բազմաքանակ խումբն իր հետ բերել էր նաև գծային կապի մալուխ և ձեռնաշղթաներ. միով բանիվ՝ թշնամու նպատակը մաքսիմալ էր՝ ոչնչացնել կամ գերեվարել հայկական դիրքի անձնակազմին և գրավել դիրքը։ Սրանով Ադրբեջանը փորձում էր սրբել նախորդ գիշերը կրած խայտառակությունը, երբ հայկական հատուկ նշանակության խմբի կողմից ոչնչացվել էին միանգամից ութ ադրբեջանցի կոմբատանտ։

 Գիշերային նշանոցով նկատելով թշնամու մոտ լինելը՝ Զորիկը հրամայում է արթնացնել հանգստացողներին, դիրքավորվել և պատրաստ լինել հակառակորդի հարձակմանը։ Գիտակցելով, որ երիտասարդ զինվորների համար բարդ է իսկույն մարտի մեջ մտնելը՝ Զորիկը գլխի շրջանում մահացու խոցում է փշալարը քանդել փորձող թշնամու մեկ գրոհայինի։ Թշնամին սկսում է կրակ բացել Զորիկի կրակած ուղղությամբ։ Զորիկը շարունակում է կռիվը՝ հմտորեն փոխելով դիրքը և մեկական թիրախային կրակոցներ ուղղելով թշնամու ուղղությամբ։ Քաջարի սպան թշնամու կենդանի ուժի երկրորդ թիրախը խոցում է սրտի շրջանում։ Կռիվը բարդ էր նրանով, որ նախորդ դիվերսիայից հետո տվյալ դիրքում տակավին չէին իրականացվել ինժեներատեխնիկական անհրաժեշտ աշխատանքներ, և թշնամին կարողացել էր կիսաշրջանաձև թևանցել Զորիկի և իր հրամանատարության տակ եղած զինծառայողների պահպանած դիրքը հարևան երկու դիրքերից:
 Այնուամենայնիվ, անգամ նման պայմաններում Զորիկը կարողանում է շարունակել մարտը՝ անընդհատ փոխելով դիրքը։ Հավաստանշելով Զորիկի տեղը՝ թշնամին խոցում է հայ սպային ոտքից, քիչ անց` նաև կողքից։ Ծնկած դիրքում վերստին փոխելով տեղը և նկատելով թշնամու առաջացող խմբին՝ Զորիկը նռնակ է նետում վերջիններիս ուղղությամբ։ Թշնամին, խուճապի մատնվելով, աստիճանաբար սկսում է նահանջել՝ մարտադաշտից հանելով նաև վիրավորներին։ Ընդհանուր առմամբ Զորիկի զենքից այդ գիշեր թշնամու ուղղությամբ արձակվեց 29 կրակոց։ Զորիկի զենքը չէր լռի, եթե թշնամու դիպուկահարը, զննադիտարկելով հայկական դիրքից տեղացող կրակների ուղղությունն ու օրինաչափությունը, հարևան դիրքից չխոցեր հերոսին գլխի շրջանում:
  Նահանջող թշնամին ՌՊԳ-26 միանգամյա օգտագործման հակատանկային նռնականետով խոցում է հայկական դիրքերը: Ընդհանուր առմամբ ամբողջ մարտը տևեց 15 րոպե։ Զորիկի հետ հավասար հարևան խրամաբջջից թշնամու դեմ կրակ էր տեղում ժամկետային սերժանտ Սարգիս Մովսիսյանը, ով նույնպես վիրավորվել էր մարտում։ 
Նկատելով, որ Զորիկի կողմից տեղացող կրակը դադարել է, իսկ այնուհետև, որ բռնկվել է զինանոցը՝ Սարգիսը վիրավոր վիճակում շտապում է հրամանատարի մոտ՝ ցանկանալով ապահովել վերջինիս դին թշնամու վրեժխնդրությունից։ Սարգիսն այդ ժամանակ ստանում է երկրորդ վիրավորումը։ Սարգիս Մովսիսյանը մահանում է օգոստոսի 3-ին հոսպիտալում։

 Միայնակ Գայլի և Վաշտի Հսկայի՝ Սարգսի անօրինակ սխրանքի շնորհիվ ձախողվում է թշնամու նախօրոք մշակված ռազմական պլանը։ Զորիկն ու Սարգիսը բարձր պահեցին հայ զենքի պատիվը՝ ապահովելով Հայաստանի հաղթանակն օգոստսսյան հնգօրյա միկրոպատերազմում». Հատվածը Էդգար Էլբակյանի «Հայ-ադրբեջանական պատերազմ և մերօրյա հերոսներ» գրքիրց։

 Ծավալված գործողությունները հակառակորդին մեծաքանակ վնասներ պատճառեցին, հայկական կողմը իր զգոնության ու ճիշտ մարտերի արդյունքում տապալեց հակառակորդի նախապես ծրագրված գործողությունները։ 

 Զորիկը ծնունդով Տավուշի մարզի Իջևան քաղաքից էր, սակայն ընտանիքը բնակություն է հաստատել Վանաձոր քաղաքում։
Զորիկը 2006-2010թթ.սովորել և ավարտել էր Վազգեն Սարգսյանի անվան Ռազմական ինստիտուտը (ներկայումս համալսարան), և ծառայության անցել Արցախում, Զորկը հետախուզական վաշտի հրամանատարն էր։
Զինվորականի բարդ ու պատասխանատու մասնագիտությունը Զորիկը ժառանգել էր հորից, ով նույնպես զինվորական է, երբեք չփուսափելով դժվարություններից նա ընտրեց զինվորական գործի ամենաբարդ ուղղվածությունը, որը հաղթահարեց պատվով։

  Զորիկ Ժիրայրի Գևորգյանը հետմահու պարգևատրվել է ՀՀ նախագահի կողմից «Մարտական խաչ» 2-րդ աստիճանի շքանշանով, ԱՀ նախագահի կողմից «Արիության համար» մեդալով, ինչպես նաև շնորհվել է կապիտանի զինվորական կոչում։
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Նյութի տվյալները վերցված են Էդգար Էլբակյանի «Հայ-ադրբեջանական պատերազմ և մերօրյա հերոսներ» գրքից:
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/08/2019

Այսօր Հովիկ Սուքիասյանի տարեդարձն է


Գյումրի 01.08.2019թվ.Banak.info
2011թվ. հունվարի 20-ին ՊԲ հարավային ուղղությամբ տեղակայված N զորամասի պահպանության տեղամասերից մեկում թշնամու կողմից արձակված կրակոցից մահացու հրազենային վիրավորում է ստացել Հովիկ Մկրտչի Սուքիասյանը։
Այսօր՝ օգոստոսի 1-ին, լեյտենանտ Հովիկ Սուքիասյանի տարեդարձն է, նա կդառնար 33 տարեկան։

Հովիկը ծնունդով Շիրակի մարզի Բանդիվան գյուղից էր։
Սովորել էր Վ.Սարգսյանի անվան Ռազմական ինտիտուտում, որն ավարտել էր 2007թվ. և ծառայության անցել Արցախի Մեխակավանի (Ջեբրայիլ) N զորամասում, որպես մոտոհրաձգային դասակի հրամանատար։ 
Ծառայության ընթացքում Հովիկը մշտապես աչքի է ընկել իր մասնագիտական բարձր պատրաստվածությամբ ու նվիրվածությամբ, կարճ ժամանակահատվածում արժանացել էր ավագ լեյտենանտի կոչման։

 Հովիկի զոհվելուց ամիսներ անց Բանդիվան գյուղի միջնակարգ դպրոցը անվանակոչվել է իրենց համագյուղացու, քաջ սպայի՝ Հովիկ Սուքիասյանի անունով։
Հովիկ Մկրտչի Սուքիասյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Գոռ Գրիգորյանի մահվան 5-րդ տարելիցն է



Գյումրի 01.08.2019թվ.Banak.info
2014թվ. օգոստոսի 1-ին Արցախի ՊԲ մարտական հենակետերից մեկում համածառայակցի կողմից զենքի կանոնների խախտման արդյունքում հերթապահության ժամանակ զոհվել է ՊԲ զինծառայող, լեյտենանտ Գոռ Գրիգորյանը(Aravot.am):
Aravot.am կայքին տված հարցազրույցներից մեկի ժամանակ ԱՀ ՊՆ մամուլի խոսնակ Սենոր Հասրաթյանը ասել է.
«Գոռ Գրիգորյանը յոթերորդ պաշտպանական գոտու ամենաբարդ դիրքում է կանգնած եղել, ինքը դիրք էր պահում, մարտական հերթապահության ժամանակ է զոհվել, հետո ի՞նչ, որ համածառայակցի կողմից կանոնների խախտման արդյունքում է զոհվել, բայց ինքը սահմանը պահում էր ամենադժվարին պահին, եւ պետությունը գնահատել է»: 

Գոռը ծնվել էր 1990թվ. Արմավիրի մարզի Ջանֆիդա գյուղում:Դպրոցն ավարտելուց հետո ընդունվել էր Վ.Սարգսյանի անվան Ռազմական ինստիտուտ, որն ավարտել էր 2012թվ. և ծառայության անցել Արցախում:
Գոռը ծառայության ընթացքում մշտապես աչքի է ընկել իր մասնագիտական բարձր պատրաստվածությամբ, արիությամբ, իր հոգատար ու նվիրված աշխատանքով։
Գոռ Բաբկենի Գրիգորյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Կարեն Գրիգորյանի տարեդարձն է


Գյումրի 01.08.2019թվ.Banak.info
Այսօր՝ օգոստոսի 1-ին, հայրենիքի պաշտպանության ժամանակ զոհված Կարենը կդառնար 24 տարեկան։
Կարենը ծնունդով Արարատի մարզի Մասիս քաղաքից էր։
Սպորտում Կարենը մեծ հաջողություններ էր գրացել, բազմաթիվ մրցաշարերի հաղթող էր ու մեդալակիր։
2014թվ. անցել էր պարտադիր զինվորական ծառայության Արցախում:
2015թվ. դեկտեմբերի 11-ին ժամը` 20:40-ի սահմաններում ՊԲ արևելյան ուղղությամբ տեղակայված զորամասերից մեկի մարտական հենակետում, հակառակորդի դիպուկահարի կողմից արձակված կրակոցից մահացու հրազենային վիրավորում է  ստացել:
Կարեն Արմենի Գրիգորյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով։
Հանուն հայ զինվորի ՀԿ-ն և Banak.info կայքի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`