Showing posts with label զոհ. Show all posts
Showing posts with label զոհ. Show all posts

07/02/2020

Ձնահյուսի հետևանքով մահացել է երեք զինծառայող ևս մեկը վիրավորվել

Փետրվարի 7-ին, ժամը 16:50-ի սահմաններում, ՀՀ Սյունիքի մարզում` N զորամասի պահպանության տեղամասում, ձնահյուսի տակ են մնացել չորս պայմանագրային զինծառայողներ: 
Ձեռնարկված որոնողական-փրկարարական աշխատանքների արդյունքում հայտնաբերվել են ձնահյուսի տակ մնացած պայմանագրային զինծառայողներ, շարքային Կարապետ Սեդրակի Նազարյանի (ծնվ. 1991թ., զինված ուժերում էր 2018թ.-ից, Քաշաթաղի ԶԿ), կրտսեր սերժանտ Տիգրան Արմենի Արզումանյանի (ծնվ. 1994թ., զինված ուժերում էր 2018թ.-ից, Սյունիքի ՄԶԿ) և կրտսեր սերժանտ Նվեր Տիգրանի Շահբազյանի (ծնվ. 1995թ., զինված ուժերում էր 2018թ.-ից, Սյունիքի ՄԶԿ)  դիերը: 
Պայմանագրային զինծառայող, շարքային Համլետ Գրենիկի Միրզոյանին (ծնվ. 1998թ., զինված ուժերում է 2018թ.-ից, Սյունիքի ՄԶԿ) հաջողվել է դուրս բերել ձնահյուսից: Հայտնաբերված զինծառայողը ստացել է մարմնական թեթև վնասվածքներ, առողջական վիճակը գնահատվում է բավարար:
Դեպքի հանգամանքները պարզելու նպատակով կատարվում է քննություն:
ՀՀ պաշտպանության նախարարությունը խորին ցավակցություն է հայտնում շարքային Կարապետ Նազարյանի, կրտսեր սերժանտ Տիգրան Արզումանյանի և կրտսեր սերժանտ Նվեր Շահբազյանի ընտանիքների անդամներին, հարազատներին և ծառայակիցներին:






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

30/01/2020

Մահացել է Վահրամ Ավագյանը

Հունվարի 30-ին՝ ժամը 13:15-ի սահմանում, ՊԲ կենտրոնական ենթակայությամբ գործող զորամասերից մեկում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 2000թ. ծնված Վահրամ Մկրտիչի Ավագյանը:
        Դեպքի մանրամասները պարզելու համար կատարվում է քննություն:
      Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

           
 ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/01/2020

Մահացել է Գեղամ Խաչատրյանը



2020թ. հունվարի 6-ին` ժամը 15:00-ի սահմաններում ՀՀ ՊՆ N զորամասի պահպանության տեղամասի մարտական դիրքում, պայմանագրային զինծառայող Գեղամ Վիկտորի Խաչատրյանը, իրեն հատկացված հրազենից կրակոց կատարելով, ինքն իրեն պատճառել է մահացու հրազենային վիրավորում:
Դեպքի հանգամանքները պարզելու նպատակով կատարվում է քննություն:

ՀՀ պաշտպանության նախարարությունը խորին ցավակցություն է հայտնում զինծառայողի ընտանիքի անդամներին, հարազատներին և ծառայակիցներին:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/12/2019

Դեռևս չպարզված հանգամանքներում մահացել է մեկ զինծառայող, ևս մեկը վիրավորվել. ՊԲ

Դեկտեմբերի 2-ին՝ ժամը 06:50-ի սահմանում, ՊԲ հյուսիս-արևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1998թ. ծնված Արթուր Իշխանի Աջամյանը, իսկ զինծառայող, 1999թ. ծնված Դավիթ Հարությունի Մելիքբեկյանը վիրավորվել է:
            Դեպքի մանրամասները պարզելու համար կատարվում է քննություն:
Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին:


ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

26/11/2019

Մահացել է Վահան Մուշեղյանը

Նոյեմբերի 26-ին` ժամը 9:00-ի սահմաններում, Դիլիջանի ուսումանական կենտրոնի տարածքում հայտնաբերվել է N զորամասի ժամկետային զինծառայող, շարքային Վահան Ռոբերտի Մուշեղյանի (ծնված 2000թ., 2019-1 զորակոչ, Սյունիքի ԶԿ) դին՝ ծառից կախված վիճակում:
Դեպքի հանգամանքները պարզելու նպատակով կատարվում է քննություն:
ՀՀ պաշտպանության նախարարությունը խորին ցավակցություն է հայտնում զինծառայողի ընտանիքի անդամներին, հարազատներին և ծառայակիցներին:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

05/11/2019

Մահացել է ՊԲ զինծառայող էրիկ Արարատի Հարությունյանը

Նոյեմբերի 4-ին՝ ժամը 19:30-ի սահմանում, դեռևս չպարզված հանգամանքներում, մահացու հրազենային վիրավորում է ստացել ՊԲ հարավ-արևելյան ուղղությամբ տեղակայված զորամասերից մեկի զինծառայող, 2000թ. ծնված Էրիկ Արարատի Հարությունյանը:
           Դեպքի մանրամասները պարզելու համար կատարվում է քննություն:
         Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին:

ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

14/10/2019

Այսօր Տիգրան Աբգարյանի ծննդյան օրն է



Լուսանկարը՝ 14.10.2018
Ապրիլյան պատերազմում Տիգրանն ու իր տանկի անձնակազմը՝ հրամանատար Բենիամին (Մոնթե) Եղոյանը, նշանառու-օպերատոր Վլադիմիր Ալիխանյանը ապրիլյան պատերազմի ժամանակ մեծ սխրանք են գործել ՝ խոցել են թշնամու 3 տանկ, իսկ ապրիլի 3-ին՝ 1 ՀՄՄ, սակայն մարտական առաջադրանք կատարելիս զոհվել են։
Այսօր՝ հոկտեմբերի 14-ին, Տիգրանը կդառնար 23 տարեկան: Ծնվել է Շիրակի մարզի Գյումրի քաղաքում։
2003-2011 թթ․ սովորել է Գյումրու N 4 միջնակարգ դպրոցում։ 
2011-2014 թթ․ սովորել է Գյումրու N 1 արհեստագործական պետական ուսումնարանում՝ ստանալով խոհարարի մասնագիտություն։ 
2015 թ․ հունվարի 12-ին զորակոչվել է բանակ։ Ծառայության ընթացքում արժանացել է ՀՀ ԶՈՒ «Հայոց բանակի գերազանցիկ», «Քաջարի մարտիկ», «Լավագույն զինվոր-մարզիկ» կրծքանշաններով։ 
Գյումրին ամեն տարի նշում է Տիգրանի ծնունդը: Արդեն ավանդույթ է դարձել. Նրանց տան բակում՝ նրա հուշաքարի մոտ հավաքվում ու ընկուզենու ծառն են թափ տալիս: Այդպես սիրում էր անել Տիգրանը. մինչև իր ծննդյան օրը չէր թողնում, որ ծառին մոտ գնային։ Իսկ հոկտեմբերի 14-ին ինքն էր բարձրանում ու թափ տալիս ընկույզները։
Տիգրան Արամի Աբգարյանը հետմահու պարգևատրվել է ՀՀ «Մարտական խաչ» 1-ին աստիճանի շքանշանով, Արցախի «Մարտական ծառայություն» մեդալով։
«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:



Լիանա Բրյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

03/10/2019

Զոհվել է Մուշեղ Աբովյանը



ՀՀ ՊՆ մամուլի խոսնակ Արծրուն Հովհաննիսյանը իր ֆեյսբուքյան էջում գրել է Տավուշի մարզում հակառակորդի գնդակից  հայկական կողմի զոհի մասին։

«Այսօր հակառակորդի կրակից Տավուշում զոհվել է պայմանագրային զինծառայող Մուշեղ Ժիրայրի Աբովյանը։ Ադրբեջանական կողմի այս սադրանքները անպատասխան չեն մնա։ Ցավակցում ենք Մուշեղ Աբովյանի հարազատներին և ընտանիքի անդամներին։ 
Այս դեպքը նախորդ օրվա վիրավորի հետ կապ չունի», - գրել է նա։



«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

02/10/2019

Այսօր Սամվել Հակոբյանը կդառնար 24 տարեկան


Երևան 02.10.2019թվ.Banak.info
 Սարերից այն կողմ,
Ամպերից էլ վեր, 
Ծառայելու եմ եկել Եղնիկներ. 

Սովորական տետրի մի թղթի վրա գրված  բանաստեղծության հեղինակը երևի երբեք էլ մտքով չէր անցկացրել, որ իր գրած տողերը իրականություն կդառնան՝ իր իսկ օրինակով։ 
Խոսքերը 2019 թ. մարտի 19-ին թշնամու հատուկ նշանակության ստորաբաժանման ջոկատի հետախուզադիվերսիոն փորձը կանխելիս ծանր վիրավորված, ապա մարտի 29-ին հավերժի ճամփորդ դարձած Սամվել Հակոբյանին են պատկանում։ Այսօր նա կդառնար 24 տարեկան։ 

Արարատի մարզի Արևաբույր գյուղի ստեղծագործ պատանին աչքի էր ընկնում սպորտում՝ քինգբոքսինգ սպորտաձևում։ Հաստատ որոշել էր՝ վերադառնա, երեխաներից մեծ խումբ է ստեղծելու և պարապելու է նրանց հետ։ Սակայն նրան վիճակված էր հավերժ մնալ լեռների բարձունքում՝ Մռավի գագաթից ընդմիշտ հսկելու Գյուլիստան աշխարհի խաղաղությունը։ 

 Սամվել Հակոբյանը հետմահու պարգևատրվել են ՀՀ նախագահի կողմից «Արիության» և ԱՀ նախագահի կողմից «Արիության համար» մեդալներով։
Հերոսներն ապրում են այնքան, որքան որ նրանց հիշում է ժողովուրդը... Շնորհավոր ծնունդդ, Սամվել:
«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Արմինե Պողոսյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

28/09/2019

Մահացել է Արման Լևոնյանը


Սեպտեմբերի 28-ին` ժամը 06:50-ի սահմանում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1999թ. ծնված Արման Արմենի Լևոնյանը:
       Դեպքի մանրամասները պարզելու համար կատարվում է քննություն:
     Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին:
           
ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

22/09/2019

Մարատ Ռաֆայելի Դանիելյան (1984-2016թթ.)

Գյումրի 22.09.2019թվ.Banak.info
2016 թվ. ապրիլին հակառակորդը խախտելով հրադադարի պահպանման ռեժիմը ակտիվ մարտական գործողություններ վերսկսեց արցախա-ադրբեջանական սահմանի ողջ երկայնքով։
Ստեփանակերտցի Մարատը այն կամավորներից մեկն էր, ով անհապաղ մեկնեց առաջնագիծ։ Մարատը ռազմադաշտից այլևս չվերդարձավ, ապրող սերունդներին թողնելով հայրենի հողը պահպանելու պատգամը։
2002-2004թթ. անցել էր պարտադիր զինվորական ծառայության, հետո կրթություն ստացել Արցախի Պետական համալսարանում։
2015թվ.-ից զբաղեցնում էր «Հունոտի կիրճ» պետական բնապատմական արգելոցի վարիչի պաշտոնը։
Ապրիլի 21-ին հակառակորդի կողմից նախահարձակ գործողությունների արդյունքում Թալիշի ուղղությամբ տեղակայված մարտական դիրքերից մեկում զոհվել է Մարատ Դանիելյանը։

  Մարատի կինը՝ Լուսինեն, մեզ հետ զրույցում հիշում է՝ ամուսինը մեկնելուց առաջ հրաժեշտ է տվել բոլորին, իսկ երբ զանգում էր՝ հորդորում էր երեխաներին չնեղացնել։
Մարատն ամուսնացել էր 2007թվ.-ին, ունի տղա ու աղջիկ։ Երեխաների դաստիարակությամբ հիմնականում նա է զբաղվել, կապված էր նրանց հետ, անում էր հնարավոր ու անհնարի ամեն բան երեխաներին լավ դաստիարակելու ու ապահովելու համար։ Պատերազմի թոհ ու բոհում մեծացած Մարատը ոչինչ չէր խնայում իր երեխաների համար։

Մարատն ընտանիքի հետ

  «Փորձում եմ ամեն կերպ նմանվել նրան երեխաներին դաստիարակելու հարցում, փառք Աստծո ստացվում է» , - ասում է Լուսինեն։
Որպես զոհվածի այրի Լուսինեն միայն խաղաղություն է ցանկանում ու ասում՝ թող ոչ մի ընտանիք չզգա ու չապրի այն ցավն ու կորուտը, որն ապրել է իր ընտանիքը։
Մարատ Ռաֆայելի Դանիելյանը հետմահու պարգևատրվել է ԱՀ նախագահի կողմից «Մարտական ծառայություն» մեդալով։
«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Արցախ Հովսեփյանի մահվան տարելիցն է


Գյումրի 22.09.2019թվ.Banak.info
2018թվ. սեպտեմբերի 22-ին ժամը 16:00-ի սահմաններում ՊԲ արեւելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից մահացու հրազենային վիրավորում էր ստացել ՊԲ զինծառայող, 1998թ. ծնված Արցախ Մհերի Հովսեփյանը:

Արցախը ծնունդով Քաշաթաղի շրջանից էր։ Տան հինգերորդ զավակն էր, ընտանիքը գյուղատնտեսությամբ է զբաղվում, եղբայրներից մեկը պայմանագրային զինծառայող է։

«Արցախը շատ խելոք երեխա էր, միշտ պատրաստակամ, բարի։ Ավարտել է գյուղի միջնակարգ դպրոցը եւ մեկնել ծառայության»,- News.am կայքին պատմել է Քաշաթաղի շրջանի վարչական ղեկավար Արտյուշա Մխիթարյանը։

 Արցախ Հովսեփյանը հետմահու պարգևատրվել է ԱՀ նախագահ Բակո Սահակյանի կողմից «Մարտական ծառայություն» մեդալով։
«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան



Նյութի տվյալները վերցված են՝ News.am կայքից

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

13/09/2019

Այսօր Հրանտ Մանգասարյանի տարեդարձն է


Գյումրի 14.09.2019թվ.Banak.info
2017թվ. նոյեմբերի 4-ին՝ ժամը 12:10-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում հակատանկային նռնակի պայթյունի հետևանքով մահացու վիրավորում է ստացել ՊԲ զինծառայող, 1997թ. ծնված Հրանտ Խաչատուրի Մանգասարյանը, իսկ զինծառայողներ Գ. Հյուսնունցը և Ս.  Ալումյանը ստացել են տարբեր աստիճանի բեկորային վիրավորումներ:
Երրորդ կայազորային քննչական բաժնում ՀՀ քրեական օրենսգրքի 376-րդ հոդվածի 2-րդ մասով դեպքի առթիվ հարուցվել է քրեական գործ, ձեռնարկվել են անհրաժեշտ քննչական գործողություններ՝ դեպքի բոլոր հանգամանքները պարզելու համար։
2018թվ. օգոստոսի 13-ին ՀՀ քննչական կոմիտեն հանդես է եկել պաշտոնական հայտարարությամբ, որտեղ նշվում է, որ դեպքի առթիվ հարուցված քրեական գործի շրջանակներում մեղադրանք է առաջադրվել զորամասի պահեստապետ, պայմանագրային զինծառայող Գ.Հյուսնունցին, ավելի վաղ մեղադրանք էր առաջադրվել նաև զորամասի հրթիռահրետանային սպառազինության ծառայության պետ մայոր Ա.Գրիգորյանին:
Դեպքի առթիվ հարուցված քրեական գործով նախաքննությունը դեռ  շարունակվում է:
Այսօր՝ սեպտեմբերի 13-ին, Հրանտը կդառնար 22 տարեկան։
Հրանտը ծնունդով Սպիտակի շրջանի Շիրակամուտ գյուղից էր, սակայն ընտանիքը երկար տարիներ բնակվել է Երևանում։ 
Պարտադիր զինվորական ծառայության էր անցել 2016թվ. հունվարին, սկզբնական շրջանում ՀՀ ՊՆ ուսումնական զորամասերից մեկում, որից հետո ծառայությունը շարունակել էր Արցախի Մարտակերտի շրջանի N զորամասում, որպես դիպուկահար: 
Ծառայության ընթացքում Հրանտը բազմաթիվ պատվոգրերի ու խրախուսանքների էր արժանացել իր մասնագիտական բարձր պատրաստվածության համար,  ինչպես փաստում է Հրանտի մայրը՝ Տիկին Նունեն, որդին նաև մասնակից է եղել 2016թվ. ապրիլյան ռազմական գործողություններին, որի մասին նրանք ավելի ուշ են իմացել:
2018թվ. հունվարի 28-ին Հրանտ Մանգասարյանը հետմահու պարգևատրել է   ՀՀ նախագահի կողմից   «Մարտական ծառայություն» մեդալով:
«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Էդուարդ Միրզոյանն այսօր կդառնար 32 տարեկան


Գյումրի 13.09.2019թվ.Banak.info
2007թվ. հունիսի 12-ին ադրբեջանական դիպուկահարի կրակոցից զոհվել է  Էդուարդ Մուրազիկի Միրզոյանը։
Էդուարդը ծնունդով Կոտայքի մարզի Աբովյան քաղաքից էր։
Դպրոցն ավարտելուց  հետո Էդուարդը որոշ ժամանակով մեկնել էր ՌԴ, սակայն 2005թվ. վերադարձել էր ծառայության անցնելու նպատակով, ծառայել է Արցախի Մարտակերտի շրջանի  N զորամասում:
Ծառայության ընթացքում հարազատներին բազմաթիվ նամակներ ու բանաստեղծություններ է ուղարկել, իր մտքերը գրել տարբեր թղթերի վրա, որոնք այս տարիների ընթացքում հարազատները խնամքով պահում են ամեն անգամ թերթում ու վերապրում ցավը:
Պետության սահմանները պաշտպանելիս ցուցաբերած անձնազոհության համար Էդուարդ Միրզոյանը հետմահու պարգևատրվել է ՀՀ նախագահի կողմից  «Մարտական ծառայություն»  մեդալով:
«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան



Նյութում օգտագործվել են Aravot.am կայքի տվյալները

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/09/2019

Այսօր ավագ լեյտենանտ Տիգրան Սիմոնյանի տարեդարձն է


Գյումրի 10.09.2019թվ.Banak.info
Այսօր՝ սեպտեմբերի 10-ին, հայրենիքի պաշտպանության ժամանակ զոհված Տիգրան Սիմոնյանը կդառնար 28 տարեկան։
Ծնունդով Վանաձորցի Տիգրանին ճանաչողները պատմում են, առանձնահատուկ համեստություն ու բարիություն ուներ, լավ երիտասարդ էր, նվիրված բոլորին։
Տիգրանը 2008թվ. ավարտել էր դպրոցը ընդունվել Վ. Սարգսյանի անվան ռազմական ինստիտուտ։
Տիգրանի ուսուցչուհին՝ Նվարդ Մարուքյանը հիշում է, թե ինչքան մեծ էր Տիգրանի ոգևորությունը, երբ ընդունվել էր Ռազմական ինստիտուտ, դա նրա կարևոր նպատակներից մեկն էր, որին հասել էր սեփական նվիրվածության ու պայքարող տեսակի շնորհիվ։
2012թվ. Տիգրանը գերազանց ավարտել էր և ծառայության անցել Մարտակերտի շրջանի Եղնիկներ զորամասում՝ որպես դասակի հրամանատար։ 2015թվ. փետրվարի 10-ին ժամը՝ 19:55-ի սահմաններում, N զորամասի մարտական դիրքում դժբախտ պատահարի արդյունքում մահացել է ավագ լեյտենանտ Տիգրան Սամվելի Սիմոնյանը։
Ծառայության ժամանակ Տիգրանը պարգևատրվել է՝ «Նելսոն Ստեփանյանի», «Բանակի կազմավորման 20-ամյակ» հուշամեդալներով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:



Ալվինա Հարությունյան



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Գոռ Բաբայանի տարեդարձն է


Գյումրի 10.09.2019թվ.Banak.info
Այսօր՝ սեպտեմբերի 10-ին, հայրենիքի պաշտպանության ժամանակ զոհված Գոռ Բաբայանը կդառնար 33 տարեկան։
Գոռը զոհվել է 2006թվ. դեկտեմբերի 9-ին թշնամու կողմից հրադադարի ռեժիմի խախտման հետևանքով։
Ծնունդով Կոտայքի մարզի Աբովյան քաղաքից էր։ Սովորել է Աբովյանի թիվ 1 և թիվ 4 դպրոցներում։ 8-րդ դասարանն ավարտելուց հետո արհեստ էր սովորել վարորդի և ավտոփականագործի որակավում ստացել։
2005թվ.-ին էր անցել պարտադիր զինվորական ծառայության Էջմիածնի N զորամասում, 6 ամիս անց տեղափոխվել Արցախի Ասկերանի N զորամաս։

- Իրավաբանական էր ուզում ընդունվել: Շատ էր սիրում ու վստահ էր, որ կընդունվի: Գոռս շատ ազատ ժամանակ չէր ունենում, բայց որ ունենում էր սիրում էր ընկերների հետ քեֆ անել, պարել ու ուրախանալ: Բոքսի, քինգ բոքսի ու կարատեի է գնացել: Գոռիս պատվին իր մարզիչները հուշամրցաշար են կազմակերպել, շատ էին սիրում Գոռիս,- Banak.info կայքին տված հարզացրույցներից մեկի ժամանակ պատմել է Գոռի մայրը՝ տիկին Գայանեն:

Գոռ Վանիկի Բաբայանը հետմահու պարգևատրվել է ՀՀ նախագահի կողմից «Մարտական ծառայություն», «Մայրական երախտագիտության» և այլ բազմաթիվ մեդալներով, պատվոգրերով և շնորհակալագրերով։
«Հանուն հայ զինվորի» ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/09/2019

Այսօր Վաչե Չիլինգարյանի տարեդարձն է



Գյումրի 01.09.2019թվ.Banak.info
2018թվ. հունվարի 7-ին՝ ժամը 13:20-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից մահացու վիրավորում է ստացել ՊԲ զինծառայող Վաչե Նվերի Չիլինգարյանը:
Այսօր՝ սեպտեմբերի 1-ին, Վաչեն կդառնար 21 տարեկան։
Ծնունդով Գեղարքունիքի մարզի Շողակաթ համայնքից էր։
Վաչեի քույրը՝ Նառան, մեզ հետ զրուցում պատմում է, որ եղբայրը շատ աշխատասեր էր, առավոտ լույսը չծագած դրսում էր, գործերն ավարտելուց հետո միշտ ընկերների հետ էր ժամանակն անցկացնում։ Փոքրուց սպորտով էր զբաղվել, առողջ ապրելակերպ էր վարում, կոփված էր։
2017թվ. անցել էր պարտադիր զինվորական ծառայության  Մարտակերտի N զորամասում։ 
Վաչեն ծառայությունից երբեք չի դժգոհել, միշտ հարազատներին ասել է, որ իր մոտ ամեն ինչ լավ է։ 
Վաչեի զոհվելուց մեկ տարի անց 2019թվ. մարտի 28-ին Չիլինգարյանների ընտանիքում լույս աշխարհ է եկել Վահեն՝ Վաչեի փոքր եղբայրը։
Վաչե Նվերի Չիլինգարյանը հետմահու պարգևատրվել է ԱՀ նախագահի կողմից  «Մարտական ծառայություն» մեդալով:
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այսօր Հայկ Խաչատրյանի մահվան 2-րդ տարելիցն է



Գյումրի 01.09.2019թվ.Banak.info
2017թվ. սեպտեմբերի 1-ին՝ ժամը 11:50-ի սահմաններում, ՊԲ արևելյան ուղղությամբ տեղակայված զորամասերից մեկի պահպանության տեղամասում, ականապայթյունային մահացու վիրավորում է ստացել ՊԲ զինծառայող Հայկ Գագիկի Խաչատրյանը:
Հայկ ծնվել է 1998թվ. Շիրակի մարզի Գուսաննա գյուղում: 
2016թվ. ավարտել էր տեղի դպրոցը, որից հետո սովորել էր Գյումրի քաղաքի «Բիզնես էլիտա» ուսումնական կենտրոնում:
Հայկի հարազատները պատմում են, որ շատ հավասարակշռված ու հասուն էր, միշտ ցանկանում էր բոլորին օգնել, իր մեջ բարությունը շատ էր։
2017թվ.ձմռանը անցել էր պարտադիր զինվորական ծառայության 6-ամսյա ուսումնական փուլը անցել էր Արտաշատի N զորամասում, որից հետո տեղափոխվել էր Արցախ՝ Ասկերանանի շրջանի N զորամաս, որպես կրտսեր սերժանտ, կապի ջոկի հրամանատարն էր:
Հայկ Գագիկի Խաչատրյանը Արցախի նախագահի հրամանագրով հետմահու պարգևատրվել է «Մարտական ծառայություն» մեդալով։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Ալվինա Հարությունյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

31/08/2019

Այսօր Արմեն Հայրապետյանի ծննդյան օրն է

Արցախ 31.08.2019թվ.Banak.info
Այսօր Արմեն Հայրապետյանի ծննդյան օրն է. նա կդառնար 39 տարեկան:
Արմեն Հայրապետյանը ծնվել է 1980 թվականին, Մարտունու շրջանի Սոս գյուղում` Յուրի և Ռայա Հայրապետյանների ընտանիքում: Ավարտել է Սոսի միջնակարգ դպրոցը: 1998 թ.-ի հուլիսի 18-ին զորակոչվել է պարտադիր զինվորական ծառայության:
1999թ.-ին մասնակցել է Համազորային հրամանատարական դասընթացների, ստացել լեյտենանտի զինվորական կոչում ու շարունակել ծառայությունը։ 

Հետագայում լավ ծառայության համար արժանացել է բազմաթիվ պատվոգրերի ու մեդալների, հասել մինչև կապիտանի զինվորական կոչման: Զինվորական ծառայության ընթացքում կապիտան Հայրապետյանն արժանացել է «Ծովակալ Իսակով», «Անբասիր ծառայության համար» 1-ին և 2-րդ աստիճանի գերատեսչական, «ՀՀ ԶԻՆՎԱԾ ՈՒԺԵՐԻ ՔՍԱՆ ՏԱՐԻ» մեդալների: 
2014 թ.-ի հուլիսի 29-ին Արցախի ՊԲ մարտական հենակետերից մեկում Արմենը զոհվել է ականի պայթյունից: 

Մերօրյա հերոսը հետմահու պարգևատրվել է ՀՀ նախագահի կողմից` «Մարտական ծառայություն», իսկ ԱՀ նախագահի կողմից` «Արիության» մեդալներով։
Արմենն ամուսնացած էր, ունի 2 երեխա։
Հանուն հայ զինվորի ՀԿ-ն և Banak.info-ի խմբագրությունը ցավակցում են ընտանիքի անդամներին և կիսում կորստյան ծանր վիշտը:


Անի Ավանեսյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

28/08/2019

Հատուցումներ 11 զոհված զինծառայողի ընտանիքներին 2008-2014թթ.-ի դեպքերի մասով


Հիմնադրամի ակտիվների և պարտավորությունների կառավարման հանձնաժողովը 2019 թվականի օգոստոսի 26-ին կայացած նիստում որոշում է կայացրել սահմանված կարգով կատարել հատուցումներ՝ 2008-2014 թթ տեղի ունեցած 10 դեպքի մասով զոհված զինծառայողների ընտանիքների:
Հիշեցնենք, որ Հիմնադրամը զինծառայողներին և նրանց ընտանիքներին կտրամադրի ամսական հատուցումներ՝ 20 տարվա կտրվածքով, որոնց չափը կկազմի Հիմնադրամի կողմից օրենքով սահմանված վճարվող ամսական հատուցումների և զինծառայողներին արդեն իսկ վճարվող պետական կենսաթոշակային ապահովության շրջանակներում վճարվող ընդհանուր գումարի դրական տարբերությունը:
Համաձայն «Հայբիզնեսբանկ» ՓԲԸ-ի և «Կոնվերս բանկ» ՓԲԸ-ի հետ կնքված պայմանագրերի՝ գումարները կփոխանցվեն շահառուների համար բացված հատուկ բանկային հաշիվներին, որոնք սպասարկվում են անվճար:



Ներկայացնում ենք կատարված հատուցումների անվանական ցանկը




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`