Showing posts with label դասընթաց. Show all posts
Showing posts with label դասընթաց. Show all posts

26/11/2019

Ռազմական համալսարանում մեկնարկել են վերապատրաստման դասընթացներ


ՀՀ ՊՆ Վ. Սարգսյանի անվան ռազմական համալսարանում նոյեմբերի 25-ին մեկնարկել են վերապատրաստման մեկշաբաթյա հերթական դասընթացները:
Դասընթացների անցկացման նպատակն է զարգացնել ԶՈՒ սպայական պաշտոնների նշանակված զինծառայողների ռազմամասնագիտական տեսական գիտելիքները և գործնական հմտությունները:
Մեկշաբաթյա դասընթացներն ավարտվելու են համալիր ստուգարք-թեստավորմամբ:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/11/2019

Անցկացվել է ռազմաուսումնական հաստատությունների ներկայացուցիչների վերապատրաստման դասընթացի հերթական փուլը


ՀՀ պաշտպանության նախարարության և ՆԱՏՕ-ի «Պաշտպանական կրթության զարգացման ծրագրի» 2019թ. համագործակցության պլանի համաձայն՝ նոյեմբերի 18-ից 21-ը ՀՀ ՊՆ Վ. Սարգսյանի անվան ռազմական համալսարանի հրամանատարաշտաբային ֆակուլտետում ՆԱՏՕ-ի փորձագետների կողմից անցկացվել է ՀՀ ՊՆ ռազմական ուսումնական հաստատությունների ավագ դասախոսական և մեթոդական կազմի ներկայացուցիչների վերապատրաստման դասընթացի 3-րդ փուլը: 
Ամփոփվել են ծրագրի նախորդ փուլերի շրջանակում իրականացված աշխատանքները, ՀՀ ՊՆ ռազմական ուսումնական հաստատությունների ավագ դասախոսական և մեթոդական կազմի ներկայացուցիչները ներկայացրել են յուրացված նյութի` դասի կազմակերպման և դասավանդման նոր մեթոդաբանության վերաբերյալ բանախոսություններ:
Ծրագրի 3-րդ փուլի մասնակցության հավաստագրերի հանձնման արարողության ժամանակ ՀՀ ՊՆ Վ.Սարգսյանի անվան ռազմական համալսարանի պետ, գնդապետ Խ. Խաչատրյանը կարևորել է ռազմակրթական ոլորտում ՆԱՏՕ-ի հետ համագործակցությունը և, մասնավորապես, ռազմական ուսումնական հաստատությունների դասախոսական կազմի փորձի հարստացմանը, ինչպես նաև դասավանդման արդի մոտեցումների և մեթոդների ներդրմանը միտված վերոնշյալ ծրագրի իրականացումը Հայաստանում: 
Ծրագրի հաջորդ՝ 4-րդ փուլի շրջանակներում նախատեսվում է իրականացնել հաստատությունների համապատասխան հավաստագրում:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/11/2019

Անցկացվել է «Մարդու իրավունքները զինված ուժերում» խորագիրը կրող վերապատրաստման դասընթաց



Հայաստանում ԵԽ գրասենյակի կողմից իրականացվող «Մարդու իրավունքները և կանայք Հայաստանի զինված ուժերում» ծրագրի շրջանակներում նոյեմբերի 2-ից 3-ը Դիլիջանում անցկացվել է «Մարդու իրավունքները զինված ուժերում» խորագիրը կրող վերապատրաստման դասընթաց, որին մասնակցել են պաշտպանական գերատեսչության տարբեր ստորաբաժանումների զինծառայողներ:

Տեղական և միջազգային փորձագետների կողմից ներկայացվել են դասախոսություններ զինված ուժերում կանանց իրավունքների պաշտպանության հոգեբանական և իրավական ասպեկտների, կանանց և տղամարդկանց համար հավասար հնարավորությունների ապահովման, ինչպես նաև առաջնորդության և մարդկային կառավարման թեմաներով:
Դասընթացի շրջանակներում դասախոսությամբ հանդես է եկել ՀՀ ՊՆ մարդու իրավունքների և բարեվարքության կենտրոնի պետ, գնդապետ Ալեքսանդր Ավետիսյանը:
Ծրագիրն իրականացվել է Եվրոպայի խորհրդի՝ Հայաստանի համար իրականացվող գործողությունների 2019-2021թթ. ծրագրի շրջանակներում:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

28/10/2019

Հայ խաղաղապահները մասնակցել են ԿԽՄԿ դասընթացին


ՀԱՊԿ անդամ պետությունների զինված ուժերի համատեղ օպերատիվ և մարտական պատրաստության 2019թ. պլանի համաձայն Տաջիկստանի Հանրապետությունում անցկացվող «Անքակտելի եղբայրություն-2019» համատեղ խաղաղապահ զորավարժությանն ընդգրված ՀՀ ԶՈՒ խաղաղապահ բրիգադի զինծառայողները մասնակցել են Կարմիր խաչի և Կարմիր մահիկի միջազգային կազմակերպության կազմակերպած դասընթացին:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

20/09/2019

Ամփոփվել է ՀՀ ՊՆ ՌՈ խաղաղապահ դասակի զինծառայողների մեկշաբաթյա դասընթացը


Սեպտեմբերի 19-ին ամփոփվել է հայ-ամերիկյան երկկողմ պաշտպանական համագործակցության շրջանակում ԱՄՆ ՊՆ Միջազգային իրավական հետազոտությունների ինստիտուտի ուսումնական խմբի կողմից ՀՀ ՊՆ ռազմական ոստիկանությունում անցկացված «Խաղաղապահ գործողությունների իրավական ասպեկտները» թեմայով դասընթացը: 
Մեկշաբաթյա դասընթացի շրջանակում ՀՀ ՊՆ ռազմական ոստիկանության խաղաղապահ դասակի զինծառայողներին են ներկայացվել ՄԱԿ-ի Անվտանգության խորհրդի բանաձևեր, խաղաղապահ առաքելություններին վերաբերող իրավական նորմատիվային փաստաթղթեր, անցկացվել են թիմային աշխատանքներ: 
Դասընթացի մասնակիցներն այցելել են նաև Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության սրբադասված նահատակների հիշատակին:









ՀՀ ՊՆ Տեղեկատվության և հասարակայնության հետ կապերի վարչություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

19/06/2019

Ավարտվել են կրտսեր սպայակազմի վերապատրաստման դասընթացները

Հունիսի 18-ին ստուգարք-թեստավորմամբ ավարտվել են սպայական պաշտոնների նշանակված զինծառայողների ռազմամասնագիտական գիտելիքները հարստացնելու նպատակով ՀՀ ՊՆ Վ. Սարգսյանի անվան ռազմական համալսարանում անցկացված կրտսեր սպայակազմի վերապատրաստման մեկշաբաթյա դասընթացները:

Լավագույն արդյունք ցուցաբերած զինծառայողները խրախուսվել են պատվոգրերով։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/06/2019

Դասընթացներ՝ ՄԱԿ-ի և ԿԽՄԿ-ի փորձագետների մասնակցությամբ


Զինծառայողներին ՄԱԿ-ի կիրառվող կանոնակարգերին ծանոթացնելու և տարբեր իրադրություններում գործելու առանձնահատկություններն ուսուցանելու նպատակով օրերս Խաղաղապահ ուժերի բրիգադում ՄԱԿ-ի և ԿԽՄԿ-ի փորձագետների մասնակցությամբ անցկացվել են ուսուցողական դասընթացներ:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

24/05/2019

ՀՀ ՊՆ ՌՈ խաղաղապահ դասակի զինծառայողները մասնակցել են ՆԱՏՕ-ի դասընթացին

ՀՀ ՊՆ ռազմական ոստիկանությունում մայիսի 23-ին ամփոփվել է ՆԱՏՕ-ի ուսումնական խմբի կողմից անցկացված «Խաղաղապահ գործողությունների իրավական ասպեկտները» թեմայով դասընթացը:

Քառօրյա դասընթացի շրջանակում ՀՀ ՊՆ ռազմական ոստիկանության խաղաղապահ դասակի զինծառայողներին են ներկայացվել խաղաղապահ առաքելությունների իրավական ասպեկտները, գործիքակազմը, կիրառվող կանոնակարգերը, քաղաքացիական կառույցների և անձանց հետ հաղորդակցության և համագործակցության առանձնահատկությունները:
Դասընթացի մասնակիցներն այցելել են նաև Ծիծեռնակաբերդի հուշահամալիր, հարգանքի տուրք մատուցեցել Հայոց ցեղասպանության սրբադասված նահատակների հիշատակին:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

07/05/2019

Վերապատրաստման և որակավորման դասընթացներ

ՀՀ պաշտպանության նախարարության 31 ներկայացուցիչներ ապրիլի 17-ից մայիսի 3-ը մասնակցել են փորձագիտական բնագավառում մասնագիտական ուսուցման, վերապատրաստման և որակավորման դասընթացների:
Պետական պատվերի շրջանակներում «Փորձաքննությունների ազգային բյուրո» ՊՈԱԿ-ի կազմակերպած դասընթացներն իրականաց­րել են փորձա­գի­տական բնագավառի գիտական տարբեր ուղղու­թ­յուն­ների առաջա­տար մասնագետները: ՀՀ ՊՆ վարչական համալիրում և «Փորձաքննությունների ազգային բյուրո» ՊՈԱԿ-ի փորձագիտական լաբորատորիաներում անցկացված դասընթացների ընթացքում ներ­­կայա­ց­վել են փորձագիտա­­կան արդի հնարավո­րութ­­յուններն ու առկա խնդիրները, ելակետային տվյալների ձեռքբերման և փորձաքննությունների իրականացման առանձնահատկությունները:
Դասընթացներին մասնակցած սպաներն ու քաղաքացիական ծառայողները հաջողությամբ անցել են քննական թեստավորման փուլը և ստացել վկայագրեր:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/05/2019

ՀՀ ՊՆ ՌՈ խաղաղապահ դասակի զինծառայողները մասնակցել են ՆԱՏՕ-ի շրջանակում իրականացված դասընթացին


Ապրիլի 30-ից մայիսի 2-ը ՀՀ ՊՆ ռազմական ոստիկանությունում ՆԱՏՕ-ի Բրունսումի միացյալ ուժերի հրամանատարության ուսումնական խումբը դասընթաց է անցկացրել ՌՈ խաղաղապահ դասակում ընդգրկված զինծառայողների համար:

Տեսական դասընթացի շրջանակում ՌՈ խաղաղապահ դասակի զինծառայողներն ուսումնասիրել են խաղաղապահ առաքելությունների տարրերը, գործիքակազմը, քաղաքացիական կառույցների հետ հաղորդակցության և համագործակցության առանձնահատկությունները:
Դասընթացի մասնակիցներն այցելել են նաև Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության սրբադասված նահատակների հիշատակին: 






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 

Տեղեկացրու՛ ընկերներիդ`

30/04/2019

Դասընթացներ ՄԱԿ-ի փորձագետների մասնակցությամբ

Խաղաղապահ առաքելությունների ընթացքում զինծառայողներին ՄԱԿ-ի կիրառվող կանոնակարգերին ծանոթացնելու և տարբեր իրադրություններում գործելու առանձնահատկություններն ուսուցանելու նպատակով օրերս Խաղաղապահ ուժերի բրիգադում ՄԱԿ-ի փորձագետների մասնակցությամբ անցկացվել են խորհրդատվական և կարողությունների գնահատման դասընթացներ:

ՄԱԿ-ի փորձագետները ծանոթացել են խաղաղապահ բրիգադի ինժեներական ստորաբաժանման կառուցվածքին, կազմակերպվել են գործնական-ցուցադրական պարապմունքներ և քննարկումներ:







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է։
Տեղեկացրու՛ ընկերներիդ`

10/04/2019

Անցկացվել են գումարտակների հրետանային ստորաբաժանումների պարապմունքներ


5-րդ զորամիավորման ենթակա N զորամասում անցկացվել են գումարտակների հրետանային ստորաբաժանումների պարապմունքներ: Տեսական, գործնական, ցուցադրական և ստուգողական դասընթացների միջոցով ստուգվել են հրաձգության և կրակի կառավարման խնդիրներ կատարելու ունակությունները, ամրապնդվել և զարգացել են հրետանային ստորաբաժանումների, ջոկերի հաշվարկների հրամանատարների մասնագիտական գիտելիքներն ու ներդաշնակ գործելու, համատեղ խնդիրներ կատարելու կարողությունները:
Պարապմունքներին հաջորդել է «Լավագույն հրետանային մարտկոց» համաբանակային մրցումների եզրափակիչ փուլը: Հաղթողներին զորամասի հրամանատարը խրախուսել է արձակուրդով և շնորհակալական նամակով:






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

25/03/2019

Սպաների որակավորման բարձրացման դասընթացներ

Ռազմական կրթության շարունակականությունն ապահովելու, արդի պայմաններում մարտական գործողությունների և շտաբային աշխատանքի գիտակ ու բանիմաց սպաներ պատրաստելու նպատակով ՀՀ ՊՆ Վ. Սարգսյանի անվան ռազմական համալսարանում շարունակվում է ԶՈՒ սպայական կադրերի որակավորման բարձրացման գործընթացը:

ՀՀ ԶՈՒ ԱՀՏԱ վարչության բաժինների ու բաժանմունքի պետե­րը ռազմական համալսարանում անցկացնում են բարոյա­հոգեբանական ապահովման հար­ցերով թեմատիկ պարապմունքներ՝ ունկնդիրների շրջանում ձևավորելով սպային բնորոշ պատասխանատվության, տեսական գիտելիքների ամրապնդման, դաստիարակչական աշխատանքի կազմակերպման անհրաժեշտ որակներ:  
Պարապմունքները կրելու են շարունակական բնույթ:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

25/02/2019

Անցկացվել է «Զինված ուժերում մարդու իրավունքներ» թեմայով դասընթացի երկրորդ փուլը

Փետրվարի 22-ից 24-ը Ծաղկաձորում, «Զինված ուժերում մարդու իրավունքների եվրոպական չափանիշների կիրառման ամրապնդումը Հայաստանում» Եվրոպայի խորհրդի ծրագրի շրջանակներում անցկացվել է «Զինված ուժերում մարդու իրավունքներ» թեմայով դասընթացի երկրորդ փուլը, որին ներգրավված էին նաև միջազգային փորձագետներ:
Դասընթացի նպատակն է բարձրացնել մասնակիցների իրազեկվածությունը մարդու իրավունքների եվրոպական չափանիշների վերաբերյալ և ներկայացնել զինվորական միջավայրում դրանց գործնական կիրառությունը:
Դասընթացի երկրորդ փուլին հրավիրվել են առաջին փուլի ընթացքում առավել աչքի ընկած մասնակիցները, որոնք հնարավորություն են ստացել առավել խորացնել գիտելիքները զինված ուժերում մարդու իրավունքների վերաբերյալ, ինչպես նաև ձեռք բերել դրանք գործընկերների հետ  կիսելու և ծառայության ընթացքում կիրառելու գործնական հմտություններ:
Դասընթացին հետևել և փակման արարողությանը մասնակցել է ՀՀ ՊՆ մարդու իրավունքների և բարեվարքության կենտրոնի պետ, գնդապետ Ալեքսանդր Ավետիսյանը, ով նշել է, որ ՀՀ պաշտպանության նախարարությունը մեծապես կարևորում է ծրագրի շարունակականության ապահովումը և դիտարկում այն որպես զինված ուժերում մարդու իրավունքների պաշտպանությունը խթանող և ամրապնդող կարևոր գործիք:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/02/2019

Անցկացվում է բուժակների և սանհրահանգիչների մասնագիտական վերապատրաստման դասընթաց

Փետրվարի 4-ից ռազմաբժշկական ուսումնական կենտրոնում մեկնարկել է բուժակների և պայմանագրային սանհրահանգիչների մասնագիտական վերապատրաստման 2019թ. առաջին հոսքի դասընթացը: Վերապատրաստման դասընթացի մասնակիցներն ընտրվել են IQ հարցաշարերի և հարցազրույցի միջոցով: Անցկացվել է նաև մասնագիտական պատրաստության նախնական թեստավորում:

Բուժակների և պայմանագրային սանհրահանգիչների մասնագիտական վերապատրաստման տևողությունը կազմում է 8 շաբաթ։ Ունկնդիրների հետ կազմակերպվում են թե´ տեսական դասեր, թե´ ցուցադրական և գործնական պարապմունքներ, որոնք անցկացվում են նորագույն ուսումնական մուլյաժներով հագեցած սիմուլյացիոն սենյակում և դաշտային պայմաններում: Դրանց ընթացքում ունկնդիրները փոքր խմբերով գործնականում ամրապնդում են տեսական գիտելիքները՝ աշխատելով հրահանգիչների մշակած պլան-սցենարներով, որոնք կարող են պարունակել թե´ վնասվածք կամ վիրավորում, թե´ առօրյա գործունեության իրավիճակներ։ 
Դասընթացի շնորհիվ ունկնդիրները հմտանում են իրենց մասնագիտական պարտականություններից բխող գործունեության մեջ, սովորում ճիշտ և արագ գործել տարբեր արտակարգ իրավիճակներում՝ ձեռք բերելով ռազմական բժշկության նորագույն միջոցներով աշխատելու ունակություն և փորձ:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

03/11/2018

Մեկնարկել են «Զինծառայողների մարդու իրավունքներ» թեմայով դասընթացներ

Եվրոպայի խորհրդի հետ իրականացվող «Զինված ուժերում մարդու իրավունքների եվրոպական չափանիշների կիրառման ամրապնդումը Հայաստանում» ծրագրի շրջանակներում` ՀՀ ՊՆ մարդու իրավունքների և բարեվարքության կենտրոնի նախաձեռնությամբ, ս.թ. հոկտեմբերի 25-ից մեկնարկել են «Զինծառայողների մարդու իրավունքներ» թեմայով դասընթացներ: Դասընթացներն անցկացվելու են Հայաստանի Հանրապետության չորս քաղաքներում մինչև ս.թ. նոյեմբերի 23-ը: Զորամասերի սպայակազմի ներկայացուցիչների համար անցկացվող դասընթացները կազմակերպվել են ՀՀ ԶՈՒ ԱՀՏԱ վարչության օժանդակությամբ:

Դասընթացներում ներառված թեմաները վերաբերում են զինված ուժերում մարդու իրավունքների պաշտպանությանը, մասնավորապես՝ խոշտանգումների կանխարգելմանը, խտրականությունների արգելքին, հոգեբանական հարմարման ասպեկտներին, սոցիալական իրավունքներին և երաշխիքներին (պատշաճ կացարան, բավարար սնունդ, առողջապահություն և այլն):Կազմակերպվում են նաև դեպքերի վերլուծություն և քննարկումներ:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

06/09/2018

ՌԱԶՄԱԿԱՆ ԼՐԱԳՐՈՒԹՅԱՄԲ ՀԵՏԱՔՐՔՐՎՈՂ ԼՐԱԳՐՈՂՆԵՐՆ ԱՅՍՈՒՀԵՏ ԿՈՒՆԵՆԱՆ ՆՈՐ ՁԵՌՆԱՐԿ .ՏԵՂԻ ՈՒՆԵՑԱՎ «ՌԱԶՄԱԿԱՆ ԼՐԱԳՐՈՒԹՅՈՒՆ» ԳՐՔԻ ՇՆՈՐՀԱՆԴԵՍԸ

ՀՀ պաշտպանության նախարարությունում սեպտեմբերի 5-ին տեղի ունեցավ «Ռազմական լրագրություն» ուղեցույց ձեռնարկի շնորհանդեսը։ Ներկա էին ՀՀ պաշտպանության նախարար Դավիթ Տոնոյանը, ՀՀ ՊՆ մամուլի քարտուղար Արծրուն Հովհաննիսյանը, գրքի համահեղինակները, ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը և մի խումբ լրագրողներ ու պատմաբաններ։ Ուղեցույցի նպատակն է ճգնաժամային իրավիճակում և մարտական գործողությունների ժամանակ օգնելու լրագրողին ճիշտ և անվտանգ լուսաբանելու մարտական գործողությունները և չհրապարակելու վտանգավոր կամ գաղտնի տեղեկություններ։ «Ապրիլյան գործողությունների լուսաբանումը մեկ անգամ էլ ցույց տվեց ,որ մեր լրագրողները տեղյակ չեն, թե ինչպիսի մասնագիտական և էթիկական առանձնահատկություններ է պարունակում նման իրադարձությունների լուսաբանումը։ Մեզ համար ամենակարևորն այն է, որ այն լրագրողները, ովքեր լուսաբանում են արտակարգ իրավիճակներ, պատերազմական գործողություններ, ողջ մնան։ Ձեռնարկը միտված է այս գաղափարին»,-ասում է Mediamax.am կայքի գլխավոր խմբագիր, ԵՊՀ դասախոս և գրքի համահեղինակ Դավիթ Ալավերդյանը։ Ուսումնամեթոդական ձեռնարկը ներառում է լրագրողների անվտանգության ապահովման կանոնների պահպանումը, միջազգային պայմանագրերով սահմանված իրավունքները և կարգավորում դրանց առնչվող հարաբերությունները։ Շնորհանդեսի ժամանակ մի խումբ լրագրողներ և պատմաբաններ ստացան հավաստագրեր՝ «Ռազմական լրագրություն 2018» և «Ռազմարվեստի անցյալը և ապագան հազարամյակի մարտահրավերները» խորագրերը կրող դասընթացներին մասնակցելու համար։ ՀՀ պաշտպանության նախարար Դավիթ Տոնոյանը շնորհավորեց դասընթացի մասնակիցներին, պատասխանեց նրանց հարցերին, ինչպես նաև մասնակցեց հավաստագրերի հանձնման արարողությանը։ «Նմանատիպ դասընթացները շատ կարևոր են, փորձը փոխանցվում է հաջորդ սերնդին, ստեղծվում է ազնիվ, հմուտ միջավայր ռազմական լրագրության և պատմության ոլորտներում։ Սա այն դաշտն է, որը պահանջում է ճիշտ և գրագետ լուսաբանում»,-ասաց Դավիթ Տոնոյանը։

Բրյան Լիանա

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:


Տեղեկացրու՛ ընկերներիդ`