Showing posts with label Տիգրան Սամվելի Սիմոնյան. Show all posts
Showing posts with label Տիգրան Սամվելի Սիմոնյան. Show all posts

10/02/2019

«Հայրենիքի սահմանները պահելը իմ գործն է, ես եմ պատասխանատու» Տիգրան Սիմոնյան։ Այսօր Տիգրանի մահվան 4-րդ տարելիցն է

Գյումրի 10.02.2019թվ.Banak.info
2015թվ. փետրվարի 10-ին ժամը՝ 19:55-ի սահմաններում, N զորամասի մարտական դիրքում դժբախտ պատահարի արդյունքում մահացել է 1991թվ. ծնված ավագ լեյտենանտ Տիգրան Սամվելի Սիմոնյանը։
Տիգրանը ծնունդով Լոռու մարզի` Վանաձոր քաղաքից էր։
1998թվ. ընդունվել էր Վանաձորի Հ.Թումանյանի անվան թիվ 3 դպրոցը։
Տիգրանին ճանաչողները մշտապես պատմում են, թե նա ինչքան բարի ու համեստ երիտասարդ էր, իր հաջողություններին ու նպատակներին հասել էր իր նվիրվածության ու մեծ ջանքերի շնորհիվ։
2008թվ. Տիգրանն ավարտել էր դպրոցը, ընդունվել Վ. Սարգսյանի անվան Ռազմական ինստիտուտ։
Ուսումնառության տարիներին Տիգրանը մշտապես աչքի է ընկել իր գիտելիքների պաշարով, նվիրվածությությամբ ու լրջությամբ։
2012թվ. գերազանց ավարտել էր ինստիտուտն ու ծառայության էր անցել Արցախի Մարտակերտի շրջանի, Եղնիկներ զորամասում՝ որպես դասակի հրամանատար։
Տիգրանը հպարտ էր, որ ծառայում է Զինված ուժերում, որ իր զինվորները լավագույնն են, նա նույնպես լավագույն սպաներից մեկն էր, ով հոգատար ու նվիրված էր իր զիվորների հանդեպ։
Տիգրանը ծառայության ընթացքում պարգևատրվել էր «Նելսոն Ստեփանյանի», «Բանակի կազմավորման 20-ամյակ» հուշամեդալներով, ինչպես նաև բազմաթիվ պատվոգրերով իր նվիրվածության, մասնագիտական բարձր պատրաստվածության համար։
Հանուն Հայ Զինվորի ՀԿ-ն և Banak.info-ի խմբագրությունը ցավակցում է ընտանիքի անդամներին և կիսում կորստյան ծանր վիշտը:

Ալվինա Հարությունյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/03/2018

Տիգրան Սամվելի Սիմոնյան


Գյումրի 14.03.2018թվ. Banak.info

«Հայրենիքի սահմանները պահելը իմ գործն է և ես եմ պատասխանատու» Տիգրան Սիմոնյան։
Տիգրանը ծնվել է 1991թվ. Լոռու մարզի Վանաձոր քաղաքում։
1998թվ. ընդունվել է Վանաձորի Հ.Թումանյանի անվան թիվ 3 դպրոցը։
Տիգրանը չափազանց բարի էր, անսահման նվիրված, իր պայծառ ու լուսավոր կերպարով սիրված բոլորի կողմից։
Դպրոցում սովորելու տարիներին Տիգրանը մշտապես աչքի է ընկել իր առաջադիմությամբ, ակտիվությամբ և կազմակերպվածությամբ։
Դեռ փոքրուց Տիգրանն արդեն որոշել էր, երբ ավարտի զինվոր է դառնալու հայրենիքի սահմանների պաշտպանը։
2008թվ. ավարտելով դպրոցը Տիգրանը ընդունվել է Վ. Սարգսյանի անվան Ռազմական ինստիտուտ։
Տիգրանի ուսուտցչուհին՝ Տիկին Նվարդը, ով Տիգրանին շատ փոքրուց է ճանաչում և ընտանիքին բարեկամներից է մեզ հետ զրույցում նշում է, որ Տիգրանը չափազանց ուրախ էր, որ ընդունվել է ինստիտուտ և առհասարակ նա շատ էր նվիրվել իր ցանկությանը ջանք չէր խնայում որպեսզի ընդունվի ինստիտուտ։
Առաջադիմությամբ աչքի է ընկել նաև ինստիտուտում սովորելու տարիներին , որի համար բազմիցս պարգևատրվել է։
2012թվ. գերազանց ավարտելով Տիգրանը ծառայության է անցել Արցախի Մարտակերտի շրջանի Եղնիկներ զորամասում՝ որպես դասակի հրամանատար։
Տիգրանն իր մարտական բարձր պատրաստականության, ռազմական տեխնիկային հստակ տիրապետելու և մարտական դիրքերում անթերի ծառայելու համար բազմիցս պարգևատրվել է ինչպես նաև արժանացել է ավագ լեյտենանտի կոչման։
2015թվ. փետրվարի 10-ին ժամը՝ 19:55-ի սահմաններում, N զորամասի մարտական դիրքում դժբախտ պատահարի արդյունքում մահացել է ավագ լեյտենանտ Տիգրան Սամվելի Սիմոնյանը։
Ծառայության ժամանակ Տիգրանը պարգևատրվել է՝ «Նելսոն Ստեփանյանի», «Բանակի կազմավորման 20-ամյակ» հուշամեդալներով ինչպես նաև բազմաթիվ պատվոգրերով։
Հարազատ դպրոցում՝ որտեղ սովորել է Տիգրան Սիմոնյանը,բացվել է նրա անունը կրող դասասենյակ, որպեսզի աշակերտները ճանաչեն իրենց դպրոցում սովորած հասարակ տղային, ով կարողացավ իր անունը հավերժացնել։
Տիգրանը լավ սպա էր առաջին հերթին հենց իր զինվորների համար, նա հոգատար էր բոլորի նկատմամբ։Մարտական հերթապահությունը զինվորները մշտապես գերազանց էին իրականացնում, քանի որ նրանց հետ զորամասի լավագուն սպաներից մեկն էր, ով մշտապես զինվորի կողքին էր։
Դեպքից օրեր հետո Տիգրանը նորից պարգևատրվելու էր իր լավ ծառայության ու նվիրվածության համար։
Հանուն Հայ Զինվորի ՀԿ-ն և Banak.info-ի խմբագրությունը ցավակցում է ընտանիքի անդամներին և կիսում կորստյան ծանր վիշտը:
Ալվինա Հարությունյան







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`