Showing posts with label Տիգրան Աբրահամյան. Show all posts
Showing posts with label Տիգրան Աբրահամյան. Show all posts

06/09/2019

«Հանուն հայ զինվորի» ՀԿ-ն Տիգրան Աբրահամյանին հանձնեց շնորհակալագիր

Ինչպես արդեն տեղեկացրել ենք, «Հանուն հայ զինվորի» ՀԿ-ն իր 3-րդ տարեդարձի կապացությամբ և «Ամուր թիկունք՝ հզոր բանակ» ծրագրի շրջանակներում այցելել էր Արցախի Պաշտպանության բանակի մի շարք զորամասեր: Ծրագրի ընթացքում հանդիպում է տեղի ունեցել ԱՀ նախագահի անվտանգության հարցերով խորհրդական Տիգրան Աբրահամյանի հետ: Երկուստեք ընդգ է բանակ-հասարակություն կապի ամրապնդման կարևորությունը և նմանօրինակ ծրագրերի իրականացումը։
 Կազմակերպության գործունեության ընթացքում ցուցաբերած աջակցության և ակտիվ համագործակցության համար «Հանուն հայ զինվորի» ՀԿ նախագահ Դավիթ Թորոսյանը Տիգրան Աբրահամյանին Է հանձնել շնորհակալագիր: Հանդիպման ընթացքում քննարկվել են նաև հետագա համագործակցության և ծրագրերի ընդլայմանն ուղղված հարցեր։





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

14/06/2019

Հակառակորդի ցանկացած շարժ, կուտակում, սպառազինության գնումներ, վարքագիծ մեզ մոտ մանրամասն վերլուծվում է, և դրանից բխող քայլեր են իրականացվում

Վերջին շրջանում ադրբեջանական կողմը սադրիչ գործողությունների է գնում՝ սրելով սահմանային լարվածությունը:
Yerkir.am-ի հետ զրույցում Արցախի նախագահի` անվտանգության հարցերով խորհրդական Տիգրան Աբրահամյանը վստահեցրեց, որ Արցախի ՊԲ-ն, ըստ անհրաժեշտության, դիմում է պատասխան կոշտ միջոցների, և որ փորձում են առաջնագծի հագեցվածությունը հարմարեցնել Ադրբեջանի պահվածքին: 
-Առաջնագիծը, տեխնիկական հագեցվածության առումով, անընդհատ բարելավում ենք, ինչը ոչ միայն առաջնագծում, այլև, առհասարակ, ընդհանուր ծառայության արդյունավետության բարձրացմանն է հանգեցնում: Այս պահին մեր քայլերն ուղղված են հակառակորդի առաջադրած հնարավոր վնասները նվազագույնին հասցնելուն և լարվածությունը լիցքաթափելուն: Ըստ անհրաժեշտության՝ դիմում ենք նաև կոշտ միջոցների:
-Տպավորություն է, որ Ադրբեջանը հատկապես ուղղաթիռների շարժերով սցենարներ է փորձարկում, կարծես նոր իրավիճակ է ստեղծվել:
- Ուղղաթիռների շարժերը, իհարկե, վտանգավոր են, մանավանդ, որ դրանք սահմանին բավականին մոտ հատվածներում են թռիչքներ իրականացնում, էլ չեմ ասում` երբ դրանք հատում են մեր սահմանը: Ձեր նշած սցենարները նաև այլ զորատեսակների մարտավարական պարապմունքներով են գծվում և միմյանց հետ շաղկապված են: Ամեն դեպքում` հակառակորդի ցանկացած շարժ, կուտակում, սպառազինության գնումներ, վարքագիծ մեզ մոտ մանրամասն վերլուծվում է, և  դրանից բխող քայլեր են իրականացվում: 
-Ի՞նչ գործոններ հանգեցրեցին Ադրբեջանի ներկայիս պահվածքին, արդյո՞ք դրանցում մեղքի իր բաժինն ունի ՀՀ-ի և Արցախի իշխանությունների հակասությունը:
-Ադրբեջանի արտաքին գործերի նախարարը դեռ մի քանի շաբաթ առաջ, ըստ էության,  ազդարարել էր լարվածության նոր մեկնարկի մասին: Ստեղծված իրավիճակն առավելապես պայմանավորված է բանակցությունների վերսկսման վերաբերյալ չափից ավելի մեծ սպասումների ձևավորմամբ և դրանց չիրացմամբ: Իրականում պրոցեսը բարդ փուլում է, և իրավիճակային փոփոխություններն ամենից առաջ հենց դրանով են պայմանավորված:
-ՀՀ արտաքին քաղաքականությունը համահո՞ւնչ է Ադրբեջանի ներկայիս պահվածքին:
- Պաշտոնեական դիրքս թույլ չի տալիս գնահատականներ հնչեցնել այս հարցադրման վերաբերյալ: Ամեն դեպքում կարող եմ արձանագրել, որ Ադրբեջանի քայլերը վերջին շրջանում սկսել են առավել ագրեսիվ բնույթ կրել՝ բոլոր ուղղություններով:
-Տասը ամիս հետո ՀՀ ղեկավարությունը կրկին սկսել է խոսել Վիեննայի և Սանկտ Պետերբուրգի պայմանավորվածությունների մասին, մեզ հաջողվելո՞ւ է այս ուղղությամբ քայլեր ձեռնարկել, ավելի ճիշտ՝ պարտադրել, ի վերջո, պահը կորցրել ենք:
-Վիեննայում և Սանկտ Պետերբուրգում տեղի ունեցած հանդիպումներն ու դրանց ընթացքում ձեռք բերված պայմանավորվածությունները պետք է անընդհատ պահել օրակարգում: Դրանց կյանքի կոչումը ոչ միայն հնարավորություն կտա որոշակիորեն լիցքաթափելու ընդհանուր լարվածությունը, այլ հիմք կլինի բանակցությունների վերսկսման համար:

Նյութը՝ Yerkir.amկայքի


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

13/06/2019

Առաջնագծում իրավիճակային փոփոխություն կա՝ բացասական ուղղությամբ. Տիգրան Աբրահամյան

Առաջնագծում ստեղծված վիճակի, հնարավոր զարգացումների եւ ադրբեջանական կողմի սադրիչ գործողությունների մասին NEWS.am-ը զրուցել է Արցախի նախագահի անվտանգության հարցերով խորհրդական Տիգրան Աբրահամյանի հետ:
Արցախի Պաշտպանության նախարարությունը երեկ հայտարարեց, որ առաջնագծի ողջ երկայնքով նկատվում է ադրբեջանական անօթաչու թռչող սարքերի և ռազմական ավիացիայի ուսումնական թռիչքների աճ, որոնք հաճախ խախտում են սահմանված թռիչքային գոտին: Այդ պահի դրությամբ ի՞նչ վիճակի է շփման գծում:
Ընդհանուր իրավիճակի գնահատական տալու համար պետք է մի քանի գործոն հաշվի առնել: Առաջին, եթե նույնիսկ ռազմական ուղղաթիռներն ու անօդաչու սարքերը չեն հատում սահմանը, բայց դրանք թռչում են առաջնագծի մերձակա հատվածներում՝ 5-10 կմ-ի վրա, արդեն իսկ իրենց մեջ մեծ ռիսկեր են պարունակում, նպաստում լարվածության աճին:
Երկրորդ, կարևոր է հասկանալ, թե դրանց զուգահեռ ինչ գործընթացներ են ընթանում առաջնագծում: Օրինակ՝ դրան զուգահեռ Ադրբեջանը սահմանին սկսել է կիրառել զինատեսակներ, որոնք վերջին 6 ամսվա ընթացքում գրեթե չեն կիրառվել՝ ականանետեր, հաստոցավոր նռնականետեր. աճել է նաև խոշոր տրամաչափի զինատեսակների կիրառումը:
Քանական առումով, կիրառվող զինատեսակները լուրջ վտանգ դեռևս չեն առաջացրել, ուղղակի մեզ թույլ են տվել արձանագրելու, որ իրավիճակային փոփոխություն կա՝ բացասական ուղղությամբ:
Այդ դեպքում, ինչ քայլեր են ձեռնարկում հայկական կողմերը:
Այս փուլում մեր քայլերն ուղղված են՝ կանխելու Ադրբեջանի հնարավոր ակտիվություն առաջնագծում:
Հերթական անգամ ադրբեջանական կողմը խախտում է սահմանված թռիչքային գոտին, բայց կարծես միջազգային հանրությունն ի դեմս Մինսկի խմբի համանախագահների չի տալիս համարժեք գնահատական:
Կարծում եմ՝ հայկական կողմն այս պահին աշխատում է այդ ուղղությամբ: Եթե միջնորդները նույնիսկ հրապարակային գնահատական չտան, սակայն դիվանագիտական խողովակներով անհրաժեշտ աշխատանք տանեն ու կանխեն հետագա բարդացումները՝ վատ արդյունք չի լինի:
Որքանո՞վ հավանական եք համարում իրավիճակի սրում շփման գծում:
Դա մեծ թվով գործոններից է կախված, առաջնագծում հակառակորդի որոշակի ակտիվացումը այդ գործոններից մեկն է: Շատ բան կախված է, թե ինչպես կընթանան աշխատանքները դիվանագիտական հարթությունում, ստեղծված իրավիճակում ինչ լուծումներ և քայլեր կձեռնարկեն միջնորդ երկրները: Ի վերջո, արդյո՞ք կձևավորվի այնպիսի միջավայր, որը հնարավորություն կտա վերսկսելու բանակցությունները:
Իրավիճակի հետագա ընթացքի վրա ազդող գործոններ են նաև ներքին իրավիճակը Հայաստանում, Արցախում և Ադրբեջանում, էլ չեմ խոսում ռեգիոնալ գործընթացների մասին, որոնք բավականին վատ ֆոն են ուրվագծում:
Նյութը՝ News.am կայքի

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/06/2019

Ադրբեջանը փորձում է սրել իրավիճակը. Տիգրան Աբրահամյան



Aysor.am-ը ղարաբաղյան հակամարտության կարգավորման թեմայով զրուցել է Արցախի Հանրապետության նախագահի խորհրդական Տիգրան Աբրահամյանի հետ։

- Պարոն Աբրահամյան, Ադրբեջանի ԱԳՆ-ն հայտարարություն է տարածել, որում անդրադառնալով առաջնագծում առկա իրավիճակին՝ նշել է, որ Հայաստանը գործընթացը տանում է տապալման: Ինչպե՞ս կմեկնաբանեք:

- Ո՞ր գործընթացի մասին է խոսքը, նրա, որն ի սկզբանե գոյություն չունե՞ր: Եթե խոսքը դեռ նախորդ տարվանից հնչող «լավատեսական» անոնսների մասին է, ապա դա իսկզբանե իմիտացիա եմ համարել, այնպես որ, չեղած բանը դժվար է տապալել:
Ադրբեջանն արդեն 8 ամիս է խոսում բանակցությունների վերսկսման իր պատրաստակամության մասին, սակայն դա «ասյբերգի» երևացող հատվածն է, իրականում իր քայլերն այլ բանի մասին են խոսում:



Ադրբեջանի ԱԳ նախարարությունն արդեն 10 օր առաջ նախանշել էր, որ իրավիճակը սրվելու է՝ հայտարարելով, որ Հայաստանին տրված ժամկետը բանակցային գործընթացը խորությամբ ուսումնասիրելու առումով արդեն սպառվել է:


- Իսկ ի՞նչ է կատարվում առաջնագծում: Քաղաքական հայտարարությունները ցույց են տալիս, որ ինչ որ բան այն չէ, իսկ թե ինչ, հանրությունը կարծես առանձնապես տեղյակ չէ:
- Իրավիճակային գնահատականները երկու հարթության մեջ պետք է դիտարկել: Առաջին հերթին պետք է արձանագրել, որ հատկապես վերջին 10 օրվա ընթացքում իրավիճակը համեմատաբար սրվել է: Գործի են դրվել ականանետեր, հաստոցային ավտոմատ նռնականետեր, առավել ինտենսիվ է դարձել խոշոր տրամաչափի զինատեսակներից արձակված կրակահերթերը:
Հակառակորդի շարժերի ու գործողությունների վերլուծությունը նաև ցույց է տալիս, որ ակտիվ են նաև հատուկ նշանակության ստորաբաժանումները, հատկապես նրանց կազմում գործող դիպուկահար խմբերը:



Երկրորդ, իրավիճակային վերլուծությունները մարտ, ապրիլ, մայիս ամիսների կտրվածքով, ցույց են տալիս, որ բացասական առումով փոփոխություններ ունենք նաև եռամսյակային կտրվածքով: Ադրբեջանի ակտիվությունը, որն ավելի վաղ փուլում արտահայտվում էր հիմնականում ինժեներական-ամրաշինական աշխատանքներով, ներկայումս զուգահեռվում է հրադադարի ռեժիմի համեմատաբար մեծ խախտումներով և արձանագրվող միջադեպերով, ընդ որում՝ կրակահերթերը սկսել են առավել նպատակային բնույթ կրել:


- Այդ դեպքում ո՞րն է այս ամենի պատճառը, ինչի՞ հետևանքով իրավիճակը սրվեց:
- Ադրբեջանը վերջին 8 ամսվա մեջ փորձում է իր համար ամուր հիմքեր նախապատրաստել՝ մի կողմից միջազգային հանրությանը ցույց տալու, թե պատրաստ է խնդրի կարգավորման բանակցային ուղուն, մյուս կողմից՝ անել առավելագույնը, «պարարտ դաշտ» ձևավորել՝ նվազագույնն իր սադրանքների քաղաքականությանը վերադառնալու համար: Իսկ այս ամենի համար պետք էր գեղեցիկ կոմբինացիաներով դիրքավորվել «կառուցողական» դաշտում:


Ասել, որ այս իրավիճակը սպասելի չէր, կստացվի, որ զոհ ենք գնացել ադրբեջանական տակտիկական մոտեցումներին, գոնե ինձ համար Ադրբեջանն իր նախնական կուրսից չի շեղվել ու գնում է իր նախագծած սցենարով, որի ընթացքն ու վերջնական նպատակը իրավիճակային կտրուկ փոփոխություններն են:

Նյութը՝ Aysor.am կայքի


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

30/05/2019

Տիգրան Աբրահամյան. Ադրբեջանը շրջանցում է իրական օրակարգերը

Օրվա ընթացքում Ադրբեջանի պաշտպանության նախարարությունը պաշտոնական հաղորդագրություն տարածեց այն մասին, որ հայկական կողմից արձակված կրակից ադրբեջանցի զինծառայող է սպանվել: Այս և մի շարք այլ հարցերի շուրջ banak.info-ն զրուցել է Արցախի նախագահի խորհրդական Տիգրան Աբրահամյանի հետ:

- Պարոն Աբրահամյան, թերևս սկսենք Ադրբեջանի պաշտպանության նախարարության տարածած հաղորդագրությունից: Արդյո՞ք ՊԲ-ն խախտել է հրադադարի ռեժիմը, ինչի արդյունքում, սահմանի ադրբեջանական հատվածում զինծառայող է խոցվել:
- Չափազանցրած չեմ լինի, եթե ասեմ, որ ԵԱՀԿ Մինսկի խմբի համանախագահների այցի ընթացքում, նմանատիպ սադրանք՝ այս դեպքում տեղեկատվական բնույթի, սպասելի չէր: Ադրբեջանը ամեն քայլի դիմում է Արցախի հարցով իրական օրակարգերը շրջանցելու  և թեման մանր-մունր խորամանկությունների դաշտ տեղափոխելու համար:
 Եթե Ադրբեջանն իրականում շահագրգռված լիներ սահմանի հանգստությամբ, ապա կընդուներ տարբեր փուլերում բանակցությունների սեղանին դրված՝ վստահության ձևավորման ուղղված առաջարկները. դիպուկահարների՝ առաջնագծից դուրս բերում, շփման գծում հետաքննությունների մեխանիզմների ներդրում և այլն:

- Այս փուլում նման շանս տեսնում ե՞ք, կա՞ հնարավորություն այդ առաջարկներն ընդունելու համար:
- Ինչպես գիտեք, միջնորդների այս առաջարկներին Հայաստանն ու Արցախը դրական են արձագանքել, սակայն Ադրբեջանը ոչ միայն դրանք չի ընդունում, այլ շատ հաճախ փորձում է ցույց տալ, թե այդ առաջարկները առհասարակ գոյություն չունեն։
 Քանի այս ու նմանատիպ հարցերում համաձայնություն չկա, դժվար է խոսել բանակցությունների վերսկսման մասին:

- Գանք հայաստանյան օրակարգին, մասնավորապես խորհրդարանում քննարկվում է «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում փոփոխություններ և լրացումներ կատարելու մասին օրենքի նախագիծը: Մասնավորապես, փոփոխություններ են նախատեսված «պատիվ ունեմ» ծրագրում, որտեղ ծառայության ժամկետը 3 տարվա փոխարեն դառնում է 2 տարի, խստացվում է նաև ծրագրին մասնակից երիատասարդների ընտրությունը: Ինչպիսի՞ն է ձեր վերաբերմունքն այս հարցում:
- Օրենքում կատարվող ոչ բոլոր փոփոխություններին եմ տիրապետում, սակայն ծրագրի մասնակցության խստացումը անհրաժեշտ եմ համարում:
 Զինված ուժերն իրենց առջև խնդիր չեն դնում, զուտ թափուր տեղերը լրացնելու խնդիր կատարելու համարել, որ գործն արված է, մեր խնդիրը պետք է լինի պատրաստելու կադրեր, ովքեր համապատասխան հաստիքում ծառայություն կրելիս կլուծեն այն խնդիրները, որոնք ծառայության փուլում դրվելու է նրանց առջև:

  Մասնագիտական հանձնաժողովը պետք է ընտրի մասնակիցներ, ովքեր նվազագույնը հրամանատար ձիրք ունեն, կազմակերպված և կարգապահ մարդիկ են. փորձառու զինվորականների համար մասնակիցների որակներին տիրապետելը կարծում եմ բարդ գործ չի:
Ես կարծում եմ, որ անհրաժեշտ պայմանները ստեղծելու պարագայում կարող ենք ակնկալել, որ 2 տարվա ծառայությունից հետո, ծրագրին մասնակից սպաների մի մասը, եթե ոչ 2 տարվա ծառայությունից անմիջապես հետո, ապա հետագա տարիներին կհամալրեն ԶՈՒ շարքերը:
  Այս առումով, ոչ պակաս կարևոր հարց է նաև՝ պահեստազորում որակյալ, փորձառու կադրեր ներկայությունը, որովհետև եթե նույնիսկ ծրագրի մասնակիցները չերկարաձգեն ծառայության ժամկետը, ապա պետության համար նրանց ներկայությունը պահեստազորում ևս օգտակար է:

- Կարող է՞ արդյոք այս ծրագիրը մրցակցել ռազմական բուհերում տրվող կրթությանը:
- Սրանք տարբեր բովանդակություն, տարբեր խորություն և տարբեր նպատակներ լուծող հարթություններ են: Այս պահին դեռ շատ չեմ ծավալվի, սակայն առհասարակ ռազմական կրթության հարցը վերանայումների կարիք է զգում:
   Իհարկե շատ բարդ է լինելու, այն մեծ ռեսուրսներ է ենթադրում՝ ֆինանսականից գաղափարական: Մեծ անելիքներ ունենք այս ուղղությամբ և հուսով եմ, որ գործընթացը արագ ակտիվ փուլ կմտնի:


Լիանա Բրյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

27/05/2019

Ադրբեջանը սպառնում է լարվածության նոր փուլով.Տիգրան Աբրահամյան

«Ադրբեջանի արտաքին գործերի նախարարի հայտարարությունը վտանգավոր եմ համարում, քանի որ բացի այն, որ իր մեջ շանտաժի էլեմենտներ է պարունակում, այլև ուղերձ է լարվածությունը նոր՝ առավել բարձր մակարդակ տեղափոխելու մասին»։ Panorama.am-ի հետ զրույցում նման կարծիք հայտնեց  Արցախի Հանրապետության նախագահի խորհրդական Տիգրան Աբրահամյանը՝ անդրադառնալով Ադրբեջանի ԱԳ նախարար Էլմար Մամեդյարովի՝ «Կոմերսանտ»-ին տված հարցազրույցում հնչեցրած հայտարարություններին։
Ադրբեջանցի պաշտոնյան հայտարարել էր, թե բանակցային գործընթացի դետալներին ծանոթանալու ՀՀ իշխանություններին տրված  ժամանակ սպառվել է։

«Մենք մեր հերթին  ժամանակավոր ընդմիջում էինք տվել, որպեսզի Հայաստանի նոր ղեկավարությունը ծանոթանա բանակցային գործընթացի մանրամասներին։ Անցումային այդ փուլն ավարտվել է, բանակցությունները սկկել են ինչպես երկու երկների առաջնորդների մակարդակով, այնպես էլ արտաքին գործերի նախարարների»,-ասել էր Մամեդյարովը։

Տիգրան Աբրահամյանի խոսքով, Ադրբեջանը հատկապես վերջին մեկ տարվա ընթացքում փորձում էր դիրքավորվել որպես կառուցողական կողմ՝ առաջնագծում հրադադարի ռեժիմի խախտումների համեմատաբար նվազումը ներկայացնելով որպես այդ երկրի՝ խնդրի խաղաղ կարգավորման քաղաքական կամքի դրսևորում։ Աակայն զուգահեռ ընթացող զարգացումները խոսում են հակառակի մասին։

«Իրականում Ադրբեջանն ինտենսիվ պատրաստվում է խնդրի կարգավորման լրիվ այլ՝   ռազմական տարբերակին, ինչի մասին են նաև վկայում  զինված ուժերի ինտենսիվ համալրումները և հատկապես առաջնագծի ադրբեջանական հատվածումինժիներական-ամրաշինական ակտիվ աշխատանքներն ու ռազմական տեխնիկայի հագեցումը»,- հավելեց Արցախի Հանրապետության նախագահի խորհրդականը:


Նյութը՝ Panorama.am կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

05/05/2019

«Առաջնագծում Ադրբեջանի քայլերը նվազագույնը սահմանային լարվածությունը կառավարելու համար են»


«Հետքի» գրավոր հարցերին պատասխանում է Արցախի Հանրապետության նախագահի անվտանգության հարցերով խորհրդական Տիգրան Աբրահամյանը

-Պարոն Աբրահամյան, Վիեննայում Փաշինյան-Ալիեւ առաջին պաշտոնական հանդիպումից հետո երկու կողմերն էլ դրական գնահատեցին հանդիպումը, իսկ դրան հաջորդած Հայաստանի, Ադրբեջանի եւ Ռուսաստանի արտգործնախարարների՝ Մոսկվայում տեղի ունեցած հանդիպումից հետո անգամ հայտարարվեց որոշակի պայմանավորվածությունների մասին: Սակայն հակառակ դրանց՝ վերջին օրերին ՊԲ-ն հայտարարում է համեմատաբար անհանգիստ վիճակի մասին: Ադրբեջանի այս վարքագիծն ինչի՞ մասին է խոսում:
-Հետաքրքիր զուգադիպությամբ մարտի 29-ին Վիեննայում տեղի ունեցած Ալիեւ-Փաշինյան հանդիպումից հետո Ադրբեջանի պաշտպանության նախարարը լայն կազմով՝ գլխավոր շտաբի, կորպուսների, բրիգադների հրամկազմի ղեկավարությամբ, խորհրդակցությունների շարք անցկացրեց, որի նպատակը, ինչպես ներկայացված է այդ հանդիպումների պաշտոնական հաղորդագրությունում, զորքը մարտական գործողություններին նախապատրաստելն է:

Այդ խորհրդակցությունների մասին բաց տեղեկատվությունից նաեւ հայտնի է, որ արդյունքում Ադրբեջանի գլխավոր շտաբի մարտական պատրաստության պլանում փոփոխություններ են իրականացվել՝ ավելացվել է գիշերային պայմաններում հրաձգությունը, մարտավարական պարապմունքները, մեծ ուշադրություն է առանձնացված տարբեր մասշտաբների զորավարժություններին:
Այսինքն՝ մի կողմից՝ կայանում է հանդիպում, որից հետո կողմերը դրական ազդակներ են փոխանցում գործընթացի հեռանկարների հետ կապված, սակայն մյուս կողմից՝ Ադրբեջանում գնալով ավելի ու ավելի բաց տեքստով սկսում են խոսել հարցի կարգավորման ռազմական ճանապարհի մասին:
Պետք է նաեւ նկատի ունենալ, որ անկախ այն հանգամանքից, որ կողմերը դրական մեկնաբանություններով փոխանակվեցին, հանդիպման գլխավոր թեմաներից մեկի՝ բանակցությունների վերսկսման հիմքում դրված-առաջարկված փաստաթղթի մասին նրանք չեն շտապում պաշտոնական դիրքորոշում արտահայտել: Այսինքն՝ իրավիճակը հեշտերից չէ, եւ չի բացառվում, որ դա ստիպի Ադրբեջանին՝ անցնելու սահմանը թեժ պահելու իր հին ու հայտնի մարտավարությանը:
Համենայնդեպս, այն քայլերը, որոնք Ադրբեջանն իրականացնում է առաջնագծում ամրաշինական-ինժեներական աշխատանքների ուղղությամբ, նվազագույնը սահմանային լարվածությունը կառավարելու համար նախատեսված միջոցառումներ են: Դա տեղի կունենա վաղը, մյուսը օր, թե մեկ տարի հետո, ցույց կտա ժամանակը:

-Հնարավոր համարո՞ւմ եք, որ Ադրբեջանի այս գործողությունները կարող են լայնամասշտաբ գործողությունների վերաճել մոտ ապագայում:
-Մոտ ապագայում բարդ է ասել, սակայն եթե առկա ռիսկերը մոտ ապագայում չչեզոքացվեն, ապա իրավիճակը կարող է առավել լարված փուլ թեւակոխել:

-Ի՞նչ եք կարծում, երբեւէ Մինսկի խմբի համանախագահների կողմից սադրիչ կամ ագրեսիվ  վարքագիծ դրսեւորող կողմին  ուղղված հստակ կոչեր կլսե՞նք:  Եվ ի՞նչ պիտի անի հայկական կողմը, որ համանախագահների եւ ընդհանրապես միջազգային հանրության կողմից նույն զսպվածության կոչերը ճիշտ հասցեով ուղղվեն:
-Ապրիլյան մարտական գործողություններից հետո այս հավերժական թվացող հարցադրումն արդեն իսկ կորցրել է իր ակտուալությունը: Արդեն մեկ անգամ՝ 3 տարի առաջ, գործընթացները ցույց տվեցին, որ նույնիսկ էսկալացիայի պայմաններում միջնորդների գործադրած ջանքերը լուրջ արդյունքների չեն հանգեցնում: Մյուս կողմից՝ եթե պետք է լինեն հասցեական հայտարարություններ, սակայն մինչեւ վերջ հետեւողականություն չդրսեւորվի, ապա «օդում հնչած» հայտարարություններն էլ իրավիճակը ոչ մի կերպ չեն փրկի:
Հ.Գ. Հարցազրույցից քիչ անց հայտնի դարձավ, որ առաջնագծում հակառակորդի կրակոցից ծանր վիրավորում է ստացելՊԲ ժամկետային զինծառայող: 

Նյութը՝ Hetq.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

22/04/2019

Առաջնագծում իրավիճակը շատ արագ փոփոխվում է./Տեսանյութ/


Առաջնագծում իրավիճակը շատ արագ փոփոխվում է։ Այս մասին այսօր ArmDaily.am-ի հետ զրույցում անդրադառնալով առաջնագծում տիրող իրավիճակին ասաց Արցախի Հանրապետության նախագահի խորհրդական Տիգրան Աբրահամյանը։  

«Րոպեների ընթացքում, դեռ չեմ ասում ժամերի ընթացքում շատ արագ փոփոխվում է, դրա համար նույնիսկ գնահատականները, որոնք հնչեցնում ենք տվյալ իրավիճակում, շատ սուբյեկտիվ են։ Ընդհանուր առմամբ հիմա իրավիճակը համեմատաբար նորմալ է, հրադադարի ռեժիմի խախտումները մեծ առումով վերջին մեկ, երկու, երեք ամսվա ընթացքում որոշակի տատանումներով միջին, միջինից ավելի ցածր են»,- ասաց Աբրահամյանը։  

Աբրահամյանի խոսքով Ադրբեջանն այժմ ակտիվ զորավարժություններ է անցկացնում. «Ավելի խորքում՝ 500 մետրի, մեկ-երկու կիլոմետրի վրա մշտապես ուրվագծվում է ադրբեջանական կողմի ակտիվությունը, զորավարժությունների, տարբեր ուսումնական փուլեր են։ Այս պահին լուրջ սպառնալիք չեն, բայց դրանք անընդհատ տեղի ունեցող գործընթացներ են»։ 



Նյութը՝ Armdaily.am կայքի։
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

09/04/2019

Վերջին 10 օրերի ընթացքում Ադրբեջանից հնչող հայտարարություններն սկսել են առավել սուր բնույթ կրել.Տիգրան Աբրահամյան

Արցախի Նախագահի խորհդրական Տիգրան Աբրահամյանը իր facebook-յան էջում գրում է.
Վերջին 10 օրերի ընթացքում Ադրբեջանից հնչող հայտարարություններն սկսել են առավել սուր բնույթ կրել: Ռազմական գործողությունների մասին ակնարկային հայտարարությունները վերաճել են գործողություններ սկսելու կամ դրա նախապատրաստական փուլի մասին սպառնալիքների:

Պաշտոնական հայտարարություններ նախագահական ապարատից, արտգործնախարարությունից, պաշտպանական գերատեսչությունից, հին ու նոր թրծված «փորձագիտական» շրջանակներից, ամենակարևորը՝ հնարավոր պատերազմի վերսկսման մասին վերնագրերով: 

«Առաջիկա շաբաթներին Ղարաբաղում նոր պատերազմ է սկսելու», «Ղարաբաղում հնարավոր է նոր պատերազմ», «Առաջիկա ժամանակներում Ղարաբաղում հնարավոր է նոր պատերազմ». սա վերնագրերի այն ոչ ամբողջական ցանկն է, որոնց վերջին օրերին կարելի է հանդիպել ադրբեջանական մամուլում: 

Ադրբեջանում ռազմական գործողությունների կամ դրա սպառնալիքով ճնշումների տեղեկատվական նախապատրաստության փուլ է: 

Ժողովուրդներին խաղաղության նախապատրաստելու մասին միջնորդ երկրների հայտարարություններն Ադբեջանում, կարծես թե, այդքան էլ լուրջ չեն ընդունել, ճիշտ հակառակ գործընթացի են անցել: 

Համանախագահ երկրներն իրավիճակի լիցքաթափմանն ուղղված քայլեր պետք է ձեռնարկեն, հակառակ դեպքում տեղեկատվական դաշտում առկա լարվածությունը շատ արագ կտեղափոխվի սահմանագիծ:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

03/04/2019

Ապրիլյան պատերազմի մասին վտանգավոր միֆեր են շրջանառվում. Տիգրան Աբրահամյան

2016-ի ապրիլից երեք տարի անց էլ շատ հարցերի շուրջ իրարամերժ տեղեկություններ են տարածվում, տարբեր գնահատականներ են տրվում։ Դրանց ու նախօրեին Արցախի պաշտպանության փոխնախարարի հրաժարականի մասին Panorama.am-ը զրուցել է Արցախի Հանրապետության նախագահի խորհրդական Տիգրան Աբրահամյանի հետ։

Panorama.am-Պարոն Աբրահամյան, կրկին շրջանառության մեջ են դրվել լուրերն այն մասին, որ ապրիլյան պատերազմի մասին անհրաժեշտ հետախուզական տեղեկատվությունը ժամանակին փոխանցվել է Արցախին: Ինչպե՞ս կմեկնաբանեք:

Տիգրան Աբրահամյան-Չգիտեմ ով և ինչու է փորձում ամեն ինչ բարդել կամ քննադատության սլաքներն ուղղել Արցախի ուղղությամբ, բայց ասեմ, որ դա ոչ մի լավ տեղ չի տանելու, առաջին հերթին հենց իրենց համար: Մի քանի անգամ ասել եմ ու շարունակում եմ ասել, որ տեղեկատվությունն եղել է առաջնագծի տարբեր ուղղություններով դիվերսիոն հետախուզական խմբերի առաջխաղացման մասին, որը հատուկ էր 2014-2016 ժամանակահատվածին: Այնինչ, դիվերսիոն հետախուզական խմբերի ներթափանցումը սկսեց ուղեկցվել Ադրբեջանի զինանոցի գրեթե բոլոր տեսակների ակտիվ աջակցմամբ:

Եվ հասկանալու համար, թե ինչպիսին է եղել ՊԲ-ի գործողությունների արդյունավետությունը, պետք է վերլուծել բոլոր այն գործողությունները, որոնք եղել են Հադրութի հարավային թևից (նախկինում Ջեբրայիլ)՝ վերջացրած հյուսիսային ուղղությամբ (Եղնիկներ):

Ապրիլյան մարտական գործողությունների մասին խոսելիս, տարբեր պատճառներով, միայն քննարկման է դրվում Թալիշի կամ Ջեբրայիլի ուղղությամբ մարտերի հատվածական ուղղությունները: Հազվադեպ է խոսվում այն մասին, թե ինչպես են հետ մղվել ադրբեջանական գործողությունները Տոնաշենի (Եղնիկների) ուղղությամբ կամ Ջեբրայիլի ձախ թևում, երբ ադրբեջանական կողմը ավիացիա կիրառեց,  իսկ արդյունքում երկու ուղղաթիռ կորցրեց, նաև մարդկային ուժ, որոնք փորձում էին ներթափանցել այդ ուղղություններով:

Կենտրոնական ուղղությամբ, ՊԲ ուժերը ժամանակին ֆիքսելով Ադրբեջանի մտահաղացումը, հենց հակառակորդի խորքում խոցեցին՝ ոչնչացնելով Ադրբեջանի զրահատեխնիկայի և հրթիռահրետանային մեծ թվով միջոցներ, ինչպես նաև՝ պատճառելով մարդկային ուժի մեծ կորուստներ: Արդյունքում կանխեցինք հակառակորդի՝ ամենախոշոր օպերացիան, որը չմեկնարկած տապալվեց:

Մարտակերտի ուղղությամբ ծավալված մարտերի արդյունքում ձախողվեց Ադրբեջանի՝ այդ ուղղությամբ պլանավորված ներթափանցումը Մարտակերտ բնակավայրի ուղղությամբ, ինչը հասկանալի է, թե ինչ աղետալի հետևանքներ կարող էր ունենալ:

Առաջնագծի մյուս ուղղություններում ևս հայկական զինուժը տեղային կանխարգելիչ գործողություններ իրականացրեց, ինչի արդյունքում հակառակորդի մտադրությունը ողջ ճակատով գրոհելու՝ վերջնականապես տապալվեց:

Panorama.am-Որպես հիմնական խնդիր, այս տարիների ընթացքում առաջ էր քաշվում կապի համակարգի, սննդի, փամփուշտների սպառման հարցերը: Արդյո՞ք հիմա էլ այդպիսի խնդիր կա:

Տիգրան Աբրահամյան-Կապի համակարգի խնդիրներ անշուշտ եղել են, ինչն անհնար է հերքել: Այսօր մեր կապի համակարգն անճանաչելիորեն փոփոխության է ենթարկվել ու այսօր լրիվ այլ վիճակ ունենք: Ինչ վերաբերում է սննդի ու փամփուշտի հետ կապված լուրերին, ապա դեռ չեմ կարող ասել, թե ով էր այդ խայտառակ ապատեղակտվության հեղինակը, սակայն ոչ մի դիրքում նման խնդիր չի եղել: Ես սա ասում եմ շատ վստահ: Այսպես ասեմ, չի եղել դիրք, որտեղ վերահսկողությունը կորցրել ենք այն պատճառով, որ այդտեղ սննդի կամ փամփուշտի խնդիր է եղել:

Նախ, սննդի մասով. 2016 թվականի մարտական գործողությունների օրերին, մարտական հերթապահություն անցնող ստորաբաժանումները հիմնական սնունդը ստացել են շաբաթական կտրվածքով (բացի մի քանի սննդատեսակից) և անհնար է 2-3 օրվա ընթացքում սննդի սուր խնդիր ունենալ: Իսկ դիրքերում գտնվող ստորաբաժանումների հերթափոխը մեկ օր առաջ էր եղել:

Երկրորդ, գաղտնիք չի, որ առաջին օրվա գործողությունների արդյունքում հակառակորդի վերահսկողության տակ ավելի շատ մարտական դիրքեր են եղել, քան ապրիլի 5-ի դրությամբ, որովհետև ապրիլի 3-ից հետո, հայկական կողմի հակահարձակողական գործողությունների արդյունքում մեծ թվով դիրքեր վերադարձվել են մեր վերահսկողության տակ:
Այն դիրքերը, որոնք վերադարձրել ենք, մանրամասն ուսումանսիրվել են, այդ դիրքերից որևէ մեկում, որոնք 1-2 օր առաջ կորցրած ենք եղել, և ռազմամթերք է եղել և սնունդ:

Կրկնում եմ՝ չգիտեմ, ով կամ ինչի համար է այդ միֆը զարգացրել, սակայն ապրիլյան մարտական գործողությունների ժամանակ մեր խնդիրը ոչ փամփուշտի պակասն է եղել, ոչ էլ սննդային հարցերը:

Panorama.am-Բայց խոսվում էր, որ հակահարձակողական գործողություններ չեն իրականացվել։

Տիգրան Աբրահամյան-Իսկ ո՞վ է ասել, որ հակահարձակողական գործողություններ չեն իրականացվել, այդ դեպքում ինչպես է՞ հաջողվել, օրինակ՝ Թալիշի ուղղությամբ, ձախ թևում, գործողություններ իրականացնել ու մեծ թվով մարտական դիրքեր հետ բերել մեր վերահսկողության տակ:

Չափազանց վտանգավոր եմ համարում 2016 թվականի ապրիլյան մարտական գործողությունների մասին տոտալ ապատեղակատվության տարածումը, որի հիմնական նպատակը զինված ուժերի վարկաբեկումն է: Ոմանք, իհարկե, անիրազեկության արդյունքում են «ընդհանուր ալիքի տակ» հայտնվում, սակայն տեսանելի են նաև խմբեր, ուժեր, որոնք տարբեր խնդիրներ լուծելու ճանապարհին փորձում են խոցման առանցքում պահել մեր բանակը:

Երկրորդ խնդիրը, որ այսօր ես տեսնում եմ՝ ապրիլյան օրերին մարտի դաշտում պայքար, կյանքի ու մահվան ճանապարհով անցած մեր սպաների ու զինվորի արածի նսեմացումն է, ինչը չափազանց վտանգավոր է և ուղիղ հարված է ինչպես մեր բանակին, այնպես էլ հասարակությանը: Դա ուղիղ հարված է մեր պետականությանը:

Panorama.am-Տարբեր թվեր են ներկայացվում նաև զոհերի մասին, ի վերջո, որքան զոհ ենք ունեցել ապրիլյան պատերազմում:

Տիգրան Աբրահամյան-2016 թվականի ապրիլի 2-5-ը՝ մինչև ժամը 12։00-ը հայկական կողմն ունեցել է 75 զոհ, ապրիլի 5-ից մայիսի 20-ը՝ հաշվի առնելով, որ բանավոր պայմանավորվածությունն, ըստ էության, լիարժեքորեն չէր պահպանվում, ունեցել ենք ևս 25 զոհ, որոնցից ոչ բոլորն էին մարտական զոհեր:

Panorama.am-Եվ վերջին հարցը, զբաղեցրած պաշտոնից ազատման դիմում էր ներկայացրել Արցախի պաշտպանության նախարարի տեղակալ Սամվել Կարապետյանը: Այս ընթացքում տարաբնույթ հայտարարություններ մեկնաբանություններ եղան, ինչպես իր, այնպես էլ 2018 թվականի ընթացքում պաշտոնաթող եղած զինվորականների մասին:

Տիգրան Աբրահամյան-Եկեք տրամաբանության մեջ նայենք: Մեր երկրում ամեն օր խոսում են պատերազմի հավանականության, որոշ դեպքերում՝ նույնիսկ անխուսափելիության մասին: Այդ մասին ավելի հաճախ խոսում են Ադրբեջանում, էլ չեմ ասում միջազգային հեղինակավոր կենտրոնների ոչ լավատեսական զեկույցների մասին:

Սամվել Կարապետյան, Լևոն Մնացականյան, Արշավիր Ղարամյան. այս անունները կարելի է շարունակել թվարկել: Այս մարդիկ, աննախադեպ մարտական ուղի անցած, անչափ փորձառու զինվորականներ են, ովքեր մեր երկրին անհրաժեշտ էին ինչպես 90-ականների առաջին պատերազմում, մինչև 2016 ապրիլ ու հիմա: Ադրբեջանը պատմության աղբանոցից փնտրում, մարդիկ է գտնում, փոշիները մաքրում, վերածում հերոսի և սերունդ դաստիարակում, իսկ ի՞նչ ենք անում մենք: Մեր հերոսներին վարկաբեկում ենք, խոցելի դարձնում, հետո խոսում համերաշխության կամ միասնության մասին: Չի ստացվի այդպես:

Այս մարդկանց անցած ճանապարհը, հայտարարությունները, մտահոգությունները պետք է դիտարկել Ադրբեջանից մշտապես սպառնացող վտանգի տրամաբանության մեջ: Այս մարդիկ այսօր բանակում չեն միայն թղթի վրա գրած, բայց իրենք այն մարդիկ են, ովքեր անկախ իրենց պաշտոնական դիրքից, հնարավոր պատերազմի կամ դրա վտանգի դեպքում առաջինն են մեկնելու այնտեղ, որտեղ պետք է լինեն. ես դրանում համոզված եմ:

Նյութը՝ Panorama.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

25/03/2019

«Աննախադեպ հանգիստ» որակումն այլևս անցյալում է. Տիգրան Աբրահամյան

Times.am կայքի թղթակցի հարցերին է պատասխանում Արցախի Հանրապետության Նախագահի խորհրդական Տիգրան Աբրահամյանը։

Պարոն Աբրահամյան, վերջին օրերին պատգամավորների նախաձեռնությամբ քննարկման դրվեց «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում լրացում կատարելու մասին» Հայաստանի Հանրապետության օրենքի նախագիծը: Պատգամավորներն առաջարկում են, որ զինվորական ծառայության մեկ տարին չլրացած պարտադիր ժամկետային զինծառայողները չիրականացնեն մարտական հերթապահություն: Ինչպիսի՞ն է Ձեր մոտեցումը:
Եթե խնդիրը նրանում է, որ ժամկետային զինծառայողները պետք է անհրաժեշտ պատրաստությունը լիարժեք ստանան 1 տարվա ընթացքում, ապա նշեմ, որ իմ կարծիքով, ժամկետային զինծառայողները 6 ամսյա հատուկ ուսումնական կուրսից հետո բոլոր առումներով պատրաստ են լինում մարտական հերթապահության կրման:
Մյուս կողմից, այս ճանապարհով գնալու համար պետք է համալրենք պայմանագրային կազմը, սակայն այս փուլում, ներկայիս պայմաններում, դա բավականին բարդ առաջադրանք կլինի:
Ամեն դեպքում կարծում եմ՝ պետք է քննարկումները շարունակել, որովհետև պաշտպանության նախարարի՝ այդ թեմայով հնչեցված մեկնաբանություններից պարզ է դառնում, որ այս պահին նաև այլ սխեմաներ են քննարկվում:

Պաշտպանության նախարարը տեղեկացրեց, որ ՊՆ-ում քննարկվում է մարտական հերթապահության մեջ ընդգրկված ժամկետային զինծառայողների պարտադիր ծառայության 24-ամսյա ժամկետը կրճատելու, իսկ մարտական հերթապահությանը չընդգրկված զինծառայողների պարտադիր ծառայության ժամկետն ավելացնելու հնարավորության հարցը:
Գիտեք, այս հարցադրումները լրջագույն քննարկումների խնդիր ունեն, նաև հանրային քննարկումների: ՊՆ-ում իրականացվող քննարկումների մանրամասներին չեմ տիրապետում, բայց մեծ թվով հարցեր կան, որոնց պատասխանները դեռ չունեմ և չեմ ցանկանում գնահատականներ հնչեցնել:
Մի բան ակնհայտ է, որ այս առաջարկները պետք է մեծ՝ ընդհանուր փաթեթով քննարկել, հաշվարկել բոլոր ռիսկերը, հատկապես այս ուղղությամբ սխալվելու իրավունք չունենք:

Կառավարության քննարկումների ժամանակ հղում կատարվեց նաև «Ես եմ» ծրագրին, ի դեպ այս, ինչպես նաև՝ «Պատիվ ունեմ» ծրագրերն արդեն կյանքի են կոչվել, ինչպիսին է՞ դրանց արդյոնավետությունը:
«Ես եմ» ծրագիրը մասնակից զինծառայողների համար միանշանակ շահավետ է: Ծառայության բերումով բոլոր փուլերում հանդիպումներ եմ ունենում այս ծրագրով ծառայող զինծառայողների հետ: Ընթացքում հրաժարվողների թիվը շատ քիչ է, այն էլ՝ հիմնականում անձնական, ընտանեկան պատճառներով: Այս ծրագրով զորակոչված զինծառայողներ կան, ովքեր արդեն 10-12 անգամ՝ 7 օրով արձակուրդ են գնացել, կարծում եմ՝ գոհ են:
Ուրիշ հարց է, որ զորամասային մակարդակում որոշակի կազմակերպչական հարցեր է առաջացնում, ժամանակի ընթացքում դա էլ կարծում եմ կկարգավորվի:
Այս ծրագրի արդյունավետությունը պետք է դիտարկել նաև այլ հարթության մեջ, միգուցե արժե նաև խորքային ուսումնասիրություն սկսել այն իմաստով, թե արդյո՞ք նպատակահարմար չէ այս ծրագրի վրա դրվող գումարներն ուղղել պայմանագրային կազմի աշխատավարձերի բարձրացմանն ու ըստ այդմ՝ դրանով պայմանագրային կազմի ավելացմանը: Կարծում եմ՝ սա էլ պետք է ընդհանուր փաթեթում քննարկման օրակարգում լինի:
«Պատիվ ունեմ» ծրագրի հետ կապված պետք է նշեմ, որ հայտեր ներկայացրած ուսանողների հարցում պետք է խիստ ընտրություն իրականացնել: Պետք է հաշվի առնել, թե այդ ծրագրի հայտ ներկայացրած քաղաքացին, առաջին հերթին, արդյո՞ք հրամանատարական ձիրք ունի: Մի շարք գործոններ կան, որոնք պետք է պատշաճ դիտարկվեն, չէ որ նրանք մեր ապագա սպաներն են, որոնց վրա ծառայության ժամանակ բավականին մեծ պատասխանատվություն է դրված:

Եվ վերջին հարցը, ինչպիսին է՞ իրավիճակն առաջնագծում: Վերջին շրջանում անընդհատ հայտարարվում է, որ աննախադեպ հանգիստ է:
2018 թվականի վերջին բավականին հանգիստ էր, սակայն տարեսկզբից «աննախադեպ հանգիստ» որակումը կարծում եմ այլևս տեղին չէ:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

03/03/2019

«Ադրբեջանը սահմանին որոշակի ակտիվություն է դրսևորում». Տիգրան Աբրահամյան

168.am կայքը գրում է.
Հարցազրույց Արցախի նախագահի անվտանգության հարցերով խորհրդական Տիգրան Աբրահամյանի հետ
– Պարոն Աբրահամյան, ԵԱՀԿ Մինսկի խմբի համանախագահները հայտարարել են, որ Հայաստանի և Ադրբեջանի ղեկավարներն ընդունել են հանդիպելուվերաբերյալ առաջարկությունը, դրական են գնահատել շփման գծում զոհերիթվի շարունակական նվազումը, և այլն: Ձեր կարծիքով՝ ո՞րն է նրանցհայտարարության գլխավոր մեսիջը։
– Ադրբեջանի նախագահի և Հայաստանի վարչապետի հանդիպումը կարևոր է հենց միայն այն տեսանկյունից, որ ենթադրելի է՝ նվազագույնը խնդիր ունի թույլ չտալու իրավիճակի կտրուկ սրացումներ:
Երկրորդ, բանակցությունների վերսկսմանն ուղղված քայլերի բացակայությունը կարող է վտանգավոր իրավիճակ ստեղծել, և սպասելիքներն այդ հանդիպումից պայմանավորված են կողմերի միջև բանակցությունների վերսկսման հիմքերի ձևավորման հեռանկարով:
Այս շրջափուլի համար միջնորդներն իրենց նվազագույն խնդիրը լուծել են՝ նախապատրաստում են երկու երկրների ղեկավարների հանդիպումը:
-Նիկոլ Փաշինյանն Իրանում ևս կրկնեց իր դիրքորոշումը, որ Արցախը պետք էվերադառնա բանակցային սեղան։ Դրանից հետո Բաքուն հայտարարեց, որ չիընդունում Փաշինյանի առաջարկն ու համաձայն չէ բանակցային ֆորմատըփոփոխել, հետևանքների համար էլ պատասխանատու է հայկական կողմը։Մյուս կողմից՝ ՀՀ ԱԱԾ տնօրենը Արցախ կատարած այցի ժամանակ հայտարարեց, որ ոչ մի թիզ հող հետ տալու մտադրություն չունենք:
– Այն, որ Ադրբեջանը փորձելու էր բանակցությունների վերսկսմանն ուղղված քայլերի ձախողումը բարդել հայկական կողմերի վրա՝ սպասելի էր:
Սակայն կարծում եմ՝ միջնորդ երկրների համար ակնհայտ է, թե ո՞վ է իրականում ձախողում, և կողմերից ո՞վ ինչի՞ է նախապատրաստում:
Միանշանակ կարևոր եմ համարում ՀՀ ԱԱԾ տնօրենի հայտարարությունը, սակայն հավելյալ մեկնաբանության կարիք չեմ տեսնում. ամեն ինչ շատ հստակ է ասված:
Որպես սպա՝ միայն կարող եմ ասել, որ անհրաժեշտ մեսիջները՝ համազգեստ և ուսադիրներ կրող մարդու միջոցով, Արցախում ապրող մարդուն փոխանցելը շատ ծանրակշիռ դեր ունի:
– Ներկայումս ինչպիսի՞ն է իրավիճակը շփման գծում:
– Արցախի պաշտպանության բանակի կողմից ամենշաբաթյա համառոտ ամփոփագրի նույնիսկ մակերեսային վերլուծությունն ու նախորդ շաբաթների նույնաբովանդակ հաղորդագրությունների համեմատական վերլուծությունը ցույց է տալիս, որ հրադադարի ռեժիմի խախտումները՝ կրակոցների թվի առումով, այս շաբաթ միջինը 40%-ի աճ են արձանագրել:
Չէի ցանկանա միայն այս շաբաթվա ամփոփագրի վերաբերյալ խորքային գնահատականներ հնչեցնել, ամեն դեպքում պետք է արձանագրել, որ այնուամենայնիվ վերջին ժամանակներս իրավիճակի որոշակի փոփոխությունը կա՝ դեպի ակտիվացում:
-Մինչդեռ ՄԽ համանախագահները նաև ողջունել են տարածաշրջանումհասարակություններին խաղաղության նախապատրաստելու վերաբերյալքննարկումների ակտիվացումըԱդրբեջանական կողմից դուք նկատե՞լ եքնման ակտիվացում։
– Իմ տպավորությամբ՝ Ադրբեջանը երբեք էլ լուրջ չի ընդունել միջազգային հանրության կողմից ուղղված կոչերն ու հորդորները, ինչի արդյունքը 2016 թվականի ապրիլյան մարտական գործողություններն էին: Ավելին, համոզված եմ, որ Ադրբեջանը ճիշտ հակառակն է անում՝ դրանով իսկ տապալելով խաղաղ բանակցությունների միջոցով ինչ-որ արդյունքի հասնելու՝ միջնորդների ջանքերը:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

18/02/2019

Ադրբեջանի կողմից կա բանակցային գործընթացին պատրաստ լինելու իմիտացիա. Տիգրան Աբրահամյան

Armenpress.am կայքը գրում է.
Արցախի և Ադրբեջանի հակամարտ զորքերի շփման գոտում Ադրբեջանը շարունակում է խախտել հրադադարի պահպանման ռեժիմը: Փետրվարի 10-16-ը ադրբեջանական կողմը այն խախտել է շուրջ 220 անգամ, որի ընթացքում, տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 1700 կրակոց: Շփման գոտում առկա վիճակի և ԼՂ հակամարտության կարգավորման բանակցային գործընթացի վերաբերյալ «Արմենպրես»-ը զրուցել է Արցախի նախագահի անվտանգության հարցերով խորհրդական Տիգրան Աբրահամյանի հետ:

-Պարոն Աբրահամյանմեկ շաբաթվաընթացքում Ադրբեջանն Արցախի ուղղությամբարձակել է ավելի քան 1700 կրակոցԱյսհանգամանքի առկայությունը որքանո՞վ էտեսանելի դարձնում ԼՂ հակամարտությանբանակցային գործընթացի հաջողությանհամար խաղաղության մթնոլորտիհաստատման հավանականությունը
-Անհրաժեշտ մթնոլորտի ապահովումը միայն կրակոցների ինտենսիվությամբ չէ պայմանավորված, կան մեծ թվով այլ գործոններ, որոնք առավել հստակ են դարձնում ընդհանուր պատկերը: Դրանք սկսվում են Ադրբեջանից հնչող հայտարարությունների ինտենսիվությունից, սրությունից, տրվող ուղերձներից՝ վերջացրած սպառազինության մեծածավալ գնումներով: Այս շարքը կարող է երկար շարունակվել:

-Եթե Ադրբեջանը հայկական կողմի հետհանդիպումներում փորձում է դրականտրամադրվածություն ցույց տալ ԼՂհակամարտության կարգավորման հարցումապա ինչո՞վ են պայմանավորված սահմանիննրանց կողմից անընդհատ կրակոցները
-Այդքան էլ էական չէ, թե ինչ մոտեցում կամ տրամադրվածություն են ի ցույց դնում Ադրբեջանի նախագահը կամ արտգործնախարարը Հայաստանի իրենց գործընկերների հետ հանդիպումներում, էականն արդյունքն է, որը չկա: Կա ընդամենը պարզ տեղեկատվական մանիպուլյացիաներ, գործընթացին պատրաստ լինելու իմիտացիա և ոչ ավելին:

-Չնայած կրակոցների թվինայնուամենայնիվխոսվում է ադրբեջանական կողմից որոշպասիվության մասինԱյս մասին խոսվում էրնաև ամռանըերբ նշվում էրոր պատերազմիվերսկսման մեծ վտանգ կաԱրդյոք այդպիսիվտանգ կա՞ նաև այժմերբ Ադրբեջանըդարձյալ նույն պասիվությունն է ցույց տալիս
-Ռազմական գործողությունների վերսկսման վտանգ և եղել է ապրիլի երկրորդ կեսից և ամառվա ընթացքում: Իսկ ո՞վ է ասում, որ գարնան վերջին կամ ամառվա ամիսներին պասիվություն է եղել: Ավելին՝ բացի զրահատեխնիկայի, հրետանու կուտակումներից, հակառակորդը առաջին գիծ էր դուրս բերել նաև ուժային տարբեր կառույցների հատուկ նշանակության ստորաբաժանումներին: Ակտիվություն կամ պասիվություն ասվածը միայն սահմանին կրակոցների առկայությամբ չէ պայմանավորված: Ակտիվություն ասվածն իր մեջ ենթադրում է զորքերի ակտիվ տեղաշարժ, կուտակումներ, ինժեներական աշխատանքներ, տարբեր խմբերի՝ հատկապես հատուկ նշանակության ստորաբաժանումների ներկայություն առաջնագծում: Էլ չեմ ասում, որ ակտիվություն ասվածը նաև ենթադրում է քաղաքական հայտարարություններ, քարոզչություն, տեղեկատվական ապահովում և այլն: 

-Ադրբեջանի նախագահն ու պաշտպանությաննախարարը աչքի են ընկնում նաև ագրեսիվհռետորաբանությամբԱյս պայմաններումորքանո՞վ է իրատեսական կանխատեսելորբանակցային գործընթացում դրականտեղաշարժ կարձանագրվի:
-Ի՞նչ դրական տեղաշարժի  մասին է խոսքը, եթե բանակցություն ասվածն առհասարակ բացակայում է: Ադրբեջանի այս պահվածքն արդեն իսկ ձախողման առաջ է կանգնեցնում բանակցությունների վերսկսման հնարավորությունը: Ադրբեջանը բաց տեքստով հայտարարում է, որ այս տարիներին միլիարդներ է ծախսել իր բանակը ուժեղացնելու և տնտեսությունը զարգացնելու ուղղությամբ, որովհետև ժամանակակից աշխարհում հարցերը լուծվում են ոչ թե ճշմարտության, այլ ուժի տեսանկյունից: Չկան բանակցություններ, և Ադրբեջանն էլ այս ուղղությամբ քայլեր չի ձեռնարկում, որովհետև իր համար արդեն որոշել է, որ իր համար լուծման արդյունավետ ճանապարհը ուժի կիրառմամբ անելն է: Մնացած «գեղարվեստական մանրապատումները» իր որոշումը հիմնավորելու փաթեթավորումն են:

Հարցազրույցը՝ Նորայր Շողիկյանի
2018թ. սեպտեմբերի 28-ին Հայաստանի Հանրապետության վարչապետ Նիկոլ Փաշինյանն ու Ադրբեջանի Հանրապետության նախագահ Իլհամ Ալիևը Դուշանբեում կարճ զրույց են ունեցել, որի ընթացքում պայմանավորվածություն է ձեռք բերվել սահմանագծում լարումը նվազեցնելու և միջադեպերը կանխելու վերաբերյալ: Երկու երկրների ղեկավարների հանդիպումից հետո մինչ օրս կողմերի միջև «օպերատիվ կապ» է հաստատվել: Փաշինյան-Ալիև ևս մեկ ոչ պաշտոնական հանդիպում է կայացել նաև դեկտեմբերին՝ Սանկտ Պետերբուրգում ԱՊՀ պետությունների ղեկավարների ոչ պաշտոնական հանդիպման շրջանակում: 2019թ. հունվարի 22-ին ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև Դավոսում տեղի ունեցած մեկ ու կես ժամանոց հանդիպման ընթացքում կողմերը մտքեր են փոխանակել Լեռնային Ղարաբաղի հակամարտության կարգավորման բանակցային գործընթացի ընթացիկ իրավիճակի եւ հետագա քննարկումների մասին։  


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`