Showing posts with label Տավուշի Մարզ. Show all posts
Showing posts with label Տավուշի Մարզ. Show all posts

31/07/2020

«Հանուն հայ զինվորի» ՀԿ-ն և «Նեյտրոն» ԳԱՄ-ը հանուն Տավուշի սահմանապահ 8 գյուղերի


 «Հանուն հայ զինվորի» ՀԿ-ն և «Նեյտրոն» ԳԱՄ-ը համատեղ իրականացնում են բարեգործական ծրագիր՝ նախատեսված Տավուշի մարզի սահմանապահ գյուղերի խաղաղ բնակչությանը ապաստարաններում  անհրաժեշտ իրերով ապահովելուն:  

«Ադրբեջանական կողմը առաջին և վստահաբար վերջին անգամը չէ, որ թիրախավորում է խաղաղ բնակչությանը, այդ պատճառով մեր հերթական ծրագիրն ուղղված է խաղաղ բնակչության անվտանգության մակարդակի բարձրացմանը»,- նշում է «Հանուն հայ զինվորի» ՀԿ նախագահ Դավիթ Թորոսյանը։

 Մասնավորապես Չինարի, Մովսես, Այգեպար, Ներքին Կարմիրաղբյուր, Չորաթան, Արծվաբերդ,  Բերդ և Տավուշ համայնքների ռմբապաստարանների վերակահավորման ծրագրի գնումների ընդհանուր բյուջեն կազմել է 606.000 դրամ, որից 441.071դրամ հանգանակել է «Հանուն հայ զինվորի» ՀԿ-ն և 180.000 դրամ հատկացրել է «Նեյտրոն» ԳԱՄ-ը։

«Մենք մշտապես թարմացնում և համալրում ենք ապաստարաններն անհրաժեշտ իրերով, սակայն մարտական գործողությունները ցույց տվեցին, որ կան որոշակի կարիքներ։ Շարունակելով կարիքների գնահատումը այս պահին կարելի է ասել առաջնային էր լույսի խնդիրը և նաև առաջին բուժօգնության պարագաները։ Ուստի ստացած օգնությունը կարևոր էր, ինչի համար շնորհակալություն ենք հայտնում»,- նշեց Տավուշի մարզի մարզպետի խորհրդական Նիկոլայ Գրիգորյանը։
Գնված պարագաներն այսօր արդեն Տավուշում են, իսկ հատկացումներն ըստ անհրաժեշտության կկատարեն պատկան մարմինները։

Լուսանկարները՝ ստորև։


Լիանա Բրյան







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

23/07/2020

Զինվորական հոսպիտալում մահացել է ծանր վիրավորում ստացած Արթուր Մուրադյանը


Հուլիսի 23-ին ՊՆ կենտրոնական կլինիկական զինվորական հոսպիտալում մահացել է հուլիսի 14-ին ծանր վիրավորում ստացած ժամկետային զինծառայող, շարքային Արթուր Բագրատի Մուրադյանը (ծնված 2001թ., Երևանի թիվ 1 ԶԿ):
Շարքային Արթուր Մուրադյանը ծանր վիրավորում էր ստացել ՀՀ հյուսիսարևելյան ուղղությամբ տեղակայված զորամասերից մեկի պահպանության տեղամասում, տեղափոխվել էր ՊՆ ԿԿԶՀ և գտնվում էր ծայրահեղ ծանր վիճակում: Չնայած զինվորական հոսպիտալի բժիշկների գործադրած ջանքերին, Արթուր Մուրադյանի կյանքը չի հաջողվել փրկել:

ՀՀ պաշտպանության նախարարությունը խորին ցավակցություն և զորակցություն է հայտնում Արթուր Մուրադյանի ընտանիքի անդամներին, հարազատներին և ծառայակիցներին:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

22/07/2020

Իրադրությունը հայ-ադրբեջանական սահմանի տարբեր հատվածներում


«Հայ-ադրբեջանական սահմանին հուլիսի 21-ի լույս 22-ի գիշերը, ինչպես նաև այս պահին, պահպանվել է հարաբերական անդորր։

Հակառակորդը սահմանի առանձին հատվածներում հրաձգային զինատեսակներից խախտել է կրակի դադարեցման ռեժիմը 7 անգամ` հայկական դիրքերի ուղղությամբ արձակելով շուրջ 20 կրակոց:

Ջիլ ուղղությամբ տեղակայված մարտական դիրքեր, մեկ անգամ։

Այգեպար ուղղությամբ տեղակայված մարտական դիրքեր, երկու անգամ:

Չափնի ուղղությամբ տեղակայված մարտական դիրքեր, մեկ անգամ:

Պարույր Սևակ, Երասխ, Զանգակատուն ուղղությամբ տեղակայված մարտական դիրքեր, ընդհանուր` 3 անգամ»,- գրել է ՀՀ ՊՆ մամուլի քարտուղար Շուշան Ստեփանյանը։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/07/2020

Հայկական ԶՈւ ստորաբաժանումը հետ է մղել հակառակորդի գրոհը` պատճառելով զգալի կորուստներ. Շուշան Ստեփանյան


«Այսօր ժամը 22:30-ին «Անվախ» դիրքի ուղղությամբ հակառակորդի հատուկ նշանակության ստորաբաժանումը ձեռնարկել է հերթական հարձակումը: Հայկական ԶՈւ ստորաբաժանումը հետ է մղել հակառակորդի գրոհը` պատճառելով զգալի կորուստներ: 

Ըստ նախնական տվյալների` հակառակորդի հատուկ նշանակայինները բացի կորուստներից ունեն նաև ծուղակում մնացած զինծառայողներ:
Հայկական կողմը կորուստներ չունի»,- գրել է ՀՀ ՊՆ մամուլի քարտուղար Շուշան Ստեփանյանը։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

20/07/2020

Տեսանյութ առաջնագծից․ զինվորները հրաժարվում են զորացրվել, քանի դեռ հաստատված չէ խաղաղություն

Այսօր Banak.info ռազմական մասնագիտացված կայքին են դիմել և տեսանյութ տրամադրել ՀՀ ԶՈւ զինծառայողներ, ովքեր հուլիսի 12ից ներգրավված են հայ-ադրբեջանական սահմանի Տավուշի հատվածում տեղի ունեցող ակտիվ ռազմական գործողություններին։ Զինվորները հրաժարվում են զորացրվել, քանի դեռ գործողությունները վերջնական չեն դադարել և հաստատված չէ խաղաղություն։ Տեսանյութը՝ ստորև։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

Լուսանկար հայ-ադրբեջանական սահմանին խոցված ադրբեջանական ԱԹՍ-ից


Banak.info  ռազմական մասանգիտացված կայքի ձեռքի տակ է հայտնվել հայ-ադրբեջանական սահմանին ՀՀ ԶՈւ-երի կողմից խոցված ադրբեջանական ԱԹՍ-ի լուսանկարը, որը ներկայացնում ենք ստորև․








Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

19/07/2020

Ամփոփ սահմանային իրավիճակի, համայնքներում տարվող աշխատանքների մասին

‼️Անցնող գիշերը սահմանին եղել է համեմատաբար հանգիստ, մոտավորապես 70 անգամ է խախտվել հրադադարի ռեժիմը, հիմնականում կիրառվել են հրաձգային զենքեր՝ ոչ մեծ տրամաչափի: ՀՀ զինված ուժերը լիովին վերահսկում են իրավիճակը:

‼️Մովսեսի եկեղեցում պսակադրության արարողության է եղել, կյանքը շարունակվում է և մարդիկ ապրում են իրենց բնականոն կյանքով:

Համայնքներում  լիարժեք վերադարձել են գյուղատնտեսական աշխատանքներին։ 

‼️Ուսումնասիրություններ են կատարվել շինարարական-վերականգնողական աշխատանքների վայրերում, աշխատանքներն ընթանում են բուռն կերպով: Գնահատման աշխատանքները նույնպես շարունակվում են, շուտով կունենանք վերջնական գնահատական: 

Ուսումնասիրվել են քաղպաշտպանության բոլոր օբյեկտները։

‼️Մինչև սեպտեմբերի 1-ը   սահմանապահ բոլոր համայնքների դպրոցներում պետք է  պատշաճ պատրաստվածություն լինի ապաստարանների տեսանկյունից, որպեսզի ռազմական իրավիճակների սրման կամ հրետակոծության ժամանակ  երեխաների անվտանգությունն ամբողջությամբ ապահովված լինի։ 
Նախատեսվում են նաև ապաստարանային նոր տարածքների ստեղծում դպրոցներում և դպրոցներին կից:

Կրթական հաստատությունների ապաստարանների հարցը դիտարկվում են նաև որպես քաղաքացիական պաշտպանության օբյեկտ։

Այս օրերին  հակառակորդը թիրախավորել է նաև  կրթական հաստատությունները. մի շարք համայնքներում վնասվել են  մանակապրեզներ եւ դպրոցներ։ Այս կապակցությամբ ԿԳՄՍ նախարարությունը դիմումներ է ուղարկել միջազգային կազմակերպություններին, մասնավորապես ՅՈՒՆԵՍԿՈ-ի գլխավոր տնօրեն տիկին Նազուլեին։


Նյութը՝  Հայկական միասնական տեղեկատվական կենտրոն-ի ֆեյսբուքյան էջից


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

Հայ-ադրբեջանական սահմանին պահպանվում է հարաբերական անդորր



«Հայ-ադրբեջանական սահմանին հուլիսի 18-ի լույս 19-ի գիշերը, ինչպես նաև այս պահին, պահպանվել է հարաբերական անդորր։ 

Հակառակորդը սահմանի առանձին հատվածներում հրաձգային զինատեսակներից արձակել է շուրջ 70 կրակոց։

ՀՀ ԶՈՒ ստորաբաժանումներն առաջնագծի ողջ երկայնքով աչալրջորեն վերահսկում են հակառակորդին»,- գրել է ՀՀ ՊՆ մամուլի քարտուղար Շուշան Ստեփանյանը։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

18/07/2020

Ադրբեջանական «փառապանծ» բանակը արդյունավետ չի գործում


 Եթե դիտարկենք վերջին օրերին ադրբեջանական կողմի զինտեխնիկան կիրառման տեսանկյունից, ապա կտեսնենք, որ բավական հաճախ կիրառվում են ԱԹՍ-ներ՝ մահապարտ և հետախուզական: Հայկական ԶՈՒ-ն արդեն ոչնչացրել է հակառակորդի 14 ԱԹՍ, որից մեկը ՊԲ-ն: 
 «Անզեն աչքով էլ երևում է, որ ամբողջ աշխարհում բավականին մեծ գլխացավանք հանդիսացող ԱԹՍ-ների դեմ հայկական զինված ուժերը՝ թե ԱՀ ՊԲ-ն, թե ՀՀ ԶՈՒ-ն լավ են պայքարում»,- այսօր տեղեկատվական կենտրոնում կայացած ճեպազրույցի ժամանակ հաստատեց Արծրուն Հովհաննիսյանը:
 Ադրբեջանական «փառապանծ» բանակը, որի մասին շատ էին սիրում խոսել իրենց նախգահն ու պաշտպանության նախարարը, ցույց տվեց որ իրենց զորատեսակներից ոչ մեկն ըստ էության բարձր մարտունակություն ու արդյունավետություն չեն դրսևորել, անգամ հատուկ նշանակության զորքերը: Այս պարագայում հակառակորդի համար երևի թե լավագույն միջոցը ԱԹՍ-ների կիրառումն էր: 
 «ԱԹՍ-ները բավականին թանկ են ու հիմնականում ձեռք են բերվում Իսրայելից: Սակայն ինչպես տեսնում ենք մեծ արդյունք չեն տալիս և այս թանկ զինտեխնիկան ձեռք բերելու համար գումարը վերցնում են ադրբեջանցի հասարակ ժողովրդի չափաբաժնից և ծախսում այդ ուղղությամբ»,- ասաց Արծրուն Հովհաննիսյանը:
 Հակառակորդի մարտական քայլերն ըստ էության կանխագուշակել հնարավոր է. հաճախ մեկ, երկու օր տևած մարտերից հետո կարծես հակառակորդի մասնագիտական որակներն սպառվում են և միշտ դիմում են գործընկերներին՝ Թուրքիայից ինքնաթիռ եկավ, իսկ ավելի ուշ մեդիայում տեղեկություններ հայտնվեցին, որ իսրայելական մասնագետներ են ժամանել Բաքու: 


Լիանա Բրյան



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Բացառիկ լուսանկարներ. հակառակորդը խոցված զրահատեխնիկան է տեղափոխում [3տանկ=1 հրշեջ մեքենա]

Banak.info մասնագիտացված կայքի տրամադրության տակ են հայտնվել բացառիկ փաստեր (լուսանկարներ), որտեղ երևում է՝ ինչպես է ադրբեջանական կողմը շուրջ վեցօրյա մարտերից հետո տեղափոխում իր խոցված զրահատեխնիկան՝ մասնավորապես 3 միավոր տանկ: 
Հիշեցնենք որ մինչ այժմ կողմերի ցամաքային զրահատեխնիկայի հաստատված կորուստներն են Հայաստան՝ մեկ հրշեջ մեքենա (1973 թվականի), Ադրբեջան՝ 3 տանկ: 
Լուսանկարները՝ ստորև:







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

Հայ-ադրբեջանական սահմանին պահպանվել է հարաբերական անդորր. Շուշան Ստեփանյան

«Հայ-ադրբեջանական պետական սահմանին գիշերվանից մինչ այս պահը պահպանվել է հարաբերական անդորր։

Ադրբեջանի ԶՈՒ-ն հրաձգային զենքերից ոչ նպատակային կրակ են վարել Մովսես, Զանգակատուն, Խնձորուտ գյուղերի շրջանում տեղակայված մեր դիրքերի ուղղությամբ»,- գրել է ՀՀ ՊՆ մամուլի քարտուղար Շուշան Ստեփանյանը։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

17/07/2020

Հուլիսի 17-ին սահմանային լարումներ չեն արձանագրվել


«Ամբողջ օրը օպերատիվ իրավիճակն առաջնագծում  եղել է հանգիստ, քիչ են եղել կրակոցները: Կրակոցներ եղել են միայն հրաձգային զենքերից»,-  այս մասին լրագրողների հետ ճեպազրույցի ընթացքում հայտնեց Արծրուն Հովհաննիսյանը, ապա հավելոց, որ այսօր այցելել է զորամասերից մեկը. 
 «Զորքերի և հրամանատարության մարտական ոգին բարձր է, լիովին տիրապետում են իրավիճակին։ Մենք տեսնում ենք հակառակորդի բոլոր ոտնձգությունները, շարժերը ու եթե կատարվի որևէ սադրանք, ապա կստանան արժանի հակահարված»:

 Արծրուն Հովհաննիսյանը նշեց, որ վերջին օրերի սահմանային լարումները չեն ազդել զորակոչի և զորացրման վրա. այդ գործընթացն իրականացվում է բնականոն հունով ու մտահոգությունների տեղիք չկա:
Հայ-ռուսական համատեղ  զորախմբի կիրառմանն  անդրադառնալով՝ Արծրուն Հովհաննիսյանն ասաց, որ զորախումբն ունի իր գործողություններին համապատասխան պլանը, թատերաբեմը, ուղղությունը. «ՀՀ ԶՈՒ-երը ընթացող մարտական գործողությունների ծավալի, բնույթի և այլ հարցերով լիովին բավարար են, ինքնաբավ են և կարող են ինքնուրույն կատարել իրենց առջև դրված խնդիրը»:
Տավուշի մարզպետ Հայկ Չոբանյանը, որն այսօր շրջայց է կատարել գյուղերում, փաստեց, որ օրն իրոք խաղաղ է անցել.
  «Բնակիչներն ասում էին արդյոք չենք շտապում վերանորոգել տները, բա որ էլի հրետակոծություններ լինեն և այլն, իմ պատասխանը հետևյալն է եղել՝ ո՛չ, մենք պետք է անմիջապես անցնենք վերականգնողական աշխատանքների: Մեր քաղաքացիները պիտի իմանան, որ քաղաքակիրթ վիճակն իրենց արժանի վիճակ է: Սահմանին ապրող մարդը պիտի առավելություններ ունենա»։


Լիանա Բրյան
 Իննա Թումանյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Այս պահին պահպանվում է հարաբերական կայուն իրադրությունը. Շուշան Ստեփանյան


«Հայ-ադրբեջանական պետական սահմանագոտու հյուսիսարևելյան հատվածում այս պահին պահպանվում է հարաբերական կայուն իրադրություն։

Իրավիճակն ամբողջությամբ մեր Բանակային կորպուսի ուժերի վերահսկողության ներքո է»,- գրել է ՀՀ ՊՆ մամուլի քարտուղար Շուշան Ստեփանյանը։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հավելում վիրավորների մասին


Մինչ այսօր վիրավորվել է 36 մարդ, որոնցից մեծ մասի համար բժշկական միջամտության անհրաժեշտ չի եղել: Զինվորներն արագ վերադարձել են շարք: 20 զինծառայողի քիչ թե շատ բժշկական օգնություն է ցույց տրվել, որից  10-ը շարունակում են բուժվել: 10-ից 5-ի վիճակը բարդ է, մեկինը՝ ծայրահեղ ծանր։


Նյութը՝ Հայկական միասնական տեղեկատվական կենտրոն-ի ֆեյսբուքյան էջից։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հուլիսի 16-ի լույս 17-ին սահմանային լարումը նվազել է


 Վաղ առավոտյան ՀՀ ՊՆ մամուլի խոսնակ Շուշան Ստեփանյանն իր ֆեյսբուքյան էջում հայտնեց, որ գիշերվա ընթացքում շփման գծում պահպանվել է հարաբերական անդորր։ Հակառակորդը սահմանի բոլոր ուղղություններով կիրառել է միայն տարբեր տրամաչափի հրաձգային զենքեր։
Ավելի ուշ Իջևանում ստեղծված ճգնաժամային տեղեկատվական կենտրոնում ճեպազրույցի ընթացքում Արծրուն Հովհաննիսյանը հայտնեց, որ կրակոցներ են եղել ոչ միայն մարտական գործողությունների բուն հատվածում, այլև Նոյեմբերյանի, Գեղարքունիքի մարզի, 2-րդ, 4-րդ, 5-րդ բանակային կորպուսների պահպանության տեղամասերի ուղղությամբ։
Վիրավորների վիճակը շարունակում է մնալ նույնը, մեկինը՝ ծայրահեղ ծանր։ Իսկ վիրավորում ստացած քաղաքացու վիճակը կայուն է։
Արցախում ևս նույն իրավիճակն է եղել, կրակել են հրաձգային զենքերից, կիրառվել են նաև մեծ տրամաչափի գնդացիրներ, բայց ըստ էության լարվածություն չկա։


Լիանա Բրյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Գիշերվա ընթացքում շփման գծում պահպանվել է հարաբերական անդորր. Շուշան Ստեփանյան

«Գիշերվա ընթացքում շփման գծում պահպանվել է հարաբերական անդորր։

Հակառակորդը սահմանի բոլոր ուղղություններով կիրառել է միայն տարբեր տրամաչափի հրաձգային զենքեր։

ՀՀ ԶՈՒ-ն վստահորեն վերահսկում են սահմանային իրավիճակը սահմանագոտու ամբողջ երկայնքով»,- գրել է ՀՀ ՊՆ մամուլի քարտուղար Շուշան Ստեփանյանը։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

16/07/2020

ՀՀ ԱԳՆ հայտարարությունը Ադրբեջանի ՊՆ կողմից Մեծամորի Հայկական ատոմային էլեկտրակայանի հրթիռակոծման վերաբերյալ սպառնալիքի առնչությամբ



Ադրբեջանի պաշտպանության նախարարության հնչեցրած սպառնալիքը հրթիռակոծելու Մեծամորի Հայկական ատոմային էլեկտրակայանը վկայում է Ադրբեջանի ռազմաքաղաքական ղեկավարության հուսահատության մակարդակի և մտքի ճգնաժամի մասին: 

Այն գործողությունները, որոնցով սպառնում է Ադրբեջանի ՊՆ-ն, հանդիսանում են  ընդհանուր առմամբ միջազգային հումանիտար իրավունքի և, մասնավորապես, Ժնևյան կոնվենցիայի առաջին լրացուցիչ արձանագրության աղաղակող խախտում: Նմանօրինակ սպառնալիքները  պետական ահաբեկչության ուղղակի դրսևորում են և արտահայտում են Ադրբեջանի ցեղասպան մտադրությունները: 
Ավելին, Ադրբեջանի ղեկավարությունը նման հայտարարություններով հանդես է գալիս որպես սպառնալիք տարածաշրջանի բոլոր ժողովուրդների, այդ թվում՝ սեփական ժողովրդի համար:
Խստորեն դատապարտում ենք Ադրբեջանի հնչեցրած միջուկային սպառնալիքները, որոնք վկայում են միջազգային հանրության այդ անդամի ողջամտության և պատասխանատվության բացարձակ բացակայության մասին:
Ադրբեջանը պետք է օր առաջ հրապարակայնորեն հրաժարվի այս սպառնալիքներից:



Նյութը՝ ՀՀ ԱԳՆ պաշտոնական կայքի 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Երևանի քաղաքապետարանը կզբաղվի Այգեպարի մանկապարտեզի վերանորոգման հարցով. օրվա վերջին ճեպազրույցը

2016 թվականին ևս բավական հաճախ կիրառվել են ԱԹՍ-ներ, որոնք առաջին անգամ էին լայն կիրառում ստացել, այդ իսկ պատճառով կան տվյալներ, որ թռիչքներ իրականացրել են նաև արտադրող ընկերության ինստրուկտորները և կարծես թե առաջին անգամ կիրառվեց Հերմես 900: Ճգնաժամային տեղեկատվական կենտրոնի այսօրվա ճեպազրույցի ընթացքում Banak.info-ի հարցին, թե հավանական է,  որ կարող են այդ թռիչքն իրականացրած լինել արտադրող ընկերության ինստրուկտորները, Արծրուն Հովհաննիսյանը պատասխանեց, որ մենք հստակ ապացույցներ չունենք, սակայն ոչինչ բացառվել չի կարող. «Ամեն ինչ հնարավոր է, որովհետև այնուամենայնիվ ադրբեջանական ԶՈՒ-երի կիրառած զինատեսակների և արդյունքների համադրություն եթե կատարենք, չէի ասի փայլուն են ԱԹՍ-ների կիրառությունը ադրբեջանական ԶՈՒ-երի կողմից, բայց եթե համեմատենք իրենց այլ զորատեսակներիի հետ, որակական որոշակի փոփոխություն ի օգուտ ԱԹՍ-ների է և ոչինչ իրոք չի կարելի բացառել»,- ասաց նա ու հավելեց, որ ժամանակի ընթացքում մենք ունեցել ենք փաստեր, ապացույցներ, որ դրսի մասնագետներն են շահագործել ԱԹՍ-ները. «Միգուցե պետք է ուսումնասիրել այս հարցը»։ 
Տավուշի մարզպետ Հայկ Չոբանյանի խոսքով, ըստ էության կարողացել են ապահովել գրեթե տոտալ պատսպարում և՛ ապաստարաններում, և՛ նկուղներում, և՛ ընդհանրապես փակ տարածքներում. «Քաղպաշտպանության համակարգի աշխատանքը ես բավականին դրական եմ գնահատում, սակայն միաժամանակ մենք ունենք բավականին մեծ բացեր, որոնք լրացրել ենք նաև այսօր: 
Ըստ մարզպետի հայտնած տեղեկության, այսօր որոշ գործընկերների աջակցությամբ իրականացվել է  ապաստարանային միջոցների համալրում. «Դրանք ծածկոցներ են, ջրի ապահովման հնարավորություններ են  ապաստարաններում, լապտերներ են, որոնք հնարավորություն կտան ավելի վատ պայմաններում, գիշերային պայմաններում ունենալ բավարար վիճակ մարդկանց պատսպարելու համար»:
Ասուլիսի ժամանակ Հայկ Չոբանյանը նաև նշեց, որ Երևանի քաղաքապետարանը հանձն է առել Այգեպարի մանկապարտեզի վերանորոգմանը։


Լիանա Բրյան, Իննա Թումանյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ճգնաժամային տեղեկատվական կենտրոնում ամփոփվեց սահմանային այսօրվա իրավիճակը

«Կեսօրից հետո ըստ էության Բերդի տարածաշրջանում կիրառել են մարտական, հարվածային անօդաչու թռչող սարքեր»,-  այս մասին լրագրողների հետ ճեպազրույցի ընթացքում՝ առաջնագծի օպերատիվ իրավիճակը ներկայացնելիս, հայտնեց Արծրուն Հովհաննիսյանը, ապա հավելեց, որ հարվածներից մեկով վիրավորվել է քաղաքացիական բնակիչ, որից հետո մեքենայով օգնության են հասել ԱԻՆ աշխատակիցները, իսկ մյուս հարվածը հասել է ԱԻՆ ավտոմեքենային, բայց բարեբախտաբար աշխատակիցները չեն տուժել: Այլ տուժածներ չկան:
Ըստ Արծրուն Հովհաննիսյանի, օրվա ընթացքում հայկական ԶՈՒ-երը թույլ են տվել ադրբեջանական ԶՈՒ-երի ներկայացուցիչներին, որ նախօրեի գիշերը  իրենց ունեցած կորուստներից մնացած դիակները դուրս հանեն տարածքից. «Այս մասին ՊՆ-ն պաշտոնապես էլ հայտարարեց, հստակ նշումներով լուսանկարներ ցուցադրվեցին: Հարկ է նշել, որ սա միակ տարածքը չէր, այդպիսի տարածքներ էլի կան, որտեղ ադրբեջանական ԶՈՒ-երի զինծառայողների դիակներ կան»,- ասաց Հովհաննիսյանն ու հավելեց, որ ադրբեջանական մամուլն այս մասով կեղծիքներ տարածեց և առաջացել է զավեշտալի հակասություն. «Եթե այդ տարածքները իրենց տարածքում էին, ապա ինչու  էին մնացել  այդքան ժամանակ, կամ ինչպես էին մեր վերահսկողության տակ և պետք էր մեր կողմից թույատվություն կամ կրակի դադարեցում, որպեսզի այդ դիակները հանվեն»:
Ըստ Հովհաննիսյանի, օրվա ընթացքում ադրբեջանական քարոզչությունը փայլեց հերթական գլուխգործոցով. «Պաշտոնապես Ադրբեջանի ՊՆ կողմից, ի պատասխան մեր հայկական տիրույթում տարբեր մասնավոր, անհատ մարդկանց հայտարարություններին՝ հարվածներ հասցնելու Ադրբեջանի տարբեր ռազմավարական օբյեկտներին, պաշտոնապես հայտարարվեց Մեծամորի ատոմակայանին հարվածելու մասին, որևէ պաշտոնական հաղորդագրություն կամ հայտարարություն ՀՀ ԶՈՒ-երի մարմինների կողմից չի եղել, որևէ քաղաքացիական, ռազմավարական կամ ոչ ռազմավարական օբյեկտի հարվածելու մասին: Ավելին ես հայտարարեցի, որ նույնիսկ ադրբեջանական գյուղերում որևէ տուն չի թիրախավորվում մեր ԶՈՒ-երի կողմից»:


Լիանա Բրյան
 Իննա Թումանյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

Միջդիրքային հատվածից հանվել են ադրբեջանական կողմի դիակները

«Ի շարունակություն Ադրբեջանի ԶՈւ կորուստների մասին առավոտյան արված հայտարարության, ինչպես նաև` միջդիրքային տարածությունից հայկական կողմի թույտվությամբ զոհերի տարհանման մասին հաղորդագրության»,- գրել է ՀՀ ՊՆ մամուլի քարտուղար Շուշան Ստեփանյանը։







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`