Showing posts with label Վազգեն Սարգսյան Ռազմական համալսարան. Show all posts
Showing posts with label Վազգեն Սարգսյան Ռազմական համալսարան. Show all posts

02/07/2020

«Չեմ սիրում մնալ թիկունքում». Վ. Սարգսյանի անվան ռազմական համալսարանը սպասում է իր նոր կուրսանտներին

Վազգեն Սարգսյանի անվան ռազմական համալսարանում ամեն ուսումնական տարի՝ ժամանակի մարտահրավերներին զուգընթաց թարմացվում են ուսումնական ծրագրերը: Կուրսանտները համալրում են բանակի շարքերը ոչ միայն ֆիզիկական բարձր պատրաստվածությամբ, այլև ռազմական հարուստ գիտելիքներով: Մանրամասները՝ տեսանյութում։

Լիանա Բրյան





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

20/05/2020

Ոլորտում մեծ անելիքներ ունենք. Արծրուն Հովհաննիսյան

 Պարոն Հովհաննիսյան, ինչպե՞ս ընդունեցիք մամուլի խոսնակից Հրամանատարաշտաբային ֆակուլտետի պետ անցնելու որոշում-հրամանը: Կա՞ր ցանկություն, թե՞ հրամանները չեն քննարկվում:
 Նախ հրամանները չեն քննարկվում, բայց ես առնվազն 2 տարի մեծ ցանկություն ունեի անցնել ռազմակրթական ոլորտ, այնպես որ մեծ սիրով ընդունեցի:

Ինչպիսի՞ զգացողություններ ունեցաք մոտ 20 տարի անց համալսարան վերադառնալով:
Շատ հետաքրքիր, հակասական զգացողություններ ունեցա, որովհետև սա ինձ համար Մայր ռազմական բուհն է, որը ես ավարտել եմ 2001 թվականին: Մի կողմից հիշողություններ, մյուս կողմից հպարտություն, որովհետև տարիների ընթացքում հսկայական բան է փոխվել այստեղ: Միջավայրը հարազատ է, քանի որ դեռ կան դասախոսներ, որոնք ինձ են դասավանդել կուրսանտական տարիներին, կան մարդիկ, որոնց հետ մենք սկսել ենք հրամանատար- ենթակա հարաբերություններով, իսկ այսօր գործընկերներ ենք: Այնպես որ ինձ համար շատ նոր ծրագրերով, ցանկություններով լեցուն միջավայր է:

Իսկ ապագայում ի՞նչ պլաններ կան ռազմական կրթության բարեփոխումների հետ կապված:
Ռազմակրթական բարեփոխումները շատ լայն են, որովհետև մի կողմից մենք մեր բանակի, զինված ուժերի ստեղծման հետ զուգահեռ,  ստեղծում ենք սեփական ռազմագիտական դպրոց, մյուս կողմից էլ ամբողջ աշխարհում ռազմական կրթությունը զարգանում է, ծնվում են նոր լուծումներ, նոր մոտեցումներ։ Մենք բոլորովին վերջերս ենք ամբողջացրել  ռազմական կրթության աստիճանավորումը, այսինքն՝ բոլոր աստիճանի ռազմակրթական արտադրությունները արդեն Հայաստանում, հետևաբար անելիքներ շատ կան, դրանք բովանդակային հագեցնելու, մասնագիտական բարձր  որակի  բարձրացնելու, ինչպես նաև  համաշխարհային միտումների հետ համապատասխանեցնելու համար:

Իսկ կա՞ն կոնկրետ առարկայական ծրագրեր:
 Մենք ուզում ենք հայկական ռազմական կրթության բոլոր օղակները, որոնք տարիների ընթացքում ստեղծվեցին, ավագ դպրոցից հասնելով մինչև ակադեմիական բարձր դասընթացների, եզրափակենք ռազմական գիտությունների խորհրդով: Բացի այդ նպատակներ կան խորացնելու մագիստրոսական ծրագրերը, կոնկրետ Հրամանատարաշտաբային ֆակուլտետի ունկնդիրների գիտելիքները: Հետաքրքիր ծրագրեր ունենք նաև 16 շաբաթյա, 24 շաբաթյա դասընթացների մասով: Նախագծեր շատ կան, որոնք բոլորն էլ միտված են ռազմական կրթության բարելավմանը:

Այստեղ շատ կան նաև մարտական գործողությունների մասնակիցներ, կամ այսպես ասած տեսականը գեներացնողներ: Ինչպիսի՞ հակասություններ կամ բանավեճեր են ծավալվում պրակտիկայի և տեսության մեջ:
Այո, ընդհանուր առմամբ դա միայն մեզ չի վերաբերում, դա համաշխարհային թրենդ է: Հիմնականում Սառը պատերազմի ժամանակվա ռազմական գիտության, տեսության վերանայման ակտուալ խնդիրներ կան, որը մեզ մոտ շատ դեպքերում բարձրացնում են հենց խրամատներից եկածները, որոնք տեսել են առօրյա բարդ ծառայություն, պատերազմ, մարտական գործողություններ: Եվ շատ հաճախ դասախոսները, տեսաբանները, ովքեր սրա վրա աշխատում են պիտի մշտապես մասնակցեն սեմինարների, բանավեճերի, մրցապայքարի մեջ լինեն, որպեսզի ծնվի այդ վերջնական ժամանակակից ռազմական գիտությունը: Բայց պետք է ասեմ, որ  սա ամբողջ աշխարհում ևս վերջնական տեսքի չի եկել, անցումային փուլում ենք գտնվում: Իսկ մենք, քանի որ կիսապատերազմող պետություն ենք, մենք ինքներս ապրում ենք այս պրոցեսը:
Դասապրոցեսի ժամանակ կուրսանտները երբեմն դասախոսին կանգնեցնում են հստակ փաստի առաջ, որ մարտավարական, տեսական ինչ-որ հին լուծումներ այլևս չեն համապատասխանում նոր մարտահրավերներին, և դու ստիպված ես լինում միշտ պրպտել, մտածել, ինչը ամբողջ աշխարհում առարկայական նշանակություն ունի ռազմական կրթության և ընդհանրապես գիտության ու կրթության մեջ:


Դավիթ Թորոսյան, Լիանա Բրյան 



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: Տեղեկացրու՛ ընկերներիդ`

Ողբերգական պատահարի զոհը և ծանր վիրավորները սպաներ են, ՀՀ ՊՆ Վ. Սարգսյանի անվան ռազմական համալսարանի դասախոսներ

Ինչպես ավելի վաղ հայտնել էինք, Էջմիածնի Զվարթնոց թաղամասի «Բիշարյան» կահույքի սրահի մոտակայքում այրվել է «Մազդա» մակնիշի ավտոմեքենա, որի հետևանքով, ըստ նախնական տվյալների, կա մեկ զոհ և 3 տուժած։
Ավելի ուշ պարզ դարձավ, որ մահացածը ՀՀ ՊՆ Վազգեն Սարգսյանի անվան ռազմական համալսարանի հրետանու ֆակուլտետի ավագ դասախոս, 57-ամյա փոխգնդապետ Հովիկ Քոսակյանն է (լուսանկարում՝ ձախից առաջինը), իսկ վիրավորները՝ ՀՀ ՊՆ Վազգեն Սարգսյանի անվան ռազմական համալսարանի դասախոս, 58-ամյա Աշոտ Շեկիկյանը (լուսանկարում՝ աջից առաջինը), ՀՀ ՊՆ Վազգեն Սարգսյանի անվան ռազմական համալսարանի դասախոս, պահեստազորի գնդապետ, 57-ամյա Պավել Թոփչյանը (լուսանկարում՝ կենտրում) և 36-ամյա Գևորգ Հարությունյանը:
Հրշեջ-փրկարարները այրվող կրակը մարելուց հետո գրեթե ամբողջովին մոխրակույտի վերածված ավտոմեքենայում հայտնաբերել են փոխգնդապետ Հովիկ Քոսակյանի մոխրացած դին:
Ճակատագրի բերմամբ՝ փոխգնդապետ, ՀՀ ՊՆ Վազգեն Սարգսյանի անվան ռազմական համալսարանի հրետանու ֆակուլտետի ավագ դասախոս Հովիկ Քոսակյանը (ողբերգական պատահարի ժամանակ զոհված սպան), ՀՀ ՊՆ Վազգեն Սարգսյանի անվան ռազմական համալսարանի դասախոս, պահեստազորի գնդապետ  Պավել Թոփչյանը (ողբերգական պատահարի ժամանակ ծանր վիրավորված սպան) և պահեստազորի փոխգնդապետ, հրետանավոր, ՀՀ ՊՆ Վազգեն Սարգսյանի անվան ռազմական համալսարանի դասախոս Աշոտ Շեկիկյանը (ողբերգական պատահարի ժամանակ ծանր վիրավորված մյուս սպան) 2020 թ. հունվարի 28-ին, Բանակի օրվան նվիրված տոնակատարությունների շրջանակներում այցելել էին Yerkir.am-ի խմբագրություն և երեքով միասին ներկայացրել իրենց անցած մարտական փառավոր ուղին, ներկայացրել ջերմ և անմոռաց հիշողություններ Արցախյան ազատամարտից, Հայոց բանակի կազմավորման դժվարին շրջանից…
Ի դեպ, ինչպես հատուկ է զինվորականներից շատերին, և՛ Քոսակյանը, և՛ Թոփչյանը, և՛ Շեկիկյանը երբեք հանդես չեն եկել զանգվածային լրատվամիջոցներով, և Yerkir.am-ին հանձնած ծավալուն հիշողությունները նրանց առաջին, իսկ փոխգնդապետ Քոսակյանի պարագայում, ցավոք, վերջին հարցազրույցն էր:  
Սպաների՝ Բանակի օրվա առիթով նշյալ հիշողությունները ներկայացնող հրապարակումը և տեսանյութը՝ այստեղ:


Նյութը՝ Yerkir.am  կայքի



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հակառակորդի մեքենայի դարանակալում, արգելագոտու հաղթահարում և հրետանային ուսումնական վարժանքներ Վ.Սարգսյանի անվան ռազմական համալսարանում (ֆոտոռեպորտաժ)

 Մայիսի 19-ին ՀՀ պաշտպանության նախարարությունը կազմակերպել էր լրատվամիջոցների ներկայացուցիչների այցելություն ՀՀ ՊՆ Վ. Սարգսյանի անվան ռազմական համալսարան: Այցելության ընթացքում լրատվամիջոցների ներկայացուցիչները հնարավորություն են ունեցել ծանոթանալ համալսարանի տեսական և գործնական դասընթացներին, կուրսանտների մարզումներին: Լրագրողները հետևել են նաև հրետանավորների դաշտային պարապմունքներին, ռազմերթին:  Ստորև Ձեզ ենք ներկայացնում ֆոտոռեպորտաժ Վազգեն Սարգսյանի անվան ռազմական համալսարանից։



















Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: Տեղեկացրու՛ ընկերներիդ`

28/02/2020

Ճանաչողական այց Ռազմական համալսարան


Փետրվարի 27-ին ՀՀ ՊՆ Վ. Սարգսյանի անվան ռազմական համալսարան են այցելել «Տիգրան մեծ» ռազմամարզական հատուկ վարժարանի սաները: 
Պատանիները ծանոթացել են Ռազմական համալսարանի առօրյային, ուսումնական-կրթական պայմաներին, հանդիպումներ ունեցել կրթօջախի ղեկավարության,  կուրսանտների ու սպաների հետ:







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

25/12/2019

Ռազմական համալսարանում անցկացվել է գիտական կոնֆերանս


Դեկտեմբերի 23-ից 24-ը ՀՀ ՊՆ Վ. Սարգսյանի անվան ռազմական համալսարանում անցկացվել է կրթօջախի կազմավորման 25-րդ տարեդարձին նվիրված գիտական կոնֆերանս՝ «Ռազմական համալսարանի գիտական և ուսումնական գործընթացում 25 տարվա նվաճումներ և զարգացման հեռանկարները» խորագրով:
Զեկուցումներով հանդես են եկել Ռազմական համալսարանի, Պաշտպանական ազգային հետազոտական համալսարանի, Երևանի պետական համալսարանի, Հայաստանի ֆիզիկական կուլտուրայի և սպորտի պետական ինստիտուտի, ՀՀ  ՊՆ և ԶՈՒ   ներկայացուցիչներ:
Քննարկվել են Հայաստանի արդի մարտահրավերներն ու ռազմական սպառնալիքները, առաջարկվել պաշտպանական համակարգի, ռազմական գիտության և կրթության զարգացմանը միտված արդյունավետ լուծումներ, զինված ուժերի կիրառման, զարգացման և առաջավոր փորձի ներդրման ուղիներ:
Կոնֆերանսի մասնակիցներին հանձնվել են հավաստագրեր, լավագույն ելույթներով հանդես եկած զեկուցողները խրախուսվել են պատվոգրերով:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

28/11/2019

Անվտանգության օր Ռազմական համալսարանում


ՀՀ ՊՆ Վ.Սարգսյանի անվան ռազմական համալսարանում անցկացվել են զինվորական ծառայության անվտանգության համալիր տեսական և գործնական պարապմունքներ: 
Համալսարանի անձնակազմը ծանոթացել է ամենօրյա գործունեության ընթացքում հնարավոր վտանգավոր գործոններին, հակահրդեհային և զենք-զինամթերքի օգտագործման անվտանգության ապահովման պայմաններին:








Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

26/11/2019

Ռազմական համալսարանում մեկնարկել են վերապատրաստման դասընթացներ


ՀՀ ՊՆ Վ. Սարգսյանի անվան ռազմական համալսարանում նոյեմբերի 25-ին մեկնարկել են վերապատրաստման մեկշաբաթյա հերթական դասընթացները:
Դասընթացների անցկացման նպատակն է զարգացնել ԶՈՒ սպայական պաշտոնների նշանակված զինծառայողների ռազմամասնագիտական տեսական գիտելիքները և գործնական հմտությունները:
Մեկշաբաթյա դասընթացներն ավարտվելու են համալիր ստուգարք-թեստավորմամբ:




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/11/2019

Անցկացվել է ռազմաուսումնական հաստատությունների ներկայացուցիչների վերապատրաստման դասընթացի հերթական փուլը


ՀՀ պաշտպանության նախարարության և ՆԱՏՕ-ի «Պաշտպանական կրթության զարգացման ծրագրի» 2019թ. համագործակցության պլանի համաձայն՝ նոյեմբերի 18-ից 21-ը ՀՀ ՊՆ Վ. Սարգսյանի անվան ռազմական համալսարանի հրամանատարաշտաբային ֆակուլտետում ՆԱՏՕ-ի փորձագետների կողմից անցկացվել է ՀՀ ՊՆ ռազմական ուսումնական հաստատությունների ավագ դասախոսական և մեթոդական կազմի ներկայացուցիչների վերապատրաստման դասընթացի 3-րդ փուլը: 
Ամփոփվել են ծրագրի նախորդ փուլերի շրջանակում իրականացված աշխատանքները, ՀՀ ՊՆ ռազմական ուսումնական հաստատությունների ավագ դասախոսական և մեթոդական կազմի ներկայացուցիչները ներկայացրել են յուրացված նյութի` դասի կազմակերպման և դասավանդման նոր մեթոդաբանության վերաբերյալ բանախոսություններ:
Ծրագրի 3-րդ փուլի մասնակցության հավաստագրերի հանձնման արարողության ժամանակ ՀՀ ՊՆ Վ.Սարգսյանի անվան ռազմական համալսարանի պետ, գնդապետ Խ. Խաչատրյանը կարևորել է ռազմակրթական ոլորտում ՆԱՏՕ-ի հետ համագործակցությունը և, մասնավորապես, ռազմական ուսումնական հաստատությունների դասախոսական կազմի փորձի հարստացմանը, ինչպես նաև դասավանդման արդի մոտեցումների և մեթոդների ներդրմանը միտված վերոնշյալ ծրագրի իրականացումը Հայաստանում: 
Ծրագրի հաջորդ՝ 4-րդ փուլի շրջանակներում նախատեսվում է իրականացնել հաստատությունների համապատասխան հավաստագրում:





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/11/2019

Գործնական պարապմունքներ «Բաղրամյան» զորավարժարանում

ՀՀ ՊՆ Վ. Սարգսյանի անվան ռազմական համալսարանի «Հրետանային ստորաբաժանումների կառավարում» մասնագիտությամբ կուրսանտները գործնական դաշտային պարապմունքներ են անցկացնում «Բաղրամյան» զորավարժարանում: Դաշտային պարապմունքների ընթացքում նրանք կատարելագործում են մասնագիտական կարողություները, կիրառում ստացած տեսական գիտելիքները։






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

28/10/2019

ՀՀ ՊՆ Վ. Սարգսյանի անվան ռազմական համալսարանում կազմակերպվել է ծառատունկ

Հոկտեմբերի 26-ին ՀՀ ՊՆ Վ. Սարգսյանի անվան ռազմական համալսարանում կազմակերպվել է ծառատունկ՝ նվիրված ռազմաուսումնական հաստատության կազմավորման 25 ամյակին: 
Ծառատունկն իրականացվել է ՀՀ շրջակա միջավայրի նախարարության «Հայանտառ» ՊՈԱԿ-ի աջակցությամբ:









Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

18/07/2019

Վազգեն Սարգսյանի անվան ռազմական համալսարանում անցկացվել է շրջանավարտների հետագա ծառայության վայրերի ընտրության վիճակահանությունը


Հուլիսի 18-ին ՀՀ ՊՆ Վ. Սարգսյանի անվան ռազմական համալսարանում անցկացվել է 2019թ. շրջանավարտների հետագա ծառայության վայրերի ընտրության վիճակահանությունը:
Սահմանված կանոնակարգի համաձայն` ռազմական համալսարանի շրջանավարտները վիճակահանության միջոցով ընտրել են այն զորամասերը, որտեղ շարունակելու են հետագա ծառայությունը:
Վիճակահանությանը ներկա է եղել ՀՀ պաշտպանության նախարարի տեղակալ Գաբրիել Բալայանը: Շնորհավորելով շրջանավարտներին ռազմաուսումնական հաստատությունն ավարտելու կապակցությամբ, Գաբրիել Բալայանը ապագա սպաներին մաղթել է խաղաղ և անվտանգ ծառայություն։ 









Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

12/07/2019

Ռազմական համալսարանի կուրսանտներն ավարտական քննություններ են հանձնում


«Բաղրամյան» զորավարժարանում ընթանում են ՀՀ ՊՆ Վ. Սարգսյանի անվան ռազմական համալսարանի 4-րդ կուրսի՝ «Հրետանային ստորաբաժանումների կառավարում» մասնագիտությամբ կուրսանտների ավարտական քննությունները:








Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`