Showing posts with label Կարեն Աբրահամյան. Show all posts
Showing posts with label Կարեն Աբրահամյան. Show all posts

15/06/2020

Տիրան Խաչատրյանը նշանակվել է ԳՇ պետի 1-ին տեղակալ, Կարեն Աբրահամյանը՝ տեղակալ.Ռազմինֆո

ՀՀ նախագահի հրամանագրով՝ Հայաստանի զինված ուժերի գլխավոր շտաբի պետի 1-ին տեղակալ է նշանակվել գեներալ-լեյտենանտ Տիրան Խաչատրյանը՝ ազատվելով ՀՀ ԶՈւ ԳՇ օպերատիվ գլխավոր վարչության պետ ” ՀՀ ԶՈւ ԳՇ պետի տեղակալի պաշտոնից։
Նրան օպերատիվ գլխավոր վարչության պետի պաշտոնին փոխարինելու է գեներալ-լեյտենանտ Կարեն Աբրահամյանը, որը փետրվարին ազատվել էր ՊԲ հրամանատարի պաշտոնից։
Որպես ԳՇ պետի տեղակալներ շարունակում են պաշտոնավարել գեներալ-մայոր Առաքել Մարտիկյանը, գեներալ-լեյտենանտ Ստեփան Գալստյանը և գեներալ-լեյտենանտ Անդրանիկ Մակարյանը։
Գլխավոր շտաբում կադրային նշանակումները հաջորդել են գեներալ-լեյտենանտ Օնիկ Գասպարյանի՝ ԳՇ պետ նշանակվելուն։

Մեկ այլ հրամանագրով՝ գեներալ-մայոր Կոմիտաս Մուրադյանն ազատվել է զինված ուժերի գլխավոր շտաբի օպերատիվ գլխավոր վարչության պետի առաջին տեղակալի պաշտոնից:


Նյութը՝ Razm.info  կայքի


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

15/02/2020

Վերջին շրջանում տեղ գտած դեպքերը ցույց են տալիս, որ ինչ-որ բան ինչ-որ տեղ այնպես չենք անում.ՊԲ հրամանատար

Փետրվարի 15-ին ՊԲ շտաբում՝ բանակի ռազմական խորհրդի անդամների և ռազմաիրավապահ մարմինների ղեկավարների մասնակցությամբ տեղի է ունեցել ծառայողական խորհրդակցություն, որը վարում էր ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանը: Խորհրդակցության ընթացքում քննարկվել են վերջին շրջանում Արցախի զինված ուժերում տեղ գտած մահվան ելքով դեպքերին վերաբերող հարցեր: Անդրադառնալով ստեղծված իրավիճակին՝ բանակի հրամանատարն առանձին-առանձին վերլուծության ենթարկեց կատարված դեպքերը, խոսեց դրանց առաջացման հավանական պատճառների և հետագա անելիքների մասին:
            -Յուրաքանչյուր զինվորի մահ ծանր կորուստ է մեզ համար և այդ կորստի մեղքի կրողը մեզնից ամեն մեկն է: Չնայած ամենօրյա խիստ ռեժիմով մեր կողմից իրականացվող աշխատատանքներին, այդուհանդերձ, վերջին շրջանում տեղ գտած դեպքերը ցույց են տալիս, որ ինչ-որ բան ինչ-որ տեղ այնպես չենք անում,- ասել է Կարեն Աբրահամյանը:
            Խորհրդակցության ընթացքում իրնց նկատառումներն են ներկայացրել նաև բանակի հրամանատարի տեղակալներն ու ռազմաիրավապահ մարմինների ներկայացուցիչները: Վերջիններս ըստ  ուղղությունների, ներկայացրել են բանակում միջանձնային հարաբերությունների բարելավման ուղղությամբ ձեռնարկվող քայլերը, այդ թվում՝ այս օրերին շտաբի համապատասխան բաժինների և ծառայությունների սպաների կողմից իրականացված աշխատանքները զորամասերի մշտական տեղակայման  և  մարտական հերթապահության կրման վայրերում, որոնց ընթացքում հատուկ կարևորություն է տրվել անվտանգության կանոնների պահպանմանն ու զինծառայողների միջև առողջ  փոխհարաբերություններ ձևավորելու գործընթացներին:
            Բանակի հրամանատարը, կարևորելով կատարված աշխատանքները, նշել է, որ չնայած զինծառայողների բարոյահոգեբանական ապահովման ոլորտի բարելավման ուղղությամբ շարունակական բնույթ կրող քայլերին, այնուամենայնիվ ակնհայտ են նաև թերացումներ, ինչի կապակցությամբ կոնկրետ հանձնարարականներ է տվել պատասխանատու պաշտոնատար անձանց, իսկ ռազմաիրավապահ մարմինների ներկայացուցիչներին կոչ է արել, ցանկացած բնույթի իրավախախտում հայտնաբերելու դեպքում, լինել առավել հետևողական ու սկզբունքային՝ դեպքերի ծնող պատճառներն ու հանգամանքները  ի հայտ բերելու գործընթացում:


ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

07/02/2020

Կադրային ընդունելություն

Փետրվարի 7-ին ԱՀ ՊՆ, ՊԲ հրամանատար,գեներալ-լեյտենանտ Կարեն Աբրահամյանի մոտ, ընդունելության էին հրավիրվել ծառայողական հետագա առաջխաղացման ներկայացված մի շարք զինվորականներ:

ՊԲ հրամանատարը հանդիպման ընթացքում անդրադարձել է առաջիկա ուսումնական փուլի կարևորագույն խնդիրներին, ներկայացրել զինված ուժերի ղեկավարության տեսլականը` մեր երկրի պաշտպանական ներուժի հետագա կատարելագործման առումով, և այդ համատեքստում արժևորել այն անելիքների համախումբը, որը մասնավորապես պետք է նոր պաշտոններում կյանքի կոչեն խորհրդակցության մասնակիցները: Վերջիններս շնորհակալություն են հայտնել պաշտպանական գերատեսչության ղեկավարին ցուցաբերած բարձր վստահության համար և խոստացել կատարել առավելագույնը` վերադասի ակնկալիքները լավագույնս արդարացնելու համար:



ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

06/02/2020

ՊԲ-ն հրապարակել է մահվան ելքով դեպքի ծառայողական քննության արդյունքները


ՊԲ զորամասերից մեկում ս. թ. հունվարի 30-ին տեղի ունեցած մահվան ելքով դեպքի հանգամանքները պարզելու համար բանակի հրամանատարի հրամանով ստեղծված հանձնաժողովի կողմից անց է կացվել ծառայողական քննություն:

​ ​ ​ ​ ​ ​ Քննության արդյունքներով որոշում է կայացվել մի շարք ավագ սպանների, այդ թվում՝ զորամասի հրամանատարի բարոյահոգեբանական ապահովման գծով տեղակալին և դիվիզիոնի հրամանատարին զորացրել զինված ուժերի շարքերից:

Նույն գործի շրջանակում խիստ կարգապահական տույժերի են ենթարկվել զորամասի հրամանատարն ու նրա տեղակալները, իսկ որոշ պաշտոնատար անձանց նկատմամբ կիրառվել է պաշտոնի իջեցում:

Հավելենք նաև, որ հետաքննությունը շարունակվում է և տույժի ենթարկված տվյալ պաշտոնատար անձիք այդքանով հանդերձ չեն ազատվում հետագա հնարավոր քրեական պատասխանատվությունից:


ԱՀ ՊՆ մամուլի ծառայություն




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

05/02/2020

Հրամանատարական հավաքներ.ՊԲ

Ընթացիկ ուսումնական տարվա մարտական պատրաստության պլանի համաձայն՝ փետրվարի 3-ից 5-ը պաշտպանության բանակի կենտրոնական ենթակայությամբ գործող զորամասերի գումարտակների հրամանատարների ու նրանց տեղակալների հետ, ՊԲ հրամանատարի առաջին տեղակալ, գեներալ-մայոր Դավիթ Մանուկյանի ղեկավարությամբ, անց են կացվել հրամանատարական հավաքներ: Եռօրյա հավաքների առաջին օրը մասնակից սպաներին  ողջունել և նախատեսված միջոցառումներին անդրադրձել է Արցախի Հանրապետության պաշտպանության նախարար, ՊԲ հրամանատար, գեներալ-լեյտենանտ Կարեն Աբրահամյանը: Կարևորելով գումարտակ օղակում հմուտ և մասնագիտական գիտելիքներով ու ունակություններով օժտված սպաների դերը` բանակի հրամանատարը ներկաների ուշադրությունը հրավիրել է նախատեսված պարապմունքների կազմակերպված և արդյունավետ իրականացման ու մասնակից անձնակազմի ակտիվ մասնակցության հարցերի  վրա: 

   Ըստ մասնագիտական խմբերի անցկացվող հրամանատարական հավաքները միտված էին ամրապնդելու գումարտակների հրամկազմի ունակությունները` զորքերի ամենօրյա գործունեության ղեկավարման, մասնագիտական գիտելիքների կատարելագործման, ինչպես նաև նրանց գործնական և մեթոդական կարողությունների զարգացմանը: Անցկացվող հավաքները նպատակ ունեին նաև ստուգելու ստորաբաժանումների հրամանատարների պատրաստության մակարդակը` մարտավարական, կրակային և ֆիզիկական պատրաստություն առարկաներից:

     Հավելենք, որ նույն ժամանակահատվածում նման հավաքներ են անցկացվել նաև ՊԲ-ի միավորումների ենթակա զորամասերի՝ գումարտակ օղակի սպայակազմի ներգրավմամբ:






ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Կարեն Աբրահամյանը ընդունել է ՀՀ անվտանգության խորհրդի քարտուղար Արմեն Գրիգորյանին

Փետրվարի 5-ին ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանը ընդունել է ՀՀ անվտանգության խորհրդի քարտուղար Արմեն Գրիգորյանին:

Հանդիպմանը, որին ներկա է գտնվել նաև Արցախի Հանրապետության անվտանգության խորհրդի քարտուղար Արշավիր Ղարամյանը, քննարկվել են հայկական երկու պետությունների անվտանգությանն ու պաշտպանական ոլորտում իրականացվող համատեղ միջոցառումներին վերաբերող հարցերի լայն շրջանակ:

Հանդիպման ընթացքում կարևորվել են այն բոլոր խնդիրները, որոնք կյանքի կոչելու դեպքում Հայաստանի ու Արցախի Հանրապետությունները կլինեն առավել պաշտպանված և պատրաստ՝ տարածաշրջանային ու աշխարհաքաղաքական մարտահրավերներին դիմագրավելու առումով:


ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

30/01/2020

Ցուցադրական պարապմունքներ ՊԲ հրամանատարի ղեկավարությամբ

Պաշտպանության բանակի 2020թ. պատրաստության պլանի համաձայն՝ հունվարի 30-ին ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի ղեկավարությամբ, հյուսիս-արևելյան ուղղությամբ տեղակայված զորամասերից մեկի ուսումնանյութական բազայի վրա, անց են կացվել ցուցադրական պարապմունքներ` մարտական պատրաստականությանը առնչվող  տարբեր թեմաներով: Պարապմունքներին մասնակցում էին նաև բանակի հրամանատարի տեղակալները, իսկ որպես ուսուցանվողներ ներգրավվել էին միավորումների և կենտրոնական ենթակայության զորամասերի հրամանատարներն ու նրանց տեղակալները, առանձին ոլորտների պատասխանատու զինվորական պաշտոնյաներ: Ցուցադրական պարապմունքների մեկնարկին Արցախի Հանրապետության ռազմական գերատեսչության ղեկավարը կարևորել է նման ձևաչափով հանդիպումները մասնակիցների հմտությունների  շարունակական կատարելագործման, փորձի փոխանակման ու ղեկավարման նոր մեթոդների ձեռքբերման տեսանկյունից: Այնուհետև բանակի հրամանատարը շրջել է ծավալված ուսումնական կետերով, որի ընթացքում համապատասխան ծառայությունների և բաժինների պետերն ու ուսումնական կետերի ղեկավարները, ըստ ոլորտների, ներկայացրել են մարտական պատրաստականության բարձր աստիճանների բերման ժամանակ իրականացվելիք գործողությունների կարգը:

Պարապմունքների ավարտին ընդհանրացվել են արդյունքները և վերադաս հրամանատարության կողմից մասնակից սպայակազմին առաջադրվել համապատասխան խնդիրներ:







ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/01/2020

Այց ՊԲ հյուսիսային ուղղությամբ տեղակայված զորամասեր


Հունվարի 28-ին հայկական երկու հանրապետությունների ռազմաքաղաքական իշխանությունների ներկայացուցիչները, ՀՀ վարչապետ Նիկոլ Փաշինյանի և ԱՀ նախագահ Բակո Սահակյանի գլխավորությամբ, մասնակցել են հյուսիսային ուղղությամբ տեղակայված զինվորական ավաններից մեկում նորակառույց շենքի բացման արարողությանը: Ինչպես նշել է ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանը, նոր բնակարանները կնպաստեն նշված ուղղությամբ իրականացվող խնդիրների որակի բարձրացմանը՝ պայմաններ ստեղծելով շահառու զինվորականների համար ծառայողական հարցերին շատ ավելի մեծ ուշադրություն դարձնելու առումով:

Նույն օրը Արցախի Հանրապետության նախագահը, զինված ուժերի գլխավոր շտաբի պետն ու ՊԲ-ի հրամանատարը ներկա են գտնվել նաև հյուսիսային հատվածում գործող զորամասերից մեկում նորակառույց զորանոցի բացման արարողությանը: Զինվորականները բարձրաստիճան հյուրերին վստահեցրել են, որ ստեղծված կենցաղային պայմանները կարճ ժամանակահատվածում իրենց բարերար ազդեցությունը կունենան հետագա ծառայողական ու մարտական խնդիրների ցուցանիշների վրա:







ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

Կադրային ընդունելություն


Հունվարի 29-ին ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի մոտ կայացել է կադրային ընդունելություն, որին հրավիրվել են ծառայողական հետագա առաջխաղացման ներկայացված մի շարք սպաներ: Ընդունելությանը, հայկական երկու հանրապետությունների ռազմական համագործակցության ծրագրի շրջանակում, ներկա էր նաև ՀՀ ԶՈւ գլխավոր շտաբի պետ, գեներալ-լեյտենանտ Արտակ Դավթյանը:

Բանակի հրամանատարն ու զինված ուժերի գլխավոր շտաբի պետը հետաքրքրվել են նորանշանակ զինվորական պաշտոնյաների ծառայողական կենսագրության մանրամասներով, շնորհավորել ավելի բարձր պաշտոններում նշանակվելու կապակցությամբ՝ համոզմունք հայտնելով, որ հրամանատարական նոր պաշտոններում ևս վերջիններիս աչքի կընկնեն արդյունավետ ու բարեխիղճ ծառայությամբ:

Առաջխաղացման ներկայացված սպաները շնորհակալություն են հայտնել բարձր վստահության համար և հավաստիացրել, որ կանեն հնարավորը վերադաս հրամանատարության ակնկալիքները լիովին արդարացնելու համար:


ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/01/2020

Բակո Սահակյանի մասնակցությամբ Ռազմական խորհրդի նիստ ՊԲ-ում

  Հունվարի 21-ին ՊԲ-ում անց է կացվել ռազմական խորհրդի նիստ, որին ներկա է գտնվել ԱՀ նախագահ Բակո Սահակյանը:
ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի ղեկավարությամբ անցկացվող խորհրդի նիստին, որը նվիրված է եղել 2019 թվականի ուսումնական տարվա արդյունքների ամփոփմանը, հրավիրվել էին բանակի հրամանատարի տեղակալները, շտաբի բաժինների և ծառայությունների պետերը, միավորումների և զորամասերի հրամանատարները՝ տեղակալների ու ենթակա կառույցների պատասխանատուների հետ, գումարտակների և առանձին ստորաբաժանումների հրամանատարները, զինվորական կոմիսարներ, ռազմաիրավապահ մարմինների ներկայացուցիչներ:
Ներկայացնելով աշխատակարգը, ԱՀ պաշտպանության նախարարը հանդես է եկել ներածական խոսքով՝ անդրադառնալով հաշվետու բանակային տարվա առանցքային զարգացումներին և նշելով, որ խորհրդի որոշման համաձայն, յուրաքանչյուր ստորաբաժանման ու անհատ զինծառայողի տրվող գնահատականները, արտացոլելով վերջիններիս պատրաստության իրական մակարդակը, կոչված են նպաստելու հետագա աշխատանքները առավել նպատակային ու հասցեական իրականացնելուն:
        2019 թվականի ՊԲ-ի մարտական ու զորահավաքային պատրաստականության, մարտական հերթապահության, օպերատիվ և վարչակազմերի պատրաստության, հետախուզության, կապի, ռադիոէլեկտրոնային պայքարի կազմակերպման, զորքերի ծառայության և իրականացված ինժեներական աշխատանքների մասին, ծավալուն և համապարփակ զեկույց է ներկայացրել ՊԲ-ի հրամանատարի 1-ին տեղակալ-շտաբի պետ, գեներալ-մայոր Ջալալ Հարությունյանը:
      Հաջորդող ելույթները վերաբերում էին մարտական պատրաստությանը, անձնակազմի բարոյահոգեբանական ապահովման և զինվորական կարգապահության վիճակին, սպառազինության և ռազմական տեխնիկայի պահպանման և շահագործման հարցերին, թիկունքային ապահովմանն ու զորքերի կենսագործունեության մյուս բոլոր ոլորտներին:
      Ինչպես նշել են բանախոսները, նշված բնագավառներում, չնայած արձանագրված դրական միտումներին, քիչ չեն նաև անելիքները: Եվ ըստ այդմ՝ 2020 թվականը կլինի կատարված աշխատանքների շարունակականության ապահովման և այն բոլոր խնդիրների լուծման ժամանակահատված, որոնք արդյունքում էլ ավելի կբարելավեն ծառայության որակն ու կնպաստեն հակառակորդին զսպելու մեխանիզմների կատարելագործմանը:
        Ամփոփելով խորհրդի նիստի և բանակային 2019 թվականի արդյունքները՝ Արցախի Հանրապետության պաշտպանական գերատեսչության ղեկավարը նաև անդրադարձել է այն հիմնական խնդիրներին, որոնք առաջնային ուշադրություն կպահանջեն 2020 թվականի ուսումնական տարվա ընթացքում:
      Կարեն Աբրահամյանը ներկաների ուշադրությունը մասնավորապես հրավիրել է պլանավորման, վերահսկողական աշխատանքների մշտական իրականացման և ծառայողական խնդիրների կատարման ժամանակ ստեղծագործ մոտեցումներ կիրառելու հարցերի վրա՝ նշելով, որ միայն այդ դեպքում կարող ենք ունենալ համակողմանի պատարաստություն ունեցող ստորաբաժանումներ և գալիք հաղթանակների հստակ տեսլական:
     Այնուհետև հրապարակվել է ԱՀ պաշտպանության նախարարի հրամանը, որի համաձայն հաշվետու բանակային տարվա ընթացքում առավել բարձր արդյունքներով առանձնացած զորամասերը, ստորաբաժանումներն ու ծառայությունները, ինչպես նաև բազմաթիվ անհատ զինվորականներ ու ՊԲ-ի հետ համագործակցող ռազմաիրավապահ մարմինների ներկայացուցիչներ խրախուսվել են արժեքավոր նվերներով ու դրամական պարգևներով, ստացել փոխանցիկ պատվոդրոշներ: Պարգևատրման հանդիսավոր արարողության ավարտին ներկաներին ուղղված խոսքով հանդես է եկել ԱՀ զինված ուժերի գերագույն գլխավոր հրամանատար Բակո Սահակյանը: Հանրապետության նախագահը մասնավորապես նշել է, որ ՊԲ-ն 2019թ. ընթացքում պատվով է կատարել իր գերակա խնդիրն ու անխախտ պահել երկրի սահմանները:
        Բարձր գնահատելով յուրաքանչյուրի անհատական ներդրումը մեր ընդհանուր խնդիրների կատարման համատեքստում՝ Բակո Սահակյանը շնորհակալություն է հայտնել վերջիններիս բարեխիղճ ու անձնվեր ծառայության համար և վստահեցրել, որ մեր երկրի պաշտպանական հնարավորությունների հետագա կատարելագործման, ինչպես նաև զոհված, վիրավոր ու գործող զինվորականների ու նրանց ընտանիքների սոցիալական վիճակի բարելավման հարցերը այսուհետ ևս կշարունակեն մնալ հանրապետության ղեկավարության ամենօրյա հոգածության կենտրոնում:


ԱՀ ՊՆ մամուլի ծառայություն




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

16/01/2020

Արդյունքների ամփոփում ՊԲ միավորումներում



Հունվարի 14-ին և 15-ին ամփոփվել են ՊԲ-ի միավորումների՝ 2019 թվականի արդյունքները: Այդ առիթով հրավիրված ծառայողական խորհրդակցություններին, բացի միավորումների ու ենթական զորամասերի հրամկազմից, մասնակցում էին նաև ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանը, բանակի բարձրաստիճան հրամկազմի ներկայացուցիչներ:

     Խորհրդակցությունների ժամանակ, հաշվետու բանակային տարվա կարևորագույն զարգացումներին միավորումներին վերաբերող մասով անդրադարձել են միավորման հրամանատարները, տարբեր ոլորտներ համակարգող զինվորական պաշտոնյաներ:

    Ըստ այդմ, անդրադարձ է կատարվել մարտական ու զորահավաքային պատրաստականության, մարտական հերթապահության ու շտաբների պատրաստության, թիկունքային ու բարոյահոգեբանական ապահովման, սպառազինության ու ռազմական տեխնիկայի սպասարկման ու շահագործման, ստորաբաժանումների և զորատեսակների ներդաշնակման հարցերին՝ հարակից ուղղությունների հետ միասին:

     Բանախոսների կողմից ներկայացվել են ինչպես արձանագրված դրական միտումները, այնպես էլ այն խնդիրները, որոնք առաջիկա ուսումնական փուլերի ընթացքում կպահանջեն շատ ավելի հետևողական ու համակարգված մոտեցումներ:

          Խորհրդակցությունների ավարտին, գեներալ-լեյտենանտ Կարեն Աբրահամյանի կողմից, միավորումների ու ենթակա զորամասերի հրամկազմին 2020 թվականի կարևորագույն խնդիրների վերաբերյալ տրվել են մի շարք հանձնարականներ:

       Ծառայողական ամփոփիչ խորհրդակցությունները ՊԲ-ի միավորումներում եզրափակվել են պարգևատրման արարողություններով, որոնց ընթացքում նախորդ տարվա արդյունքներով լավագույն ցուցանիշներով աչքի ընկած զինվորականներն ու ստորաբաժանումները խրախուսվել են պատվոդրոշներով, դրամական պարգևներով ու արժեքավոր նվերներով:



ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/01/2020

Աշխատանքային շրջայց



Հունվարի 12-ին ԱՀ նախագահ Բակո Սահակյանը, հանրապետության պաշտպանական գերատեսչության ղեկավար, գեներալ-լեյտենանտ Կարեն Աբրահամյանի ուղեկցությամբ, աշխատանքային շրջայցով եղել է հյուսիս-արևելյան և կենտրոնական ուղղությամբ գործող մի շարք զորամասերում, մասնակցել ռազմական ու թիկունքային նշանակության նորակառույց շինությունների բացման հանդիսավոր արարողությունների:

Շահառու զորամասերի զինծառայողները 2019թ. ընթացքում իրականացված շինարարական աշխատանքների արդյունքում ապահովվել են նորակառույց և արդի բոլոր չափորոշներին համապատասխանող զորանոցներով, որոնցում, բացի կենցաղային ու ծառայողական պայմաններից, լուծված են նաև անվտանգության և մարտական պատրաստականությանն առնչվող հարակից խնդիրները:

Նշված զորամասերում շահագործման են հանձնվել նաև տեխնիկական սպասարկման ու բժշկական կետեր, լցակայան ու վառելիքաքսուքային նյութերի պահեստ, կաթսայատներ և այլ կառույցներ: ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանը վստահեցրել է, որ 2020թ. ընթացքում ևս ՊԲ-ում իրականացվող շինաշխատանքները կգտնվեն համապատասխան ստորաբաժանումների մշտական վերահսկողության ներքո և միտված կլինեն զինծառայողների համար ծառայողական ու կենցաղային ամենաբարձր մակարդակի պայմաններ ապահովելուն:

Աշխատանքային շրջայցի ընթացքում հանրապետության նախագահը նաև մի շարք հանձնարարականներ է տվել զինվորականներին ու շինարարական կազմակերպությունների ներկայացուցիչներին հետագա աշխատանքները առավել բարձր մակարդակով իրականացնելու համար:







ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/01/2020

ՊԲ հրամանատարի այցը զորամաս


Հունվարի 9-ին ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանը այցելել է հանրապետության հարավ-արևելյան հատվածում տեղակայված, մարտական հերթապահություն իրականացնող  ՊԲ զորամասերից մեկը և մասնակցել զորամասի հրետանային ստորաբաժանումներից մեկի զորանոցի բացման արարողությանը:      

Բանակի հրամանատարը, Ամանորի և Սուրբ ծննդյան տոնների կապակցությամբ մեկ անգամ ևս շնորհավորելով ներկաներին նշել է, որ պաշտպանության բանակում այսուհետ ևս շարունակվելու են լայն թափով ընթանալ զինծառայողների սոցիալ-կենցաղային պայմանների բարելավման և զորանոցների բարեկարգման ուղղությամբ կատարվող աշխատանքները: 

Միջոցառման ավարտին ՊԲ հրամանատար, գեներալ-լեյտենանտ Կարեն Աբրահամյանը ներկա հրամկազմին ընթացիկ ու առաջիկա անելիքների վերաբերյալ տվել է  համապատասխան հանձնարարականներ:


ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

30/12/2019

ԱՀ նախագահի այցը հարավային սահմանագոտի

Նախատոնական անակնկալներից ու միջոցառումներից անմասն չեն մնացել հանրապետության հարավային ուղղությամբ մարտական հերթապահություն իրականացնող զորամասերի զինծառայողները և զինավանների բնակիչները: Արցախի հանրապետության նախագահ Բակո Սահակյանը, ՊԲ հրամանատար, գեներալ-լեյտենանտ Կարեն Աբրահամյանի ուղեկցությամբ, դեկտեմբերի 30-ին այցելել է հանրապետության հարավային սահմանագոտի: Հանրապետության նախագահը շնորհավորել է դիրքապահների Ամանորը և Սուրբ Ծնունդը, մաղթել անփորձանք ծառայություն և բարի վերադարձ իրենց հարազատ օջախներ, ինչպես նաև հետաքրքրվել օպերատիվ մարտավարական իրադրությամբ: Բարձրաստիճան հյուրերը հետևել են նաև նախորդ տարի Մեխակավանում բացված մանկապատանեկան ստեղծագործական կենտրոնի սաների ներկայացումներին, պարային համարներին,  մասնակցել զինավանում կազմակերպված տոնական միջոցառմանն ու ճաշկերույթին:


ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/12/2019

Կարեն Աբրահամյանն այցելել է առաջնագիծ

Դեկտեմբերի 29-ին Արցախի Հանրապետության պետական նախարար Գրիգորի Մարտիրոսյանը պաշտպանության նախարար, ՊԲ հրամանատար, գեներալ-լեյտենանտ Կարեն Աբրահամյանի ուղեկցությամբ այցելել է հյուսիս-արևելյան ուղղությամբ տեղակայված զինավաններից մեկը և ներկա գտնվել զինծառայողների ու երեխաների մասնակցությամբ ամանորյա տոնահանդեսին:
Նույն օրը բանակի հրամանատարն այցելել է նաև հյուսիս-արևելյան ուղղությամբ տեղակայված մարտական դիրքեր: Կարեն Աբրահամյանը հետաքրքրվել է մարտական հերթապահության մեջ ընդգրկված անձնակազմի տրամադրությամբ և հուզող խնդիրներով, տեղում ծանոթացել օպերատիվ-մարտավարական իրադրությանն ու սոցիալ-կենցաղային պայմաններին, շնորհավորել դիրքապահ անձնակազմին գալիք Ամանորի և Սուրբ Ծննդյան տոների կապացությամբ՝ վստահություն հայտնելով, որ 2020 թվականը ևս կլինի նորանոր հաղթանակների ու նվաճումների տարի:









ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

30/11/2019

Զորավարժություն ՊԲ-ում


Նոյեմբերի 29-ին Արցախի Հանրապետության ՊՆ, ՊԲ հրամանատար, գեներալ-լեյտենանտ Կարեն Աբրահամյանը հետևել է հարավային ուղղությամբ գործող զորամասերից մեկի հետ անցկացված ցուցադրական գումարտակային մարտավարական զորավարժության մարտական հրաձգության փուլին:
Պայմանական մարտադաշտում ծավալվող զարգացումների շրջանակում ուժեղացված գումարտակը, որը մինչ այդ բերվել էր մարտական պատրաստականության <<ԲԱՐՁՐ>> աստիճանի և զբաղեցրել մարտական կիրառման շրջանը, անցնում է պաշտպանության, հակառակորդի հետ անմիջական շփման պայմաններում, մարտ վարելով մխրճված հակառակորդի դեմ, կանգնեցնում վերջինիս և, օգնության եկած ուժերի հետ անցնելով հակագրոհի, վերականգնում նախկինում կորցրած բնագծերը:
Զորախաղերի արդյունքում արձանագրվել են գրագետ ու անընդհատ ղեկավարմամբ պայմանավորված մարտավարական գործողություններ, առաջադրված խնդիրների կատարման բարձր ցուցանիշներ:


ԱՀ ՊՆ մամուլի ծառայություն




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

28/11/2019

ՀՀ ԶՈւ ԳՇ պետը աշխատանքային այցով եղել է Արցախում

Հայկական երկու հանրապետությունների ռազմական համագործակցության ծրագրի շրջանակում նոյեմբերի 28-ին աշխատանքային այցով պաշտպանության բանակ է այցելել ՀՀ ԶՈւ Գլխավոր շտաբի պետ, գեներալ-լեյտենանտ Արտակ Դավթյանը:
ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի ուղեկցությամբ Արտակ Դավթյանը եղել է հյուսիս-արևելյան և կենտրոնական ուղղությամբ տեղակայված զորամասերի ռազմական ու թիկունքային նշանակության մի շարք օբյեկտներում, ծանոթացել կատարված և դեռևս ընթացքի մեջ գտնող աշխատանքներին:


ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

27/11/2019

ԱՀ նախագահը շրջայցով եղել է հյուսիս-արևելյան ուղղությամբ գործող մի շարք զորամասերում


Նոյեմբերի 27-ին ԱՀ նախագահ Բակո Սահակյանը պաշտպանական գերատեսչության ղեկավար, գեներալ-լեյտենանտ Կարեն Աբրահամյանի ուղեկցությամբ աշխատանքային շրջայցով եղել է կենտրոնական և հյուսիս-արևելյան ուղղությամբ գործող մի շարք զորամասերում, մասնակցել նորակառույց ճաշարանի, կաթսայատան ու զորանոցի բացման արարողություններին: Հանրապետության նախագահը գնահատել է կատարված աշխատանքների որակը՝ համոզմունք հայտնելով, որ այսուհետ նշված զորամասերում ուսումնամարտական խնդիրները կյանքի կկոչվեն շատ ավելի բարձր մակարդակով: Շահագործման հանձնված նոր շինությունները տիպային են, կառուցված արդի բոլոր չափանիշներին համապատասխան, հագեցած նորագույն տեխնիկական ու շինարարական լուծումներով:


Նշենք, նաև որ ՊԲ-ում ավարտին են մոտենում տասնյակ այլ կառույցների շինարարական աշխատանքներ, որոնց արդյունքում կբարելավվեն բազմաթիվ զինծառայողների կենցաղային ու ծառայողական պայմանները:








ԱՀ ՊՆ մամուլի ծառայություն




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

23/11/2019

Ընդունելություն պաշտպանության նախարարի մոտ


Նոյեմբերի 23-ին ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի մոտ կայացել է կադրային ընդունելություն, որին մասնակցում էին ծառայողական առաջխաղացման ներկայացված մի խումբ սպաներ:
Կարևորելով նման ձևաչափով հանդիպումները առաջխաղացման ներկայացված սպաների կենսագրականներին ծանոթանալու և հետագա ծառայության վերաբերյալ խնդիրների առաջադրման տեսանկյունից՝ բանակի հրամանատարը շնորհավորել է ավելի բարձր պաշտոններում նշանակվելու կապակցությամբ և համոզմունք հայտնել, որ նոր պաշտոններում ևս վերջիններիս կպահպանեն բարձր նշաձողը և իրենց կդրսևորեն միմիայն լավագույն կողմերով:


ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/11/2019

Կարեն Աբրահամյանը աշխատանքային շրջայցով եղել է հանրապետության հյուսիսային ուղղությամբ տեղակայված մի շարք զորամասերում


Նոյեմբերի 19-ին ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանը աշխատանքային շրջայցով եղել է հանրապետության հյուսիսային հատվածում տեղակայված և մարտական հերթապահություն իրականացնող պաշտպանության բանակի մի շարք զորամասերում, հանդիպումներ ունեցել հրամանատարության ու ժամկետային զինծառայողների հետ: Միավորման և զորամասերի հրամանատարները բանակի հրամանատարին են ներկայացրել ընթացիկ տարվա ընթացքում մարտական պատրաստության պլանով նախատեսված և իրականացված աշխատանքները: Ուշադրության կենտրոնում են եղել նաև այն բոլոր հարցերն ու խնդիրները, որոնք ուղղակի կամ միջնորդավորված ազդեցություն ունեն ծառայողական ու մարտական առաջադրանքների կատարման որակի և ժամկետների վրա:
       Հանդիպումների ընթացքում պաշտպանության նախարարը կարևորել է յուրաքանչյուր ստորաբաժանման և անհատ զինծառայողի համակողմանի պատրաստությունը, առկա մարտական հնարավորությունները ցանկացած պահի արդյունավետորեն կյանքի կոչելու ունակությունները:
      Աշխատանքային շրջայցի ավարտին Կարեն Աբրահամյանը զորամասերի հրամանատարությանը համապատասխան հանձնարարականներ է տվել ընթացիկ ու առաջիկա անելիքների վերաբերյալ:


ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`