Showing posts with label Զորավարժություններ. Show all posts
Showing posts with label Զորավարժություններ. Show all posts

04/07/2020

Զորավարժությունների արդյունքների ամփոփում ՊԲ-ում

Հուլիսի  4-ին, ԱՀ ՊՆ, ՊԲ հրամանատար, գեներալ-մայոր Ջալալ Հարությունյանի նախագահությամբ, տեղի է ունեցել  ս.թ. հունիսի 22-ից 26-ը անցկացված մարտավարական զորավարժությունների արդյունքների ամփոփումը: Ըստ փուլերի անդրադառնալով զորավարժությունների արդյունքներին՝ բանակի հրամանատարը մանրակրկիտ վերլուծության  է ենթարկել 2020 թվականի բանակային ուսումնական տարվա կարևորագույն միջոցառումներից մեկի ընթացքը, մասնավորապես մարտական պատրաստականության, սպառազինության ու ռազմական տեխնիկայի շահագործման, զորամասերի ու ստորաբաժանումների ղեկավարման և կրակային խոցման ուղղությունները:

Հանրապետության ռազմական գերատեսչության ղեկավար,  գեներալ-մայոր Ջալալ Հարությունյանը զորավարժությունների ընթացքում արձանագրված ձեռքբերումների ու թերացումների վերաբերյալ հրամանատարական կազմին տված  համապատասխան ցուցումներից  ու հանձնարարականներից  բացի, կարևորել է նաև հաջորդ ուսումնական փուլի նախապատրաստական աշխատանքների համալիրը, մասնավորապես մարտական հերթապահության կազմակերպման, ստորաբաժանումների ներդաշնակման և զորամասերի կենսագործունեության այլ առանցքային ուղղություններում:

Ամփոփիչ զեկույցից հետո հրապարակվել է  ՊԲ հրամանատարի հրամանը, համաձայն որի  զորավարժությունների ընթացքում լավագույն կողմերով աչքի ընկած զորամասերը, ստորաբաժանումներն ու առանձին զինծառայողներ խրախուսվել են արժեքավոր նվերներով և դրամական պարգևներով:




ԱՀ ՊՆ մամուլի ծառայություն 



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

5-րդ զորամիավորումում անցկացվել է մարտավարական զորավարժություն


5-րդ զորամիավորման հրաձգային վաշտերը հուլիսի 2-ին անցկացրել են մարտավարական զորավարժություն՝ մարտական հրաձգությամբ։
Ստուգվել են զինծառայողների գործողությունները դաշտային պայմաններում, հրամանատարական կազմի ղեկավարման հմտությունները, ստորաբաժանումների փոխգործակցությունը մարտի նախապատրաստման և վարման ժամանակ, անցկացվել է գործնական հրաձգություն տարբեր զինատեսակներից։






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

22/06/2020

Անցկացվել է գումարտակային մարտավարական զորավարժություն


Հունիսի 19-ից 20-ը 3-րդ զորամիավորման ենթակայությամբ գործող զորամասերից մեկի զինծառայողները «Բաղրամյան» ուսումնական կենտրոնում անցկացրել են գումարտակային մարտավարական զորավարժություն՝ մարտական հրաձգությամբ: 
ՀՀ ԶՈւ պատրաստության գլխավոր վարչության պետ-ԶՈւ ԳՇ պետի տեղակալ, գեներալ-լեյտենանտ Ա. Մակարյանի վերահսկողությամբ անցկացված զորավարժության ընթացքում կատարելագործվել է անձնակազմի դաշտային վարժվածությունը, ստուգվել են մարտական իրավիճակին մոտ պայմաններում ստորաբաժանումների ներդաշնակման կարողությունները։ Զորավարժությանը ներգրավված զինծառայողները ցուցաբերել են բարձր պատրաստություն և գրանցել  լավ արդյունքներ:









Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

18/06/2020

Զորավարժարանում անցկացվել է գործնական պարապմունք


Մարտական գործողությունների վարման եղանակները զինծառայողներին ուսուցանելու նպատակով 5-րդ զորամիավորման զորավարժարաններից մեկում անցկացվել է գործնական պարապմունք։ 
Ստուգվել են ստորաբաժանումների ներդաշնակման կարողություններն ու անձնակազմի պատրաստության մակարդակը: Զինծառայողները զբաղեցրել են նախորոշված կրակային դիրքերը և հաջողությամբ կատարել առաջադրված ուսումնամարտական խնդիրները:  








Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/06/2020

Կրակի կառավարման մարզումներ


4-րդ զորամիավորման զորավարժարաններից մեկում անցկացվել են ականանետային հրաձգության և կրակի կառավարման մարզումներ՝ 82մմ ականանետների կիրառմամբ։
Ստուգվել են ականանետային դասակների զինծառայողների մասնագիտական գիտելիքները, սահմանված ժամկետում ականանետները մարտական վիճակի բերման և նշանակետերի հետախուզման հմտությունները։ Զինծառայողներն արհեստավարժ գործողություններով կատարել են առաջադրված խնդիրները:








Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/06/2020

Ցուցադրական մարտավարական զորավարժություն


Հունիսի 5-ից 6-ը 4-րդ զորամիավորման ենթակայությամբ գործող զորամասերից մեկի հրաձգային վաշտի ներգրավմամբ անցկացվել է ցուցադրական մարտավարական զորավարժություն՝ մարտական հրաձգությամբ: 
Զորավարժության ընթացքում ստուգվել են լեռնային պայմաններում անձնակազմի գործողությունները, զինծառայողների ֆիզիկական պատրաստության աստիճանը, ինչպես նաև հրամանատարական կազմի օպերատիվ որոշումներ կայացնելու կարողությունները: 
Զորավարժությանը ներգրավված անձնակազմը հաջողությամբ կատարել է առաջադրված խնդիրները:








Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Գումարտակային մարտավարական զորավարժություններ

 Պաշտպանության բանակի հյուսիսային ուղղությամբ գործող միավորումներից մեկում ընթացող տեսչական ստուգումների շրջանակներում, առանձին զրահատանկային զորամասերից մեկի հետ անց է կացվել գումարտակային մարտավարական զորավարժություն, որի մարտական հրաձգության փուլը խաղարկվել է հունիսի 7-ին, բանակի <<Տիգրանակերտ>> զորավարժարանում:                   

        Հարձակողական թեմատիկայով անցկացված մարտավարական զորավարժությունների ընթացքում խաղարկվել են ռազմական իրադրության առկա և հավանական զարգացումների բնույթից բխող տարբեր մարտավարական դրվագներ, որոնց հետևում էին ՀՀ ՊՆ ռազմական վերահսկողության ծառայության պետ, գեներալ-գնդապետ Մովսես Հակոբյանը, ԱՀ պաշտպանության նախարար, ՊԲ հրամանատար, գեներալ-մայոր Ջալալ Հարությունյանը, բարձրաստիճան զինվորական պաշտոնյաներ:
       Մարտավարական զորավարժությունների ողջ ընթացքում մասնակից անձնակազմը ցուցաբերել է պատրաստվածության և կազմակերպվածության բարձր մակարդակ, ինչի շնորհիվ հնարավոր է դարձել իրականացնել հրամանատարների կողմից ընդունված համապատասխան որոշումներն ու մտահղացումները իսկ հրետանային ստորաբաժանումների հետ ակտիվ փոխգործակցության ապահովման արդյունքում ստանալով համապատասխան կրակային աջակցություն խոցել պայմանական հակառակորդի թիրախները, ամբողջ ծավալով իրագործել առաջադրված մարտական խնդիրն ու զբաղեցնել առավել նպաստավոր կրակային բնագծեր:
        Ընդհանուր առմամբ զորավարժության ընթացքում ներգրավված ստորաբաժանումները գործել են ներդաշնակ ու փոխգործակցված, իսկ մարտավարական գործողությունները լրիվությամբ համապատասխանում էին զորատեսակին առաջադրված իրական մարտական խնդիրներին ու հավանական հակառակորդի կողմից սպասվող մարտահրավերները չեզոքացնելու արդի պահանջներին:





ԱՀ ՊՆ մամուլի ծառայություն 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

27/05/2020

Գումարտակային մարտավարական զորավարժություն ՊԲ-ում (տեսանյութ)


Հյուսիսային ուղղությամբ գործող միավորումներից մեկում շարունակվող տեսչական ստուգումների շրջանակներում ներգրավված զորամասերից մեկի հետ անց է կացվել նաև գումարտակային մարտավարական զորավարժություն, որի եզրափակիչ` մարտական հրաձգության փուլը, խաղարկվել է մայիսի 26-ին` բանակի <<Տիգրանակերտ>> զորավարժարանում: Զորային վարժադաշտում ծավալվող պայմանական մարտական գործողություններին հետևում էին ՀՀ ՊՆ ռազմական վերահսկողության ծառայության պետ, գեներալ-գնդապետ Մովսես Հակոբյանը, ՊԲ հրամանատար, գեներալ-մայոր Ջալալ Հարությունյանը, բարձրաստիճան այլ զինվորական պաշտոնյաներ:
Զորավարժության ամբողջ ընթացքում, որը թեմատիկ և բովանդակային առումով լիովին համապատասխանում էր մասնակից ստորաբաժանումների իրական մարտական խնդիրներին, հրամկազմը դրսևորել է ղեկավարման բարձր ունակություններ, արագ կողմնորոշվել փոփոխության ենթարկվող մարտական իրավիճակներում, ընդունել ստեղծագործ որոշումներ, որոնք պատրաստության բարձր մակարդակով կյանքի են կոչվել զորախաղերին մասնակցող ուժերի կողմից:




ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

23/05/2020

Գնդային ցուցադրական զորավարժություն` մարտական հրաձգությամբ


Մայիսի 22-ին 5-րդ զորամիավորումում անցկացվել է գնդային ցուցադրական զորավարժության մարտական հրաձգության փուլը՝ գնդապետ Հ. Սևոյանի ղեկավարությամբ: Զորավարժության ընթացքին հետևել են ՀՀ ԶՈւ պատրաստության գլխավոր վարչության պետ - ԶՈւ ԳՇ պետի տեղակալ, գեներալ-լեյտենանտ Ա.Մակարյանը և ԶՈւ ՊԳՎ մարտական պատրաստության վարչության պետ, գեներալ-մայոր Վ. Քոչարյանը:
Գունդը բերվել է մարտական պատրաստականության բարձր աստիճանի, ծավալվել են ղեկավարման կետեր, տրվել է պահպանությունից պաշտպանության անցնելու հրահանգ: Մարտական հրաձգությամբ կասեցվել է պայմանական հակառակորդի գրոհը, գնդի անձնակազմն անցել է հակահարձակման՝ գրավելով ռազմավարական բարձունքներ: 
Զինծառայողների պատրաստության աստիճանն ու զորավարժության արդյունքները գնահատվել են բարձր: 












Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/05/2020

Անցկացվել է լայնածավալ մարտավարական զորավարժության մարտական հրաձգության փուլը


Մայիսի 21-ին ՀՀ ՊՆ «Բաղրամյան» զորավարժարանում անցկացվել է «Պաշտպանողական օպերացիայում ԶՈւ հրետանային բրիգադի մարտական գործողությունների նախապատրաստումը և վարումը» թեմայով լայնածավալ մարտավարական զորավարժության մարտական հրաձգության փուլը։ 
Զորավարժությանը ներգրավված էին օպերատիվ մարտավարական հրթիռների արձակման կայանքներ, «Սմերչ» համազարկային կրակի ռեակտիվ համակարգեր։
Անձնակազմը բացազատել է կրակային միջոցները, բերել մարտական դիրքի և վիճակի: Համապատասխան հրամանը ստանալուց հետո հրետանավորներն անցել են մարտական կրակի կատարմանը։ Կրակային հարվածներն իրականացվել են լրիվ ծավալով։ Թիրախները խոցվել են առանց շեղումների, բարձր արդյունավետությամբ։
Զորավարժության նախնական արդյունքները դրական են։ Զինծառայողները գործել են ներդաշնակ և օպերատիվ, գերազանց կատարել առաջադրված մարտական խնդիրները։ 
Զորավարժության նպատակն էր ստորաբաժանումը մարտական պատրաստականության բարձր աստիճանի բերելիս հրամանատարների, շտաբերի և ընդհանուր անձնակազմի կարողությունների ստուգումը, զինծառայողների գործնական հմտությունների և դաշտային վարժվածության կատարելագործումը:





















Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`