Showing posts with label Արցախ. Show all posts
Showing posts with label Արցախ. Show all posts

18/01/2020

Հակառակորդը վերջին մեկ շաբաթվա ընթացքում հայ դիրքապահների ուղղությամբ արձակել է ավելի քան 650 կրակոց



Հունվարի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը խախտել է հրադադարի պահպանման ռեժիմը շուրջ 80 անգամ` տարբեր տրամաչափի հրաձգային զինատեսակներից հայ դիրքապահների ուղղությամբ արձակելով ավելի քան 650 կրակոց:

ՊԲ առաջապահ զորամասերը հիմնականում ձեռնպահ են մնացել պատասխան գործողություններից և շարունակել վստահորեն իրականացնել իրենց առջև դրված մարտական խնդիրը:



ԱՀ ՊՆ մամուլի ծառայություն




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

17/01/2020

ԵԱՀԿ-ն դիտարկում է իրականացրել արցախա-ադրբեջանական սահմանին


Հունվարի 16-ին, Արցախի Հանրապետության իշխանությունների հետ ձեռք բերված պայմանավորվածության համաձայն, ԵԱՀԿ առաքելությունը հրադադարի ռեժիմի պլանային դիտարկում է անցկացրել Արցախի և Ադրբեջանի սահմանին՝ Ակնայից դեպի հյուսիս-արևելք ընկած հատվածում։ 

Արցախի Հանրապետության պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնականներ Գենադիե Պետրիկան (Մոլդովա) և և Միխայիլ Օլարուն (Մոլդովա):

Սահմանի հակառակ կողմից դիտարկումն իրականացրել են ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկը, նրա անձնական օգնական Սայմոն Թիլերը (Մեծ Բրիտանիա) և ԳՆԱՆ գրասենյակի աշխատակից  Մարտին Շուստերը (Գերմանիա):

Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությունը դուրս չի բերել իր առաջապահ դիրքեր:

Դիտարկման առաքելությանը արցախյան կողմից ուղեկցել են Արցախի Հանրապետության արտաքին գործերի նախարարության և պաշտպանության նախարարության ներկայացուցիչները:



Այս մասին տեղեկացնում է՝ ԱՀ ԱԳՆ  կայքը


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/01/2020

ՊԲ հրամանատարի այցը զորամաս


Հունվարի 9-ին ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանը այցելել է հանրապետության հարավ-արևելյան հատվածում տեղակայված, մարտական հերթապահություն իրականացնող  ՊԲ զորամասերից մեկը և մասնակցել զորամասի հրետանային ստորաբաժանումներից մեկի զորանոցի բացման արարողությանը:      

Բանակի հրամանատարը, Ամանորի և Սուրբ ծննդյան տոնների կապակցությամբ մեկ անգամ ևս շնորհավորելով ներկաներին նշել է, որ պաշտպանության բանակում այսուհետ ևս շարունակվելու են լայն թափով ընթանալ զինծառայողների սոցիալ-կենցաղային պայմանների բարելավման և զորանոցների բարեկարգման ուղղությամբ կատարվող աշխատանքները: 

Միջոցառման ավարտին ՊԲ հրամանատար, գեներալ-լեյտենանտ Կարեն Աբրահամյանը ներկա հրամկազմին ընթացիկ ու առաջիկա անելիքների վերաբերյալ տվել է  համապատասխան հանձնարարականներ:


ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/01/2020

Սահմանին հիմնական սպառնալիքները շարունակվում են պահպանվել, հակառակորդի դիպուկահարները որոշակի պարբերականությամբ ակտիվանում են. Տիգրան Աբրահամյան

Արցախի Հանրապետության նախագահի խորհրդական Տիգրան Աբրահամյանը չի բացառում, որ հունվարին հակառակորդը կարող է դիմել սադրանքների, տարբեր մասշտաբների գործողությունների: Tert.am-ի հետ զրույցում նա նշեց, որ ԶՈՒ-ն պատրաստ է զսպել հակառակորդի ցանկացած  գործողություն: Ըստ նրա՝ 2019 թ-ին հակառակորդի ընդհանուր շարժերը հիմնականում զորավարժությունների, մարտավարական պարապմունքների և ամրաշինական աշխատանքների տեսքով էին, որոշակի պարբերականությամբ ակտիվանում էին նաև հակառակորդի  դիպուկահարները: 

- 2019 թ-ի սահմանային իրավիճակն ինչպես՞ կգնահատեք, անմիջական ինչպիսի ՞  սպառնալիքներ կային, որոնք չեզոքացվեցին: Վերջին ամիսների ընթացքում  հակառակորդի դիպուկահարների ակտիվություն էր նկատվում:

- Այն հիմնական սպառնալիքները, որոնք առկա էին, շարունակում են պահպանվել: Հրադադարի ռեժիմի խախտումների առումով դրանք համեմատաբար նվազ էին, սակայն հակառակորդի ընդհանուր շարժերը քիչ չէին: Շարժերի տակ հիմնականում պետք է հասկանալ զորավարժություններ, մարտավարական պարապմունքներ, ամրաշինական աշխատանքներ:

Ինչ վերաբերում է դիպուկահարների ակտիվությանը, ապա դրանք որոշակի պարբերականությամբ ակտիվանում են, փորձում են մեզ նյութական և մարդկային վնասներ հասցնել: Առաջնագծում մեր իրականացրած ամրաշինական աշխատանքների նպատակներից մեկը՝ մարտական հերթապահություն կրող անձնակազմերի հնարավորինս անվտանգ ծառայության ապահովումն է, որի ուղղությամբ մեծ ծավալի աշխատանքներ են տարվում:

- Ի՞նչ ձեռքբերումներ ունեցավ ԶՈՒ-ն, դրանցով հիմնականում ի՞նչ  խնդիր ենք   լուծում, ձեռք բերված նոր  սպառազինություններով հավասարակաշռությունն ապահովվո՞ւմ է:

- Չկա այնպիսի տարի, որի ամփոփման ժամանակ հնարավոր չլինի խոսել ձեռքբերումների մասին: Սպառազինությունից՝ ինժեներական-ամրաշինական աշխատանքներ, թիկունքայինից՝ զորակոչ և այլն: Այս տարվա համար ևս պետք է արձանագրենք, որ արել ենք ավելին մեր ժողովրդի առջև ստանձնած գլխավոր խնդիրը՝ անվտանգության ապահովումը բարձր մակարդակով իրականացնելու համար: Սրանք աշխատանքներ են, որոնք պետք է անընդհատ ակտիվ պահել:

- 2019 թ-ին Թալիշի վերաբնակեցման խնդիրը լուծվեց, բայց արդյո՞ք անվտանգության գոտին ընդլայնվել է, դիրքային ինչպիսի՞ տեղաշարժ ենք ունեցել:

- Հայաստանի ու Արցախի ուղղություններով ունենք բնակավայրեր, որոնք հակառակորդից ավելի մոտ հեռավորության վրա են, քան Թալիշը: Ուղղակի Թալիշի դեպքում խնդիրն ավելի շատ հոգեբանական հարթությունում է: Գյուղում ապրում են մարդիկ, ովքեր 90-ականներից ի վեր 3 անգամ ստիպված դուրս են եկել գյուղից, իսկ հետո վերադարձել՝ ամեն անգամ վերականգնել հակառակորդի պատճառած վնասները և նոր կյանք սկսել: 

Հավատացեք, որ այդ մարդկանց համար շատ դժվար է: Ապրիլյան մարտական գործողություններից հետո, նախագահի հանձնարարությամբ, 3 տարվա ընթացքում Թալիշի հետ կապված մեր գլխավոր խնդիրը լուծեցինք՝ թալիշցիների համար անհրաժեշտ բոլոր հնարավորություններն ստեղծեցինք վերադառնալու և իրենց կյանքը բնականոն ուղով շարունակելու համար:

Այն ենթակառուցվածքները, որոնք Թալիշն ունի, Հայաստանում և Արցախում որևէ գյուղ չունի: Սակայն մենք սրանով չենք բավարարվելու, հաջորդ տարվանից շարունակվելու են ինչպես վերաբնակեցման, այնպես էլ այս ենթաշրջանում կառավարության իրականացրած ծրագրերը:

- Ադրբեջանում հունվարի 13-ից 15-ն անցկացվելու են միջոցառումներ «Սև հունվարի» շրջանակում, արդյո՞ք հակառակորդը կարող է դիմել սադրանքների, շատերը կարծում են, որ հարձակողական գործողություններ կարող են լինել, դուք ի՞նչ կասեք:

- Հակառակորդի սադրանքներին, տարբեր մասշտաբների գործողություններին միշտ պետք է պատրաստ լինել, ու մեր զինված ուժերը պատրաստ են:

- Պարոն Աբրահամյան,ԱՀ-ում սպասվող ընտրական գործընթացներն ի՞նչ ազդեցություն կարող են ունենալ սահմանի վրա, տարբեր հայտարարություններից պարզ է դառնում, որ ակտիվ ընտրություններ են սպասվում:

- Ակտիվ ընտրություններ սպասելի են, սակայն ես այդ ակտիվությունը դրական հարթության մեջ եմ դիտում: Ակտիվ, որովհետև, առաջին հերթին, երկու խոշոր ընտրություններ են սպասվում՝ նախագահական և խորհրդարանական, երկրորդ, գործող նախագահը հայտարարել է, որ այլևս չի առաջադրվելու, ինչի պայմաններում դաշտ է բացվել այլ գործիչների համար և երրորդ, Արցախում ընտրական օրենսգիրքն է փոփոխվել, ընտրություններն ամբողջությամբ համամասնական ընտրակարգով են կայանալու: 

Վերջին գործոնով պայմանավորված` այն անհատները, որոնք մտադրություն ունեին կամ նախկինում առաջադրվում էին մեծամասնական ընտրակարգով, այս փուլում կամ միանում ու նոր կուսակցություններ են հիմնում, կամ միանում են գործող ուժերին: Այնպես որ, կարծում եմ, մեզ հետաքրքիր գործընթացներ են սպասվում:




Նյութը՝  Tert.am կայքի



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/01/2020

Մահացել է Արտյոմ Ղազարյանը


Հունվարի 1-ին՝ ժամը 11:30-ի սահմանում, հյուսիս-արևելյան ուղղությամբ տեղակայված ստորաբաժանումներից մեկում հիվանդության  հետևանքով մահացել է ՊԲ զինծառայող, 2000թ. ծնված Արտյոմ Արթուրի Ղազարյանը:
Դեպքի մանրամասները պարզելու համար կատարվում է քննություն:
Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին:


ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

30/12/2019

ԱՀ նախագահի այցը հարավային սահմանագոտի

Նախատոնական անակնկալներից ու միջոցառումներից անմասն չեն մնացել հանրապետության հարավային ուղղությամբ մարտական հերթապահություն իրականացնող զորամասերի զինծառայողները և զինավանների բնակիչները: Արցախի հանրապետության նախագահ Բակո Սահակյանը, ՊԲ հրամանատար, գեներալ-լեյտենանտ Կարեն Աբրահամյանի ուղեկցությամբ, դեկտեմբերի 30-ին այցելել է հանրապետության հարավային սահմանագոտի: Հանրապետության նախագահը շնորհավորել է դիրքապահների Ամանորը և Սուրբ Ծնունդը, մաղթել անփորձանք ծառայություն և բարի վերադարձ իրենց հարազատ օջախներ, ինչպես նաև հետաքրքրվել օպերատիվ մարտավարական իրադրությամբ: Բարձրաստիճան հյուրերը հետևել են նաև նախորդ տարի Մեխակավանում բացված մանկապատանեկան ստեղծագործական կենտրոնի սաների ներկայացումներին, պարային համարներին,  մասնակցել զինավանում կազմակերպված տոնական միջոցառմանն ու ճաշկերույթին:


ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/12/2019

Կարեն Աբրահամյանն այցելել է առաջնագիծ

Դեկտեմբերի 29-ին Արցախի Հանրապետության պետական նախարար Գրիգորի Մարտիրոսյանը պաշտպանության նախարար, ՊԲ հրամանատար, գեներալ-լեյտենանտ Կարեն Աբրահամյանի ուղեկցությամբ այցելել է հյուսիս-արևելյան ուղղությամբ տեղակայված զինավաններից մեկը և ներկա գտնվել զինծառայողների ու երեխաների մասնակցությամբ ամանորյա տոնահանդեսին:
Նույն օրը բանակի հրամանատարն այցելել է նաև հյուսիս-արևելյան ուղղությամբ տեղակայված մարտական դիրքեր: Կարեն Աբրահամյանը հետաքրքրվել է մարտական հերթապահության մեջ ընդգրկված անձնակազմի տրամադրությամբ և հուզող խնդիրներով, տեղում ծանոթացել օպերատիվ-մարտավարական իրադրությանն ու սոցիալ-կենցաղային պայմաններին, շնորհավորել դիրքապահ անձնակազմին գալիք Ամանորի և Սուրբ Ծննդյան տոների կապացությամբ՝ վստահություն հայտնելով, որ 2020 թվականը ևս կլինի նորանոր հաղթանակների ու նվաճումների տարի:









ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

28/12/2019

Պաշտպանության բանակն ամփոփել է 2019 թվականը


2019 թվականին արցախա-ադրբեջանական հակամարտ զորքերի շփման գծում տիրող իրադրությունը պայմանականորեն կարելի է համարել հարաբերական կայուն: Ամենօրյա ռեժիմով իրականացվող մեծածավալ ինժենարա-ամրաշինական աշխատանքների և առաջնագծի՝ տեսադիտարկման համակարգերով կահավորման շարունակական գործընթացների արդյունքում ոչ միայն էապես բարձրացվել է մարտական հերթապահության մեջ ընդգրկված անձնակազմի անվտանգությունը, այլև գրեթե իսպառ վերացել է ադրբեջանական զինուժի կողմից դիվերսիոն ներթափանցման փորձերի հավանականությունը: Բացառությամբ սեպտեմբերի 22-ի դեպքի, երբ հակառակորդը ՊԲ հարավարևելյան (Կարախանբեյլի) ուղղությամբ տեղակայված դիրքերից մեկի պաշտպանական հատվածում ձեռնարկել է դիվերսիոն ներթափանցման փորձ և, չեզոք գոտում թողնելով մեկ դիակ, հետ շպրտվել իր ելման դիրքերը, տարվա ընթացքում նմանատիպ քայլեր չեն ձեռնարկվել:

Ընդհանուր առմամբ, ըստ ՊԲ օպերատիվ տվյալների ամփոփագրի, 2019 թվականին արցախա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 9.000 անգամ, որի ընթացքում հայ դիրքապահների ուղղությամբ արձակվել է ավելի քան 85.000 կրակոց` հրաձգային զինատեսակների հետ մեկտեղ կիրառելով նաև 60 միլիմետրանոց ականանետ (13 արկ) և հաստոցավոր ավտոմատ նռնականետ (32 արկ): Այստեղ հարկ է ընդգծել, որ տարվա ընթացքում հակառակորդի կողմից հրադադարի պահպանման ռեժիմի խախտման ու արձակած կրակոցների թվաքանակը ամենացածրն է` 2010 թվականից ի վեր:

Անդրադառնալով արցախյան հիմնահարցին, պետք է արձանագրենք, որ չնայած այս տարի լրացավ կողմերի միջև կրակի դադարեցման համաձայնագրի ստորագրման 25-ամյակը` խնդրի կարգավորմամբ զբաղվող ԵԱՀԿ Մինսկի խմբին այդպես էլ չհաջողվեց առաջընթաց արձանագրել, քանի որ պաշտոնական Բաքուն ոչ միայն շարունակում էր մերժել խնդրի կարգավորման հիմնարար սկզբունքները, այլև արհամարհում էր համանախագահների կողմից առաջ քաշված վստահության կառուցման միջոցները` ուղղված հրադադարի ռեժիմի ամրապնդմանը: Բանակցությունները առաջ տանելու ուղղությամբ տարվա ընթացքում հակամարտող կողմերի միջև ամենաբարձր մակարդակով տեղի ունեցած հանդիպումներն ու ոչ պաշտոնական շփումները, ինչպես նաև ԱԳ նախարարների թվով վեց հանդիպումներից և ոչ մեկը ի զորու չեղան առաջընթաց գրանցել` կողմերի հակադիր դիրքորոշումների պատճառով:

Ընդհանրացնելով վերոնշյալը` պետք է արձանագրենք հետևյալը. բանակցությունների սեղանին առաջընթացի բացակայությանն ու Ադրբեջանի կողմից ղարաբաղյան հիմնախնդիրը ռազմական ճանապարհով լուծելու մասին ամենաբարձր մակարդակով հնչող հայտարարություններին պաշտպանության բանակը ամբողջ տարվա ընթացքում գործով հակադրեց իր ուժն ու մարտունակությունը և շարունակեց պարտադրող դերակատարում ունենալ առաջնագծում` դրանով իսկ ապահովելով Արցախի Հանրապետության սահմանների անձեռնմխելիությունն ու բնակչության խաղաղ կենսագործունեությունը:



ԱՀ ՊՆ մամուլի ծառայություն



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

23/12/2019

Հայաստանի եւ Արցախի Անվտանգության խորհուրդների համատեղ նիստ Երեւանում


Արցախի Հանրապետության նախագահ Բակո Սահակյանը դեկտեմբերի 23-ին ՀՀ նախագահ Արմեն Սարգսյանի եւ վարչապետ Նիկոլ Փաշինյանի հետ Երեւան քաղաքում մասնակցել է երկու հայկական հանրապետությունների Անվտանգության խորհուրդների համատեղ նիստին:
Իր ելույթում Նախագահ Սահակյանն անդրադարձել է Արցախի պետականաշինության, ներքին եւ արտաքին քաղաքականության, ադրբեջանա-ղարաբաղյան հակամարտության կարգավորման, սոցիալ-տնտեսական զարգացման մի շարք հարցերի:
Բակո Սահակյանն ընդգծել է, որ Անվտանգության խորհուրդների համատեղ նիստերի անցկացումը հնարավորություն է տալիս բազմակողմանիորեն քննարկել մեր առջեւ ծառացած խնդիրները, գտնել դրանց լուծման օպտիմալ տարբերակներ եւ ընդունել հիմնավորված որոշումներ:
Երկրի ղեկավարը Հայաստան-Արցախ սերտ փոխգործակցությունը համարել է կարեւորագույն գործոն առաջադրված խնդիրների լուծման համար՝ համոզմունք հայտնելով, որ համատեղ ուժերով կյանքի կկոչվեն բոլոր ծրագրերը, կապահովվի մեր հայրենիքի դինամիկ եւ բնականոն առաջընթացը:





Նյութը՝ Արցախի նախագահի պաշտոնական կայքի



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/12/2019

Վերջին մեկ շաբաթվա ընթացքում հակառակորդը հայ դիրքապահների ուղղությամբ արձակել է ավելի քան 1500 կրակոց



Դեկտեմբերի 8-ից 14-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը խախտել է հրադադարի պահպանման ռեժիմը շուրջ 140 անգամ` տարբեր տրամաչափի հրաձգային զինատեսակներից հայ դիրքապահների ուղղությամբ արձակելով ավելի քան 1500 կրակոց:

​ ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել իրենց առջև դրված մարտական խնդիրը:


ԱՀ ՊՆ մամուլի ծառայություն




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

11/12/2019

«Հանուն հայ զինվորի» ՀԿ-ի իրականացրած աննախադեպ դրամահավաքի արդյունքում 4 զորամասեր կապահովվեն անհրաժեշտ իրերով

Հարգելի հայրենակիցներ, 
ինչպես արդեն տեղեկացրել էինք, «Հանուն հայ զինվորի» ՀԿ-ն, համագործակցելով «Հայ վիրավոր հերոսների» հիմնադրամի հետ, մեկնարկել էր նոր ծրագիր Արցախի հյուսիսարևելյան N զորամասի համար, մասնավորապես ինժեներական աշխատանքների համար անհրաժեշտ որոշակի պարագաների, ցրտադիմացկուն ճտքակոշիկների և այլ պարագաների ձեռքբերման համար։
Ծրագրի իրականացման համար «Հանուն հայ զինվորի» ՀԿ-ի իրականացրած բաց, թափանցիկ և հաշվետու դրամահավաքի արդյունքում հանգանակված գումարին «Հայ վիրավոր հերոսների» հիմնադրամը փոխանցել է ևս 4000 ԱՄՆ դոլլար (1.904.000 ՀՀ դրամ)։
Ուրախ ենք հայտնել, որ 1 զորամաս ընդգրկող ծրագրի համար մեկնարկած դրամահավաքին կատարված փոխանցումները ընդգրկել են այնպիսի ծավալներ, որ «Հանուն հայ զինվորի» ՀԿ-ն ծրագիրը կիրականացնի 1 զորամասի փոխարեն 4 զորամասում, որից 2-ը բարձր լեռնային՝ հյուսիսարևելյան ուղղությամբ։ Զրամասերին կնվիրվեն ինժիներական գործիքներ, մետաղալար, ջրի տարաներ (10լ կանիստր) և անձրևապաշտպան արտահագուստ։ 
 «Հանուն հայ զինվորի» ՀԿ-ն շնորհակալություն է հայտնում դրամահավաքին մասնակցած մեր բոլոր հայրենակիցներին ակտիվ մասնակցության համար, «Oval plastic» ընկերությանը՝ ջրի տարաների անվճար տրամադրման և «Հայ վիրավոր հերոսների» հիմնադրամին ցուցաբերած ֆինանսական օժանդակության համար։
Տեղեկացնենք նաև, որ ինչպես միշտ, «Հանուն հայ զինվորի» ՀԿ-ն օրեր անց վերը թվարկվածները անձամբ կհասցնի զորամասեր, առաջնագիծ մեր դիրքապահներին, որի մասին կտեղեկացնենք լրացուցիչ։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

03/12/2019

Արցախի պաշտպանները. Ֆոտոռեպորտաժ առաջնագծից

«Հանուն հայ զինվորի» ՀԿ-ն օրերս այցելել էր Արցախի Պաշտպանության բանակի հյուսիսարևելյան ուղղությամբ տեղակայված N զորամաս, մարտական դիրքեր, ծանոթացել զինծառայողների առօրյային, կենցաղային պայմաններին, մարտական պատրաստականությանը:Հիշեցնենք, որ զորամասերին օժանդտակ օգնության կարգով հանձնվել են ռեզինե երկարաճիտ կոշիկներ, ձյուն մաքրող բահեր, անձրևապաշտպան հագուստներ, ինչպես նաև «Եվրոթերմ» ՓԲԸ-ի կողմից տրամադրված «Նոյան» հյութեր և մուրաբաներ և ՀՖՖ-ի կողմից տրամադրված սպորտային համազգեստ և այլ պարագաներ՝ նախատեսված զորամասերի ֆուտբոլային թիմերի համար։
Հիշեցնենք, որ վերը նշված իրերը գնվել են դրամահավաքի արդյունքում, որի ընթացքում հավաքվել էր 742.467 ՀՀ դրամ և 100.000 ռուբլի։

Ստորև Ձեզ ենք ներկայացնում ֆոտոռեպորտաժը.














































































Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 

Տեղեկացրու՛ ընկերներիդ`