Showing posts with label Արծրուն Հովհաննիսյան. Show all posts
Showing posts with label Արծրուն Հովհաննիսյան. Show all posts

18/07/2020

Ադրբեջանական «փառապանծ» բանակը արդյունավետ չի գործում


 Եթե դիտարկենք վերջին օրերին ադրբեջանական կողմի զինտեխնիկան կիրառման տեսանկյունից, ապա կտեսնենք, որ բավական հաճախ կիրառվում են ԱԹՍ-ներ՝ մահապարտ և հետախուզական: Հայկական ԶՈՒ-ն արդեն ոչնչացրել է հակառակորդի 14 ԱԹՍ, որից մեկը ՊԲ-ն: 
 «Անզեն աչքով էլ երևում է, որ ամբողջ աշխարհում բավականին մեծ գլխացավանք հանդիսացող ԱԹՍ-ների դեմ հայկական զինված ուժերը՝ թե ԱՀ ՊԲ-ն, թե ՀՀ ԶՈՒ-ն լավ են պայքարում»,- այսօր տեղեկատվական կենտրոնում կայացած ճեպազրույցի ժամանակ հաստատեց Արծրուն Հովհաննիսյանը:
 Ադրբեջանական «փառապանծ» բանակը, որի մասին շատ էին սիրում խոսել իրենց նախգահն ու պաշտպանության նախարարը, ցույց տվեց որ իրենց զորատեսակներից ոչ մեկն ըստ էության բարձր մարտունակություն ու արդյունավետություն չեն դրսևորել, անգամ հատուկ նշանակության զորքերը: Այս պարագայում հակառակորդի համար երևի թե լավագույն միջոցը ԱԹՍ-ների կիրառումն էր: 
 «ԱԹՍ-ները բավականին թանկ են ու հիմնականում ձեռք են բերվում Իսրայելից: Սակայն ինչպես տեսնում ենք մեծ արդյունք չեն տալիս և այս թանկ զինտեխնիկան ձեռք բերելու համար գումարը վերցնում են ադրբեջանցի հասարակ ժողովրդի չափաբաժնից և ծախսում այդ ուղղությամբ»,- ասաց Արծրուն Հովհաննիսյանը:
 Հակառակորդի մարտական քայլերն ըստ էության կանխագուշակել հնարավոր է. հաճախ մեկ, երկու օր տևած մարտերից հետո կարծես հակառակորդի մասնագիտական որակներն սպառվում են և միշտ դիմում են գործընկերներին՝ Թուրքիայից ինքնաթիռ եկավ, իսկ ավելի ուշ մեդիայում տեղեկություններ հայտնվեցին, որ իսրայելական մասնագետներ են ժամանել Բաքու: 


Լիանա Բրյան



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

ՊԲ-ում ադրբեջանական ԱԹՍ-ն խոցվել է Հայաստանում մոդեռնիզացված ՕՍԱ-ԱԿՄ-ով


Հուլիսի 18-ի առավոտյան Իջևանի տեղեկատվական կենտրոնի ճեպազրույցի ժամանակ Արծրուն Հովհաննիսյանը նշեց, որ հայ-ադրբեջանական պետական սահմանին հարաբերական անդորր է եղել։ 
Վիրավորներն ունեն դրական դինամիկա, բացառությամբ մեկի, որի վիճակը, ինչպես ավելի վաղ հայտնել էինք, ծայրահեղ ծանր է։ 
Անդրադառնալով ՊԲ-ի առավոտյան տարածած այն հայտարարությանը, որ խոցվել է ադրբեջանական կողմի «ORBITER-3» տիպի ԱԹՍ, Արծրուն Հովհաննիսյանը նշեց որ այն ոչնչացվել է Հայաստանում մոդեռնիզացված ՕՍԱ-ԱԿՄ-ով։ 
«Արցախում ԱԹՍ-ի խոցումը դեռ չի նշանակում, որ մարտական  գործուղությունները տեղափոխվել են այնտեղ։ Արցախում ժամանակ առ ժամանակ լինում են նման դեպքեր և դա անհանգստանալու տեղիք չի տալիս»,- հավելեց արծրուն հովհաննիսյանը։ 


Լիանա Բրյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

17/07/2020

Հուլիսի 17-ին սահմանային լարումներ չեն արձանագրվել


«Ամբողջ օրը օպերատիվ իրավիճակն առաջնագծում  եղել է հանգիստ, քիչ են եղել կրակոցները: Կրակոցներ եղել են միայն հրաձգային զենքերից»,-  այս մասին լրագրողների հետ ճեպազրույցի ընթացքում հայտնեց Արծրուն Հովհաննիսյանը, ապա հավելոց, որ այսօր այցելել է զորամասերից մեկը. 
 «Զորքերի և հրամանատարության մարտական ոգին բարձր է, լիովին տիրապետում են իրավիճակին։ Մենք տեսնում ենք հակառակորդի բոլոր ոտնձգությունները, շարժերը ու եթե կատարվի որևէ սադրանք, ապա կստանան արժանի հակահարված»:

 Արծրուն Հովհաննիսյանը նշեց, որ վերջին օրերի սահմանային լարումները չեն ազդել զորակոչի և զորացրման վրա. այդ գործընթացն իրականացվում է բնականոն հունով ու մտահոգությունների տեղիք չկա:
Հայ-ռուսական համատեղ  զորախմբի կիրառմանն  անդրադառնալով՝ Արծրուն Հովհաննիսյանն ասաց, որ զորախումբն ունի իր գործողություններին համապատասխան պլանը, թատերաբեմը, ուղղությունը. «ՀՀ ԶՈՒ-երը ընթացող մարտական գործողությունների ծավալի, բնույթի և այլ հարցերով լիովին բավարար են, ինքնաբավ են և կարող են ինքնուրույն կատարել իրենց առջև դրված խնդիրը»:
Տավուշի մարզպետ Հայկ Չոբանյանը, որն այսօր շրջայց է կատարել գյուղերում, փաստեց, որ օրն իրոք խաղաղ է անցել.
  «Բնակիչներն ասում էին արդյոք չենք շտապում վերանորոգել տները, բա որ էլի հրետակոծություններ լինեն և այլն, իմ պատասխանը հետևյալն է եղել՝ ո՛չ, մենք պետք է անմիջապես անցնենք վերականգնողական աշխատանքների: Մեր քաղաքացիները պիտի իմանան, որ քաղաքակիրթ վիճակն իրենց արժանի վիճակ է: Սահմանին ապրող մարդը պիտի առավելություններ ունենա»։


Լիանա Բրյան
 Իննա Թումանյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հուլիսի 16-ի լույս 17-ին սահմանային լարումը նվազել է


 Վաղ առավոտյան ՀՀ ՊՆ մամուլի խոսնակ Շուշան Ստեփանյանն իր ֆեյսբուքյան էջում հայտնեց, որ գիշերվա ընթացքում շփման գծում պահպանվել է հարաբերական անդորր։ Հակառակորդը սահմանի բոլոր ուղղություններով կիրառել է միայն տարբեր տրամաչափի հրաձգային զենքեր։
Ավելի ուշ Իջևանում ստեղծված ճգնաժամային տեղեկատվական կենտրոնում ճեպազրույցի ընթացքում Արծրուն Հովհաննիսյանը հայտնեց, որ կրակոցներ են եղել ոչ միայն մարտական գործողությունների բուն հատվածում, այլև Նոյեմբերյանի, Գեղարքունիքի մարզի, 2-րդ, 4-րդ, 5-րդ բանակային կորպուսների պահպանության տեղամասերի ուղղությամբ։
Վիրավորների վիճակը շարունակում է մնալ նույնը, մեկինը՝ ծայրահեղ ծանր։ Իսկ վիրավորում ստացած քաղաքացու վիճակը կայուն է։
Արցախում ևս նույն իրավիճակն է եղել, կրակել են հրաձգային զենքերից, կիրառվել են նաև մեծ տրամաչափի գնդացիրներ, բայց ըստ էության լարվածություն չկա։


Լիանա Բրյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

16/07/2020

Երևանի քաղաքապետարանը կզբաղվի Այգեպարի մանկապարտեզի վերանորոգման հարցով. օրվա վերջին ճեպազրույցը

2016 թվականին ևս բավական հաճախ կիրառվել են ԱԹՍ-ներ, որոնք առաջին անգամ էին լայն կիրառում ստացել, այդ իսկ պատճառով կան տվյալներ, որ թռիչքներ իրականացրել են նաև արտադրող ընկերության ինստրուկտորները և կարծես թե առաջին անգամ կիրառվեց Հերմես 900: Ճգնաժամային տեղեկատվական կենտրոնի այսօրվա ճեպազրույցի ընթացքում Banak.info-ի հարցին, թե հավանական է,  որ կարող են այդ թռիչքն իրականացրած լինել արտադրող ընկերության ինստրուկտորները, Արծրուն Հովհաննիսյանը պատասխանեց, որ մենք հստակ ապացույցներ չունենք, սակայն ոչինչ բացառվել չի կարող. «Ամեն ինչ հնարավոր է, որովհետև այնուամենայնիվ ադրբեջանական ԶՈՒ-երի կիրառած զինատեսակների և արդյունքների համադրություն եթե կատարենք, չէի ասի փայլուն են ԱԹՍ-ների կիրառությունը ադրբեջանական ԶՈՒ-երի կողմից, բայց եթե համեմատենք իրենց այլ զորատեսակներիի հետ, որակական որոշակի փոփոխություն ի օգուտ ԱԹՍ-ների է և ոչինչ իրոք չի կարելի բացառել»,- ասաց նա ու հավելեց, որ ժամանակի ընթացքում մենք ունեցել ենք փաստեր, ապացույցներ, որ դրսի մասնագետներն են շահագործել ԱԹՍ-ները. «Միգուցե պետք է ուսումնասիրել այս հարցը»։ 
Տավուշի մարզպետ Հայկ Չոբանյանի խոսքով, ըստ էության կարողացել են ապահովել գրեթե տոտալ պատսպարում և՛ ապաստարաններում, և՛ նկուղներում, և՛ ընդհանրապես փակ տարածքներում. «Քաղպաշտպանության համակարգի աշխատանքը ես բավականին դրական եմ գնահատում, սակայն միաժամանակ մենք ունենք բավականին մեծ բացեր, որոնք լրացրել ենք նաև այսօր: 
Ըստ մարզպետի հայտնած տեղեկության, այսօր որոշ գործընկերների աջակցությամբ իրականացվել է  ապաստարանային միջոցների համալրում. «Դրանք ծածկոցներ են, ջրի ապահովման հնարավորություններ են  ապաստարաններում, լապտերներ են, որոնք հնարավորություն կտան ավելի վատ պայմաններում, գիշերային պայմաններում ունենալ բավարար վիճակ մարդկանց պատսպարելու համար»:
Ասուլիսի ժամանակ Հայկ Չոբանյանը նաև նշեց, որ Երևանի քաղաքապետարանը հանձն է առել Այգեպարի մանկապարտեզի վերանորոգմանը։


Լիանա Բրյան, Իննա Թումանյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ճգնաժամային տեղեկատվական կենտրոնում ամփոփվեց սահմանային այսօրվա իրավիճակը

«Կեսօրից հետո ըստ էության Բերդի տարածաշրջանում կիրառել են մարտական, հարվածային անօդաչու թռչող սարքեր»,-  այս մասին լրագրողների հետ ճեպազրույցի ընթացքում՝ առաջնագծի օպերատիվ իրավիճակը ներկայացնելիս, հայտնեց Արծրուն Հովհաննիսյանը, ապա հավելեց, որ հարվածներից մեկով վիրավորվել է քաղաքացիական բնակիչ, որից հետո մեքենայով օգնության են հասել ԱԻՆ աշխատակիցները, իսկ մյուս հարվածը հասել է ԱԻՆ ավտոմեքենային, բայց բարեբախտաբար աշխատակիցները չեն տուժել: Այլ տուժածներ չկան:
Ըստ Արծրուն Հովհաննիսյանի, օրվա ընթացքում հայկական ԶՈՒ-երը թույլ են տվել ադրբեջանական ԶՈՒ-երի ներկայացուցիչներին, որ նախօրեի գիշերը  իրենց ունեցած կորուստներից մնացած դիակները դուրս հանեն տարածքից. «Այս մասին ՊՆ-ն պաշտոնապես էլ հայտարարեց, հստակ նշումներով լուսանկարներ ցուցադրվեցին: Հարկ է նշել, որ սա միակ տարածքը չէր, այդպիսի տարածքներ էլի կան, որտեղ ադրբեջանական ԶՈՒ-երի զինծառայողների դիակներ կան»,- ասաց Հովհաննիսյանն ու հավելեց, որ ադրբեջանական մամուլն այս մասով կեղծիքներ տարածեց և առաջացել է զավեշտալի հակասություն. «Եթե այդ տարածքները իրենց տարածքում էին, ապա ինչու  էին մնացել  այդքան ժամանակ, կամ ինչպես էին մեր վերահսկողության տակ և պետք էր մեր կողմից թույատվություն կամ կրակի դադարեցում, որպեսզի այդ դիակները հանվեն»:
Ըստ Հովհաննիսյանի, օրվա ընթացքում ադրբեջանական քարոզչությունը փայլեց հերթական գլուխգործոցով. «Պաշտոնապես Ադրբեջանի ՊՆ կողմից, ի պատասխան մեր հայկական տիրույթում տարբեր մասնավոր, անհատ մարդկանց հայտարարություններին՝ հարվածներ հասցնելու Ադրբեջանի տարբեր ռազմավարական օբյեկտներին, պաշտոնապես հայտարարվեց Մեծամորի ատոմակայանին հարվածելու մասին, որևէ պաշտոնական հաղորդագրություն կամ հայտարարություն ՀՀ ԶՈՒ-երի մարմինների կողմից չի եղել, որևէ քաղաքացիական, ռազմավարական կամ ոչ ռազմավարական օբյեկտի հարվածելու մասին: Ավելին ես հայտարարեցի, որ նույնիսկ ադրբեջանական գյուղերում որևէ տուն չի թիրախավորվում մեր ԶՈՒ-երի կողմից»:


Լիանա Բրյան
 Իննա Թումանյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

Թարմացված. Ադրբեջանական ԱԹՍ-ն հարվածել է ԱԻՆ մեքենայի


«Ադրբեջանական ԶՈւ-երի հարվածային ԱԹՍ-ն հարվածել է ԱԻՆ մեքենային, զոհեր չկան։ Մանրամասները ճշտվում են»,- գրել է Արծրուն Հովհաննիսյանը։







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

Չինարի գյուղի վիրավոր բնակչի վիճակը գնահատվում է կայուն ծանր

‼️Հակառակորդի հարվածից վիրավորվել է Չինարի գյուղի 48-ամյա բնակիչ Արամայիս Հովակիմյանը: Պացիենտի մոտ առկա է մարմնի մակերեսի մոտ 10% այրվածք, բազմաբեկոր վնասվածք ազդրոսկրի հատվածում: Վերջինիս վիճակը բժիշկները նախնական գնահատում են կայուն ծանր: Հետագա վիճակի վերաբերյալ կտրվի լրացուցիչ տեղեկատվություն:


Նյութը՝ Հայկական միասնական տեղեկատվական կենտրոն-ի ֆեյսբուքյան էջից



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Վիրավորվել է Չինարի գյուղի բնակիչ


«Այսօր հակառակորդի մարտական անօդաուի հարվածից վիրավորվել է Չինարի գյուղի բնակիչ Արամայիս Հովակիմյանը»,- գրել է ՀՀ ՊՆ մամուլի  նախկին քարտուղար Արծրուն Հովհաննիսյանը։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ամփոփ վերջին ժամերի ընթացքում տեղի ունեցած դեպքերը հայ-ադրբեջանական սահմանին

‼️Երեկ՝ 24 ժամյա հրադադարից հետո, ադրբեջանցիները շարունակել են իրենց հարձակողական գործողությունները, որոնց մասին Ադրբեջանի նախագահը հայտարարել էր: ՀՀ ԶՈՒ ստորաբաժանումների, Տավուշի սահմանագոտում գտնվող «Անվախ» դիրքի ուղղությամբ կեսգիշերից հետո ադրբեջանական ԶՈՒ հատուկ ստորաբաժանումների 100 զինծառայող հրետանու կրակի աջակցությամբ փորձել են հարձակվել, բայց մեր դիրքի զինծառայողների գործողությունների արդյունքում հետ են շպրտվել՝ թողնելով զգալի կորուստներ, այդ ընթացքում կորցնելով նաև որոշակի զրահատեխնիկա: Առավոտյան Ադրբեջանի ԶՈՒ լրատվական ծառայությունն արդեն ընդունեց իրենց կորուստները: Ադրբեջանի Զինված ուժերը գործողության տապալումից հետո սկսել են հրետանակոծել Տավուշի գյուղերը: ՀՀ ՊՆ-ն հերքում է առավոտյան ադրբեջանական լրատվամիջոցների տարածած հայտարարությունը, թե իբր հայկական զինված ուժերը կիրառել են ԱԹՍ-ներ, որն իրենք խոցել են:  

‼️Տավուշի սահմանապահ գյուղերի ռմբակոծությունների հիմնական թիրախ են եղել Այգեպար, Կարմիրաղբյուր, Չինարի, Մովսես, Տավուշ համայնքները և Բերդ քաղաքը։ Բարեբախտաբար քաղաքացիական բնակչության շրջանում զոհեր և վիրավորներ չունենք: Մեր բնակավայրերում վնասվել են տասից ավելի առանձնատներ, ինչպես նաև որոշ ենթակառուցվածքներ: Վնասվել է ջրագիծ՝ Տավուշ-Ներքին Կարմիրաղբյուր հատվածում, որի վերականգնման աշխատանքները ընթացքի մեջ են։ Վաղ առավոտյան մոբիլիզացվել են մարզի քաղպաշտպանության բոլոր խմբերը, և ինտենսիվ աշխատանքներ են ընթանում բոլոր ուղղություններով քաղաքացիական բնակիչների անվտանգությունն ապահովելու համար։  Վաղ առավոտյան ստեղծվել է հրետակոծված բնակավայրերի, շինությունների գնահատման, գույքագրման հանձնաժողով, որն ամենօրյա տեղեկատվություն պետք է տա վնասների չափի և ծավալների վերաբերյալ։ Այն բնակարանները, որոնց վերականգնումը նպատակահարմար չի լինի, կկաԵրեկ՝ 24 ժամյա հրադադարից հետո, ադրբեջանցիները շարունակել են իրենց հարձակողական գործողությունները, որոնց մասին Ադրբեջանի նախագահը հայտարարել էր: ՀՀ ԶՈՒ ստորաբաժանումների, Տավուշի սահմանագոտում գտնվող «Անվախ» դիրքի ուղղությամբ կեսգիշերից հետո ադրբեջանական ԶՈՒ հատուկ ստորաբաժանումների 100 զինծառայող հրետանու կրակի աջակցությամբ փորձել են հարձակվել, բայց մեր դիրքի զինծառայողների գործողությունների արդյունքում հետ են շպրտվել՝ թողնելով զգալի կորուստներ, այդ ընթացքում կորցնելով նաև որոշակի զրահատեխնիկա: Առավոտյան Ադրբեջանի ԶՈՒ լրատվական ծառայությունն արդեն ընդունեց իրենց կորուստները: Ադրբեջանի Զինված ուժերը գործողության տապալումից հետո սկսել են հրետանակոծել Տավուշի գյուղերը: ՀՀ ՊՆ-ն հերքում է առավոտյան ադրբեջանական լրատվամիջոցների տարածած հայտարարությունը, թե իբր հայկական զինված ուժերը կիրառել են ԱԹՍ-ներ, որն իրենք խոցել են:  
Տավուշի սահմանապահ գյուղերի ռմբակոծությունների հիմնական թիրախ են եղել Այգեպար, Կարմիրաղբյուր, Չինարի, Մովսես, Տավուշ համայնքները և Բերդ քաղաքը։ Բարեբախտաբար քաղաքացիական բնակչության շրջանում զոհեր և վիրավորներ չունենք: Մեր բնակավայրերում վնասվել են տասից ավելի առանձնատներ, ինչպես նաև որոշ ենթակառուցվածքներ: Վնասվել է ջրագիծ՝ Տավուշ-Ներքին Կարմիրաղբյուր հատվածում, որի վերականգնման աշխատանքները ընթացքի մեջ են։ Վաղ առավոտյան մոբիլիզացվել են մարզի քաղպաշտպանության բոլոր խմբերը, և ինտենսիվ աշխատանքներ են ընթանում բոլոր ուղղություններով քաղաքացիական բնակիչների անվտանգությունն ապահովելու համար։  Վաղ առավոտյան ստեղծվել է հրետակոծված բնակավայրերի, շինությունների գնահատման, գույքագրման հանձնաժողով, որն ամենօրյա տեղեկատվություն պետք է տա վնասների չափի և ծավալների վերաբերյալ։ Այն բնակարանները, որոնց վերականգնումը նպատակահարմար չի լինի, կկառուցվեն նորերը։


Նյութը՝ Հայկական միասնական տեղեկատվական կենտրոն-ի ֆեյսբուքյան էջից


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

ՀՀ ԶՈւ-երը նախորդ գիշեր զոհեր և վիրավորներ չեն ունեցել

Իջևանում գործող ճգնաժամային տեղեկատվական կենտրոնում անցկացվող ճեպազրույցի ընթացքում Արծրուն Հովհաննիսյանը հայտնեց, որ անցած գիշերվա ընթացքում ՀՀ ԶՈՒ-երը զոհեր և վիրավորներ չեն ունեցել։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

15/07/2020

Սահմանային իրավիճակի ամփոփում ժամը 21:30-ի դրությամբ


Սահմանամերձ համայնքներում երեկ կեսգիշերից հետո կրակոցներ, հատկապես մեծ տրամաչափի զինատեսակներից չեն եղել:

Ընդհանուր առմամբ ՀՀ ԶՈՒ ՀՕՊ ստորաբաժանումները խոցել են հակառակորդի 13 ԱԹՍ, որոնցից 10-ը՝ հարվածային, 3-ը՝ հետախուզական:

Մոտավորապես 50-ից ավելի հրետանային արկեր են կիրառվել հայկական 5-6 բնակավայրերի նկատմամբ:  Գրեթե լիովին պահպանվում է հրադադարի ռեժիմը, բայց մեր զինված ուժերը բարձր մարտունակություն ունեն, զգոն են, լիարժեք տիրապետում են իրավիճակին, հետևում են հակառակորդի բոլոր զարգացումներին։

ՀՀ ԶՈՒ-ն պատրաստ է հակառակորդի զինված ուժերի թե՛ ցամաքային, թե՛ օդային զորատեսակների սադրանքներին, ինչպես անհրաժեշտ հակահարված տալ, այնպես էլ տեսնում է բոլոր շարժերն ու գործողությունները։


Նյութը՝ Հայկական միասնական տեղեկատվական  կենտրոն-ի ֆեյսբուքյան էջից



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Կեսգիշերից սկսած՝ կրակոցների գրեթե լիարժեք դադար է տեղի ունեցել․ Արծրուն Հովհաննիսյան

«Երեկ՝ 18։00-ից սկսած, խոշոր տրամաչափի զենքեր ակտիվ չեն կիրառվել, իսկ կեսգիշերից սկսած, կրակոցների գրեթե լիարժեք դադար է տեղի ունեցել։ Մինչև այդ ժամը եղել են որոշակի կրակոցներ և մեր ՀՕՊ ստորաբաժանումները խոցել են  հակառակորդի երկու ԱԹՍ, դրանից հետո անդորր է»,- Իջևան քաղաքում տեղակայված Ճգնաժամային տեղեկատվական կենտրոնում՝ ներկայացնելով օպերատիվ իրավիճակը, հայտնեց  Արծրուն Հովհաննիսյանը։

Նա ասաց, որ այս պահին ևս շարունակվում է այդ վիճակը․ «Արցախյան հատվածում էլ է հանգիստ եղել ու որևէ արտառոց բան տեղի չի ունեցել»։
Հովհաննիսյանը ցավակցական խոսք ասաց մեր չորս զոհերի մասին, ապա նշեց, որ հակառակորդը 12 կորուստների անուններ էր շրջանառում։

Հիշեցնենք, որ արդեն  երկու օր է լարված իրավիճակ է ՀՀ պետական սահմանի Տավուշի մարզի հատվածում, որտեղ ադրբեջանական կողմը իրականացնում է սադրիչ գործողություններ` կիրառելով ականանետներ, ծանր հրետանի, տանկեր, հետախուզական և մահապարտ ԱԹՍ միջոցներ։


Իննա Թումանյան 

         

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Քսան վիրավորներից մեկի վիճակը ծայրահեղ ծանր է


Հուլիսի 12-ից սկսած, մենք ունեցել ենք մոտավոր երկու տասնյակ վիրավոր։ Նրանցից կեսն  ունեցել են աննշան վնասվածքներ  և վերադարձել են շարունակելու ծառայությունը․ «Փաստացի բուժվում են 10 վիրավորներ, որոնցից 5-ի վիճակը թեթև ծանրության է, իսկ մյուս 4-ինը՝  միջին։ Բժիշկների հավաստմամաբ նրանց կյանքին վտանգ չի սպառնում»,-հայտնեց Արծրուն Հովհաննիսյանը՝ լրագրողների հետ հանդիպման ընթացքում,- հավելելով, որ միայն մեկ զինծառայող գտնվում է ծայրահեղ ծանր վիճակում։


Իննա Թումանյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/07/2020

ԶԼՄ-ների համար կստեղծվի ճգնաժամային տեղեկատվական կենտրոն



«Հարգելի ԶԼՄ գործընկերներ
Առաջիկա ժամերին Տավուշի մարզի Իջևան քաղաքում կստեղծվի ճգնաժամային տեղեկատվական կենտրոն, որտեղ բրիֆինգներով պարբերաբար կներկայացվի սահմանին ընթացիկ վիճակը: Լրատվամիջոցների հետ աշխատանքը կհամակարգի Արծրուն Հովհաննիսյան-ը, մանրամասները՝ առաջիկայում»,- գրել է  «Կառավարության տեղեկատվական-վերլուծական կենտրոն» ՊՈԱԿ-ի տնօրեն Հովհաննես Մովսիսյանը։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

13/07/2020

Հակառակորդը 82 մմ-ոց 7 արկ է արձակել Չինարի գյուղի ուղղությամբ․ Արծրուն Հովհաննիսյան

Ռազմական փորձագետ և ՀՀ ՊՆ մամուլի նախկին քարտուղար Արծրուն Հովհաննիսյանն իր facebook-յան էջում գրել է․«Ադրբեջանական զինված ուժերը 82մմ տրամաչափի ականանետից յոթ արկ են արձակել Չինարի բնակավայրի ուղղությամբ։ Տուժածներ չկան, վնասվել է բնակելի տներից մեկի տանիքը»։





Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

20/05/2020

Ոլորտում մեծ անելիքներ ունենք. Արծրուն Հովհաննիսյան

 Պարոն Հովհաննիսյան, ինչպե՞ս ընդունեցիք մամուլի խոսնակից Հրամանատարաշտաբային ֆակուլտետի պետ անցնելու որոշում-հրամանը: Կա՞ր ցանկություն, թե՞ հրամանները չեն քննարկվում:
 Նախ հրամանները չեն քննարկվում, բայց ես առնվազն 2 տարի մեծ ցանկություն ունեի անցնել ռազմակրթական ոլորտ, այնպես որ մեծ սիրով ընդունեցի:

Ինչպիսի՞ զգացողություններ ունեցաք մոտ 20 տարի անց համալսարան վերադառնալով:
Շատ հետաքրքիր, հակասական զգացողություններ ունեցա, որովհետև սա ինձ համար Մայր ռազմական բուհն է, որը ես ավարտել եմ 2001 թվականին: Մի կողմից հիշողություններ, մյուս կողմից հպարտություն, որովհետև տարիների ընթացքում հսկայական բան է փոխվել այստեղ: Միջավայրը հարազատ է, քանի որ դեռ կան դասախոսներ, որոնք ինձ են դասավանդել կուրսանտական տարիներին, կան մարդիկ, որոնց հետ մենք սկսել ենք հրամանատար- ենթակա հարաբերություններով, իսկ այսօր գործընկերներ ենք: Այնպես որ ինձ համար շատ նոր ծրագրերով, ցանկություններով լեցուն միջավայր է:

Իսկ ապագայում ի՞նչ պլաններ կան ռազմական կրթության բարեփոխումների հետ կապված:
Ռազմակրթական բարեփոխումները շատ լայն են, որովհետև մի կողմից մենք մեր բանակի, զինված ուժերի ստեղծման հետ զուգահեռ,  ստեղծում ենք սեփական ռազմագիտական դպրոց, մյուս կողմից էլ ամբողջ աշխարհում ռազմական կրթությունը զարգանում է, ծնվում են նոր լուծումներ, նոր մոտեցումներ։ Մենք բոլորովին վերջերս ենք ամբողջացրել  ռազմական կրթության աստիճանավորումը, այսինքն՝ բոլոր աստիճանի ռազմակրթական արտադրությունները արդեն Հայաստանում, հետևաբար անելիքներ շատ կան, դրանք բովանդակային հագեցնելու, մասնագիտական բարձր  որակի  բարձրացնելու, ինչպես նաև  համաշխարհային միտումների հետ համապատասխանեցնելու համար:

Իսկ կա՞ն կոնկրետ առարկայական ծրագրեր:
 Մենք ուզում ենք հայկական ռազմական կրթության բոլոր օղակները, որոնք տարիների ընթացքում ստեղծվեցին, ավագ դպրոցից հասնելով մինչև ակադեմիական բարձր դասընթացների, եզրափակենք ռազմական գիտությունների խորհրդով: Բացի այդ նպատակներ կան խորացնելու մագիստրոսական ծրագրերը, կոնկրետ Հրամանատարաշտաբային ֆակուլտետի ունկնդիրների գիտելիքները: Հետաքրքիր ծրագրեր ունենք նաև 16 շաբաթյա, 24 շաբաթյա դասընթացների մասով: Նախագծեր շատ կան, որոնք բոլորն էլ միտված են ռազմական կրթության բարելավմանը:

Այստեղ շատ կան նաև մարտական գործողությունների մասնակիցներ, կամ այսպես ասած տեսականը գեներացնողներ: Ինչպիսի՞ հակասություններ կամ բանավեճեր են ծավալվում պրակտիկայի և տեսության մեջ:
Այո, ընդհանուր առմամբ դա միայն մեզ չի վերաբերում, դա համաշխարհային թրենդ է: Հիմնականում Սառը պատերազմի ժամանակվա ռազմական գիտության, տեսության վերանայման ակտուալ խնդիրներ կան, որը մեզ մոտ շատ դեպքերում բարձրացնում են հենց խրամատներից եկածները, որոնք տեսել են առօրյա բարդ ծառայություն, պատերազմ, մարտական գործողություններ: Եվ շատ հաճախ դասախոսները, տեսաբանները, ովքեր սրա վրա աշխատում են պիտի մշտապես մասնակցեն սեմինարների, բանավեճերի, մրցապայքարի մեջ լինեն, որպեսզի ծնվի այդ վերջնական ժամանակակից ռազմական գիտությունը: Բայց պետք է ասեմ, որ  սա ամբողջ աշխարհում ևս վերջնական տեսքի չի եկել, անցումային փուլում ենք գտնվում: Իսկ մենք, քանի որ կիսապատերազմող պետություն ենք, մենք ինքներս ապրում ենք այս պրոցեսը:
Դասապրոցեսի ժամանակ կուրսանտները երբեմն դասախոսին կանգնեցնում են հստակ փաստի առաջ, որ մարտավարական, տեսական ինչ-որ հին լուծումներ այլևս չեն համապատասխանում նոր մարտահրավերներին, և դու ստիպված ես լինում միշտ պրպտել, մտածել, ինչը ամբողջ աշխարհում առարկայական նշանակություն ունի ռազմական կրթության և ընդհանրապես գիտության ու կրթության մեջ:


Դավիթ Թորոսյան, Լիանա Բրյան 



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: Տեղեկացրու՛ ընկերներիդ`

06/03/2020

Արծրուն Հովհաննիսյանը դադարեցնում է ՊՆ մամուլի խոսնակի պարտականությունների կատարումը


 
«Հարգելի գործընկերներ ես այսօրվանից  դադարեցնում եմ ՀՀ պաշտպանության նախարարի մամուլի քարտուղարի պարտականությունների կատարումը: Շնորհակալ եմ բոլորին համատեղ ծառայության համար։ 

Առաջին հերթին շնորհակալ եմ իմ բոլոր ղեկավարներին: 

Շնորհակալ եմ ՀՀ ԶՈՒ-երի յուրաքաչյուր զինվորին և սպային, որ լիազորված եմ եղել և պատիվ եմ ունեցել հանրությանը ներկայացնել նրանց շահերը:  Շնորհակալ եմ բոլոր լրատվամիջոցներին համատեղ աշխատելու համար: 

Ծառայության 23 տարիների ընթացքում երազել եմ զբաղվել ռազմական կրթությամբ: Ուրախ եմ, որ իմ ծառայությունը Հայաստանի Հանրապետության ԶՈւ-երում շարունակելու եմ հենց ռազմական կրթության ոլորտում: 

Ծառայում եմ Հայաստանի Հանրապետությանը»-գրել է ՀՀ ՊՆ մամուլի  արդեն նախկին խոսնակ Արծրուն Հովհաննիսյանը։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

05/03/2020

Տավուշի մարզի սահմանային հատվածում ադրբեջանական կողմը դիմել է սադրանքների


«Ադրբեջանական սահմանապահ զորքերի ստորաբաժանումները ՀՀ Տավուշի հատվածում այսօր կրկին դիմել են սադրիչ գործողությունների։ Արդեն մի քանի օր է նույն ուղղությամբ ադրբեջանական սահմանապահ ստորաբաժանումները կրակում են մեծ տրամաչափի գնդացիրներից։ ՀՀ ԶՈւ-երի ստորաբաժանումները, որպես կանոն դրսևորում են զսպվածություն, սակայն թիրախային կրակոցները անպատասխան չեն մնալու։ Այս սադրանքների և դրանց բոլոր հետևանքների ողջ պատասխանատվությունը մնալու է Ադրբեջանական կողմի վրա»-, գրել է ՀՀ ՊՆ մամուլի խոսնակ Արծրուն Հովհաննիսյանը։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

02/03/2020

Զինծառայողների մոտ հայտնաբերված հեռախոսները հանձնվել են ծնողներին. Արծրուն Հովհաննիսյան

«Անցնող երկու օրերի ընթացքում ՀՀ ԶՈւ-երում Հրամանատարության և ՀՀ ՊՆ ՌՈ պրոֆիլակտիկ աշխատանքների ընթացքում զորքի մոտ հայտնաբերվել է մի քանի հարյուր միավոր սմարթֆոններ։ Դրանք բոլորը հանձնվելու են զինծառայողների ծնողներին։ Հերթական անգամ հորդորում ենք զինծառայողներին և նրանց հարազատներին, զերծ մնալ զինծառայողներին չթույլատրված հեռախոսների տրամադրումից։ Դրանք վտանգում են իրենց կյանքը, ստորաբաժանման անվտանգությունը հարցականի տակ են դնում, առաջացնում են ոչ կանոնադրային մթնոլորտ»-, գրել է ՀՀ ՊՆ մամուլի խոսնակ Արծրուն Հովհաննիսյանը։




Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`