Showing posts with label Արծրուն Հովհաննիսյան. Show all posts
Showing posts with label Արծրուն Հովհաննիսյան. Show all posts

11/02/2019

Մահացել է Մեսրոպ Գրիգորյանը

ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում գրում է.
 «Խորը վշտով հայտնում ենք, որ այսօր ՀՀ ԶՈւ-երի զորամասերից մեկի պահպանության տեղամասում, հրազենային վիրավորումից մահացել է զինծառայող, պայմանագրային Մեսրոպ Ռուբիկի Գրիգորյանը, ծնված 18. 10. 1985թ.: Հանգամանքները պարզվում են:     
Ցավակցում ենք Մեսրոպ Գրիգորյանի հարազատներին»։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/02/2019

Չենք հրապարակել, բայց եւ չենք թաքցրել․ Արծրուն Հովհաննիսյանը՝ զինվորի մահվան լուրը չհայտնելու մասին

News.am  կայքը գրել է.
Ամանորի գիշերը պայմանագրային զինծառայող Էդգար Գրիգորյանի մահվան մասին տեղեկություն չեն հրապարակել, բայց եւ չեն թաքցրել։ Պաշպանության նախարարի մամուլի խոսնակ Արծրուն Հովհաննիսյանը ֆեյսբուքյան իր էջում այսպես է պարզաբանել, թե ինչու նախարարությունը չի հայտնել զինծառայողի մահվան մասին։
Նույն խնդրին Tert.am-ի հետ զրույցում անդրադարձել է ՀՀ պաշտպանության նախարարի տեղակալ Գաբրիել Բալայանը․ «Եթե այդ ժամանակ զինվորի մահվան մասին տեղեկությունը հրապարակվեր, հնարավոր է՝  քննությանը խանգարեր»,- ասել է նա՝ հավելելով․ «Նախաքննություն է ընթանում, և հանգամանքները ճշտելու կարիք կա։ Մենք չգիտենք՝ ինչ հանգամանքներում է եղել դեպքը»։
Նա համաձայնել է լրատվամիջոցի դիտարկմանը, որ նախկինում այսպիսի ուշացում չէր եղել, բայց եւ պնդել է, որ «հաշվի առնելով որոշակի հանգամանքներ՝ այս պարագայում քննությանը կխանգարեր»։
Ավելի վաղ Tert.am-ը հայտնել էր, որ Ամանորի գիշերը հրազենային վնասվածքից մահացել է ՀՀ ՊՆ պայմանագրային զինծառայող Էդգար Գրիգորյանը, սակայն դեպքի մասին Պաշտպանության նախարարությունն ու ՀՀ քննչական կոմիտեն որևէ տեղեկություն չեն հայտնել:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

05/02/2019

Su-30 կործանիչները մեծ ձեռքբերում են Հայաստանի համար. ՀՀ ՊՆ խոսնակ

 Azatutyun.am կայքը գրում է.
Հայաստանը Ռուսաստանից Su-30 (Су-30, Սու-30) մակնիշի 4 կործանիչ է գնել, «Ազատության» հետ զրույցում ասաց Պաշտպանության նախարարության մամուլի խոսնակ Արծրուն Հովհաննիսյանը՝ նշելով, որ սա մեծ ձեռքբերում է Հայաստանի համար։
Հովհաննիսյանն ընդգծեց՝ չորս կործանիչները ձեռք են բերվել պայմանագրի նախնական փուլում, իսկ սա, ըստ ՊՆ խոսնակի, «Հայաստանի վերջնական ցանկությունը չէ»։
«Ազատություն». - Պարոն Հովհաննիսյան, «Կոմերսանտ»-ը տեղեկացրեց, որ Ռուսաստանը Հայաստանին է վաճառել չորս հատ Su-30 կործանիչներ՝ Ռուսաստանի ներքին գներով։ Պաշտպանության նախարարությունը դեռևս չի հաստատել այս տեղեկությունը։ Արդյո՞ք դա այդպես է, և կործանիչները ե՞րբ Հայաստանում կլինեն։
Հովհաննիսյան. - Այո՛, այսպես ասենք, պայմանագրի նախնական փուլում կլինի չորս մեքենա այս տարվա ընթացքում, երբ որ հստակ կունենանք, այդ ժամանակ կտեսնեք, բայց հասկանում եք, որ ինքնաթիռների ձեռքբերումը պատրաստի ապրանք չէ, որ գնաս, գնես, բերես։
«Ազատություն». - Պարոն Հովհաննիսյան, իսկապե՞ս ներքին գներով է վաճառվել, ինչպես որ թերթն էր տեղեկացնում, և որքա՞ն է կազմում վարկը, որի շրջանակներում ձեռք են բերվել կործանիչները։
Հովհաննիսյան. - Ներքին գները ևս որևէ հայտնություն չէին ներկայացնում իրենցից, որովհետև «Կոմերսանտ»-ի ներկայացրած և ինչ-որ առումով նաև ենթատեքստերն այնքան էլ ընդունելի ու հասկանալի չեն մեզ համար, որովհետև բանը նրանում է, որ Հայաստանի Հանրապետությունն ուղիղ Ռուսաստանի հետ և ՀԱՊԿ շրջանակներում ունի համապատասխան պայմանագրաիրավական բազա, որով մենք վաղուց շատուշատ զինատեսակներ ձեռք էինք բերում ուղիղ արտադրողներից՝ ներքին գներով։
«Ազատություն». - Դա ՀԱՊԿ շրջանակներում, իսկ վարկային այդ միջոցի՞ մասին, որ խոսվում է, մոտավորապես 100 միլիոն դոլարի՞ մասին է խոսքը գնում։
Հովհաննիսյան. - Բերեք այստեղ ես գաղտնիքներ չբացեմ, որովհետև դրանք արդեն դասակարգված տեղեկատվություն են։
«Ազատություն». - Կարո՞ղ ենք ասել, որ այս կործանիչների ձեռքբերումով բալանսը, որի մասին հաճախ խոսվում էր, որ ուժերի միջև ռազմական բալանսը խախտված է, այժմ Հայաստանը ոչ միայն հավասարվել է, այլև գերազանցել է իր հնարավորություններով։
Հովհաննիսյան. - Գիտեք, ես չեմ ուզում, որ մենք շատ ֆիքսվենք նրբությունների վրա, որովհետև, երբ որ ես հիմա փորձեմ ու կարող եմ ինձ թույլ տալ մասնագիտական վերլուծություն կատարել, թե, օրինակ, Su-30-ն ինչ հնարավորություններ ունի, ինչպես կարող է կռվել, ինչեր կարող է անել, բնականաբար, կհայտնվի մեկը, որ կասի՝ «չորս հատը քիչ է», կհայտնվի մյուսն ու կասի՝ «չէ, գիտես ինչ կա, այնքան էլ այդպես չէ, էն մյուսն ավելի լավն է, քան էս մյուսը»։ Բայց որ նման բազմաֆունկցիոնալ ծանր, հզոր կործանիչը կարող է բալանս փոխել իր տեսակով՝ անկախ իր քանակից, և չորսը մեր վերջնական ցանկությունները չեն, դա ակնհայտ է։ Այսինքն՝ դա քննարկումից դուրս է, անգամ ամենաչարախոսը չի կարող այս երևույթը հաշվի չառնել։
«Ազատություն». - Ամեն դեպքում բավարա՞ր է բանակի առջև դրված խնդիրները լուծելու համար։
Հովհաննիսյան. - Ամեն դեպքում չորս հատը կարող է իրեն թույլ տալ իրավիճակ փոխել։
«Ազատություն»․ - Ադրբեջանն ունի՞ այսօրինակ կործանիչներ:
Հովհաննիսյան. - Ոչ միայն Ադրբեջանը չունի: Նման կործանիչներ տարածաշրջանում ոչ մի պետություն, բացի Պարսկաստանից, որը էդ որակի չի, էդ տեսակի չի․․․ դասակարգման տեսանկյունից ծանր կործանիչ է կոչվում ինքը: Երկշարժիչանի ծանր կործանիչ ունի միայն Պարսկաստանը, հին ամերիկյանի կործանիչներ են:
«Ազատություն»․ - Նոր իշխանությունների կողմից հատկապես այս կործանիչների ձեռք բերում ինչո՞վ էր պայմանավորված:
Հովհաննիսյան․ - Ես չեմ կարող խաղաքարտեր բացել հիմա ձեր առջև: Ես ինքս, որպես մասնագետ էդ ամեն ինչի համոզմունքը ունենալով, որ սա շատ ճիշտ որոշում է և այլն, բայց իմ զինանոցը ձեր առջև չեմ կարող բացել, թե ինչու, օրինակ, ՍՈւ-30, ոչ թե, օրինակ, ՄԻԳ-31: Էս հարցերը եթերային քննարկման հարցեր չեն:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/02/2019

Պաշտպանության նախարար Դավիթ Տոնոյանը շնորհակալական նամակ է ուղարկել զինվորների համար գուլպա գործող տատիկին

ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում գրում է.

Ծանոթացեք բացառիկ հայուհու հետ՝ ժանետա Անանիկյան։ Ժանետա մայրիկը արդեն մի քանի տարի է զինվորների համար բրդյա գուլպաներ է գործում՝ հարյուրավոր զույգեր։ Մենք այսօր նրան փոխանցեցինք Պաշտպանության նախարար Դավիթ Տոնոյանի շնորհակալական նամակը։ Ծանոթանալով Ժանետա մայրիկի հետ՝ ավելի ապշեցինք նրա տեսակով ու արած գործերով։ Պարզվում է բացառիկ այս հայուհին նաև ստեղծագործում է և բացառիկ թեմաներով։ Շնորհակալ ենք, տիկին Ժանետա։ Շնորհակալ ենք ոչ միայն Ձեր աշխատանքի, այլեւ առաջին հերթին որդեգրած սկզբունքների, դավանած արժեքների համար և Ձեր տեսակի համար, որ ամաչելով պահում է թելն ու շյուղերը, որ չմտածենք, թե հատուկ ի տես է դրված, հետո մեղմ ժպտալով բացատրում, որ նոր է հին սվիտրը եռացրել, մի կծիկ թել ստացել, որ գուլպա պիտի դառնա Տղերքի համար...






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/02/2019

Ստացվել են Շիրակի մարզում աղետի ենթարկված ՍՈՒ-25 մարտական ինքնաթիռի սեւ արկղի ձայնային կարդիոգրամման. ՊՆ խոսնակ

News.am  կայքը գրում է.
Դեկտեմբերի 4-ին Շիրակի մարզում աղետի ենթարկված ՍՈՒ-25 մարտական ինքնաթիռի սեւ արկղը ձայնային կարդիգրամայի արդյունքներն ուղարկվել են Պաշտպանության նախարարություն։ Այս մասին NEWS.am-ի հետ զրույցում ասաց ՀՀ պաշտպանության նախարարի մամուլի խոսնակ Արծրուն Հովհաննիսյանը՝ նշելով, որ կործանված ինքնաթիռի սեւ արկղի փորձաքննությունն իրականացրել են ռուս մասնագետները։
«Ստացվել են միայն ձայնային կարդիոգրամայի արդյունքները, որոնք հրապարակման ենթակա չեն։ Սեւ արկղի փորձաքննությունը այլ բազմաթիվ գործողություններ էլ է ենթադրում, որոնց պատասխանը դեռ չեն ստացվել։ Միայն ձայնային տվյալներով չի ամփոփվում եւ միայն մեկ էքսպերտիզայով չի ամփոփվում, դա տեւական ժամանակ է տեւում, տարբեր կողմերից ուսումնասիրվում է, եւ եթե տվյալ գործով լինեն մեղադրյալներ, մեղավորներ կհայտարարվի այդ մասին»,– ասաց նա։
Արծրուն Հովհանիսյանը հավելեց, որ փորձաքննության արդյունքները հնարավոր է չհրապարակվեն, քանի որ ռազմական ինքնաթիռ է կործանվել եւ արդյունքները ռազմական գաղտնիք կարող են իրենց մեջ պարունակել։
Նշենք, որ աղետի հետեւանքով զոհվել էին երկու օդաչուները` Արմեն Բաբայանն ու Մովսես Մանուկյանը:
Դեպքից հետո ՀՀ քննչական կոմիտեի ՀՀ ՔԿ ԶՔԳՎ 10-րդ կայազորի քննչական բաժնում հարուցվել է քրեական գործ` ՀՀ քրեական օրենսգրքի 378-րդ հոդվածի հատկանիշներով` թռիչքների կամ դրանց նախապատրաստման կանոնները խախտելու համար:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Տեսախցիկով հեռախոսի օգտագործումն արգելվել է նաև սպաներին


Artsakhpress.am կայքը գրում է.
Տեղեկացրել էինք, որ ամիսներ առաջ ՀՀ պաշտպանության նախարարությունը թույլատրել է զինծառայողներին օգտվել հեռախոսներից, բայց միայն հեռախոսային այն մոդելներից, որոնք «կամերայով» չեն, և խոսքը ոչ միայն զինվորների մասին է, այլեւ սպայական կազմի։

Պաշտպանության նախարարի մամուլի քարտուղար Արծրուն Հովհաննիսյանը հայտնեց, որ պատճառը՝ ինֆորմացիայի արտահոսքի կանխելն է։ «Այդ փաստը վեց ամսից ավել է՝ արձանագրել ենք, երկրորդ՝ դա արվել է, որպեսզի ծառայության գաղտնիքներ պարունակող արտահոսք չլինի», գրում է hraparak.am-ը

Արծրուն Հովհաննիսյանը որպես ամփոփում նշեց, որ սա աշխարհի շատ բանակներում ընդունված է, իրենք հեծանիվ չեն հորինել։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

26/01/2019

ՀՀ ԶՈւ-երը փորձարկում են նոր սերնդի զենք։ Պարզաբանում է Արծրուն Հովհաննիսյանը

Ինչպես արդեն տեղեկացրել ենք, Հայաստանի ԶՈՒ-եր է մատակարարվել 50 հատ նոր ԱԿ-12 ինքնաձիգ, որի առավելությունների մասին զրուցել ենք ռազմական փորձագետ Արծրուն Հովհաննիսյանի հետ։

-Ինչպե՞ս կնքվեց զինքի մատակարարման գործարքը։

-Պետք է նշել, որ սա պետական գործարք չէ, պետությունը կապ չունի, սա մասնավորների բավականին հետաքրքիր գործարք է․ սա մեզ մատակարարող ընկերություն է, իսկ գործարքի այլ մանրամասներ չէի ցանկանա նշել։

-Ինչո՞վ է տարբերվում մեր ունեցած զենքերից։

-Զենքը դարձել է ավելի հարմար։ Կարելի է ասել որ չնայած ըստ իմ չափանիշների 5․45մմ փամփուշտը կարելի է ասել հետ հարված չունի, սակայն ԱԿ-74-ի խզակոթի վրա կար լծակ, որի պատճառով հետհարվածի ժամանակ զենքը «նետվում էր» դեպի վեր, իսկ այս դեպքում արևմտյան զենքերի չափորոշիչներով է, խզակոթը շարժական է հարմարվում է քեզ և ուղիղ է, ինչի շնորհիվ հետհարվածը մարում է։ Ի հավելումն դրա, զենքի նշանոցային գիծը ավելի երկար է, իսկ ԱԿ-74-ի վրա կարճ է՝ սկսվում և ավարտվում է փողով, իսկ այս դեպքում՝ ամբողջ զենքով, այսինքն զենքն ավելի բալանսավորված է և կրակում է ավելի դիպուկ։

-Ի՞նչ առավելություններ ունի զենքը։

Զենքը ունի մի շարք առավելություններ, տարբեր տեսակի նշանոցներ, օրինակ գիշերային-ցերեկային, ջերմային, և այլն, լույսեր, այդ թվում շատ հեշտ հարմարվում է ենթափողային նռնականետ։ Իհարկե, զենքը նոր է և հնարավոր է ունենա նաև խնդիրներ, սակայն ամեն նոր զենք առաջընթաց է։
 Պահեստատուփը ունի փոխվող տարբերակ, ինչպես սովորական 30 փամփուշտ տարողությամբ, այնպես էլ կարող է փոխվել և դառնալ 60 փամփուշ տարողությամբ։ Ինչպես նաև բացառված չէ «հին» պահեստատուփերը կիրառելու տարբերակը։ Իսկ թե Որ տարբերակն է մեր դեպքում ինչ հնարավորություններ ունի և այլն, չէի ցանկանա առաջ անցնել իրադարձություններից։

-Փոխվող և տարբեր տրամաչափի փողերի մասին խոսենք։

-Մոդուլյար զինագործությունը ամբողջ աշխարհի հիմնական միտումներից մեկն է, որպեսզի հնարավորություն ունենա զենքը փողերի տրամաչափեր, փողերի երկարություններ փոխել դրանով «գրոհային ինքնաձիգից» դառնալ ձեռքի գնդացիրից մինչև դիպուկահար հրացան։
Մեր դեպքում 5․45մմ թե՞ 7․62մմ 
Ես անձամբ 7․62մմ տրամաչափի կողմնակից եմ և երբեք էլ չեմ թաքցրել, բայց 5․45մմ տրամաչափը ունի որոշակի առավելություններ, որոնք չես կարող հաշվի չառնել։ Կարծում եմ, կախված խնդրից երկուսն էլ կկիրառվի։

-Ինչքանո՞վ է հարմարավետ զենքը։

-Զենքն իր կառուցվածքային առանձնահատկություններով առաջնահերթ դարձել է ավելի հարմար․ հարմար տեղափոխելու համար, կրակելու համար, կրակել սովորելու համար։ Զենքի բոլոր առավելությունները նախ և առաջ հարմարության մեջ է, այն բավականին էրգոնոմիկ է, ատրճանակային բռնակը բավական լայն է և շքեղ, մատները հանգիստ կարողանում են «նստել, գրկել» և հարմար է, ի տարբերություն նախկինների առավել փոքրիկ ատրճանակային բռնակի։ Զենքը հարմար է աջլիկ-ձախլիկների համար, զենքը առավել հարմար է ըստ իրավիճակի տեղափոխել աջ-ձախ։ Բարձրացվել է զենքի կրման և կիրառման հարմարավետությունը։

-Ի՞նչ տեխնիկական բնութագիր կտաք։ 

-Զենքի բազան նույնն է, նույն փամփուշտն է և ըստ էության արագաձգությունը, կրակի տեմպը, արդյունավետ կրակի հեռավորությունը, փողի երկարությունը նույնն են և էական փոփոխությունն չեն կարող լինել։ Քաշը իր հարմարավետության մեջ թվում է առավել թեթև։ Ես շատ հաճախ  օգտագործել եմ ձեռքի գնդացիրներ՝ 7․62x51 փամփուշտով, և միայն այն բանի համար, որ իրենք եղել են հարմար, 4․5 կիլոգամանոց զենքի ծանրությունը և հզոր հետ հարվածը ես չեմ զգացել։

-Զենքի մարտական մկրտությունը։ 

-Զենքը, իհարկե, մարտական մկրտություն չի անցել, և իր առավելություններին զուգահեռ ունի իր ռիսկերը։ Ամեն դեպքում մենք լավատես ենք, որ ինքը նոր սերնդի զենք է, նոր հնարավորություններ է բացում, հարմար է տարբեր մարտական կոմպլեքսների հետ համագործակցության համար։

-Փոխե՞լ թե չփոխե՞լ մեր ունեցած Կալաշնիկովի ինքնաձիգները։

-Եթե մենք պահպանում ենք 5.45x39 և 7․62x39 փամփուշտների հիմքով ինքնաձիգները, մեկ բան ակնհայտ է, որ առնվազն պետք է դրանք մոդեռնիզացնել, գոնե հարմարավետության տեսանկյունից։ Իհարկե նաև մաշվածության ռեսուրսը փոխարինվում է ԱԿ-12 և ԱԿ-15 նոր ինքնաձիգներով։ Կալաշնիկովի ինքնաձիգի ռեսուրսը միջինում 25-30 հազար կրակոց է, որի առնվազն կեսը մեր երկում անցել է, մենք ստանում ենք փաստացի նորը։

Դավիթ Թորոսյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

24/01/2019

ՅՈՒՐԻ ԲՐՈՅԱՆԻ ԳՈՐԾԻ ՎԵՐԱԲԵՐՅԱԼ ՏԱՐԱԾՎԱԾ ՏԵՂԵԿՈՒԹՅՈՒՆՆԵՐԻ ՎԵՐԱԲԵՐՅԱԼ ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ՊԱՐԶԱԲԱՆՈՒՄԸ.

ՀՀ ՊՆ մամուլի խոսնակ Արծրուն Հովհաննիսյանն իր facebook-յան էջում գրում է.
Նախկինում արդեն տրվել են նշված գործի վերաբերյալ մանրամասներ, այժմ ներկայացնենք գործընթացն՝ արդեն փաստաբանի ներգրավվածությամբ: 
14.01.19թ. ՀՀ ՊՆ ռազմական ոստիկանություն է ներկայացել փաստաբան Հայարփի Սարգսյանը, ներկայացնելով բոլոր անհրաժեշտ փաստաթղթերը, առ այն, որ նա հանդիսանում է շարքային Յու.Բրոյանի շահերի պաշտպանը և ըստ ընթացակարգի, նրան տրամադրվել է աշխատասենյակ և թույլատրվել տեսակցելու շարքային Յու. Բրոյանի: 

16.01.19թ. ՊՆ ՌՈ բուժծառայության միջոցով Յուրի Բրոյանը տեղափոխվել է ԿԿԶՀ հետազոտման, նույն օրը նյարդաբանը և թերապևտը ուղեգրել են ԵԿԶՀ հոգեբուժական բաժանմունք, վերը նշված հետազոտությունների արդյունքում բժիշկների կողմից ոչինչ չի հայտնաբերվել և տրվել են համապատասխան տեղեկանքներ առողջական վիճակի մասին, որոնց համաձայն զինվորը նյարդաբանական խնդիր չունի: Նույն գրառումն է կատարել նաև բժիշկ թերապևտը, իսկ հոգեբուժական բաժանմունքում տրվել է տեղեկանք, որ զինվորը հոսպիտալացվելու կարիք չունի, այդ ամենն իմիտացիա է և տրվել է <<թեթև մտավոր հետամնացություն դիրքորոշված վարք>> ախտորոշումը:
 Անհրաժեշտ ենք համարում նշել, որ փաստաբանի ներգրավվածությունից և ներկայացված միջնորդությունից հետո քննիչի կողմից որոշում է կայացվել նրան ուղարկել ստացիոնար ամբուլատոր փորձաքննության: 
 Քանի որ գործը գտնվում է քրեաիրավական տիրույթում, հարուցված է քրեական գործ, գործով ներգրավված է պաշտպան, ուստի ՀՀ պաշտպանության նախարարությունը ձեռնպահ է մնում անձի և քննության վերաբերյալ լրացուցիչ տեղեկության տրամադրման անհրաժեշտությունից, միաժամանակ տեղեկացնում է բոլոր շահագրգռված անձանց, որ պաշտպանության նախարարությունը առողջական խնդիրներ ունեցող անձանց բանակում պահելու շահագրգռվածություն բացարձակապես չունի: Պաշտպանության նախարարությունն իրականացնելու է քրեաիրավական վարույթի կայացված որոշումների շրջանակում համապատասխան գործողություններ զինծառայողի հետագա զինծառայության ընթացքի վերաբերյալ:

 Ինչ վերաբերում է զինծառազյողի ընթացիկ վիճակին, ապա, ինչպես վերը նշված է, ՊՆ-ը ևս մեկ անգամ հավաստում է, որ նրան պարբերաբար այցելում են ՊՆ մարդու իրավունքների և բարեվարքության կենտրոնի ներկայացուցիչները, ռազմական ոստիկանությունում նա գտնվում է մշտական հսկողության ներքո և առողջական վիճակի թեթև փոփոխության դեպքում անգամ, նա անմիջապես ուղարկվում է համապատասխան ռազմաբժշկական հաստատություն առողջական վիճակի մոնիթորինգի նպատակով:
ՊՆ-ը ողջունում է անկախ օրգանում անաչառ քննությունը և ինչպես նշեցինք պատրաստ ենք դրանից բխող իրավաչափ որոշումների իրականացմանը մեր մասով:

ԱՅՍՊԻՍՈՎ ՓԱՍՏՈՒՄ ԵՆՔ, ՈՐ ԽՆԴԻՐԸ ԳՏՆՎՈՒՄ Է ՈՉ ԹԵ ՊՆ ՏԻՐՈՒՅԹՈՒՄ, ԱՅԼ ԻՐԱՎԱԿԱՆ: ԵՎ ԻՆՉՊԵՍ ՆՇԵԼ ԵՆՔ ՆԱԽԿԻՆ. ՎԵՐԱՀԱՍՏԱՏՈՒՄ ԵՆՔ, ՈՐ ՀՀ ՊՆ-Ը ՇԱՀԱԳՐԳՌՎԱԾ ՉԷ, ՈՐ ՀԻՎԱՆԴ ԶԻՆԾԱՌԱՅՈՂՆԵՐ ՈՒՆԵՆԱ ԻՐ ՇԱՐՔԵՐՈՒՄ, ԱՎԵԼԻՆ ՀՀ ԶՈՒ-ԵՐՈՒՄ ՏԵՂ ՉՈՒՆԵՆ ԱՅՆ ՔԱՂԱՔԱՑԻՆԵՐԸ ՈՐՈՆՔ ՆԱև ՉԵՆ ՑԱՆԿԱՆՈՒՄ ԾԱՌԱՅԵԼ: ՄԵԶ ՀԱՐԿԱՎՈՐ ԵՆ ԳԻՏԱԿԻՑ և ՆՎԻՐՅԱԼ ԶԻՆԾԱՌԱՅՈՂՆԵՐ և ՈՉ ԹԵ ԻՐԱԿԱՆ ՈՒ ՇԻՆԾՈՒ ԱՌԻԹՆԵՐՈՎ ԾԱՌԱՅՈՒԹՅՈՒՆԻՑ ԽՈՒՍԱՓՈՂՆԵՐ: 

Հիշեցնենք, որ շարքային Յու.Բրոյանի նկատմամբ ՀՀ ՔԿ ԶՔԳՎ 3-րդ կայազորային քննչական բաժնում 20.09.18թ.-ի ՀՀ քր. օր.-ի 363 հոդվածի 1-ին մասով հարուցվել է թիվ 90865318 քրեական գործը` ինքնավնասում կատարելու փաստով, իսկ ՀՀ ՔԿ ԶՔԳՎ 4-րդ կայազորային քննչական բաժնում հարուցված թիվ 90214418 քրեական գործով՝ ՀՀ քր. օր.-ի 314 հոդվածի, 358.1 հոդվածի 3-րդ մասի 1-ին կետի, 311 հոդվածի 1-ին մասով և 375 հոդվածի 1-ին մասով վերջինս ներգրավված է որպես տուժող: Շարքային Յու.Բրոյանը ՊՆ ՌՈ ընդունիչ-բաշխիչ ընդունված օրվանից չի խոսել, տրված հարցերին պատասխանել է գլխի թեթևակի շարժումով: Առաջին օրը հրաժարվել է սննդից` պատճառաբանելով, որ քաղցած չէ, միշտ գտնվում է կուչ եկած վիճակում և ձեռքերը դողացնում է: Տարված բացատրական աշխատանքների շնորհիվ շարքային Յու. Բրոյանը ՊՆ ՌՈ ընդունիչ-բաշխիչում գտնվելու 2-րդ օրը սկսել է օգտվել սննդից: 

ՀՀ ՊՆ ռազմական ոստիկանության բուժծառայության կողմից շարքային Յու.Բրոյանը օրը 2 անգամ ենթարկվում է բժշկական զննության, իսկ անհրաժեշտության դեպքում ուղեգրվում է զինվորական հոսպիտալ` համապատասխան հետազոտման: Շարքային Յու. Բրոյանը ՊՆ ՌՈ բուժծառայության միջոցով 27.12.2018թ. ուղեգրվել է ԵԿԶՀ-ի հոգեբուժական բաժանմունք, որտեղ բժիշկների խումբը հետազոտել է շարքային Յու.Բրոյանին և տվել տեղեկանք, որ զինվորը հոսպի-տալացվելու կարիք չունի, այդ ամենն իմիտացիա է և տրվել է <<թեթև մտավոր հետամնացություն դիրքորոշված վարք>> ախտորոշումը:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

17/01/2019

Լևոն Այվազյանն ընդունել է Իրանի Իսլամական Հանրապետության դեսպանության ռազմական կցորդ Մահդի Վեջդանիին

 
ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում գրում է.
Ս.թ. հունվարի 17-ին ՀՀ ՊՆ պաշտպանական քաղաքականության վարչության պետ Լևոն Այվազյանն ընդունել է Հայաստանի Հանրապետությունում Իրանի Իսլամական Հանրապետության դեսպանության ռազմական կցորդ Մահդի Վեջդանիին: Հանդիպման ընթացքում քննարկվել են պաշտպանության ոլորտում երկկողմ հարաբերությունների զարգացման ընթացիկ խնդիրներն ու առաջիկա անելիքները: Կողմերն անդրադարձել են նաև ս.թ. հունվարի 16-ին ԻԻՀ ԶՈՒ ԳՇ պետ, գեներալ-լեյտենանտ Մոհամմադ Բաղերիի՝ Ադրբեջան կատարած այցին և վերջինիս՝  ԼՂ հիմնահարցի շուրջ արտահայտած դիրքորոշման վերաբերյալ ադրբեջանական մամուլում շրջանառվող տեղեկատվությանը:

ԻԻՀ ռազմական կցորդը վերահաստատել է բազմիցն արտահայտած Իրանի հավասարակշռված դիրքորոշումն արցախյան հիմնախնդրի վերաբերյալ, ընդգծել է, որ այն որևէ փոփոխությունների չի ենթարկվել և մամուլում ներկայացվող տեղեկատվությունն ու դրա զանազան մեկնաբանություններն աղավաղում են այն: Շեշտելով երկու երկրների միջև առկա քաղաքական բարձր մակարդակի հարաբերությունները, կողմերը վստահություն են հայտնել, որ առաջիկայում բարձրաստիճան փոխայցելությունների և դրանց ընթացքում տարբեր հարցերի շուրջ պաշտոնական դիրքորոշումներ արտահայտելու բազմաթիվ  առիթներ կլինեն: Այս առումով Լևոն Այվազյանն ու Մահդի Վեջդանին կարևորել են պաշտպանության ոլորտում հարաբերությունների զարգացումն՝ ի նպաստ տարածաշրջանային կայունության, խաղաղության և անվտանգության ամրապնդման:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

16/01/2019

Արծրուն Հովհաննիսյանը հաստատել է քաղաքացիական անձի վիրավորվելու լուրը, նաև խոսել սահմանային իրավիճակի մասին


Ինչպես արդեն տեղեկացրել էինք, Բարեկամավան համայնքի ֆեյսբուքյան էջից, այսօր ժամը 15։00-ի սահմաններում հայ-ադրբեջանական սահմանին ականի պայթյունից վիրավորվել է Տավուշի մարզի Բարեկամավան  համայնքի բնակիչ Արման Խալաթի Միքայելյանը։
Բարեբախտաբար նրա կյանքին վտանգ չի սպառնում։
Պայթյունի հետևանքով պոկվել է ոտնաթաթը։  Վիրավորին հնարավոր է եղել  դեպքի վայրից դուրս բերել միայն  համապատասխան ստորաբաժանման միջոցով՝ 18։00-ի սահմաններում.
Այժմ գտնվում է Նոյեմբերյանի հոսպիտալում։  Ավելի ուշ կտեղեկացնենք տուժածի առողջական վիճակի մասին։

Banak.info-ի խմբագրությունը միջադեպի և սահմանային իրավիճակի մասին տեղեկություններ ստանալու նպատակով կապ է հաստատել ՀՀ ՊՆ մամուլի խոսնակ Արծրուն Հովհաննիսյանի հետ։ Հեռախոսազրույցի ընթացքում խմբագրությունը հետաքրքրվել է արդյոք տարածված տեղեկութունը համապատասխանում է իրականությանը, ինչը հաստատել է ՊՆ խոսնակը, հավելելով որ սահմանային իրավիճակը այս պահին հանգիստ է։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

09/01/2019

Զինվորը նախարարին խնդրում էր առաջնագիծ գնալ

ՀՀ ՊՆ մամուլի խոսնակ Արծրուն Հովհաննիսյանը facebook-ում նկար է հրապարակել, թե ինչպես է նորակոչիկը փաթաթվել ՀՀ Պաշտպանության նախարարին և գրել է.

«Շատ սիրուն նկար շատ հուզիչ պատմությամբ:
Քանի որ գրեթե դեմքը չի երևում ով է, ապա պատմեմ:
Զինվորը կամավոր խնդրում էր առաջնագիծ գնալու համար: Ծնողը նախարարին խնդրում էր թե բա երեխան խնդիրներ ունի, գոնե լրացուցիչ զննություն արեք: Նախարարը հանձնարարեց, որ լրացուցիչ ստուգեն, զինվորը արցունքները աչքերին հորն ասում է. "Ինձ հինգ ընկերոջս մոտ խայտառակ ես անում, հինգով իրար հետ կամավոր գնում ենք առաջնագիծ, դու ինձ հիվանդ ես հանում"»։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

ՌՈ է ներակայացել երեկվա միջադեպի մասնակից Մերուժան Ոսկանյանը.Արծրուն Հովհաննիսյան

ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում գրում է.

«Քիչ առաջ ՌՈ ներակայացավ նաև երեկվա միջադեպի մասնակից Մերուժան Վարուժանի Ոսկանյանը»։

Հիշեցնենք որ, երեկ՝ հունվարի 8-ին, դեպի հավաքակայան երթևեկող ավտոբուսը շրջափակվել է քաղաքացիական մեքենաներով, մի խումբ երիտասարդներ լցվել են ավտոբուս՝ կռվի նպատակով։ Միջադեպի ընթացքում ոստիկանները բացակայում էին։ Armtimes.com



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/01/2019

Ռազմական ոստիկանությունը նյութեր է նախապատրաստում զինակոչիկների ավտոբուսի հետ կապված միջադեպի առթիվ․ Lragir.am

Lragir.am-ը գրում է․
Պաշտպանության նախարարության մամուլի խոսնակ Արծրուն Հովհաննիսյանն անդրադարձել է զինակոչիկներին տեղափոխող ավտոբուսի հետ կապված միջադեպին: Տեղեկացնենք, որ դեպի հավաքակայան երթեւեկող ավտոբուսը շրջափակվել է քաղաքացիական մեքենաներով, մի խումբ երիտասարդներ լցվել են ավտոբուս՝ կռվի նպատակով, սակայն տեսանյութում լսվում է, թե ինչպես են կոչ անում դադարեցնել պլանավորածը՝ «նկարում են, մի արեք»: Տեսանյութը հրապարակել է Հայկական ժամանակը:


«Զինակոչիկներին տեղափոխող ավտոբուսի հետ կապված միջադեպը դատապարտում ենք: Կատարվածը անթույլատրելի է: ՀՀ ՊՆ ՌՈ-ը համապատասխան նյութեր է նախապատրաստում», – Ֆեյսբուքի իր էջում գրել է Արծրուն Հովհաննիսյանը:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

27/12/2018

Երեկ երեկոյան հակառակորդը հրադադարի ռեժիմը խախտել է հիմնականում հրաձգային զինատեսակներից. Արծրուն Հովհաննիսյան


 Վերջին երկու օրերին արցախա-ադրբեջանական սահմանի որոշ հատվածներում հակառակորդը ինտենսիվորեն շարունակում է խախտել հրադադարի պահպանման ռեժիմը։
Banak.info-ի խմբագրությունը սահմանային իրավիճակի մասին տեղեկություններ ստանալու նպատակով կապ է հաստատել ՀՀ ՊՆ մամուլի խոսնակ Արծրուն Հովհաննիսյանի հետ։

- Ներկա պահին ի՞նչ իրավիճակ է տիրում արցախա-ադրբեջանական սահմանում։ Արդյո՞ք հայկական կողմն ունի կորուստներ։
- Առավել շատ հակառակորդը հրադադարի ռեժիմը խախտել է երեկ երեկոյան, հայկական կողմը չունի վիրավորներ կամ զոհեր։

- Ի՞նչ զինատեսակներից է հիմնականում հակառակորդը խախտում հրադադարի պահպանման ռեժիմը։
- Հակառակորդը հրադադարի պահպանման ռեժիմը հիմնականում խախտել է հրաձգային զինատեսակներից, օգտագործվել են նաև դիպուկահարներ։

Հիշեցնենք նաև, որ երեկ՝ դեկտեմբերի 26-ին, Արցախի պաշտպանության նախարարությունը հաղորդագրություն էր տարածել, որտեղ նշվում էր, որ չնայած արցախա-ադրբեջանանական հակամարտ զորքերի շփման գծում կողմերի միջև ձեռքբերված բանավոր պայմանավորվածությանը,հակառակորդը շարունակում է առաջնային գծի տարբեր հատվածներում ինտենսիվորեն խախտել հրադադարի պահպանման ռեժիմը՝ որոշ ուղղություններում իրականացնելով ռազմավարամարտավարական նշանակության սադրիչ գործողություններ։ Հայկական կողմը հակառակորդին հորդորել է զերծ մնալ հրադադարի ռեժիմի խախտումից։

Դավիթ Թորոսյան

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

26/12/2018

20 զինծառայողներ ստացել են ծառայողական բնակարաններ

ՀՀ ՊՆ մամուլի խոսնակ Արծրուն Հովհաննիսյանը իր Facebook-յան էջում գրում է.
ՀՀ Պաշտպանության նախարար Դավիթ Տոնոյանը այսօր մասնակցեց Ագարակ քաղաքում շահագործման հանձնված բնակելի շենքի բացման արարողությանը։ 20 զինծառայողներ ստացան ծառայողական բնակարաններ։ Շնորհավորում ենք բոլորին և մաղթում ենք, որ բոլոր զինծառայողները ունենան նման հնարավորություն։







Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

09/12/2018

ՀՀ ազգային ժողովի ընտրությունների հետ կապված մինչև 17։00 ՀՀ ՊՆ թեժ գծով ստացվել է 39 զանգ

ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում գրում է.
Ս.թ. դեկտեմբերի 9-ին ՀՀ ազգային ժողովի ընտրությունների հետ կապված մինչև 17։00 ՀՀ ՊՆ թեժ գծով ստացվել է 39 զանգ, որոնք հիմնականում վերաբերում էին ընտրության կազմակերպման, զորամասերից զինծառայողների տեղափոխման, արձակուրդում գտնվող ժամկետային զինծառայողների քվեարկության հարցերին: Որոշ դեպքերում Պն իրավասությանը չվերաբերող հարցերով քաղաքացիներն ուղղորդվել են այլ իրավասու գերատեսչություններ: Քաղաքացիրներին տրվել են համապատասխան պարզաբանումներ: 
Ահազանգեր են եղել նաև այն մասին, որ զինծառայողները ընտրական տեղամաս են մտնում շարային կարգով, սակայն տեղում կատարված ուսումնասիրություններով պարզվել է, որ նման պատկերացում ձևավորվոել է թյուրիմացաբար և խոսքը վերաբերում է հերթով և խմբերով ընտրական տեղամաս մուտք գործելու գործընթացի կազմակերպմանը: Հերթում կանգնելը շարային կարգ համրավել և այլընտրանք չունի։  
Զորամասերի մոտ տեղակայված ընտրաեղամասերում քվերակողների  մեջ ժամկետային  զինծառայողները զգալի քանակ են  կազմում և կրելով զինվորական համազգեստ տպավորություն է ստոեղծվում, թե նրանք շարային կարգով են շարժվում։ Ընդ որում «շարային կարգ» հասկացությունը ՀՀ ԶՈՒ կանոնադրություններով սահմանված չէ, ինչը թյուրիմացաբար մեկնաբանվում է, որպես շարքում կանգնած։  
ՀՀ Ընտրական օրենսգիրք սահմանադրական օրենքն արգելում է շարային կարգով տեղամասային կենտրոն մուտք գործելը, ինչը պահպանելը հստակ հարահանգավորված է և կատարվում զինծառայողների կողմից։  

Թեժ գիծը շարունակելու է աշխատել մինչև քվեարկության ավարտը:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

06/12/2018

Սիսիանում մի խումբ զինծառայողներ մնացել են ձնահյուսի տակ, մեկին չի հաջողվել գտնել. ՊՆ

Armeniasputnik.am կայքը գրում է.
Երեկ` դեկտեմբերի 5-ին, Սիսիանում մի խումբ պայմանագրային զինծառայողներ ձնահյուսի տակ են մնացել: Sputnik Արմենիային այս մասին տեղեկացրեց ՀՀ պաշտպանության նախարարի մամուլի խոսնակ Արծրուն Հովհաննիսյանը:
«Զինծառայողները մնացել են ձնահյուսի տակ, նրանց բոլորին գտել ենք, բացի մեկից: Այժմ որոնողական աշխատանքներ են իրականացվում»,-ասաց Հովհաննիսյանը:
Նա նշեց, որ գտնված զինծառայողների առողջական վիճակը գնահատվում է նորմալ:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/12/2018

Հայտնաբերվել է ՍՈՒ-25 ինքնաթիռի վթարի վայրը. Երկու օդաչուները մահացել են



Ինչպես արդեն տեղեկացրել էինք, ս.թ. դեկտեմբերի 4-ին, ժամը 10.20-ի սահմաններում, կորել է կապը ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ: Ինքնաթիռը թռիչքային երթուղի էր դուրս եկել ժամը 10.06-ին` Գյումրիի օդանավակայանից:
Ընթանում են որոնողա-փրկարարական աշխատանքներ:

«Վթարի վայրը հայտնաբերվել է։ Մարալիկի տարածաշրջանում է, լեռներում։ Մահացած Օդաչուներն են՝ փոխգնդապետ Բաբայան Արմեն,
Մայոր Մանուկյան Մովսես։
Ցավակցում ենք»,- ֆեյսբուքյան իր էջում գրել է ՊՆ մամուլի խոսնակ Արծրուն Հովհաննիսյանը։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`