Showing posts with label Արծրուն Հովհաննիսյան. Show all posts
Showing posts with label Արծրուն Հովհաննիսյան. Show all posts

23/07/2019

Բանակում ներդրված նոր պիլոտային ծրագրի անհրաժեշտ սննդամթերքի 75 տոկոսը ձեռք է բերվում հայ արտադրողից


   Երեկ՝ հուլիսի 22-ին, ՊՆ-ում լրագրողների հետ զրույցի ընթացքում պաշտպանության նախարար Դավիթ Տոնոյանը խոսել է բանակի սննդի կազմակերպումը մասնավորին պատվիրակելու պիլոտային ծրագրի մասին։ Զրույցի ընթացքում պարզ է դարձել, որ ներկայումս այդ ծրագիրը գործում է ՀՀ-ում տեղակայված 4 զորամասերում, ինչպես նաև նախապատրաատական աշխատանքներ են իրականացվում 5-րդ զորամասում ծրագրի իրականացման համար։ 
 Banak.info կայքը փորձել է որոշ հարցերի պատասխաններ ստանալ նաև ՀՀ ՊՆ մամուլի խոսնակ Արծրուն Հովհաննիսյանից։

 - Պարոն Հովհաննիսյան ին՞չ նախապատրաստական աշխատանքներ են իրականացվում թվով 5-րդ զորամասում, որտեղ գործարկվելու է ծրագիրը։ 
 - Հաղթող ընկերությունը պարտավորվածություն է ստանձնում զորամասի ճաշարանի պայմանները բարելավվելու, նոր գույք, և սպասք տրամադրելու. իրականացվում է ամեն ինչ սննդի մատուցման գործընթացը ավելի դյուրին դարձնելու համար։ 

 - Որտեղի՞ց են ձեռք բերվում անհրաժեշտ սննդի տեսակներն ու ծավալները։ 
 - Անհրաժեշտ սննդի 75 տոկոսը ձեռք է բերվում ՀՀ-ի տարածքից, ավելի շատ նախապատվություն է տրվում զորամասին մոտ տարածքներից ձեռք բերել դրանք, որը աննախադեպ ձեռքբերում է հանդիսանում։ 

 - Զինծառայողները մասնակցություն ունենո՞ւմ են ճաշարանում սննդի պատրաստման գործընթացում։ 
  - Պիլոտային ծրագիրը աննախադեպ է իր մի շարք առանձնահատկություններով, որոնցից արդեն նշեցի սննդի 75 տոկոսի ձեռքբերումն է ՀՀ-ից, ինչպես նաև առանձնանում է այս մոտեցմամբ ևս, քանի որ զինծառայողները ազատվում են ճաշարաններում իրականացվող վերակարգերից ու ամբողջ ժամանակը տրամադրում են ուսումական կամ մարտական գործընթացներին։

 Հիշեցնենք նաև, որ հունիսի 12-ից, մեկնարկել է բանակի սննդի կազմակերպումը մասնավորին պատվիրակելու պիլոտային ծրագիրը, ընկերությունների հետ պայմանագրերը կնքվելու են 3 տարի ժամկետով, որոնք հետագայում ծրագրի հաջողման դեպքում կերկարաձգվեն։


Ալվինա Հարությունյան 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

Եթե Ադրբեջանի զենքերին հասանելի են մեր X քանակի բնակավայրեր, ապա մեզ հասանելի են 2X․ ՊՆ խոսնակ


ՀՀ պաշտպանության նախարարի մամլո խոսնակ Արծրուն Հովհաննիսյանն այսօր՝ հուլիսի 23-ին, «Օրբելի» կենտրոնում «Ղարաբաղյան հակամարտություն. Վերջին միտումներ» թեմայով կազմակերպված քննարկումների ժամանակ անդրադարձավ Ելփին գյուղի անվտանգության հետ կապված անհանգստություններին:
«Եթե «անհանգստություն» բառն իրավունք ունի գոյություն ունենալու, պետք է լինի կոնֆլիկտի, սահմանի ողջ երկայնքով, ապա այն ոչնչով պակաս չէ Նախիջեւանը Տավուշից, Արցախից կամ Սյունիքից:
Որեւէ տարբերություն չկա, որովհետեւ եթե որոշ բնակավայրեր գտնվում են որոշակի խոցելիության գոտում, ապա դա երկկողմանի է, ու եթե Հայաստանի բնակաբվայրերի X քանակության տեղամաս է հասանելի ադրբեջանական զենքի համար, ապա հայկական կողմի համար հասանելի են 2X բնակավայրեր: Եթե մենք ունենք 28-30 բնակավայր, որ հրաձգային զենքերով կարելի է խոցել, ապա իրենք ունեն ավելի քան 60 այդպիսի բնակավայր, իսկ եթե չափենք բնակիչների քանակով, իրենց մոտ 3 անգամ ավելի շատ բնակիչներ կան խոցելիության գոտում»,-ընդգծեց Արծրուն Հովհաննիսյանը:

Նյութը News.am կայքի


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/07/2019

ՀՀ ՊՆ զորամասերից մեկի մարտական դիրքում հայտնաբերվել է Համիկ Վարդանյանի դին


ՀՀ ՊՆ մամուլի խոսնակ Արծրում Հովհաննիսյանը իր facebook-յան էջում գրում է.

«Ցավով պետք է տեղեկացնեմ, որ երեկ երեկոյան ՀՀ ԶՈւ-երի զորամասերից մեկի մարտական դիրքում գտնվել է 2000թ., ծնված շարքային Համիկ Եղիայի Վարդանյանի դին: Հանգամանքները ուսումնասիրվում են: Ցավակցում ենք մեր զինծառայողի ընտանիքի անդամներին, հարազատներին և ընկերներին»։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/07/2019

ՊՆ համարանիշներով կողաշրջված բեռնատարից թեթև մարմնական վնասվածքներ է ստացել միայն վարորդը

Արարատի մարզում ՀՀ պաշտպանության նախարարության համարանիշներով բեռնատար ավտոմեքենա է կողաշրջվել: Այս մասին «Արմենպրես»-ին տեղեկացրեց ՀՀ ՊՆ խոսնակ Արծրուն Հովհաննիսյանը:
«Որևէ մեկի կյանքի վտանգ չի սպառնում, թեթև վնասվածքներ է ստացել վարորդը, ում տրամադրվել է համապատասխան բուժօգնություն»,- ասաց Արծրուն Հովհաննիսյանը:
Ինչպես արդեն տեղեկացրել էինքֆոտոլրագրող Գագիկ Շամշյանը, Երևան-Մեղրի ավտոճանապարհի Սևակավան գյուղի վարչական տարածքում, դեռևս անհայտ պայմաններում, ՀՀ ՊՆ համարանիշներով УРАЛ մակնիշի ՊՆ 2426 Տ համարանիշի ավտոմեքենան կողաշրջվել էր:

Նյութը՝ Armenpress.am կայքի

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

06/07/2019

Չինաստանը սարքավորումներ է նվիրել ՀՀ զորամասին

Հուլիսի 6-ին ՀՀ պաշտպանության նախարար Դավիթ Տոնոյանը Հայաստանում Չինաստանի ժողովրդական հանրապետության արտակարգ և լիազոր դեսպան Թիան Էրլունի և  ՀՀ-ում ՉԺՀ դեսպանության ռազմական և ռազմաօդային կցորդ, ավագ գնդապետ Չժան Ֆենխուայի հետ այցելել է հանրապետության զորամասերից մեկը։ Դավիթ Տոնոյանը, դեսպանը և ռազմական կցորդը բարձրաստիճան սպաների ուղեկցությամբ շրջել են զորամասում և ծանոթացել Չինաստանի կողմից նվիրաբերված սարքավորումներին։ Նախարար Տոնոյանը շնորհակալություն է հայտնել Չինաստանի ժողովրդական հանրապետությանն ակտիվ համագործակցության և աջակցության համար։





Այս մասին տեղեկացնում է ՀՀ ՊՆ մամուլի խոսնակ Արծրուն Հովհաննիսյանը, իր facebook-յան էջում։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/07/2019

Հայաստանն ու Ռուսաստանը կանցկացնեն զորավարժություններ, որոնցից երկուսը կլինի մասշտաբային

Հայաստանն ու Ռուսաստանն այս տարի համատեղ անցկացնելու են մի քանի պլանային զորավարժություններ: Այս մասին «Արմենպրես»-ին տեղեկացրեց ՀՀ պաշտպանության նախարարության խոսնակ Արծրուն Հովհաննիսյանը։

«Այդ զորավարժություններից երկուսը լինելու են առավել մասշտաբային: Շեշտադրումները տարբեր են հարձակվողական, պաշտպանողական»,-ասաց Արծրուն Հովհաննիսյանը:

ՀՀ պաշտպանության նախկին նախարար, փորձագետ Վաղարշակ Հարությունյանն «Արմենպրես»-ի հետ զրույցում նշեց, որ դրանք պլանավորած միջոցառումներ են: Ամեն տարի ստորագրվում են փաստաթղթեր հայ-ռուսական համագործակցության և ՀԱՊԿ-ի շրջանակներում, որոնցով նախատեսվում են նաև զորավարժություններ: Մյուս կողմից նման միջոցառումներ անցկացնելիս հաշվի են առնվում տարածաշրջանային զարգացումները, գործողությունները:

«Մենք շատ լավ հետևում ենք և տեսանք ադրբեջանաթուրքական զորավարժությունները: Այս տարի երկու անգամ անցկացվել է, նաև՝ Նախիջևանում, որը շատ կարևոր ուղղություն է մեզ համար: Եվ ահա Հայաստան-Ռուսաստան զորավարժությունները պետք է դիտել նաև այդ տեսանկյունից»,-ասաց Վաղարշակ Հարությունյանը: 
Նա նկատեց, որ զորավարժությունների առաջին խնդիրը զորքերի պլանային պատրաստումն է, մյուսը՝ տարածաշրջանում ռազմաքաղաքական իրավիճակի արձագանքը: Այդ համատեքստում առաջնային հարցերից է ագրեսիայի դեպքում Հայաստանի անվտանգությունն ապահովելը:
Անդրադառնալով սահմանային իրավիճակին՝ Վաղարշակ Հարությունյանը նշեց, որ եղել է ժամանակ, որ լարվածությունը նվազել էր, հիմա մի քիչ ավելացել է:

«Այդ ընթացքը, կարծես, ընդհանուր գծի մեջ է, ինչպես մենք տեսնում ենք, լարվածությունը մեկ ավելանում է, մեկ՝ իջնում: Ինչ վերաբերում ռազմական գործողությունների վերսկսման հավանականությանը, ապա ներկայում նման բան չեմ տեսնում: Նախապայմաններ, որոնք թույլ կտան Արդբեջանին սկսել ռազմական գործողություններ, ես հիմա չեմ տեսնում: Անկախ ամեն ինչից, մենք պետք է լինենք միշտ պատրաստ պատերազմին, որովհետև դա բացառել հնարավոր չէ: Պատերազմը կանխելու լավագույն ձևը հենց պատերազմին պատրաստ լինելն է»,-ասաց նա:

Հարցին, թե միջազգային ճնշումները Մոսկվայի վրա, Ռուսաստանի արտաքին խնդիրների խորացումը որքանով կարող է նվազեցնել Ռուսաստանի ուշադրությունը Կովկասի նկատմամբ, Վաղարշակ Հարությունյանը նշեց, որ անկախ ամեն ինչից Ռուսաստանի համար Կովկասը չափազանց կարևոր է:
«Սիրիայի դեպքում մենք ինչ տեսանք, երկիրը Ռուսաստանի սահմաններից հեռու է, սակայն լինելով կարևոր տարածաշրջան՝ Ռուսաստանը մտավ անմիջական գործողությունների մեջ: Ինչ վերաբերում է մեր տարածաշրջանին, ապա այն հենց իր սահմաններին մոտ է և չափազանց կարևոր է»,-հավելեց նա:

Ադրբեջանի ու Թուրքիայի Զինված ուժերը 
հունիսի սկզբին համատեղ մարտավարական զորավարժություններ անցկացրեցին Նախիջևանում:  Արծրուն Հովհաննիսյանը նշել էր, որ Հայաստանի Հանրապետության Զինվածուժերն իր ռազմավարական  դաշնակից  
Ռուսաստանի Դաշնության հետ համատեղիրականացնում է ավելի մասշտաբային ու 
բովանդակային զորավարժություններ։


Նյութը՝ Armenpress.am կայքի

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 

Տեղեկացրու՛ ընկերներիդ`

26/06/2019

Մահացել է Հայկ Ալավերդյանը

«Ցավալի լուր. Մահացել է զինծառայող Հայկ Սուրենի Ալավերդյանը: Հանգամանքները պարզվում են»:

Այս մասին տեղեկացնում է ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

15/06/2019

ՀՀ պաշտպանության նախարարն այցելել է առաջնագիծ

Այսօր ՀՀ պաշտպանության նախարար Դավիթ Տոնոյանը այցելել է ՀՀ ԶՈւ-երի մարտական հենակետերից մեկը։ Մարտական դիրքում նախարար Դ. Տոնոյանը անձամբ հետևել է օպերատիվ իրավիճակին, հակառակորդի ստորաբաժանումներին, մեր զինծառայողների կատարած ինժեներական աշխատանքներին և այլն։ Այցի ավարտին Դավիթ Տոնոյանը հրամանատարությանը տվել է համապատասխան հանձնարարականներ։








Այս մասին տեղեկացնում է ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

13/06/2019

Առաջիկայում պատերազմի վերսկսման կանխատեսման համար հիմքեր չեմ տեսնում. ՊՆ մամուլի խոսնակ

«Շփման գծում հակառակորդի ակտիվության արդյունքում արտառոց կանխատեսումների նախադրյալներ չեմ տեսնում»,-այսօր լրագրողների հետ ճեպազրույցում հայտարարեց պաշտպանության նախարարի խոսնակ Արծրուն Հովհաննիսյանը։
Հիշեցնենք, որ Արցախի ՊԲ-ն հայտնել էր, որ առաջնային գծի ողջ երկայնքով նկատվում է ադրբեջանական անօթաչու թռչող սարքերի և ռազմական ավիացիայի ուսումնական թռիչքների աճ, որոնք հաճախ խախտում են սահմանված թռիչքային գոտին:
«Հավատացեք, համադրման ինֆորմացիա ես ավելի շատ ունեմ, քան դուք, բայց մեկ է, ոչինչ չեմ բացառում, բայց կոնկրետ առաջիկայում պատերազմի վերսկսման կանխատեսման համար հիմքեր չեմ տեսնում։ Իհարկե, ոչինչ չեմ բացառում ժամանակակից պատերազմները էդպիսի բնավորություն ունեն, էլի, երբեմն անակնկալ են լինում», - ասաց Հովհաննիսյանը։

Լրագրողները հետաքրքրվեցին նաև զենքի գնման գործընթացից, ինչին ի պատասխան նա ասաց. «Այդ գործընթացը բավականին բարդ, պետական գործառույթ է։ Մենք ունենք զենքի գնման բնականոն գործընթաց, մատակարարումներ, բնականաբար, ուզում ենք շարունակել դրանք, մեծացնել և այդ ուղղությամբ աշխատում ենք»։


Նյութը՝ Panorama.am կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հայաստանն աշխատում է զենքերի տեսականին մեծացնելու ուղղությամբ

ՀՀ կառավարությունը, պաշտպանության նախարարությունն աշխատում են զենքերի տեսականին մեծացնելու ուղղությամբ:
Այս մասին լրագրողների հետ զրույցում ասաց ՀՀ պաշտպանության նախարարության մամուլի խոսնակ Արծրուն Հովհաննիսյանը` անդրադառնալով լրագրողի հարցին, թե արդյոք Սանկտ Պետերբուրգում ՌԴ նախագահ Վլադիմիր Պուտինի հետ հանդիպման ընթացքում զենքերի նոր խմբաքանակի գնման մասին խոսք գնացել է:
«Զենքերի գնման գործընթացը բավականին բարդ, պետական գործառույթ է, որը միանգամից ոտքի վրա չի որոշվում: Մենք ունենք զենքերի գնման բնականոն գործընթաց, մատակարարումներ: Ինչպես վարչապետն էր հայտնել` մենք ուզում ենք, բնականաբար, մեծացնել, այլ տեսականիներ ունենալ, խոսքը ոչ փոքր մարտավարական զենքերի մասին է: Մենք այդ ուղղությամբ աշխատում ենք»,-ասաց Հովհաննիսյանը:
Ամեն ինչ չէ, սակայն, որ շատ արագ է տեղի ունենում, ցանկությունների ձևավորումն էլ վայրկենական չի կայացվում: ՊՆ-ում, գլխավոր վարչությունում, կառավարությունում լինում են նիստեր, քննարկումներ, որոշվում են տեսականին, չափաքանակը, գները. միջպետական բարդ գործընթաց է:
Հարցին, թե Հայաստանի համար կան արդյոք առաջնային զինատեսակներ` խոսնակը նշեց, որ ինչպես բազմիցս ասել է երկրի ռազմաքաղաքական ղեկավարությունը, դրանք մեր ռազմավարությանը համահունչ նոր սերնդի, գերճշգրիտ, հեռահար հարձակողական, բազմաֆունկցիոնալ զինատեսակներն են:

Նյութը՝ Artsakhpress.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/06/2019

Դավիթ Տոնոյանը պարգևատրման է ներկայացրել Սիփան Մելքոնյանի մահվան վրեժն առած զինծառայողներին

ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում գրել է.
  «ՀՀ պաշտպանության նախարար Դավիթ Տոնոյանը բարձր պարգևատրման է ներկայացրել հակառակորդի կրակից զոհված զինծառայող Սիփան Սերժիկի Մելքոնյանի մահվան համար պատժիչ գործողություն իրականացրած զինծառայողներին, ովքեր բարձր որակով են կատարել առաջադրանքը»։


Ավելի վաղ տեղեկացրել էինք, որ զոհվել է Սիփան Մելքենյանը

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

04/06/2019

ՀՀ ԶՈՒ-երը ուշի ուշով հետևում են թուրք-ադրբեջանական զորավարժություններին. Արծրուն Հովհաննիսյան


«Թուրք-Ադրբեջանական զորավարժությունների մասին. 
Մենք ուշի ուշով հետևում ենք ամեն ինչին և պատրաստ ենք ցանկացած զարգացման։ Հայաստանի Հանրապետության Զինված Ուժերը իր ռազմավարական դաշնակից Ռուսաստանի Դաշնության հետ համատեղ իրականացնում է ավելի մասշտաբային ու բովանդակային զորավարժություններ»։

Այս մասին գրել է ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

20/05/2019

Կուրսանտները փրկել են այրվող տրոլեյբուսի ուղևորներին

Բազմիցս են զինվորականները ապացուցել, որ նաև փրկարարներ են: 
Այսօր վաղ առավոտյան կայծակի հարվածից Չարբախում այրվել է 15 համարի տրոլեյբուսը: Մարշալ Ա.Խանփերյանցի անվան ռազմական ավիացիոն համալսարանի կուրսանտները հասցրել են ուղևորներին տարհանել և հրդեհը մարել: 
Երեք օր առաջ էլ Վ.Սարգսյանի անվան ՌՀ-ի սաները և բուժ ծառայության պետը փրկել էին Զինուժ ծրագրի օպերատորի կյանքը:

Այս մասին տեղեկացնում է ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

19/05/2019

Սպասվում է փեյնթբոլի հանրապետական մրցույթ


Փեյնթբոլի  «Լեգեոն» ակումբն այս տարի ևս կազմակերպում է հանրապետական մրցույթ, որի ընթացքում կազմակերպիչները խոստանում են թեժ պայքար և հետաքրքիր զգացողություներ:

Ինչպես Banak.info-ին հայտնեց ակումբի հիմնադիր Վազգեն Կարապետյանը, այս առաջնությունն անցկացվում է արդեն 4-րդ տարին. «Հիմնականում անցկացվում է  ՏՏ ընկերությունների հետ, չնայած բացառություններ էլ են լինում»:

 Ըստ Վազգեն Կարապետյանի՝ 2019թ.-ի մրցաշարը ունենալու է մի շարք նորություններ ու հետաքրքրություններ. «Լինելու են լրիվ նոր զենք ու հանդերձանք, խաղերի նախապատրաստման և սնվելու լրիվ այլ պայմաններ, թիմերի մեծ քանակ ու բացառիկ սցենարով ֆինալ՝ ծովամարտ»:

Մրցաշարն անցկացվելու է հունիսի 22-ից սկսած երկու-երեք շաբաթ՝ շաբաթ-կիրակի օրերին. «Յուրաքանչյուր խաղացող, յուրաքանչյուր փուլի համար կստանա զենք, հանդերձանք՝բացի կոշիկից, և 200 գնդակ: Մրցաշարը կանցկացվի երեք փուլով, առաջին փուլով առաջին օրը բոլոր թիմերը կխաղան վիճակահանությամբ հանված մրցակցի հետ՝ երեքական խաղ: Հաղթողները կանցնեն երկրորդ փուլ, որտեղ նորից վիճակահանությամբ կխաղան մրցակցի հետ՝ նորից երեքական խաղ: Երրորդ օրը կլինեն արդեն մրցանակային տեղերի խաղերը»-մանրամասնեց Կարապետյանը:

Հաղթող թիմերի ավագները ստանալու են որսորդական կամ գազային զենքեր, իսկ թիմերը՝ հատուկ զեղչերով «Լեգեոն» ակումբում խաղալու հնարավորություն:

Այս պահին մրցույթին իրենց մասնակցությունը հաստատել են ՀՀ ՊՆ կիբերանվտանգության ստորաբաժանումը, Synopsys Armenia, VOLO, Workfront, EIF, 360Stories, Armenian Airsoft Army և այլ ընկերություններ:

Հիշեցնենք, որ փեյնթբոլի «Լեգեոն» ակումբը Հայաստանում գործում է 2010 թվականից, իսկ «Հանուն հայ զինվորի» Հկ-ն  և www.banak.info կայքը հանդիսանում են  ակումբի ինֆորմացիոն աջակիցը։

Ստորև ներկայացնում ենք տեսանյութ, նախորդ տարվա մրցույթից.
                                                       

                                                       
Իննա Թումանյան 

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/05/2019

Մահացել է Արարատ Խեչումյանը

«Խորը ցավով պետք է տեղեկացնեմ, որ այսօր ՀՀ ԶՈւ-երում, նախնական դժբախտ պատահարի հետևանքով, մահացել է զինծառայող, կ-ստ Արարատ Սիմոնի Խեչումյանը, ծնված 1999թ. Կապանի ԶԿ: Ցավակցում ենք Արարատ Խեչումյանի հարազատներին»։


Այս մասին տեղեկացնում է ՀՀ ՊՆ մամուլի խոսնակ Արծրուն Հովհաննսիյանը։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

13/05/2019

Հակառակորդի գնդակից ծանր վիրավորված զինծառայողը գիտակցության է եկել. Արծրուն Հովհաննիսյան

Մայիսի 4–ին Արցախում հակառակորդի գնդակից ծանր վիրավորված 21–ամյա զինծառայող Ագանիկ Զորոգլյանը գիտակցության է եկել։ Այս մասին Tert.am-հետ զրույցում ասաց պաշտպանության նախարարի մամուլի խոսնակ Արծրուն Հովհաննիսյանը։
Նա ընդգծեց, որ զինծառայողը հիմա կարողանում է նաև հաղորդակցվել:
«Ընդհանուր առմամբ նրա մոտ առկա է դրական դինամիկա»,-շեշտեց Արծրուն Հովհաննիսյանը:
Հիշեցնենք, որ մայիսի 4-ին՝ ժամը 16:05-ի սահմանում, Պաշտպանության բանակի հարավարևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից հրազենային վիրավորում էր ստացել 21 -ամյա ժամկետային զինծառայող Ագանիկ Զորոգլյանը:
Զինծառայողը ռեանիմոբիլով տեղափոխվել է Երևան՝ Մուրացանի զինվորական հոսպիտալ, նրա վիճակը գնահատվում էր ծայրահեղ ծանր:

Նյութը՝ Tert.am  կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

05/05/2019

Արցախում վիրավորված զինծառայողը Մուրացան զինվորական հոսպիտալում է, վիճակը շարունակում է ծանր մնալ. ՊՆ մամուլի խոսնակ


Նախօրեին Արցախի հարավարեւելյան ուղղությամբ տեղակայված զորամասերից մեկի պահպանության տեղամասում ծանր վիրավորում ստացած Ագանիկ Զորոգլյանին տեղափոխել են Երևանի Մուրացանի զինվորական հոսպիտալ։
Այս մասին NEWS.am-ին ասաց ՀՀ պաշտպանության նախարարի մամուլի խոսնակ Արծրուն Հովհաննիսյանը։
Նա նաև նշեց, որ զինծառայողի վիճակը շարունակում է ծանր մնալ, «պետք է հասկանալ զինծառայողի առողջական վիճակի դինամիկան ինչպիսին է, որից հետո կորոշվեն հետագա քայլերը»,- ասաց Արծրուն Հովհաննիսյանը։
Ավելի վաղ NEWS.am-ը հայտնել էր, որ Ագանիկ Զորոգլյանը գտնվում է ծանր վիճակում եւ նրան կտեղափոխեն Երևան։
Հիշեցնենք, որ մայիս 4-ին ժամը՝ 16:05-ի սահմանում, ՊԲ հարավարեւելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից հրազենային վիրավորում Էր ստացել ժամկետային զինծառայող, 1998թ. ծնված Ագանիկ Գառնիկի Զորոգլյանը:
Վիրավորում ստացած զինծառայողը անմիջապես տեղափոխվել է հոսպիտալ, նրա վիճակը գնահատվել է ծայրահեղ ծանր:
NEWS.am-ի տեղեկություններով, Ագանիկ Զորոգլյանը վիրահատվել էր եւ տեղափոխվել Ստեփանակերտի հոսպիտալ. զինծառայողը վիրավորումն ստացել է գլխի շրջանում:
21-ամյա զինծառայողը նախորդ տարի Ռուսաստանի Դաշնությունից էր եկել՝ կամավոր բանակ զորակոչվելու համար: Ներկայումս նրա ընտանիքն ապրում է ՌԴ-ում: Ողջիում տատն ու պապն են ապրում:
Նա բանակ է զորակոչվել 2018-ի հունվարին, այսինքն՝ 1 տարի 4 ամիս առաջ:

Նյութը՝ News.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Արցախում վիրավորված զինծառայողին կտեղափոխեն Երևան.վիճակը ծանր է

Մայիս 4-ին ՊԲ հարավարևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, հրազենային վիրավորում ստացած ժամկետային զինծառայող, 1998թ. ծնված Ագանիկ Գառնիկի Զորոգլյանին այսօր կտեղափոխեն Երևան: Այս մասին Tert.am-ի հետ զրույցում ասաց ՀՀ պաշտպանության նախարարության մամուլի խոսնակ Արծրուն Հովհաննիսյանը։
«Օրվա մեջ կտեղափոխեն»,-ասաց նա և նշեց, որ զինծառայողի վիճակը ծանր է:
Հիշեցնենք, որ մայիս 4-ին՝ ժամը 16:05-ի սահմանում, Արցախի Հանրապետության ՊՆ հարավարևելյան ուղղությամբ տեղակայված զորամասերից մեկի պահպանության տեղամասում հակառակորդի կողմից արձակված կրակոցից հրազենային վիրավորում է ստացել ժամկետային զինծառայող, 1998թ. ծնված Ագանիկ Գառնիկի Զորոգլյանը: 

Նյութը՝ Tert.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/05/2019

Դավիթ Տոնոյանն այցելել է հոսպիտալ, հանդիպել օրերս վիրավորված զինծառայողին


Այսօր ՀՀ պաշտպանության նախարար Դավիթ Տոնոյանը այցելեց կենտրոնական հոսպիտալ տեսակցելու պայմանագրային զինծառայող Արգիշտի Սեփխանյանին։ Բժիշկները ներկայացրեցին Արգիշտիի իրավիճակը, որը գնալով դառնում է ավելի կայուն։ 
Արգիշտին խոսեց նախարար Դ. Տոնոյանի հետ, պատասխանելով մի քանի հարցերի։

Այս մասին տեղեկացնում է ՀՀ ՊՆ մամուլի խոսնակ Արծրուն Հովհաննիսյանը, իր facebook-յան էջում։






Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

01/05/2019

Վիրավոր զինծառայողին վիրահատել են

«Պայմանագրային զինծառայող Արգիշտի Սամվելի Սեփխանյանի վիրահատությունն անցել է բարեհաջող։ Նրա վիճակը կայուն է, դրական դինամիկայով»։


Այս մասին տեղեկացնում է ՀՀ ՊՆ մամուլի խոսնակ Արծրուն Հովհաննիսյանը, իր facebook-յան էջում։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`