Showing posts with label Ադրբեջան. Show all posts
Showing posts with label Ադրբեջան. Show all posts

22/04/2019

Թուրք զինվորականները ժամանել են Ադրբեջան՝ համատեղ զորավարժությունների անցկացման համար


Ադրբեջանում մայիսի 1-3-ը կանցկացվեն «Մուստաֆա Քեմալ Աթաթուրք-2019» ադրբեջանա-թուրքական համատեղ մարտավարական զորավարժությունները, գրում է minval.az-ը: Այդ նպատակով Ադրբեջան են ժամանել Թուրքիայի ԶՈՒ ներկայացուցիչները:

Ինչպես հայտնել են Ադրբեջանի պաշտպանության նախարարության մամուլի ծառայությունից, զորավարժությունները կանցկացվեն Ադրբեջանի և Թուրքիայի միջև ռազմական համագործակցության վերաբերյալ համաձայնագրի շրջանակում:

Դրանց հիմնական նպատակը երկու երկրների ռազմական ստորաբաժանումների փոխգործակցության համակարգումն է, անձնակազմերի մարտունակության մակարդակի բարձրացումը, և այլն:

Վարժանքներին կմասնակցեն ռազմատեխնիկա, հրետանային կայանքներ, նռնականետներ, մարտական և տրանսպորտային ուղղաթիռներ, ինչպես նաև երկու երկրների բանակների զենիթահրթիռային ստորաբաժանումները:


Նյութը՝ Tert.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

19/04/2019

Բաքուն, Լեռնային Ղարաբաղից 100 կիլոմետր հեռավորության վրա, տեղադրել է հարվածային ավիախումբ

Eadaily.com կայքի խմբագրությունը սույն թվականի ապրիլի 16-ին հրապարակել է ռուսերեն, ծավալուն հոդված՝ «Բաքուն, Լեռնային Ղարաբաղից 100 կիլոմետր հեռավորության վրա տեղակայել է հարվածային ավիախումբ» վերնագրով։ Թեմայի արդիականությունը և հետաքրքրությունը հաշվի առնելով, Banak.info կայքը հայերեն թարգմանությամբ ներկայացնում է հոդվածի առաջին մասը, ինչպես նաև «Ռազմինֆո» մասնագիտացված կայքի վերլուծաբան Հայկ Խաչիկյանի մեկնաբանությունը թեմայի վերաբերյալ։ Eadaily.com կայքում հրապարակված հոդվածն ամբողջությամբ կարող եք կարդալ այստեղ։

Ադրբեջանը, Լեռնային Ղարաբաղի հետ շփման գծից 100 կիլոմետր հեռավորության վրա գտնվող օդանավակայնում մարտական ​​ինքնաթիռների հարվածային խումբ է տեղակայել: Դա կարելի է եզրակացնել Google քարտեզներից, որոնք թարմացվել են այս տարի: Իսկ արբանյակային նկարները, ըստ Google Earth-ի, արվել են անցյալ տարվա ամռանը և աշնանը:

«Սու-25» գրոհային ինքնաթիռի և «Սու-24» ճակատային ռմբակոծիչների գտնվելու վայրը Ադրբեջանի Քյուրդամիրի շրջանի ռազմական ավիաբազան է: 2018-ի հունիսի նկարում, օդանավակայանի կայաններում՝ անգարների մոտ, կարելի է հաշվել մոտ 25 մարտական ​​ինքնաթիռ, նաև՝ երեք ուղղաթիռ:





Դատելով նկարներից, «Քյուրդամիրը» Ադրբեջանի ռազմաօդային ուժերի և Լեռնային Ղարաբաղին հարակից բոլոր ռազմական ավիաբազաներից ամենածանրաբեռնվածն է: Այդպես, իր հարևան Գյանջայում օդանավ ընդհանրապես չկա, իսկ Դալլյարի կայանատեղիում կա, ընդամենը մեկ ՄիԳ:


Ընդ որում, Սումգայիթի, գլխավոր, «Նասոսնայա» ավիաբազայի կայաններում և թռիչքավայրէջքային գծերում կարելի է հաշվել հինգ ՄիԳ-29 և մեկ ռազմական տրանսպորտային ինքնաթիռ: 




Բաքվի «Կալի» օդանավակայանում չկա ոչ մի ռազմական ինքնաթիռ: Այստեղ տեղակայվում են մարտական ​​ուղղաթիռներ: Նկարներում` ավելի քան երեսուն գործող ՄԻ-24:



«Քյուրդամիր» ավիաբազան գտնվում է Լեռնային Ղարաբաղի հետ ճակատային գծից 100 կմ հեռավորության վրա, և այստեղից մոտենալու ժամանակահատվածը 10 րոպե է:


Թեմայի վերաբերյալ մեկնաբանություն ստանալու նպատակով, Banak.info-ն զրուցել է Ռազմինֆո մասնագիտացված կայքի վերլուծաբան Հայկ Խաչիկյանի հետ․

- Պարոն Խաչիկյան, Eadaily.com կայքի խմբագրության կողմից հրապարակված վերոհիշյալ հոդվածը սոցցանցերում բավականին լայն քննարկման առարկա դարձավ։ Արդյո՞ք հրապարակված տվյալները նորություն են, տվյալները՝ թարմ, իսկ ավիացիայի տեղակայումը այստեղ վերջին շրջանում տեղի ունեցած փոփոխություն։ 
- Կոնկրետ «Eadaily»-ի այս նյութում նորություն չկա, այս տեղեկություններն առնվազն փորձագիտական շրջանակներում կամ թեմայով հետաքրքրվողների շրջանում վաղուց հայտնի են: Կարող է տպավորություն ստեղծվել, որ օրինակ Քյուրդամիրում գրոհիչ ավիացիա նոր է տեղակայվել, այն ինչ դա նոր բան չէ, առնվազն 20 տարի ՍՈւ-25-եր եղել են այդ ավիաբազայում:

- Եթե փորձենք անալոգիա անցկացնել ավիացիայի և այլ զորատեսակների միջև, դեռևս տարիներ առաջվանից սկսած տեսել ենք, զորքերի, տանկերի, զրահափոխադրիչների և այլ միջոցների ակտիվ մանևրեր, չնայած ակտիվ մարտական գործողությունների բացակայությանը, ինչն էլ, որոշակի իմաստով անսպասելիության տարրեր պարունակեց ապրիլյան ռազմագործողությունների ընթացքում։ Այս համատեքստում, ինչպիսի՞ իրավիճակ է Ադրբեջանի բանակի ավիացիոն թևում։
- Ավիացիան ունի իր մշտական տեղակայման վայրերը, օրինակ Սու-25 ու Լ-39-երը տեղակայված են Քյուրդամիրի ավիաբազայում, ՄիԳ-29 կործանիչները՝ «Նասոսնայա» ավիաբազայում, իսկ բանակի ուղղաթիռները՝ «Ղալա» ավիաբազայում, այսինքն սրանք իրենց մշտական տեղակայման վայրերն են: Գրոհիչ ավիացիա՝ Սու-25-եր և ուղղաթիներ, կան նաև Նախիջևանի օդանավակայանում: Այս ավիաբազաներից բացի, բնականաբար, կան նաև այլ օդանավակայաններ, որոնք զորավարժությունների ժամանակ օգտագործվում են, օրինակ՝ Եվլախը, Դալլարը և այլն: Ավիացիան ինքնին մանևրող է, և ռազմական գործողությունների ժամանակ ըստ անհրաժեշտության օգտագործվելու են տարբեր օդանավակայաններ: Ինչ վերաբերում է ուղղաթիռներին, ապա սրանց դեպքում ևս Ադրբեջանը աշխատանք է տարել՝ Արցախի սահմանների երկայնքով կառուցելով ցատկահարթակներ:

- Եվ կրկին զուգահեռելով 2016թ․-ի գործողություններին, ինչպիսի՞ն եղավ կոնտրոնական ուղղությամբ, երբ մեր հրետանու կողմից հակառակորդի թիկունքի բավականին խորքում խոցվեցին տանկային շարասյուները, դեռևս գործողության մեջ չմտած, այս իմաստով հայկական զինված ուժերի ձինանոցում առկա միջոցների համար, որքանո՞վ են հասանելի վերոնշյալ ՄՏՎ-ները։
- Եթե խոսքը մշտական տեղակայման վայրերին է վերաբերում, ապա դրանք սովորական միջոցներով մեզ անհասանելի են, այդ խորության վրա մեր սպառազինությունում եղած միջոցներից կարող են աշխատել օրինակ «Սկադը» և «Իսկանդերը»:

Թարգմանությունը՝ Գոհար Հովհաննիսյանի
Զրուցեց՝ Դավիթ Թորոսյանը

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

18/04/2019

Հրթիռահրետանային վարժանքներ Ադրբեջանի ԶՈւ-ում

Ադրբեջանի ԶՈւ «Սմերչը»
զորավարժությանը
արձակում է 122մմ հրթիռ
Ապրիլի 18-ին Ադրբեջանի պաշտպանության նախարարությունը հայտնել է հրթիռահրետանային ստորաբաժանումների կրակային պլանային վարժանքներ անցկացնելու մասին:
Դատելով ՊՆ հրապարակմանը կից տեսանյութից՝ վարժանքներին ներգրավվել են Ադրբեջանի ԶՈւ հրթիռահրետանային բրիգադներից մեկի 130մմ Մ-46 և 152մմ «Գիացինտ-Բ» թնդանոթների, ինքնագնաց 152մմ «Ակացիա» հրետանային համակարգերի, 122մմ «Գռադ» և 300մմ «Սմերչ» համազարկային կրակի ռեակտիվ համակարգերի ստորաբաժանումները:

Դատելով կադրերից՝ «Սմերչի» կրակային վարժանքի համար օգտագործվել են ոչ թե 300մմ հրթիռ, այլ 122մմ «Գռադի» հրթիռ: 
Նշենք նաև, որ ապրիլի 18-ին թվագրվող զորավարժության տեսահոլովակը Youtube-ում ցուցադրվում է որպես ապրիլի 17-ի վերբեռնված հոլովակ, սակայն մեր ուսումնասիրությունը ցույց է տալիս, որ դա տեխնիկական խնդիր է, իսկ հոլովակը իրականում վերբեռնվել է հենց ապրիլի 18-ին: 

Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

17/04/2019

ԵԱՀԿ դիտարկում Տավուշի ուղղությամբ


Ապրիլի 17-ին Տավուշի մարզպետարանում կայացել է ԵԱՀԿ հերթական բրիֆինգը՝ սահմանին անցկացված հերթական դիտարկումից հետո: 
Հայկական կողմը ԵԱՀԿ պաշտոնյաներին է ներկայացրել հայ-ադրբեջանական սահմանին տիրող իրավիճակը, ադրբեջանական զինուժի կողմից հրադադարի ռեժիմի խախտման վիճակագրությունը: 

Այս մասին հայտնում է ՀՀ Տավուշի մարզպետարանի կայքը: Հայկական կողմում դիտարկմանը մասնակցել են ԵԱՀԿ նախագահի անձնական ներկայացուցչի դաշտային օգնականներ Միխայիլ Օլարուն և Օգնեն Յովիչը: Առանց միջադեպերի դիտարկման մասին հայտնել է նաև ադրբեջանական կողմը: 

Նշենք, որ երեկ՝ ապրիլի 16-ին առաջնագծի այդ հատվածում է եղել Ադրբեջանի Պետական սահմանապահ ծառայության պետ Էլչին Ղուլիևը: Ապրիլի 15-ին էլ ՀՀ ԶՈւ ԳՇ պետ Արտակ Դավթյանն էր շրջայց կատարել Տավուշի մարզի մարտական հենակետերում:

Նյութը՝ Razm.info կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

15/04/2019

Մոսկվայում մեկնարկել է Հայաստանի, Ադրբեջանի և Ռուսաստանի ԱԳ նախարարների հանդիպումը

Մոսկվայում մեկնարկել է Հայաստանի արտաքին գործերի նախարար Զոհրաբ Մնացականյանի, Ադրբեջանի ԱԳ նախարար Էլմար Մամեդյարովի և Ռուսաստանի արտաքին գործերի նախարար Սերգեյ Լավրովի հանդիպումը: Այս մասին «Թվիթերում» գրել է ՀՀ ԱԳՆ խոսնակ Աննա Նաղդալյանը։

Այնուհետեւ հանդիպումը շարունակվել է ԵԱՀԿ Մինսկի խմբի համանախագահների եւ ԵԱՀԿ գործող նախագահի անձնական ներկայացուցչի մասնակցությամբ: Եռակողմ հանդիպումից առաջ տեղի է ունեցել Մնացականյան–Լավրով երկկողմ հանդիպում։ 

Նյութը՝ News.am կայքի:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հայտնաբերվել է մարտին ձնահոսքի տակ մնացած ադրբեջանցի զինծառայողի դին

Ապրիլի 14-ին, Ադրբեջանի Ղազախի շրջանի Յուխարը Սալահլը գյուղում անցկացվել է Ադրբեջանի ԶՈւ զինծառայող, ենթասպա Աբդուլլաև Հաֆիզ Մահադ օղլուի (Abdullayev Hafiz Məhəd oğlu) թաղումը։ 
Այս մասին գրում է «Սպուտնիկ» լրատվական գործակալության ադրբեջանական ծառայությունը, նշելով, որ զինծառայողը մահացել էր մարտի սկզբին՝ ձնահոսքի տակ ընկնելով։
Զինծառայողի լուսանկարից հայտնի է դառնում, որ վերջինս ծառայում էր Ադրբեջանի ԶՈւ երրորդ կորպուսում։ 
Հիշեցնենք, որ Ադրբեջանի ՊՆ–ն մարտի 7-ին հայտնում էր, որ ենթասպա Աբդուլլաև Հաֆիզ Մահադ օղլուն (Abdullayev Hafiz Məhəd oğlu) և պայմանագրային, շարքային Մամեդով Ֆարուխ Ֆարման օղլուն (Məmmədov Fərrux Fərman oğlu) մնացել են ձնահոսքի տակ:
Միջադեպի վայրը չէր նշվում, սակայն, հաշվի առնելով եղանակային պայմանները, Ռազմինֆոն ենթադրել էր, որ դեպքը տեղի է ունեցել Նախիջևանի բարձրադիր դիրքերում, կամ Օմարի լեռնաշղթայի հատվածում: Նշենք, որ ձնահոսքի տակ մնացած մյուս զինծառայողը, ամենայն հավանականությամբ, ևս մահացած է, սակայն այդ մասին դեռ տվյալներ չկան։
Հիշեցնենք, որ 2019թ. հունվարի 1-ից մինչ օրս բաց աղբյուրներից հայտնի է դարձել Ադրբեջանի զինված ուժերի և այլ ուժային կառույցների 10 կորստի մասին։ Իսկ 2019թ. հունվարի 1-ից մարտի 31-ը ներառյալ հայտնի դարձած կորուստների մասին կարող եք կարդալ այստեղ։

Նյութը՝ Razm.info կայքի:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/04/2019

Մարտական կորուստ Ադրբեջանի զինված ուժերում.Ռազմինֆո


Ապրիլի 11-ին Ֆիզուլու ուղղությամբ ականի պայթյունից մահացել է Ադրբեջանի ԶՈւ զինծառայող, Ջալիլաբադի շրջանի Մուսալը գյուղի բնակիչ, 2000թ․ ծնված Մայըլզադե Մահարրամ Գաֆար օլղուն (Mayılzadə Məhərrəm Qafar oğlu):
Այս տեղեկությունը ադրբեջանական Orman.az լրատվամիջոցի հետ զրույցում հաստատել է Մուսալը գյուղի ՏԻՄ ղեկավարի տեղակալ Ասիֆ Գյուլիևը։ 
Ըստ ադրբեջանական աղբյուրի՝ այս զինծառայողը զորակոչվել էր 2018թ․ ապրիլի 12-ին։ Զինծառայողի դին Ջալիլաբադ են տանելու այսօր կեսօրին։ Սոցցանցերում տարածվել են նաև այս զինծառայողի լուսանկարները
Նշենք, որ Ադրբեջանի պաշտպանության նախարարությունը այս մասին որևէ հայտարարություն չի արել։
Հավելենք, որ 2019թ. հունվարի 1-ից մինչ օրս բաց աղբյուրներից հայտնի է դարձել Ադրբեջանի զինված ուժերի և այլ ուժային կառույցների 9 կորստի մասին։ Իսկ 2019թ․ հունվարի 1-ից մարտի 31-ը ներառյալ հայտնի դարձած կորուստների մասին կարող եք կարդալ այստեղ։

Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`

11/04/2019

Ադրբեջանում վարժանքներ են անում հրթիռա–հրետանային ստորաբաժանումները


Ապրիլի 11-ին մարտական կրակով պլանային վարժանքներ են արել Ադրբեջանի հրթիռա–հրետանային զորամասի ստորաբաժանումները:

Այս մասին գրում է Ադրբեջանի ՊՆ պաշտոնական կայքը։ Հրապարակվել են նաև վարժանքների կադրերը, որոնցում երևում են 152 մմ «Գիացինտ Բ»  ինչպես նաև 120 մմ Դ-30 քարշակվող հաուբիցներ։
Հիշեցնենք, որ կրկին մարտական պատրաստության ծրագրի համաձայն ապրիլի 8-ին մարտական կրակով վարժանքներ էին անցկացնում Ադրբեջանի ՌՕՈւ հարվածային ուղղաթիռները։ Վարժանքների կադրերում երևում էին Մի–24Պ և Մի-35 հարվածային ուղղաթիռներ։

Նյութը՝ News.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/04/2019

«Մարաղայում իրականացվածը պարզապես ռազմական հանցագործություն չէր, այլ ցեղասպանական գործողություն». Տարոն Հովհաննիսյան

1992 թվականի ապրիլի 10-ին Արցախյան պատերազմի ընթացքում հայկական կողմի համար ամենաողբերգականը եղավ Մարտակերտի շրջանի Մարաղա գյուղում: Այդ մասին ենք զրուցել ադրբեջանական հարցերով փորձագետ Տարոն Հովհաննիսյանի հետ:

- Պարոն Հովհաննիսյան, ի՞նչ է իրականում կատարվել Մարաղայում:
-1992թ. ապրիլի 10-ին տևական հրետակոծումից հետո Ադրբեջանի կանոնավոր բանակի և միլիցիայի հատուկ նշանակության ջոկատների (ՕՄՈՆ) ստորաբաժանումները ներխուժեցին Լեռնային Ղարաբաղի Հանրապետության Մարտակերտի շրջանի Մարաղա գյուղ։ Այս ռազմական հանցագործության արդյունքում գյուղում մնացած 118 մարդուց՝ հիմնականում տարեցներ, հաշմանդամներ, կանայք և երեխաներ, սպանվեց ավելի քան 50 խաղաղ բնակիչ, գերեվարվեց՝ 49-ը, այդ թվում՝ 9 երեխա և 19 կին, որոնցից 19-ի ճակատագիրը մինչ օրս անհայտ է։ Գյուղն ամբողջությամբ հրկիզվեց։ 

- Արդյո՞ք սա եզակի դեպք է հայ-ադրբեջանական կոնֆլիկտի պատմության մեջ:
 -Այս ոճրագործությունն առանձնանում է նրանով, որ փաստացի սա արդեն նորանկախ Ադրբեջանի կողմից իրականացված առաջին նմանատիպ ռազմական հանցագործություններ էր: Ականատեսներից մեկը նշում է, որ իրենց վրա հարձակված ադրբեջանցի զինծառայողներից մեկն ասել է, որ իրենց նպատակը ոչ թե հայ խաղաղ բնակչությանը գյուղից դուրս հանելն է՝ այլ «մինչև վերջին մարդը ոչնչացնելը»: Սա ևս մեկ անգամ փաստում է, որ Մարաղայում իրականացվածը պարզապես ռազմական հանցագործություն չէր, այլ ցեղասպանական գործողություն: Հարկ է առանձնապես ընդգծել այն հանգամանքը, որ Մարաղայում իրականացված ցեղասպանական գործողությունից հետո Ադրբեջանը պարգևատրել է ռազմական հանցագործներին: Այդ թվում գործողությունը ղեկավարած հրամանատարներից մեկը՝ Շահին Թաղիևը, առաջինների թվում է, որոնք ստացել են նորանկախ Ադրբեջանի «ազգային հերոսի» կոչում: Փաստացի Ադրբեջանի իշխանությունները դեռևս այդ ժամանակ ցույց են տվել, որ իրենք խրախուսում են մարդկության դեմ ուղղված նման ոճրագործությունները: Սա արդեն իսկ փաստում է, որ այդ ամենը իրականացվել է Ադրբեջան պետության անմիջական ներգրավմամբ և խրախուսմամբ ու չի կրել լոկալ բնույթ: Նաև հետագա տարիներին Ադրբեջանի Հանրապետության վարած քաղաքականությունը ցույց է տալիս, որ նշված ձեռագիրը չի փոխվել: 2004 թ. Հունգարիայում ՆԱՏՕ-ի դասընթացների ժամանակ հայ սպա Գուրգեն Մարգարյանին քնած ժամանակ կացնահարած Ադրբեջանի ԶՈւ սպա Ռամիլ Սաֆարովը այսօր իբրև «լավ օրինակ» է ներկայացվում Ադրբեջանում՝ ամենաբարձր մակարդակով: Բացի այդ, 2016 թ. ապրիլին Արցախի խաղաղ բնակչության և զինծառայողների դեմ անմարդկային ռազմական հանցագործություններ իրականացրած Ադրբեջանի ԶՈւ զինծառայողները ևս պարգևատրվել են: Ըստ որում բազմիցս փաստված է, որ Արցախի պաշտպանության բանակի զինծառայողներին գլխատած առնվազն երկու ադրբեջանցի զինծառայող պարգևատրվել է անձամբ Ադրբեջանի նախագահի կողմից, ընդ որում մեկը՝ «արիության համար»: Նշվածը մեկ անգամ ևս ի ցույց է դնում, որ այս ամենը հարկավոր է դիտարկել իբրև շարունակական գործողությունների շղթայի մասեր, որոնք կազմում են Ադրբեջանի ցեղասպան քաղաքականության բաղադրիչները: Նշված գործողությունները և Ադրբեջանի Հանրապետության որդեգրած դիրքորոշումը մեկ անգամ ևս ապացուցում են, որ Արցախի բնակչության ինքնորոշումը և Ադրբեջանից անկախ պետականության կայացումը այլընտրանք չունի՝ հաշվի առնելով հակառակ դեպքում Արցախի բնակչությանը սպառնացող ցեղասպանման և բնաջնջման վտանգը:

- Տեղեկատվական պատերազմների ընթացքում այս թեման ի՞նչ լույսի ներքո է ներկայացվում և ի՞նչ քայլեր է ձեռնարկում ադրբեջանական կողմը:
 -Մարաղայում իրականացված խաղաղ բնակչության ջարդերը պատերազմից առաջ, ընթացքում և հաջորդած շրջանում իրականացված շատ այլ դեպքերի տարբերվում են նրանով, որ փաստերն անհերքելի են: Հաշվի առնելով այն փաստը, որ Մարաղայում հայկական խաղաղ բնակչության կոտորածն իրականացվել է ապրիլի 10-ին, իսկ նույն օրը գիշերը գյուղն ազատագրվել է՝ առկա են բազմաթիվ տեսանյութեր, լուսանկարներ, որոնք հստակ կերպով փաստում են կատարվածը: Կոտորածից անմիջապես հետո գյուղ է այցելել նաև Մեծ Բրիտանիայի լորդերի պալատի փոխխոսնակ բարոնուհի Քերոլայն Քոքսը և նա ևս ականատես է եղել ոճրագործության հետևանքներին: Նրա խնդրանքով սպանված խաղաղ բնակիչների մարմինները արտաշիրիմվել են և այդ ամենը տեսանկարահանվել է: Այդտեղ պարզ երևում է ինչպես են խոշտանգել մարմինները, այրել մարդկանց: Այս ամենը ըստ էության Ադրբեջանի համար անհնարին է դարձնում հակափաստարկների ներկայացումը, ինչը ևս հավանաբար իր ազդեցություն ունեցել է, որ այդ պետությունը այս ուղղությամբ ակտիվ հակաքարոզչական աշխատանքներ չի իրականացրել: Սակայն հայկական կողմը պետք է ավելի ակտիվ աշխատանքներ տանի թե՛ հայկական հասարակության շրջանում, թե՛ միջազգային հանրության շրջանում նշված իրադարձությունների վերաբերյալ առկա տեղեկատվությունը տարածելու համար: 

 -Իսկ հայկական կողմը մինչ այժմ ի՞նչ աշխատանք է տարել այս ամենի իրավական գնահատակնները ամրագրելու և իրավական պատասխանատվության կանչելու համար:
 -Մարաղայում կատարվածին իրավական գնահատական տալու և միջազգային մակարդակով այս ամենը ներկայացնելու ուղղությամբ անհրաժեշտ է հետևողական աշխատանք տանել: Մինչ օրս բավականին մեծ աշխատանք է տարվել հասարակական կազմակերպությունների մակարդակով, մասնավորապես՝ Լարիսա Ալավերդյանի հիմնադրած «Ընդդեմ իրավական կամայականությունների» հասարակական կազմակերպության ջանքերով: Բավականին ծավալուն հետազոտություններ իրականացրել է նաև «Հանրային կապերի և տեղեկատվության կենտրոն» ՊՈԱԿ-ի աշխատակից Մարինա Գրիգորյանը, սակայն պետական մակարդակով միջազգային հանրության շրջանում և առավելապես միջազգային դատական ատյաններում գրեթե աշխատանքներ չեն իրականացվել: 2019 թ. ապրիլի 10-ին հենց նշված երկու կառույցների՝ ՀՀ վարչապետին առընթեր ՀԿՏԿ ՊՈԱԿ-ի և ԸԻԿ ՀԿ-ի կազմակերպմամբ, Հայոց Ցեղասպանության թանգարան-ինստիտուտում անցկացվեցին նաև Մարաղայի ցեղասպանության թեմայով լսումներ, որի ընթացքում նշված հարցերը քննարկվեցին: Լսումներին մասնակցում էին նաև ՀՀ ազգային ժողովի պատգամավորներ, Արցախի ազգային ժողովի ներկայացուցիչներ, փորձագետներ: Այստեղ ևս հստակորեն ընդգծվեց այն, որ պետական մակարդակով այս ուղղությամբ անհրաժեշտ է լուրջ քաղաքականություն մշակել և հստակ աշխատանքներ տանել: Կարծում եմ, որ այս և նմանատիպ այլ խնդիրներով, որպես մեկ ցեղասպանական գործողության բաղադրիչներ, ակտիվ աշխատանքներ պետք է տանեն ՀՀ ազգային ժողովը, արտգործնախարարությունը, ինչպես նաև համապատասխան պետական այլ գերատեսչությունները՝ աշխատելով կատարվածին իրավական գնահատական տալու ուղղությամբ:

Լիանա Բրյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

09/04/2019

Ադրբեջանի ՌՕՈւ ուղղաթիռները վարժանքներ են անում

Ապրիլի 8-ին Ադրբեջանի ռազմաօդային ուժերի հարվածային ուղղաթիռները մարտական պատրաստվածության ծրագրի համաձայն մարտական կրակով թռիչքա–մարտավարական վարժանքներ են անցկացրել։

Այս մասին հայտնում է Ադրբեջանի պաշտպանության նախարարության կայքը։ Նշվում է, որ ուղղաթիռները մարտական կրակով ոչնչացրել են պայմանական հակառակորդի ցամաքային թիրախները, ինչպես նաև իրականացրել են պատերազմական տարբեր իրավիճակներում բոլոր ստորաբաժանումներին օդային կրակի աջակցության վարժանքներ։
Նշենք, որ Ադրբեջանի ՊՆ հրապարակած կադրերում երևում են վարժանքներին մասնակցող Մի–24Պ և Մի-35 հարվածային ուղղաթիռները։
Հիշեցնենք, որ ապրիլի 1-ին վարժանքներ էին անցկացրել Ադրբեջանի ՀՕՊ ստորաբաժանումները, որոնց ներգրավվել է նաև իսրայելական ավիաշինական ընկերության EԼM-2106 ռադարը, որը կարող է կապող օղակ լինել խորհրդային/ռուսաստանյան արտադրության ՀՕՊ միջոցների միջև՝ բարձրացնելով դրանց արդյունավետությունը: 
Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/04/2019

Եթե Ադրբեջանը կրկին գնա սադրանքի, լինելու է այն, ինչ Դավիթ Տոնոյանը հայտարարեց․ պաշտպանության փոխնախարարի պատասխանն Ադրբեջանի ԱԳՆ-ին

Անցած զորավարժությունների հետ կապված հաղորդագրություններում էլ հայտնել ենք, որ փորձում են նաև հարձակվողական կոմպոնենտը մտցնել՝ պահպանության  ռեժիմից դուրս գալով»,- ասաց նա։
Ինչ վերաբերում է Ադրբեջանի կողմից Դավիթ Տոնոյանի հայտարարությունը սադրիչ որակելուն, Գաբրիել Բալայանը շեշտեց, որ գրեթե չկա մեկ շաբաթ, որ ադրբեջանական կողմից սադրիչ հայտարարություն չլինի։
«Պարզապես մենք ապավինում ենք մեր պատրաստվածությանը, մենք ապավինում ենք մեր զինված ուժերի մարտունակությունը, այս պատճառով էլ ամեն անգամ նրանց սադրիչ հայտարարություններին չենք արձագանքում»,- շարունակեց Բալայանը։
Անդրադառնալով ադրբեջանական կողմի հարցադրմանը, թե արդյո՞ք Դավիթ Տոնոյանի հայտարարությունը համապատասխանում է ՀՀ բարձրագույն ղեկավարության տեսակետին, փոխնախարարը հիշեցրեց, որ պաշտպանության նախարարն իրականացնում է Կառավարության ծրագիրը։
«Եթե բացենք կառավարության ծրագիրը՝ հաստատված ԱԺ-ի կողմից, կտեսնենք, որ այնտեղ ևս խոսք է գնում բանակի զարգացման, այդ թվում սպառազինության վերաբերյալ։ Կառավարության ծրագիրը միասնական է, իսկ ՊՆ-ն՝ որպես կառավարության մաս, իրականացնում է իր ծրագիրը։ Համոզված եմ, որ սա այն քաղաքականության մասն է, որն իրականացնում է ՀՀ կառավարությունը: Միգուցե չենք գրում կառավարության ծրագրի մեջ այն ամենն, ինչ անում ենք, բայց որպես մի ուղղությունն էլ մենք դրել ենք մարտական պատրաստվածությունը, սպառազինության թարմացումը։ Մեր գործը մեր պաշտպանությունը զգոն պահելն  ու պաշտպանական  հզորություններն ավելացնելն է։ Սա ենթադրում է նաև որոշակի դեպքերում այլ գործողությունների իրականացում, որոնք միգուցե զարմանք  ենք առաջացրել մեր հակառակորդի մոտ»,- եզրափակեց ՊՆ փոխնախարար Գաբրիել Բալայանը։

Նյութը՝ Tert.am կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հայաստանի եւ Ադրբեջանի առաջնորդների՝ հրադադարի ամրապնդման կոչը հուսադրող է. ԵՄ


Հուսադրող է Հայաստանի եւ Ադրբեջանի առաջնորդների՝ հրադադարի ամրապնդման եւ խաղաղության համար բարենպաստ պայմանների ստեղծման կոչը, ինչպես նաեւ արդյունք ստանալուն ուղղված բանակցությունների հետագա քայլերի ձեռնարկման պատրաստակամության մասին նրանց հայտարարությունները: Այս մասին նշված է ԵՄ արտաքին քաղաքականության ղեկավարության հայտարարության մեջ:
ԵՄ-ն անհամբերությամբ է սպասում հումանիտար ոլորտում միջոցառումների մշակման մասին Վիեննայի համաձայնության իրականացմանը, ինչպես նաեւ խաղաղությանը բնակչության նախապատրաստման միջոցառումների մասին համաձայնագրի իրականացմանը, որը ԱԳ նախարարների միջեւ ձեռք է բերվել 2019 թվականի հունվարի 16-ին Փարիզում: Եվրամիությունը պատրաստ է աջակցելու այս ջանքերին:
Եվրոպական միությունը կրկին հայտարարում է ԵԱՀԿ Մինսկի խմբի համանախագահների միջնորդական ջանքերին եւ առաջարկներին իր լիակատար աջակցության մասին, այդ թվում՝ ԵՄ Հարավային Կովկասի եւ Վրաստանում ճգնաժամի հարցերով հատուկ ներկայացուցչի միջոցով, ինչպես նաեւ քաղաքացիական հասարակության վստահության ամրապնդման միջոցառումների շրջանակում:

Նյութը՝ News.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/03/2019

Ավարտվել է Փաշինյան-Ալիև առանձնազրույցը

Վիեննայի «Բրիստոլ» հյուրանոցում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առանձնազրույցը տևեց երկու ժամ:
Նրանց կրկին միացան ԵԱՀԿ Մինսկի խմբի համանախագահների և Հայաստանի ու Ադրբեջանի արտաքին գործերի նախարարները:
Հանդիպումը մեկնարկել է Երևանի ժամանակով 14:00-ին: Սկզբում տեղի են ունեցել ընդլայնված կազմով շփումները, ապա երկու երկրների ղեկավարները մնացել են փակ դռների հետևում:
Հանդիպման նախապատրաստության նպատակով մարտի 28-ին կայացել է ՀՀ արտաքին գործերի նախարար Զոհրաբ Մնացականյանի, Մինսկի խմբի համանախագահներ Իգոր Պոպովի, Ստեֆան Վիսկոնտիի, Էնդրյու Շոֆերի և ԵԱՀԿ գործող նախագահի անձնական ներկայացուցիչ Անջեյ Կասպրշիկի հանդիպումը, ապա նաև՝ շփումներ Ադրբեջանի ԱԳ նախարար Էլմար Մամեդյարովի հետ:
Քննարկումների առանցքում Լեռնային Ղարաբաղի հակամարտության կարգավորման գործընթացն է:
Փաշինյանն Ավստրիայի մայրաքաղաք է մեկնել մարտի 28-ի երեկոյան: Ծրագրված են նրա հանդիպումները Ավստրիայի կանցլեր Սեբաստիան Կուրցի և նախագահ Ալեքսանդր վան դեր Բելլենի հետ: Ավստրիայում ՀՀ դեսպանատան «Հայաստան» կենտրոնում մարտի 29-ին տեղի կունենա նաև Փաշինյանի հանդիպումը ավստրիահայ համայնքի ներկայացուցիչների հետ:

Նյութը՝ Artsakhpress.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Վիեննայում մեկնարկել է Հայաստանի եւ Ադրբեջանի ԱԳ նախարարների եւ ՄԽ համանախագահների հանդիպումը

Վիեննայում մեկնարկեց Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի, ԵԱՀԿ ՄԽ համանախագահների հանդիպումը՝ վաղը կայանալիք գագաթաժողովին ընդառաջ: Այս մասին ֆեյսբուքյան գրառմամբ հայտնել է ԱԳՆ խոսնակ Աննա Նաղդալյանը։
Հիշեցնենք, որ վաղը՝ մարտի 29-ին, Վիեննայում նախատեսված է ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հանդիպումը:
Նյութը՝ News.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

27/03/2019

Ադրբեջանը հաստատում է ՀՀ հետ սահմանին ինժեներաշինարարական աշխատանքներ անելը.Ռազմինֆո

Մարտի 25-26-ը Ադրբեջանի Ղազախի և Աղստաֆայի շրջանների առաջնագծում է եղել Պետական սահմանապահ ծառայության ղեկավար Էլչին Ղուլիևը, որը տեղում ծանոթացել է ընթացող աշխատանքներին:
Այս մասին մարտի 27-ին հայտնել է Ադրբեջանի Պետական սահմանապահ ծառայության (ՊՍԾ) կայքը: Ղուլիևը հետևել է նոր շինությունների, զորանոցների, ճանապարհների և այլ ենթակառուցվածքների ու դիրքերի ամրապնդման շինարարության ընթացքին, ինչպես նաև այդ ուղղությամբ տվել նոր հանձնարարականներ:
Այս հայտարարությամբ ադրբեջանական կողմը, ըստ էության, հաստատում է Հայաստանի հետ սահմաններին ինժիներաշինարարական աշխատանքներ անելու մասին տեղեկությունները: 
Հիշեցնենք, որ երեկ՝ մարտի 26-ին, ադրբեջանական կողմը Տավուշի մարզի Բերդավան գյուղի հատվածում ադրբեջանական կողմը փորձել է մոտեցնել դիրքերը, ինչի պատճառով փոխհրաձգություն էր սկսվել:
«Ռազմինֆոն» արբանյակային լուսանկարների ուսումնասիրության հիման վրա ներկայացրել է նաև այդ աշխատանքների մասին իր դիտարկումները և դրանց օրինակները:
Նյութը՝ Razm.info  կայքի:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

26/03/2019

Ֆիզուլիի ուղղությամբ սպանվել է ադրբեջանցի զինծառայող. Ռազմինֆո

Մարտի 26-ի երեկոյան, ըստ ադրբեջանական կողմի՝ Արցախ-Ադրբեջան սահմանի Մարտունու (Ֆիզուլի) ուղղությամբ սպանվել է Ադրբեջանի զինված ուժերի զինծառայող Էլեզով Էլեզ Էլեդդին օղլուն (Əlləzov Əlləz Ələddin oğlu)։

Այս մասին հայտնում է Ադրբեջանի ՊՆ պաշտոնական կայքը, պնդելով, որ զինծառայողը մահացել է հայկական գնդակից։ Հաղորդագրության մեջ Ադրբեջանի ՊՆ-ն չի ընդունում նաև  ՀՀ ՊՆ այն տեղեկությունը, որ այսօր, ժամը 16։30-ի սահմաններում, Տավուշի մարզի Բերդավան գյուղի մերձակայքում տեղակայված մարտական դիրքերի ուղղությամբ, միջդիրքային տարածքում, ադրբեջանական զինված ուժերի ստորաբաժանումները փորձել են ինժեներական աշխատանքներ անել և մոտեցնել իրենց դիրքերը։
Նշենք, որ 2019թ. հունվարի 1–ից մինչ այսօր բաց աղբյուրներից Ռազմինֆոյին հայտնի է դարձել Ադրբեջանի զինված ուժերի և հարակից ուժային կառույցների 8 կորուստ։ 
Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

25/03/2019

Փաշինյանը եւ Ալիեւը հնարավոր է հանդիպեն մարտի 29-ին Վիեննայում

Հայաստանի վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի՝ ղարաբաղյան հակամարտության կարգավորման վերաբերյալ հանդիպումը կարող է տեղի ունենալ մարտի 29-ին Վիեննայում: Այդ մասին «ՌԻԱ Նովոստի»-ին հայտնել է Ավստրիայի մայրաքաղաքում դիվանագիտական աղբյուրը:
«ԵԱՀԿ Մինսկի խմբի համանախագահների միջնորդությամբ հանդիպումը կարող է տեղի ունենալ մարտի 29-ին Վիեննայում», - ասել է գործակալության աղբյուրը:
Հիշեցնենք, որ ԵԱՀԿ Մինսկի խումբը հայտարարել էր, որ ՀՀ վարչապետ Նիկոլ Փաշինյանը եւ Ադրբեջանի նախագահ Իլհամ Ալիեւը համաձայն են առաջիկայում հանդիպել:
«ԵԱՀԿ Մինսկի խմբի համանախագահները Երեւանում հանդիպել էին Հայաստանի վարչապետի հետ եւ Բաքվում Ադրբեջանի նախագահի հետ: Հանդիպման ընթացքում քննարկվել են Փաշինյանի եւ Ալիեւի առաջիկա հանդիպման նախապատրաստման հարցերը, այդ թվում քննարկման հնարավոր թեմաները», — ասվում է հայտարարությունում:
Նյութը՝ News.am կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

22/03/2019

Ադրբեջանում 20 տարվա ազատազրկման դատապարտված Կարեն Ղազարյանի հայրը այցելել է ՀՀ պետական սահմանը խախտած Ադրբեջանի քաղաքացուն

Ս.թ. մարտի 22-ին Ադրբեջանի իրավազորության ներքո հայտնված և հետագայում 20 տարվա ազատազրկման դատապարտված ՀՀ քաղաքացի Կարեն Ղազարյանի հայրը` Արմեն Ղազարյանը այցելել է ս.թ. մարտի 16-ին ՀՀ պետական սահմանը խախտած, Ադրբեջանի Հանրապետության քաղաքացի Էլվին Արիֆ Օղլու Հիբրագիմովին: 
Ադրբեջանցի սահմանախախտի հետ զրույցում Ա.Ղազարյանը հետաքրքրվել է նրա առողջական և բարոյահոգեբանական վիճակով: 
Էլվին Արիֆ Օղլու Հիբրագիմովը Կարեն Ղազարյանի հորը պատմել է իր պահպանման վայրի պայմանների, իրեն տրամադրված պատշաճ բուժօգնության մասին, տեղեկացնելով, որ հայ բժիշկները հոգատար վերաբերմունք են ցուցաբերել իր նկատմամբ: 
Զրույցի ընթացքում Կ.Ղազարյանի հայրը Է.Հիբրագիմովին է պատմել Կարենի պատմությունը, ով նույն կերպ մեկ տարի առաջ մոլորվել և հայտնվել էր Ադրբեջանի իրավազորության ներքո, սակայն ադրբեջանական իշխանությունների կողմից անարդարացիորեն դատապարտվել է ազատազրկման շինծու մեղադրանքների հիման վրա:
Կարեն Ղազարյանի հայրը Է.Հիբրագիմովին մաղթել է շուտափույթ ապաքինում։

ՀՀ գերիների, պատանդների և անհայտ կորածների հարցերով զբաղվող միջգերատեսչական հանձնաժողով


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

21/03/2019

Ոչ մարտական կորուստ Ադրբեջանի զինված ուժերում. Ռազմինֆո

Razm.info կայքը գրում է.
Մարտի 18-ին Ադրբեջանի Չոջուխ Մարջանլը գյուղի ուղղությամբ առայժմ անհայտ պայմաններում մահացել է Ադրբեջանի ԶՈւ զինծառայող, Շաքիի շրջանի Չայ Կարակոյունլու գյուղի բնակիչ Հյումբեթով Ագիլ Վյուգար օղլուն (Hümbətov Aqil Vüqar oğlu)։ 

Այս մասին հայտնել է ադրբեջանական Bizimyol.info կայքը հղում անելով պաշտպանության նախարարության մամուլի խոսնակ Վագիֆ Դարգյահլըին։ ՊՆ մամուլի խոսնակը նշել է, որ զինծառայողը չի մահացել հակառակորդի կրակից, մահվան պատճառը պարզելու համար քրեական գործ է հարուցվել։
Նշենք, որ 2019թ. հունվարի 1–ից մինչ այսօր բաց աղբյուրներից հայտնի է դարձել Ադրբեջանի զինված ուժերի և հարակից ուժային կառույցների 7 կորուստ։ 


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

20/03/2019

Ադրբեջանի ՊՍԾ-ն առաջնագծին մոտ նոր զորամաս է շահագործման հանձնել

Razm.info կայքը գրում է,

Ղազախի շրջանում շահագործման է հանձնվել Ադրբեջանի Պետական սահմանապահ ծառայության՝ առաջնագծին մոտ տեղակայված նոր զորամաս:
Բացման արարողությանը մասնակցել է ՊՍԾ ղեկավար, գեներալ-գնդապետ Էլչին Ղուլիևը: Զորամասից բացի Ղուլիևը այցելել է նաև մարտական դիրքեր: 

Շահագործման են հանձնվել շտաբի և վարչական այլ շինություններ, ժամկետային զինծառայողների համար զորանոց, ծառայողական բնակարաններ, գարաժներ են։
Նշենք, որ այս զորամասի շենքը «0-ից չի կառուցվել», այլ կատարվել է արդեն իսկ գոյություն ունեցող շենքի և հարակից կառույցների հիմնովին վերանորոգում և ընդլայնում:
Ավելացնենք, որ ՊՍԾ-ի՝ Ղազախ-Աղստաֆա հատվածի սահմանները բանակի ստորաբաժանումների փոխարեն հսկելու պարտականությունը ստանձնելուց հետո, այդ հատվածի առաջնագծի ամբողջ երկայնքով կատարվել են շինարարական և ինժեներական աշխատանքներ, կառուցվել են ճանապարհներ, բարեկարգվել են առաջապահ դիրքերը:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
 Տեղեկացրու՛ ընկերներիդ`