Showing posts with label Ադրբեջան. Show all posts
Showing posts with label Ադրբեջան. Show all posts

13/02/2019

Ահաբեկիչ երկիրը բացեիբաց հայտարարում է` ինչ է իր բուն նպատակը. հայոց պետականության կործանումն է. Դավիթ Բաբայանը` Ալիևի հայտարարությունների մասին

Tert.am կայքը գրում է.
Ահաբեկիչ երկիրը բացեիբաց հայտարարում է` ինչ է իր բուն նպատակը: Այս մասին Tert.am-ի հետ զրույցում ասաց Արցախի նախագահի մամուլի խոսնակ Դավիթ Բաբայանը՝ անդրադառնալով Ադրբեջանի նախագահ Իլհամ Ալիևի հայտարարությանը:

«Ադրբեջանի բուն նպատակը չի փոխվել, դա հայոց պետականության` և՛ Արցախի, և՛ Հայաստանի Հանրապետության կործանումն է: Սրա մասին Ադրբեջանը միշտ խոսում է, ավելին` մեղադրում է հայկական կողմին բանակցային գործընթացը տապալելու մեջ: Սակայն իր այդ հայտարարություններով հենց ինքն է խոչընդոտում բանակցային գործընթացին: Բայց Ադրբեջանն այսպիսին է, մենք միշտ պետք է հասկանանք ու չմոռանանք, թե ում հետ գործ ունենք: Չպետք է ակնկալել Ադրբեջանից դիրքորոշման փոփոխություն կամ ակնկալել, որ նա ինչ-որ կառուցողական քայլեր է կատարելու, հնարավոր չէ»,- ասաց Բաբայանը:
Հիշեցնենք, որ Ադրբեջանի նախագահ Իլհամ Ալիևը հայտարարել էր, որ Լեռնային Ղարաբաղն Ադրբեջանի անբաժան մասն է, և հակամարտության կարգավորումը հնարավոր է միայն Ադրբեջանի տարածքային ամբողջականության շրջանակում: «Ադրբեջանը երբեք չի հաշտվի իր հողերի «գրավման» հետ: Այժմ աշխարհում իշխող է դառնում ուժի գործոնը. «ով ուժեղ է, նա էլ իրավացի է»»,-ասել էր Ալիևը։
Դավիթ Բաբայանի խոսքով` Ադրբեջանի այս վարքագիծն օբյեկտիվ և սուբյեկտիվ հիմք ունի իր մեջ: «Ադրբեջանը բազմազգ երկիր է և անելու է ամեն ինչ, որպեսզի չճանաչի Արցախը: Ուշ թե շուտ ճանաչելու է, բայց ամեն ինչ անելու է, որպեսզի դա հետաձգվի, որովհետև բազմազգ է: Եթե Արցախը ճանաչի, այլ ազգեր նույնպես կարող են անկախության ձգտման իրենց քայլերը գործնական դարձնել: Ադրբեջանի համար նույնիսկ շատ ավելի վտանգավոր է Արցախի ինքնավարությունը ճանաչել, քան անկախությունը: Իհարկե, մեզ համար անընդունելի է ինքնավարության ճանաչումը, բայց այդ ինքնավարությունն ավելի վտանգավոր է Ադրբեջանի համար, որովհետև այլ ժողովուրդներ նույնպես ինքնավարություն կուզեն, ինչը կնշանակի, որ Ադրբեջանն իրոք արհեստական է, իսկ փոքրամասնություններին ներկայացնում են որպես ադրբեջանցի»,- պարզաբանեց նա:
Նա նշեց, որ Ադրբեջանի համար կա երկու տարբերակ` փորձել ոչնչացնել մեր պետականությունը կամ պարզապես սսկվել: «Որպեսզի Ադրբեջանը չկարողանա կործանել մեր պետականությունը, դրա բանաձևը պարզ է` միշտ պետք է ունենանք ուժեղ բանակ, ներհայկական միասնականության բարձր մակարդակ և միշտ պետք է վարենք ճիշտ արտաքին քաղաքականություն` խորացնելով, ամրապնդելով մեր ավանդական բարեկամների ընկերների դաշնակիցների հետ կապերը, ինչպես նաև զարգացնելով մեր հարաբերություններն այլ երկրների հետ: Սա է բանաձևը՝ ինչպես անել, որպեսզի Ադրբեջանի երազանքներն այդպես էլ մնան երազանքներ»,- շեշտեց նա։
Միևնույն ժամանակ Բաբայանն ընդգծեց, որ Արցախի հիմնախնդրի հետ կապված անկախ իշխանափոխությունից նույն կարևորագույն գաղափարները պահպանվել են: «Կառավարության, Ազգային ժողովի և այլ փոփոխությունները ժողովրդավարական գործընթացներ են, որոնք կան ու պիտի լինեն թե՛ Արցախում, թե՛ ՀՀ-ում,  բայց կան գաղափարներ, որոնք անփոփոխ են, և որոնց փոփոխությունը և ոչ ճիշտ ձևով փոփոխությունը կարող է լինել ճակատագրական:
Այդ խնդիրների շարքին է դասվում նաև Արցախի հիմնախնդիրը: Այս առումով մենք չենք տեսնում որևէ վտանգավոր փոփոխություն: Պաշտոնական Երևանը շարունակում է համարել Արցախը, Արցախյան հիմնախնդիրը որպես հայոց պետականության համար կարևորագույն հարց, կողմնակից է խաղաղ կարգավորման և անպայման Արցախի մասնակցությանը բանակցային գործընթացին լիիրավ ձևով: Հետևաբար, կան գաղափարներ, որոնք պետք է լինեն անփոփոխ, բարեբախտաբար, Արցախի հիմնախնդրի հարցով որևէ լուրջ նեգատիվ բացասական զարգացում չկա, լինի դա Արցախում, թե ՀՀ-ում»,- եզրափակեց նա:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

09/02/2019

Ադրբեջանի ՊՆ-ում հռետորաբանություն է փոխվել.Ռազմինֆո

Razm.info կայքը գրում է.

Շուրջ կես տարվա ընդմիջումից հետո Ադրբեջանի ՊՆ-ում կրկին սկսել են խոսել հայկական կողմի «հնարավոր սադրանքների» մասին: 
Փետրվարի 9-ին Ադրբեջանի բանակի հրամանատարական գլխավոր կենտրոնում պաշտպանության նախարար Զաքիր Հասանովը հանդիպել է բանակի հրամկազմին, տվել ցուցումներ և առաջադրանքներ:

Հատկանշական է, որ, ըստ Ադրբեջանի ՊՆ հաղորդագրության, Զաքիր Հասանովը բոլոր օղակների հրամանատարներին կարգադրել է «ադեկվատ պատասխան տալ թշնամու սադրանքներին, և վճռականորեն դիմագրավել նրա պրովոկատիվ գործունեությանը»: 
Առաջ անցնելով նշենք, որ Ադրբեջանի բանակի հրամկազմը նախկինում նմանաբնույթ հայտարարություններ հաճախ է արել, սակայն վերջին շրջանում այսպիսի շեշտադրումները չէին լսվում:

Վերջին անգամ բանակի շտաբում այսպիսի հայտարարություն Զաքիր Հասանովը արել էր նախորդ տարվա հուլիսի 14-ին: Այն ժամանակ Հասանովը «պատասխանատու անձանց հանձնարարել էր անհրաժեշտ միջոցառումներ ձեռնարկել թշնամու հնարավոր սադրանքները կանխելու համար»:

Հատկանշական է, որ նախորդ հայտարարությունից մեկ օր անց՝ հուլիսի 15-ին, ադրբեջանական կողմը գերեվարեց Տավուշի Բերդավան գյուղի բնակիչ Կարեն Ղազարյանին՝ ներկայացնելով, թե իբր կանխել են դիվերսիա և դիվերսանտին ձերբակալել: 



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

08/02/2019

Ադրբեջանի զինուժը կորուստ ունի.Ալեն Ղուլյան

Facebook-յան օգտատեր Ալեն Ղուլյանը գրում է.
Ադրբեջանի զինուժը կորուստ ունի։ Սոցկայքերի ադրբեջանական տիրույթում տեղեկություններ են հայտնվել, որ փետրվարի 7-ին, օրվա երկրորդ կեսին, Ֆիզուլիի շրջանում տեղակայված մարտական հենակետերից մեկում սպանվել է  Բեյլողանի զորամասերից մեկի ծամկետային զինծառայող, Գյանջա քաղաքի բնակիչ, 19 ամյա Ռուֆատ Բախտիյար օղլու Ռուստամովը ( Rüfət Bəxtiyar oğlu Rüstəmov)։
 Ադրբեջանի պաշտպանական գերատեսչությունը դեռևս որևէ  տեղեկություն չի հայտնել սպանված զինծառայողի մասին, սակայն սոցկայքերում միտումնավոր ապատեղեկատվություններ են տարածում, թե իբր զինծառայողը սպանվել է հայկական կողմից արձակած կրակոցի հետևանքով ։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/02/2019

Նասիրով Իսա Ասկյար Օղլին ներկայացրել է իրեն հավաքագրելու փորձի և կոռուպցիոն դեպքի մասին. /տեսանյութ/

Ադրբեջանի զինված ուժերի հատուկ նշանակության զորքերի զինծառայող Նասիրով Իսա Ասկյար Օղլին ասուլիս է տվել, որի ընթացքում կատարել է մի շարք և ուշագրավ բացահայտումներ, ինչպես իրեն հավաքագրելու փորձի մասին, այնպես էլ կոռուպցիոն դրսևորումների մասին: Ստորև Ձեզ ենք ներկայացնում ձայնագրության հայերեն թարգմանությունը և ադրբեջաներեն բնօրինակ տեսանյութը:

Բարև ձեզ: Իմ անունն է Նասիրով Իսա Ասկյար Օղլի, 31 տարեկան եմ: Արդեն 10 տարի է, ինչ ծառայում եմ ԱՀ ԶՈւ-ում, ինքս եմ ընտրել մասնագիտությունս և հայրենիքի համար պատրաստ եմ անգամ կյանքս զոհաբերել: Արդեն 6 տարի է, ինչ ծառայում եմ հատուկ նշանակության ջոկատում` 2011 թ-ից մինչև 2017 թ. ապրիլ ամիսը: Այդ տեսակ ջոկատում ծառայությունը կհասկանա միայն նա, ով ծառայում կամ ծառայել է այնտեղ: 31 տարեկան եմ, ապրում եմ Բաքու քաղաքում, ամուսնացած եմ և խնամում եմ տարեց ծնողներիս: Պրն. գլխավոր հրամանատար, պրն. նախագահ, սիրելի 1-ին փոխնախագահ, դուք մեր երկրի ղեկավարն եք, ուստի դիմում եմ ձեզ բողոքով: Ես չէի ուզում անել դա, բայց արդեն ուղիղ 1 տարի և 10 ամիս է, ինչ ինձ հանգիստ չեն թողնում, ինչքան լռում եմ՝ այդքան ավելի շատ են ճնշում: 2016 թ. նոյեմբեր ամսին, ծառայության վայրում՝ այսինքն, որտեղ ես էի ծառայում, մեր կուրատոր Արիֆ Բաբաևը եկավ և հարցրեց, թե ինչու՞ իմ ծառայողական գրքույկում գրված չէ, որ 2009 թվականին ինձ հեռացրել են ներքին գործերի ջոկատից: Ես պատասխանեցի, որ եթե գրված չէ՝ կգրենք: Եվ նա ասաց, որ ինձ հեռացրել են այն պատճառով, որ ղեկավարի հետ խնդիրներ եմ ունեցել: Պատասխանեցի, որ եթե անգամ այդպես է, չեմ կարող ուրիշ տտորաբաժանումներում ծառայել, մեր հայրենիքում ունենք 8 տեսակի զորք, և հետո, մինչև նրա գալը այստեղ, ունեցել ենք ևս 4 կուրատոր, այնքան դասընթացներ եմ անցել՝ մոտ 15, հատուկ նշանակության զորքերում ծառայելու համար բարձրագույն մակարդակի դասեր եմ ունեցել, անգլերենիս իմացությունը բարձրացրեցի մինչև 2-րդ մակարդակ, հայրենիքը ինձ վրա միլիոններ է ծախսել, հատուկ նշանակության զորքերի զինծառայողից պահանջվում է 5 տարի, շատ դժվարությունների միջով եմ անցել: Նա ասաց, որ այսպես չի լինի, ինձ վրա բողոքներ կան: Հարցրեցի, թե ի՞նչ բողոքներ են, ասաց, որ կամ պետք է աշխատեմ իրենց համար, կամ՝ նրբորեն գումարի մասին հիշեցնելով, առաջարկեց գործը փակել: Ասացի, որ ոչ մի լումա չեմ պատրաստվում տալ, չէի կարողանում այլևս մնալ այնտեղ և նյարդայնությունից դուրս եկա: Դուրս գալու ժամանակ նա առաջարկեց ինձ իր հեռախոսահամարը և ասաց, որ լավ մտածեմ իր առաջարկի շուրջ: Իհարկե, ես չվերցրեցի այն և դուրս եկա: Այդ օրվանից մեկ շաբաթ էլ չէր անցել, երբ ինձ զանգ եկավ: Երբ վերցրեցի զանգահարողը հարցրեց, թե Նաբաև Իսաի հետ է արդյոք խոսում, ես պատասխանեցի այո, նա ներկայացավ, ասաց, որ հատուկ նշանակության բաժնի Արիֆ Բաբաևն է և հարցրեց, մտածել եմ արդյոք նրա առաջարկի շուրջ: Ես հարցրեցի թե ինչու՞ իրենք ինձ հանգիստ չեն թողնում, ասացի, որ ստորագրել եմ 274, 276, 284-ի տակ և պատասխանատվություն եմ կրում: Նա ասաց, որ կրկին մտածեմ առաջարկի շուրջ և ժամանակ առ ժամանակ, ուրիշների միջոցով փոխանցում էր, որ լավ մտածեմ: Նույն թվականի դեկտեմբերին, անօրինական կերպով գնդապետ Իլգար Աբդուլովը, կանչում է ինձ իր մոտ և ես, իմ զինակցի հետ գնացի: Սենյակ մտնելուն պես նա հարցրեց, թե ինչու՞ չեմ ընդունում Արիֆ Բաբաևի առաջարկը և աշխատում իրենց հետ: Իսկ ես ասացի ինչ է, մի դրոշի ներքո չենք ծառայում մենք: Ասաց, ո՛չ, ինձ հեքիաթներ մի պատմիր: Ես ասացի, որ մինչ օրս ամեն ինչ արդար աշխատանքով եմ վաստակել, դժվարությունների միջով եմ անցել, ես չեմ աշխատի ձեզ հետ և չեմ դավաճանի ընկերներիս: Նա ասաց, կամ աշխատում ես մեզ հետ, կամ քեզ չգիտեմ ինչ կանենք: Ես հրաժարվեցի և դուրս եկա միջանցք, մոտեցա պատուհանին, նյարդերս արդեն տեղի էին տալիս: Եկավ Արիֆ Բաբաևը և ասաց, որ կրկին լավ մտածեմ, հարցրեց թե ինչու՞ չեմ ուզում օգնել իրենց և ասաց, որ հենց այդ պատճառով էլ հայրենիքը այս վիճակում է: Ասաց, որ Իսրայելում սա նորմալ երևույթ է և նման դեպքերում այնտեղ օգնում են: Ես ասացի, որ սա Իսրայելը չէ, սա Ադբեջանն է, որը ունի տեր, ունի իր կանոնները և ասացի, որ ինձ հանգիստ թողնեն, իրենք սկսեցին սպաառնալ ինձ և ես ասացի, որ անեն ինչ ուզում են քանի որ չեմ պատրաստվում օգնել իրենց, ասացի, որ դասերին ինձ ուրիշ բան են սովորեցրել` կամ սպանիր կամ սպանվիր, բայց հայրենիքդ երբեք չդավաճանես: Որոշ ժամանակ անց իրենք սկսեցին իրենց կեղտոտ գործերը: 2017թ. ապրիլից ես այլևս չունեմ թույլտվություն, այսինքն այլևս չեմ կարող ծառայել այդ զորքերում: 2 ամիս անց իմ և Բաբաևի ընդհանուր ծանոթը մոտեցավ ինձ և ասաց, որ կլուծի հարցը, իմ հարցին թե ինչպես նա պատասխանեց, որ կխոսի նրա հետ: Խոսակցությունից հետո նա վերադարձավ և ասաց, որ նրանք ինձանից 1000 մանաթ գումար են ուզում: Ես բացատրեցի նրան, որ չունեմ այդքան գումար, ասացի, որ իմ ընկերները ամեն ամիս օգնում են ինձ, որ ապառիկները մարեմ, օգնում են հորս դեղամիջոցների հարցում, ես չունեմ այդքան գումար: Նա ասաց, որ չանհանգստանամ ու նա կրկին կխոսի Բաբաևի հետ: Մի խոսքով, խոսեց, վերադարձավ և ասաց, որ պայմանավորվեցին 6000 մանաթ: Ստիպված տվեցի այդ գումարը: 3000-ը հարազատներից պարտքով վերցրեցի, իսկ մնասած 3000-ը կրկին բանկից ապառիկ վերցեցի և ծանոթիս եղբոր սրճարանում տվեցի գումարը: Նա էլ ասաց, որ ամեն ինչ լավ կլինի: Երկար ժամանակ է անցել և շատ բան է տեղի ունեցել այս ընթացքում, որ կարող եմ պամել, բայց չեմ ուզում: Մի օր սրճարանում հանդիպեցի Արիֆ Բաբաևի հետ և հարցրեցի նրանից թե ինչու՞ չեն վերականգնել իմ թույլտվությունը: Նա ասաց, որ իմ տված 6000 մանաթից իրենց հազիվ 10% է հասել: Խոսակցությունը շարունակվում էր և ես ամեն ինչ ձայնագրում էի, զգում էի, որ նրանք ոչինչ էլ չեն արել: Նա ասաց մեզանից ինչ հատուկ նշանակության բաժնի զինծառայող, մենք մատաղի ոչխար ենք, ինչ բանակի մասին է խոսքը: Ես հեռացա և որոշեցի սպասել: Փետրվարը անցավ, մարտն էլ և ես որոշեցի պատմեմ բողոքներիս մասին: Ես ունեմ բոլոր խոսակցություններն ու հեռախոսազանգերը: Ապրիլի 26-ին ես որոշեցի գրել հանրապետության դատախազ Խանլար Մուալիմին: Ապրիլի 26-ին գրել եմ և մոտավորապես մայիսի 9-ին հասել է Արիֆ Բաբաևին և Իլգար Աբդուլովին: Հետո տեսա, որ գործը ձգձգվում է, չնայած, որ գործով զբաղվում էր քաղաքի դատախազությունը, արդեն 4 ամիս էր գնում էի այնտեղ, բայց ոչ մի անգամ չէի տեսել Բաբաևին և Աբդուլովին այնտեղ, իրենց անգամ չէին կանչում: Հետո հանրապետոթյան դատախազության ղեկավարի Մադաթ Մուալիմի անունով դիմում գրեցի անձնական ընդունելության խնդրանքով, համոզված էի, որ նա ոչինչ չգիտեր այս գործի մասին: 3-4 օր հետո ինձ կանչեցին այնտեղ: Պատմեցի ամեն ինչ և հարցրեցի գեներալի մոտ այցելության մասին: Ասացին, որ գեներալը արձակուրդի մեջ է և ասացին, որ պետք չէ անհանգստանալ և, որ այս հարցին լուծում կտան: Մեկ օր անց ես գնացի նախագահական գրասենյակ, այնտեղ ինձ շատ լավ ընդունեցին, պատմեցի ամեն ինչ և նրանք ասացին, որ անհանգստանալու բան չկա: Ես գնացի տուն և մեկ ժամ էլ չեր անցել երբ եկավ դատախազը և ասաց, որ գործ է հրուցվել այն մարդու վրա, ում սրճարանում տվեցի գումարը: Ես հարցրեցի թե ինչու այն երկուսին չեն կանչում, ասաց, որ իրենք էլ են գործի մեջ: Դատարանում ասացին, որ ես չունեմ ապացույցներ, թույլ չտվեցին խոսեմ և այդ իսկ պատճառով խնդրում եմ, օգնեք ինձ: 
Նասիրով Իսա Ասկյար Օղլի մոր խոսքը`

Որպես միայնակ մայր, խնդրում է առաջին փոխնախագահին, ընդունելության համար, որպեսզի հանդիպեն անձամբ նրան:
թարգմանությունը՝ Գոհար Հովհաննիսյանի



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:

Տեղեկացրու՛ ընկերներիդ`

22/01/2019

Բաքուն «պատրաստվում է խաղաղության»․ Նախիջևանի բանակի դիպուկահարները մարզվում են թուրք հրահանգիչների օգնությամբ

Artsakhpress.am կայքը գրում է.
Նախիջևանում մարտական պատրաստության կուրս է անցկացվել երկրամասի առանձին համազորային բանակի դիպուկահար զինծառայողների համար։
Ադրբեջանի և Թուրքիայի զինված ուժերի զինծառայողների մասնակցությամբ ու իրական պատերազմական իրավիճակին մոտեցված պայմաններում անցկացված մարզումների ժամանակ կատարվել են մարտական ամենաբարդ հրահանգները, գրում է SHANTNEWS.am լրատվական կայքը:
Թուրքիայի բանակի զինծառայողներն այս մարզումներին ներգրավվել են որպես հրահանգիչներ։ Նրանց հրահանգավորմամբ ադրբեջանցի զինծառայողներն անցել են ֆիզիկական բարձր պատրաստության ու դիմացկունության վարժանքներ՝ եղանակային ու ռելիեֆային բարդ պայմաններում։
Վարժանքներն անցկացվել են գիշերային ու ցերեկային ժամերին՝ տարբեր հեռավորությունների վրա տեղադրված թիրախների խոցմամբ։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

11/01/2019

Մահացել է Ադրբեջանի ԶՈւ զինծառայող. Ռազմինֆո

Razm.info կայքը գրում է. 
Հունվարին մահացել է Ադրբեջանի ԶՈւ զինծառայող, Բեյլագանի շրջանի Աշըղալըլար գյուղի բնակիչ Բաբաև Ազեր Աֆթանդիլ օղլուն (Babayev Azər Aftandil oğlu):
Զինծառայողի մահվան մասին տեղեկությունները շրջանառվել է սոցցանցերում, ապա ադրբեջանական ընդիմադիր «Մեյդան» լրատվակայքին մահը հաստատել են զինծառայողի համագյուղացիները և գյուղի ՏԻՄ տեղակավարը:
Մահվան օրը հայտնի չէ, հայտնի չեն նաև հանգամանքները: Ադրբեջանի պաշտպանության նախարարությունը կորստի մասին չի հայտնել:

Նշենք, որ 2019թ. Ադրբեջանի զինված ուժերի և հարակից ուժային կառույցներից մեզ հայտնի է դարձել 2 կորուստ։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

29/12/2018

Մահացել է ադրբեջանական բանակի զինծառայող Ֆուադ Հաբիլ օղլու Շիրիևը

Facebook-յան օգտատեր Ալեն Ղուլյանը գրում է.
Արցախի պաշտպանության բանակի մամլո ծառայությունը դեկտեմբերի 26-ին հաղորդագրություն էր տարածել, համաձայն որի նույն օրը` ժամը 16:00-ի սահմաններում, Բաշ-Քարվենդ բնակավայրի դիմաց տեղակայված ադրբեջանական մարտական հենակետերից մեկում, ՊԲ առաջապահ ստորաբաժանումների կողմից արձանագրվել է հակառակորդի զինծառայողների միջև բարձր (ամենայն հավանականությամբ վիճաբանության, իսկ այնուհետև փոխհրաձգության) ձայներ, որից հետո դիտարկվել է հակառակորդի զինծառայողների կողմից ընկած զինծառայողին քարշ տալով տանելը:
 Ադրբեջանի պաշտպանության գերատեսչությունը հաջորդ օրը   Արցախի  ՊԲ տեղեկատվությունը հերքել է`այն անվանելով "էժանագին քարոզ":
Այսօր արդեն  ադրբեջանցի զինծառայողի մահվան վերաբերյալ տեղեկություն է հայտնվել սոցիակական ցանցերում և ադրբեջանական ընդիմադիր լրատվակայքերից մեկում։
Գրում են, թե իբր  դժբախտ պատահարի հետևանքով  մահացել է Ադրբեջանի զինվաժ ուժերի զինծառայող,1999թ ծնված  Ֆուադ Հաբիլ օղլու Շիրիևը (Fuad Habil oğlu Şiriyev, բն-էր. Քյուրդամիրի շրջանում): Ըստ տեղեկությունների` Շիրիևը Մռովի լեռներում ձյան տակ է մնացել։ 
Ադրբեջանի պաշտպանության նախարարությունը  դեռևս որևէ տեղեկություն չի հայտնել զինծառայողի մահվան մասին:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

28/12/2018

Ադրբեջանի ԱԳ նախկին նախարարն առաջարկում է սպասել Երեւանի եւ Մոսկվայի հարաբերությունների վատթարացմանը եւ պատերազմ սկսել

News.am կայքը գրում է.

Ադրբեջանի ԱԳ նախկին նախարար Թոֆիք Զուլֆուգարովն առաջարկում է սպասել հայ-ռուսական հարաբերությունների վատթարացմանը եւ դիմել ղարաբաղյան հակամարտության կարգավորման ուժային տարբերակին:

Նախկին նախարարը Minval.az-ի հետ հարցազրույցում հայտարարել է, որ ադրբեջանցի հանրության  շրջանում պատրանքներ չկան, թե բանակցությունները որքանով հեռանկարային կլինեն: Կողմերի դիրքորոշումները հստակ են, եւ այդ դիրքորոշումների շրջանակում ոչ ոք միջին դիրքորոշման կամ փոխզիջումային լուծման մշակման հնարավորություն չի տեսնում:

«Որոշ տարբերություն կա Ադրբեջանի նախագահի եւ երկրի ԱԳ նախարարի բարձրաձայնածի միջեւ: Նախագահն իր հայտարարության մեջ շեշտը դնում է այն բանի վրա, որ Հայաստանում փոփոխություններ են տեղի ունեցել, եւ հայ հասարակությունը Նիկոլ Փաշինյանին ընտրելով՝ ընտրություն է կատարել զարգացման արեւմտամետ ուղղությամբ: Իմ կարծիքով՝ սա հայերի ռացիոնալ դիրքորոշումն է՝ այն ենթատեքստում, որ ռուսական կողմը Հայաստանին ամեն ինչ տվել է, աջակցել է Ադրբեջանի օկուպացված տարածքների նկատմամբ բռնակցման քաղաքականությանը: Սակայն ռուսական գործընկերը Հայաստանին չի կարող զարգացում տալ: Քանի որ չկան անհրաժեշտ ներդրումներ, օգնություն եւ այլն: Ուստի հայ հասարակության Արեւմուտքի օգտին ռացիոնալ ընտրությունը հիմնավորված է: Կարծում եմ, որ սա վաղ թե ուշ կհանգեցնի Ռուսաստանի հետ համագործակցությունից հրաժարվելուն»,- կարծում է նախկին նախարարը: Նրա խոսքով՝ երբ համապատասխան պայմաններ ձեւավորվեն, հավանաբար, այդ ժամանակ էլ «կկատարվեն մեր վճռական քայլերը»:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

26/12/2018

Ադրբեջանի ՊՍԾ ստորաբաժանումներից մեկը մեկնել է առաջնագիծ.Razm.info

Ադրբեջանի սահմանապահները
Ղազախի մարտական
դիրքերից մեկում
Razm.info կայքը գրում է.
Ադրբեջանի պետական սահմանապահ ծառայության ստորաբաժանումներից մեկն արդեն մեկնել  է .հայ-ադրբեջանական շփման գծի մարտական որոշ դիրքեր: Այս մասին ասվում է ադրբեջանական «Խազար» հեռուստաընկերության ռեպորտաժներից մեկում: 
Հիշեցնենք, որ դեկտեմբերի 14-ին հայտնի դարձավ, որ Ադրբեջանի նախագահը հանձնարարել է Պետական սահմանապահ ծառայությանը պահպանության վերցնել Հայաստանի և Ադրբեջանի սահմանի Ղազախ-Աղստաֆա հատվածը՝ փոխարինելով բանակի ստորաբաժանումներին
Նշենք, որ խոսքը դեռևս Ղազախ-Աղստաֆա սահմանի ընդամենը մի հատվածի մասին է :

Հիմնավոր ենթադրություն ունենք, որ առաջնագիծ է բերվել «Շամքորի» սահմանապահ ջոկատի ենթակայության տակ գտնվող ուղեկալներից մեկի անձնակազմը, որը տեղակայվել է սահմանի ամենահյուսիսային հատվածում:

Ադրբեջանական կողմի այս քայլին մենք անդարձել էինք ավելի վաղ, և փորձել վերլուծել ու բացատրել դրա նշանակությունը: Ըստ մեզ՝ 
ՀՀ հետ սահմանին բանակի փոխարեն սահմանապահներ տեղակայելով, Ադրբեջանը օպտիմալացնում և վերախմբավորում է ուժերը՝ բանակի ստորաբաժանումներից ստեղծելով ռեզերվ:Ավելին մանրամասն կարող եք ծանոթանալ այս հղումներով (12)



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Արցախա-ադրբեջանական սահմանին նկատվում են հակառակորդի սադրիչ գործողություններ.ՊՆ-ն հորդորում է զերծ մնալ հրադադարի ռեժիմի խախտումից

Չնայած վերջին շրջանում արցախա-ադրբեջանանական հակամարտ զորքերի շփման գծում կողմերի միջև ձեռքբերված բանավոր պայմանավորվածության, այդուհանդերձ հակառակորդը շարունակում է առաջնային գծի տարբեր հատվածներում ինտենսիվորեն խախտել հրադադարի պահպանման ռեժիմը, ինչպես նաև որոշ ուղղություններում իրականացնել ռազմավարամարտավարական նշանակության սադրիչ գործողություններ:
ՊԲ առաջապահ ստորաբաժանումները առայժմ ձեռնպահ են մնում դիմել պատասխան քայլերի, սակայն պատրաստակամ են  ադրբեջանական զինուժի կողմից դրսևորվող նման վարքագծի շարունակման դեպքում ձեռնարկել իրավիճակից բխող համարժեք գործողություններ:
Արցախի Հանրապետության պաշտպանության նախարարությունը հորդորում է ադրբեջանական կողմին ձեռնպահ մնալ շփման գծում իրավիճակը սրելու անհեռանկար գործողություններից և, գոնե, տոնական օրերին հետևել հրադադարի ռեժիմի պահպանման շուրջ  կողմերի միջև ձեռք բերված բանավոր պայմանավորվածության պահանջներին:

ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Հակառակորդի մարտական հենակետում հնչել են կրանոցներ, որից հետո նկատվել է զինծառայողների կողմից ընկած զինծառայողին քարշ տալով տանել

Դեկտեմբերի 26-ին՝ ժամը 16:00-ի սահմաններում, Ադրբեջանի Հանրապետության զինված ուժերի Բաշ-Քարվենդ բնակավայրի դիմաց տեղակայված մարտական հենակետերից մեկում, ՊԲ առաջապահ ստորաբաժանումների կողմից արձանագրվել է հակառակորդի զինծառայողների միջև բարձր (ամենայն հավանականությամբ վիճաբանության, իսկ այնուհետև փոխհրաձգության) ձայներ, որից հետո դիտարկվել է հակառակորդի զինծառայողների կողմից ընկած զինծառայողին քարշ տալով տանելը:
Նմանատիպ միջադեպերը հաճախակի կրկնվող երևույթներ են, որոնք մշտապես դիտարկվում և արձանագրվում են հայ դիրքապահների կողմից, ինչը վառ  վկայությունն է այն իրողության, որ Ադրբեջանի զինված ուժերում կարգապահական և միջանձնային հարաբերությունները շարունակում են մնալ  անմխիթար վիճակում:
Վերոնշյալ միջադեպի արդյունքում հակառակորդ կողմը հավանաբար կունենա կորուստներ,որոնց մասին ավանդույթի համաձայն նախընտրում է չհայտարարել: Չի բացառվում նաև, որ ադրբեջանական էլիտան, իր  երևակայությանը բնորոշ շեշտադրումներով, ամենայն հավանականությամբ կփորձի կատարվածի արդյունքում տեղ գտած կորուստները վերագրել հայկական կողմին:

ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

14/12/2018

Ադրբեջանը Հայաստանի հետ սահմանին ԶՈՒ մի մասը կփոխարինի սահմանապահներով.News.am


News.am կայքը գրում է.
Ադրբեջանը մտադիր է Հայաստանի հետ սահմանին ԶՈՒ ստորաբաժանումների մի մասը սահմանապահներով փոխարինել:

Contact.az-ը հաղորդում է, որ Ադրբեջանի գլխավոր հրամանատար, նախագահ Իլհամ Ալիեւի հրամանով Հայաստանի հետ սահմանին՝ Ղազախի եւ Աղստեւի շրջանում սահմանապահ զորքերը կզբաղեցնեն դիրքերը եւ ռազմական օբյեկտները: Այս մասին ուրբաթ հայտարարել է Ադրբեջանի սահմանապահ զորքերի հրամանատար Էլչին Գուլիեւը՝ ելույթ ունենալով պետական սահմանապահ ծառայության 2018 թվականի ամփոփիչ հաշվետու խորհրդաժողովում:

Այս որոշումը նա բացատրել է սահմանապահ ուժերի բարձր մարտական պատրաստվածությամբ եւ հագեցվածությամբ:

«Որոշումը թույլ կտա ուժեղացնել Ադրբեջանի ԶՈՒ ստորաբաժանումների մարտական պատրաստվածությունը, նոր պահեստային մասերի ստեղծումը», - ասել է Գուլիեւը:

Ղազախից եւ Աղստեւից բացի Հայաստանին հետ սահմանակից են եւս մի շարք շրջաններ՝ Թովուզը, Գետաբեկը, Դաշքեսանը: Այս շրջանների հետ կապված Գուլիեւը ոչինչ չի ասել:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

12/12/2018

Նախիջևանում Ադրբեջանի զինուժը անցկացրել է ՀՕՊ վարժանքներ .Razminfo

Razm.info  կայքը գրում է.
Դե կտեմբերի 11-ին Նախիջևանի առանձին համազորային բանակում հակաօդային պաշտպանության ուժերը անցկացրել են մարտական կրակով հատուկ մարտավարական վարժանքներ։  Այս մասին հայտնում է Ադրբեջանի պաշտպանության նախարարությունը։
Նշվում է, որ վարժանքներին ներգրավել են նաև ավիացիոն ուժերը՝ թիրախային իմիտացիա ստեղծելու նպատակով։ Վարժանքներն իրականացվել են նաև անձնակազմի պատրաստության նպատակով։
Հիշեցնենք, որ Նախիջևանի առանձին համազորային բանակում նոյեմբերի 15-ին անցկացվել էին մարտական կրակով վարժանքներ։ Այդ մասին հայտարարության մեջ ադրբեջանական կողմը կրկին հին կադրերը փորձել էր ներկայացնել որպես նոր։
Իսկ մինչ այդ՝ նոյեմբերի 13-ին զորավարժությունների շրջանակներում Նախիջևանի առանձին համազորային բանակը բերվել էր մարտական պատրաստության «լրիվ» աստիճանի:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ոչ մարտական թաքցրած կորուստ Ադրբեջանի բանակում.Razm.info

Razm.info կայքը գրում է.
Նոյեմբերի 11-ին ոչ մարտական պայմաններում մահացել է Ադրբեջանի ԶՈւ զինծառայող, Սալյանի բնակիչ Միրմահմուդ Աղաևը (Mirmahmud Ağayev): Ադրբեջանի պաշտոնական աղբյուրները կորստի մասին ոչինչ չեն հայտնել:
Բաց աղբյուրների ուսումնասիրությունից պարզ է դառնում, որ Միրմահմուդ Աղաևը սովորել է Ադրբեջանի պետական ծավոյին ակադեմիայի ծովագնացության քորելեջում: Բանակ է զորակոչվել այս տարվա հոկտեմբերի վերջին (ամենայն հավանականությամբ հոկտեմբերի 30-ին): Ըստ բաց աղբյուրների՝ ծառայում էր Ադրբեջանի Թարթառի շրջանում տեղակայված զորամասերից մեկում:
Զորակոչվելիս ունեցել է հիվանդություն (հավանականություն կա, որ՝ թրոմբոզ), որի մասին չեն իմացել, իսկ նոյեմբերի 11-ին զորամասում սրսկման ժամանակ սրտի կաթված է ստացել:
Հավելենք, որ բաց աղբյուրների ուսումնասիրությունից հայտնի է դարձել 2018թ․ մահացած Ադրբեջանի բանակի և հարակից ուժային կառույցների 33 զինծառայողի մասին

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

06/12/2018

Ադրբեջանը հայտարարում է՝ Ռուսաստանից «Բալ–Է» հրթիռային համալիր չեն ցանկացել գնել

Razm.info կայքը գրում է.
Դեկտեմբերի 6-ին Ադրբեջանի պաշտպանության նախարարությունը հերքել է այն տեղեկությունները, թե Ադրբեջանը Ռուսաստանից ցանկացել է գնել «Բալ–Է» տեսակի առափնյա հրթիռային համալիրներ, սակայն Ռուսաստանը մերժել է գործարքը։ Ադրբեջանի ՊՆ հայտարարությունը փոխանցում են ադրբեջանական լրատվակայքերը։
Ըստ պաշտպանության նախարարության՝ Ադրբեջանը ««Բալ–է» համակարգերի գնման համար ոչ մի բանակցություն չի ունեցել Ռուսաստանի հետ, անգամ չի եղել այդ համակարգը գնելու մտադրություն»։
Երեկ՝ դեկտեմբերի 5-ին, ռուսաստանյան «Կոմերսանտ» թերթը հղում անելով իր անանուն աղբյուրներին, հայտնում էր, որ Ռուսաստանի ՊՆ-ն չեղարկել է Ադրբեջանին «Բալ-է» առափնյա հրթիռային համալիրի վաճառքը:
Ըստ աղբյուրի՝ գործարքի չեղարկման երկու պատճառ կար՝
  1. Հրթիռները պոտենցիալ վտանգ կարող են լինեն ՌԴ տարածքային ջրերում գտնվող Կասպից նավատորմիղի նավերի համար;
  2. Համալիրի Խ-35 արդիականացված հրթիռը ունակ է խոցել նաև ցամաքային թիրախներ, և ռուսաստանյան կողմը չէր ցանկանա, որ դա կիրառվեր Արցախյան հակամարտությունում:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

05/12/2018

ՌԴ ՊՆ-ն չեղարկել է Ադրբեջանին առափնյա հրթիռային համալիրի վաճառքը. Razminfo

Razm.info կայքը գրում է.
Ըստ ռուսաստանյան «Կոմերսանտ» թերթի անանուն աղբյուրների՝ Ռուսաստանի ՊՆ-ն չեղարկել է Ադրբեջանին «Բալ-է» առափնյա հրթիռային համալիրի վաճառքը:
Նշվում է, որ համալիների վաճառքի շուրջ կողմերը ունեցել են պայմանավորվածություններ, սակայն գործարքը չի հասել վերջնական՝ ստորագրման փուլին: Ըստ նույն թերթի տարբեր աղբյուրների՝ գործարքը չեղարկվել է երկու պատճառով.
  1. Հրթիռները պոտենցիալ վտանգ կարող են լինեն ՌԴ տարածքային ջրերում գտնվող Կասպից նավատորմիղի նավերի համար;
  2. Համալիրի Խ-35 արդիականացված հրթիռը ունակ է խոցել նաև ցամաքային թիրախներ, և ռուսաստանյան կողմը չէր ցանկանա, որ դա կիրառվեր Արցախյան հակամարտությունում:
«Բալ-է» համալիրը բաղկացած է 8 արձակման կայանքից (ընդհանուր 64 հրթիռ), հրամանատարական կետից և տրանսպորտալիցքավորող մեքենաներից: Թերթը նշում է, որ Ադրբեջանին վաճառաքի համար նախատեսված էր «փոքր խմբաքանակ՝ մի քանի տասնյակ հրթիռներով»:

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/12/2018

ԵԱՀԿ դիտարկումը Արցախի և Ադրբեջանի զինված ուժերի շփման գծում


Դեկտեմբերի 4-ին, Արցախի Հանրապետության իշխանությունների հետ ձեռք բերված պայմանավորվածության համաձայն, ԵԱՀԿ առաքելությունը հրադադարի ռեժիմի պլանային դիտարկում է անցկացրել Արցախի և Ադրբեջանի շփման գծում՝ Մարտունու շրջանի Կուրոպատկինո բնակավայրից դեպի հարավ-արևելք ընկած հատվածում։
Արցախի Հանրապետության պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնականներ Միխայիլ Օլարուն (Մոլդովա) և Գենադիե Պետրիկան (Մոլդովա), ինչպես նաև ԳՆԱՆ գրասենյակի աշխատակից  Մարտին Շուստերը (Գերմանիա):
Շփման գծի հակառակ կողմից դիտարկումն իրականացրել են ԵԱՀԿ ԳՆԱՆ դաշտային օգնական Օգնեն Յովիչը (Բոսնիա և Հերցեգովինա) և անձնական օգնական Սայմոն Թիլերը (Մեծ Բրիտանիա):
Դիտարկումն անցել է ըստ նախատեսված ժամանակացույցի:
Դիտարկման առաքելությանը արցախյան կողմից ուղեկցել են Արցախի Հանրապետության արտաքին գործերի նախարարության և պաշտպանության նախարարության ներկայացուցիչները:

Այս մասին տեղակացնում է՝  ԱՀ ԱԳՆ կայքը։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

01/12/2018

Ադրբեջանական կողմը 2016-ին հրադադարի ակնհայտ խախտողն է. Զատուլին


News.am կայքը գրում է.
Լեռնային Ղարաբաղի հարցի վերաբերյալ վերջնական պայմանավորվածությունն, իհարկե, կապված է ԼՂ անկախության ճանաչման է եւ հանրապետության պարագծով այն բոլոր տարածքների կամ դրանց մի մասի վերադարձի հետ, որոնք նախկինում ԼՂԻՄ-ի կազմում չեն եղել: Այս մասին Երեւանում Լազարյան ակումբի նիստում ասաց Պետդումայի ԱՊՀ եւ հայրենակիցների հետ կապերի հարցերով կոմիտեի նախագահի առաջին տեղակալ Կոնստանտին Զատուլինը:

«Սա ցանկացած մոդելի մակերեւույթին է: Բայց այսօր ստեղծված պայմաններում շրջանների վերադարձի փոխարեն ապագայում ինքնորոշման քննարկման անցկացումը հազիվ թե իրական է:

Նախեւառաջ, ադրբեջանական կողմը 2016-ի հրադադարի ակնհայտ խախտողն է, նա ավելացնում է ագրեսիվ հռետորաբանությունը, եւ չի եղել մի ամիս կամ տարի, որ հարցը ուժով լուծելու մասին հայտարարություններ չլինեն:

Լեռնային Ղարաբաղի, ամբողջ Հայաստանի եւ Երեւանի տարածքային պատկանելիության մասին ադրբեջանական բարձրաստիճան պաշտոնյաների պատմական էքսկուրսները վստահության եւ կարգավորման հարցերին չեն մոտեցնում», - ասաց Զատուլինը:

Նա նշեց, որ Ադրբեջանը ավելի ու ավելի է սրում ուշադրությունը ԼՂ շուրջ իրադարձություններին, արտասահմանցիների ուղեւորություններին ԼՂ:

«Ես ինքնս 2010-ից անցանկալի անձ եմ, որովհետեւ մեծ պատվիրակության կազմում՝ մոտ 150 մարդուց բաղկացած, հետեւում էի խորհրդարանական ընտրություններին:

Այդ ժամանակ ես այնտեղ ոչ մեկ, ոչ էլ 10 անգամ էի եղել: Առաջին անգամ ես Ղարաբաղ գնացել եմ Ռոբերտ Քոչարյանի հետ ուղղաթիռով 1994-ին: Թեեւ դա ադրբեջանական կողմի դժգոհությունն առաջացրեց, բայց ոչ ոք ինձ անցանկալի անձ չհայտարարեց, թեեւ ես էլ, չէի երազում Բաքու գնալ», - ասաց Զատուլինը: Նա հիշեցրեց, որ Ադրբեջանի իշխանությունները հասել են նրան, որ փորձում են ձերբակալել մարդկանց՝ բլոգեր Ալեքսանդր Լապշինի հետ կապված պատմությունը:

«Այս իրավիճակում շատ դժվար է որպես բարի կամքի դրսեւորում կամ փաթեթային սկզբունք պնդել տարածքների վերադարձի մասին: Առավել եւս, գիտենք, որ սա ԼՂ համար շատ լուրջ ռիսկ է նշանակում: Այս ռիսկին նա կարոցղ է գնալ միայն այն դեպքում, եթե Ադրբեջանը համաձայնի ճանաչմանը կամ անվտանգության երաշխիքներին», -կարծում է Զատուլինը:

Նրա խոսքով, Բաքուն փակուղային դրություն է ստեղծում, որը կապված է տարածքների վերադարձի հետ, նույնը կատարվում է նաեւ Վրաստանում, Մոլդովայում, Ուկրաինայում: Դրանով իսկ Ադրբեջանը փակում է ժողովրդավարական պետության զարգացման ուղիները՝ հայրենասիրությամբ արդարացնելով ամեն տեսակ ապօրինություններ: Զատուլինն ընդգծեց, որ Ռուսաստանում պետք է կենտրոնանան պատերազմի անթույլատրելիության վրա:


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

24/11/2018

Ադրբեջանի զինված ուժերը Թուրքիայում մասնակցում են զորավարժության

Razm.info կայքը գրում է.
Ադրբեջանի զինված ուժերը մեկնել են Թուրքիայի Փընարհիսար քաղաք, որտեղ անցկացվում է Eternity-2018 զորավարժությունը։ Դրան մասնակցում են նաև Վրաստանի և այլ երկրների զինված ուժերը։ 
 Այս մասին հայտնում է Ադրբեջանի պաշտպանության նախարարության կայքը։
Նշվում է, որ Ադրբեջանի ռազմաօդային ուժերը 2019թ․ մասնակցելու են Թուրքիայում ամեն տարի անցկացվող «Անատոլիայի փյունիկ» (“Anadolu ankası”) և «Անատոլիայի արծիվ» (“Anadolu Kartalı”) զորավարժություններին։
Նշենք, որ Ադրբեջանը ամեն տարի Թուրքիայում մասնակցում է մի քանի զորավարժությունների, այդ թվում՝ «Անատոլիա արծիվ», «Անատոլիայի փյունիկ», «ԹուրԱզ բազե», «Էֆես», «Կովկասյան արծիվ», ինչպես նաև ցամաքային զորավարժություններ Ադրբեջանի կամ Թուրքիայի տարածքում։
Այս տարի հունիսի 25-ից հուլիսի 6-ը Ադրբեջանը մասնակցեց Թուրքիայի Քոնիա նահանգում անցկացված “Anadolu ankası – 2018” («Անատոլիայի փյունիկ») զորավարժությանը։

Ադրբեջանի զինված ուժերը Թուրքիայում անցկացվող ՆԱՏՕ անդամ երկրների զորավարժություններին մասնակցում են նաև դիտորդի կարգավիճակով։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

20/11/2018

Ադրբեջանում շարունակվում է գերության մեջ հայտնված Կարեն Ղազարյանի դեմ «դատական շոուն»

News.am կայքը գրում է.
Ադրբեջանում շարունակվում է գերության մեջ հայտնված Հայաստանի քաղաքացի Կարեն Ղազարյանի դեմ «դատական շոուն»
Minval.az-ը հաղորդում է, որ դատավարությունն անցկացվում է Գյանջիի ծանր հանցագործությունների դատարանում: Կարեն Ղազարյանը մեղադրվում  է կյանքի եւ առողջության դեմ, տնտեսական գործունեության ոլորտում, հասարակական անվտանգության եւ հասարակական կարգի դեմ, սահմանադրական կարգի հիմքերի եւ պետության անվտանգության դեմ, կառավարման կարգի դեմ հանցագործությունների կատարման մեջ: Ղազարյանի դեմ մեղադրանքները ներկայացված են Ադրբեջանի ՔՕ-ի ավելի քան 15 հոդվածներով:
Հայաստանի քաղաքացի, Տավուշի մարզի Բերդավան գյուղի բնակիչ Կարեն Ղազարյանը գերի էր ընկել այս տարվա ամռանը: Ադրբեջանական իշխանությունները Ղազարյանին որպես «դիվերսանտ» են ներկայացրել, չնայած նրան, որ Ղազարյանը բանակում չի ծառայել եւ առողջական խնդիրներ ունի:


Ըստ ադրբեջանական լրատվամիջոցների տարածած տեղեկության, հայտնաբերվել է հայ հետախույզ

Ադրբեջանում դատում են գերեվարված Կարեն Ղազարյանին

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`