Showing posts with label Ադրբեջան. Show all posts
Showing posts with label Ադրբեջան. Show all posts

16/06/2019

Ադրբեջանի կողմից հրադադարի շարունակական դատապարտելի խախտումները և սադրիչ գործողությունները, որոնք վերջին օրերին պատճառ են դարձել մարդկային անդառնալի կորուստների և հանգեցրել շփման գծում իրավիճակի լուրջ լարմանը.ՀՀ ԱԳՆ

Հայտնում ենք, որ հունիսի 20-ին նախատեսվում է Վաշինգտոնում Մինսկի խմբի համանախագահության հովանու ներքո անցկացնել Հայաստանի և Ադրբեջանի արտաքին գործերի նախարարների միջև հերթական հանդիպումը։ Հունվարին Փարիզում և ապրիլին Մոսկվայում կայացած հանդիպումներից հետո քննարկումներ էին ընթանում ԱԳ նախարարների միջև հաջորդ հանդիպումը երրորդ համանախագահ երկրում` ԱՄՆ-ում անցկացնելու մասին։ Ինչպես նախկինում, այս անգամ ևս, մասնակիցների միջև համաձայնություն էր ձեռք բերվել հանդիպման մասին հայտարարության միաժամանակյա տարածման շուրջ։ Հայաստանը հավատարիմ է մնում այս պայմանավորվածությանը։

Միևնույն ժամանակ Ադրբեջանի կողմից հրադադարի շարունակական դատապարտելի խախտումները և սադրիչ գործողությունները, որոնք վերջին օրերին պատճառ են դարձել մարդկային անդառնալի կորուստների և հանգեցրել շփման գծում իրավիճակի լուրջ լարմանը, ձևավորել են հանդիպմանն ընդառաջ ոչ նպաստավոր միջավայր։
Ադրբեջանի գործողությունները, որոնք բնութագրվում են ուժի և ուժի սպառնալիքի կիրառմամբ, խոչընդոտում են խաղաղության համար բարենպաստ միջավայրի կայացմանը և ըստ այդմ խաթարում են խաղաղ կարգավորման գործընթացի առաջընթացին։
Ստեղծված իրավիճակը պայմանավորում է վաշինգտոնյան հանդիպման օրակարգի հստակ  գերակայություններ։



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

11/06/2019

Ոչ մարտական կորուստ Ադրբեջանի զինված ուժերում./Ռազմինֆո/


Հունիսի 10–ին Ադրբեջանի զինված ուժերի զինծառայող Փարվիզ Հաշիմ Օղլու Զեյնալովը (Pərviz Həşim oğlu Zeynalov) Աղջաբեդի շրջանի զորամասերից մեկում ինքնասպանություն է գործել։
Այս մասին տեղեկանում ենք ադրբեջանական ընդդիմադիր «Մեյդան» լրատվակայքի ֆեյսբուքյան էջից։ Նշվում է, որ Զեյնալովը Բաքվի Խազարի շրջանի բնակիչ էր։
Զինծառայողի մասին այլ տվյալներ չկան։ Նշենք, որ այս մասին Ադրբեջանի պաշտոնական աղբյուրները որևէ հայտարարություն չեն արել։

Հիշեցնենք, որ 2019թ. հունվարի 1-ից մինչ օրս բաց աղբյուրներից հայտնի է դարձել Ադրբեջանի զինված ուժերի և այլ ուժային կառույցների 14 կորստի մասին։
Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

10/06/2019

Նախիջևան է ժամանել Ադրբեջանի պաշտպանության նախարարը


Հունիսի 10-ին Նախիջևան է ժամանել Ադրբեջանի պաշտպանության նախարար Զաքիր Հասանովը՝ այդտեղ ընթացող թուրք-ադրբեջանական համատեղ զորավարժությանը հետևելու:

Նախարարի այցի մասին հայտնել է Ադրբեջանի պաշտպանության նախարարությունը: «Անդրդվելի եղբայրություն – 2019» անունը կրող թուրք-ադրբեջանական համատեղ զորավարժությունը մեկնարկել էր հունիսի 7-ին, ավարտվելու է վաղը՝ հունիսի 11-ին: Հասանովը, ամենայն հավանականությամբ, մեկնել է կրակային փուլին հետևելու:
Զորավարժությանը բացի Նախիջևանի առանձին համազորային բանակի մոտոհրաձգաին ստորաբաժանումներից, ներգրավվել են հրթիռահրետանային, ինժիներասակրավորային և ՀՕՊ, ինչպես նաև Ներքին զորքերի ստորաբաժանումներ։

Նյութը՝ Razm.info կայքի


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ադրբեջանը փորձում է սրել իրավիճակը. Տիգրան Աբրահամյան



Aysor.am-ը ղարաբաղյան հակամարտության կարգավորման թեմայով զրուցել է Արցախի Հանրապետության նախագահի խորհրդական Տիգրան Աբրահամյանի հետ։

- Պարոն Աբրահամյան, Ադրբեջանի ԱԳՆ-ն հայտարարություն է տարածել, որում անդրադառնալով առաջնագծում առկա իրավիճակին՝ նշել է, որ Հայաստանը գործընթացը տանում է տապալման: Ինչպե՞ս կմեկնաբանեք:

- Ո՞ր գործընթացի մասին է խոսքը, նրա, որն ի սկզբանե գոյություն չունե՞ր: Եթե խոսքը դեռ նախորդ տարվանից հնչող «լավատեսական» անոնսների մասին է, ապա դա իսկզբանե իմիտացիա եմ համարել, այնպես որ, չեղած բանը դժվար է տապալել:
Ադրբեջանն արդեն 8 ամիս է խոսում բանակցությունների վերսկսման իր պատրաստակամության մասին, սակայն դա «ասյբերգի» երևացող հատվածն է, իրականում իր քայլերն այլ բանի մասին են խոսում:



Ադրբեջանի ԱԳ նախարարությունն արդեն 10 օր առաջ նախանշել էր, որ իրավիճակը սրվելու է՝ հայտարարելով, որ Հայաստանին տրված ժամկետը բանակցային գործընթացը խորությամբ ուսումնասիրելու առումով արդեն սպառվել է:



- Իսկ ի՞նչ է կատարվում առաջնագծում: Քաղաքական հայտարարությունները ցույց են տալիս, որ ինչ որ բան այն չէ, իսկ թե ինչ, հանրությունը կարծես առանձնապես տեղյակ չէ:
- Իրավիճակային գնահատականները երկու հարթության մեջ պետք է դիտարկել: Առաջին հերթին պետք է արձանագրել, որ հատկապես վերջին 10 օրվա ընթացքում իրավիճակը համեմատաբար սրվել է: Գործի են դրվել ականանետեր, հաստոցային ավտոմատ նռնականետեր, առավել ինտենսիվ է դարձել խոշոր տրամաչափի զինատեսակներից արձակված կրակահերթերը:
Հակառակորդի շարժերի ու գործողությունների վերլուծությունը նաև ցույց է տալիս, որ ակտիվ են նաև հատուկ նշանակության ստորաբաժանումները, հատկապես նրանց կազմում գործող դիպուկահար խմբերը:



Երկրորդ, իրավիճակային վերլուծությունները մարտ, ապրիլ, մայիս ամիսների կտրվածքով, ցույց են տալիս, որ բացասական առումով փոփոխություններ ունենք նաև եռամսյակային կտրվածքով: Ադրբեջանի ակտիվությունը, որն ավելի վաղ փուլում արտահայտվում էր հիմնականում ինժեներական-ամրաշինական աշխատանքներով, ներկայումս զուգահեռվում է հրադադարի ռեժիմի համեմատաբար մեծ խախտումներով և արձանագրվող միջադեպերով, ընդ որում՝ կրակահերթերը սկսել են առավել նպատակային բնույթ կրել:



- Այդ դեպքում ո՞րն է այս ամենի պատճառը, ինչի՞ հետևանքով իրավիճակը սրվեց:
- Ադրբեջանը վերջին 8 ամսվա մեջ փորձում է իր համար ամուր հիմքեր նախապատրաստել՝ մի կողմից միջազգային հանրությանը ցույց տալու, թե պատրաստ է խնդրի կարգավորման բանակցային ուղուն, մյուս կողմից՝ անել առավելագույնը, «պարարտ դաշտ» ձևավորել՝ նվազագույնն իր սադրանքների քաղաքականությանը վերադառնալու համար: Իսկ այս ամենի համար պետք էր գեղեցիկ կոմբինացիաներով դիրքավորվել «կառուցողական» դաշտում:


Ասել, որ այս իրավիճակը սպասելի չէր, կստացվի, որ զոհ ենք գնացել ադրբեջանական տակտիկական մոտեցումներին, գոնե ինձ համար Ադրբեջանն իր նախնական կուրսից չի շեղվել ու գնում է իր նախագծած սցենարով, որի ընթացքն ու վերջնական նպատակը իրավիճակային կտրուկ փոփոխություններն են:


Նյութը՝ Aysor.am կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

09/06/2019

Ադրբեջանի ՊՆ-ն հայտնում է մարտական կորստի մասին.Ռազմինֆո

Հունիսի 9-ին Թարթառի ուղղությամբ սպանվել է Ադրբեջանի զինված ուժերի զինծառայող, 2000թ․ ծնված Խալիլով Էլշեն Վյուգար օղլուն (Xəlilov Elşən Vüqar oğlu):
Ադրբեջանի պաշտպանության նախարարության պնդմամբ՝ զինծառայողը սպանվել է հայկական գնդակից։

Ադրբեջանական աղբյուրները նշում են, որ զինծառայողին հուղարկավորել են այսօր՝ Գետաբեկ (Gədəbəy) շրջանի Ինեքբողան գյուղում։
Հիշեցնենք, որ 2019թ. հունվարի 1-ից մինչ օրս բաց աղբյուրներից հայտնի է դարձել Ադրբեջանի զինված ուժերի և այլ ուժային կառույցների 13 կորստի մասին։


Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

07/06/2019

Նախիջևանում մեկնարկել է թուրք-ադրբեջանական համատեղ զորավարժությունը

Հունիսի 7-ին մեկնարկել է «Անդրդվելի եղբայրություն – 2019» անունը կրող թուրք-ադրբեջանական համատեղ զորավարժությունը: Առաջին օրը խաղարկվել են մշտական տեղակայման վայրերից դեպի օպերատիվ շրջաններ զորաշարժի դրվագներ:
Զորավարժությունից կադրեր է հրապարակել նաև Ադրբեջանի ՊՆ-ն: Նախիջևանի առանձին համազորային բանակի մոտոհրաձգաին ստորաբաժանումներից բացի վարժանքներին ներգրավվել են հրթիռահրետանային, ինժիներասակրավորային և ՀՕՊ, ինչպես նաև Ներքին զորքերի ստորաբաժանումներ:

Ներգրավված տեխնիկայի թվում են՝ «Սմերչ», T-300 «Քասրղա» և 122մմ տրամաչափի այլ ՀԿՌՀ-ներ, «Գվոզդիկա» ինքնագնաց հրետանային համակարգեր, քարշակվող այլ հրետանային միջոցներ, Տ-90 և Տ-72 տանկեր, ՀՄՄ-ներ, «ՕՍԱ» ԶՀՀ-ներ ևն:
Զորավարժությանը մասնակցելու համար Նախիջևան էր ժամանել նաև Թուրքիայի ԶՈւ ստորաբաժանում՝ իր հետ բերելով առնվազն 6 միավոր ACV-15 ՀՄՄ: Վարժանքների համար թուրքական կողմը իր հետ զինտեխնիկա նախկինում ևս՝ 2017-ին, բերել է Նախիջևան, ընդ որում կրկին հենց ACV-15-եր:
Ադրբեջանի պաշտպանության նախարարությունը հայտարարել է, որ վարժանքներին ներգրավված են շուրջ 5000 անձնակազմ, 200-ի տանկ և զրահատեխնիկա, 180 հրթիռահրետանային միջոց, 21 միավոր ինքնաթիռ, ուղղաթիռ և ԱԹՍ: 
Վարժանքները տևելու են մինչև հունիսի 11-ը, մենք կհետևենք ընթացքին և կներկայացնենք:
Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

04/06/2019

ՀՀ ԶՈՒ-երը ուշի ուշով հետևում են թուրք-ադրբեջանական զորավարժություններին. Արծրուն Հովհաննիսյան


«Թուրք-Ադրբեջանական զորավարժությունների մասին. 
Մենք ուշի ուշով հետևում ենք ամեն ինչին և պատրաստ ենք ցանկացած զարգացման։ Հայաստանի Հանրապետության Զինված Ուժերը իր ռազմավարական դաշնակից Ռուսաստանի Դաշնության հետ համատեղ իրականացնում է ավելի մասշտաբային ու բովանդակային զորավարժություններ»։

Այս մասին գրել է ՀՀ ՊՆ մամուլի խոսնակ Արծրուն Հովհաննիսյանը իր facebook-յան էջում։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

ԵԱՀԿ դիտարկումը Արցախի և Ադրբեջանի զինված ուժերի շփման գծում


Հունիսի 4-ին, Արցախի Հանրապետության իշխանությունների հետ ձեռք բերված պայմանավորվածության համաձայն, ԵԱՀԿ առաքելությունը հրադադարի ռեժիմի պլանային դիտարկում է անցկացրել Արցախի և Ադրբեջանի զինված ուժերի շփման գծում՝ Մարտունի քաղաքից դեպի հարավ-արևելք ընկած հատվածում։ 
Արցախի Հանրապետության պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնական Միխայիլ Օլարուն (Մոլդովա) և ԳՆԱՆ գրասենյակի աշխատակից  Մարտին Շուստերը (Գերմանիա):
Շփման գծի հակառակ կողմից դիտարկումն իրականացրել են ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկը, նրա դաշտային օգնական Օգնեն Յովիչը (Բոսնիա և Հերցեգովինա) և անձնական օգնական Սայմոն Թիլերը (Մեծ Բրիտանիա):
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությունը դուրս չի բերել իր առաջապահ դիրքեր:
Դիտարկման առաքելությանը արցախյան կողմից ուղեկցել են Արցախի Հանրապետության արտաքին գործերի նախարարության և պաշտպանության նախարարության ներկայացուցիչները:

Այս մասին տեղեկացնում է՝ ԱՀ ԱԳՆ կայքը։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

02/06/2019

Ադրբեջանը լիակատար պատասխանատվություն է կրելու իրադրության հետագա սրման ռիսկերի համար.ՀՀ ԱԳՆ


Հայաստանը կտրականապես դատապարտում է իրավիճակի սրման ուղղությամբ վերջին երեք օրվա ընթացքում Ադրբեջանի կողմից ձեռնարկված միտումնավոր քայլերը, ինչը դրսևորվել է սեփական կորուստների վերաբերյալ կեղծ տեղեկատվության տարածմամբ, Հայաստանի ղեկավարների հասցեին ֆիզիկական բռնության վերաբերյալ Ադրբեջանի խորհրդարանում իշխող կուսակցության ներկայացուցիչների կողմից հրապարակայնորեն հնչեցված ուղղակի կոչերով և հրադադարի ռեժիմի խախտումների զգալի աճով, ինչն այսօր հանգեցրեց Արցախի պաշտպանության բանակի զինծառայող Սիփան Մելքոնյանի սպանությանը: Ադրբեջանի այս գործողությունները տեղի են ունեցել այն բանից հետո, երբ մայիսի 30-ին ԵԱՀԿ Մինսկի խմբի համանախագահները հանդես եկան առավելագույնս զսպվածություն ցուցաբերելու և լարվածությունից խուսափելու վերաբերյալ կողմերին ուղղված կոչով:
Այս վերջին զարգացումները մարտահրավեր են նետում ԵԱՀԿ Մինսկի խմբի համանախագահների հովանու ներքո Հայաստանի և Արցախի կողմից գործադրվող կառուցողական ջանքերին՝ ուղղված հակամարտության խաղաղ կարգավորմանն ու դրան նպաստող միջավայրի ձևավորմանը, և հանդիսանում են լուրջ հետքայլ վերջին ամիսների ընթացքում ձեռնարկված բոլոր ջանքերից: Ադրբեջանը ոտնահարում է իր իսկ հանձնառությունները, որոնք ստանձնել է 2018թ. Միլանում, 2019թ. Վիեննայում և 2019թ. Մոսկվայում ընդունած վերջին համատեղ հայտարարություններով:
Ադրբեջանի դատապարտելի այս գործողությունները, շուտափույթ կերպով չդադարելու դեպքում, կարող են լուրջ խոչընդոտ դառնալ կարգավորման գործընթացի շրջանակներում հետագա քայլերի համար: Դրանք նաև հարցականի տակ են դնում Ադրբեջանի վստահելիությունը և նրանց կարողությունը հավատարիմ մնալ հրադադարը պահպանելու և ամրապնդելու վերաբերյալ 2018թ. սեպտեմբերին Դուշանբեում ձեռք բերված և 2019թ. մարտին Վիեննայում վերահաստատված հանձնառություններին: Հայաստանը վճռականորեն կոչ է անում Ադրբեջանին ցուցաբերել իրական քաղաքական կամք՝ արտահայտված հրադադարը պահպանելու ուղղությամբ կոնկրետ ու արդյունավետ գործողություններով: Ադրբեջանը լիակատար պատասխանատվություն է կրելու իրադրության հետագա սրման ռիսկերի համար: 
Ադրբեջանի վերջին վտանգավոր և առճակատման գնացող գործողությունները հիշեցում են իրենց նախկին բռնությունների, վայրագությունների և ագրեսիայի փորձերի և վկայում են Արցախի ժողովրդի կենսական ֆիզիկական անվտանգության ռիսկերի մասին:
Հայաստանը վերահաստատում է, որ հակամարտության խաղաղ կարգավորումն այլընտրանք չունի, որի համար հրադադարի խստագույն պահպանումն էական պայման է: Արցախի և նրա ժողովրդի անվտանգությունն որևէ հանգամանքում վտանգի չի ենթարկվելու: 
Վերջին միջադեպն ընդգծում է հնարավորինս սեղմ ժամկետներում հրադադարի խախտումների ԵԱՀԿ հետաքննող մեխանիզմի ներդրման վերջնականացման և ԵԱՀԿ Գործող նախագահի անձնական ներկայացուցչի գրասենյակի ընդլայնման հրատապությունը՝ համաձայն Ադրբեջանի՝ 2016թ. Վիեննայում և Սանկտ Պետերբուրգում ստանձնած պարտավորությունների:
Հայաստանի արտաքին գործերի նախարարությունը իր խորին ու անկեղծ ցավակցությունն է հայտնում Արցախի պաշտպանության բանակի ժամկետային զինծառայող Սիփան Մելքոնյանի ընտանիքին և հարազատներին:



Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

31/05/2019

ԵԱՀԿ ՄԽ-ն արձագանքել է Ադրբեջանի չհայտարարված զորավարժության մասին հայկական կողմի տեղեկացմանը. Տոնոյան

Հունիսի 1–ից պայմանագրային զինծառայողների հավելավճարների տրամադրման գործընթացում հաշվարկվելու են առանձնահատուկ պայմանները, միաժամանակ` հավելավճարը բարձրանալու է` կախված ծառայությունից։
Այս մասին պաշտպանության նախարարության բակում լրագրողների հետ զրույցում ասաց պաշտպանության նախարար Դավիթ Տոնոյանը՝ անդրադառնալով կառավարության որոշմանը, որով զինծառայողների վարձատրության չափերը բարձրանալու են 10–20%-ով, հայտնում է yerkir.am-ը:
Մեկնաբանելով Բաքվում Մինսկի խմբի համանախագահների հանդիպումն ու արված հայտարարությունը` նախարարն ասաց, որ փորձում են վստահության միջավայր ստեղծել։ «Մենք խնդիր չունենք, զինված ուժերն ապահովում են այդ վստահությունը, որ Հայաստանի ժողովուրդը վստահ լինի»,- շեշտեց նա:
Ինչ վերաբերում է Ադրբեջանի կողմից լայնամասշտաբ զորավարժության անցկացմանը, որի մասին չի տեղեկացվել, ՀՀ պաշտպանության նախարարը նշեց, որ ոչ միայն հայկական կողմին, այլև միջազգային հանրությանը պետք է տեղյակ պահվեր` համապատասխան կարգով, քանի որ դա պարտադիր պարտավորություն է, որը ենթակա է պարտադիր կատարման: 
«Մենք տեղեկացրել ենք միջազգային կազմակերպություններին, ավելին՝ ԵԱՀԿ Մինսկի խմբի կողմից կա համապատասխան արձագանքը»,- նշեց Դավիթ Տոնոյանը:
Նախարարը նաև հայտնեց, որ այս պահին սահմանին համեմատաբար անդորր է, հանգիստ։

Նյութը՝ Artsakhress.am  կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Ադրբեջանն ու Թուրքիան Նախիջևանում զորավարժություն կանցկացնեն

Հունիսի 7-11-ը Ադրբեջանի և Թուրքիայի զինված ուժերը Նախիջևանում կանցկացնեն «Անդրդվելի եղբայրություն ” 2019» ( Թուրք․՝ “Sarsılmaz kardeşlik-2019 “) զորավարժությունը։
Այս մասին հայտնում է Թուրքիայի պաշտպանության նախարարությունը, նշելով, որ անցկացվել է երկու երկրների դրոշների փոխանակման արարողություն։ Հրապարակված լուսանկարներում երևում է, որ այն անցկացվել է Նախիջևան-Թուրքիա սահմանին։

Հիշեցնենք, որ նախորդ տարի այս ընթացքում ևս թուրք-ադրբեջանական համատեղ զորավարժություն անցկացվեց Թուրքիայի Կարս քաղաքում։ Դրանք ևս նախորդել էր Նախիջևան-Թուրքիա սահմանին դրոշների փոխանակման արարողություն: Այս զորավարժությանը մասնակցելու համար զինտեխնիկա էր ուղարկվել նաև Նախիջևանից։

Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

30/05/2019

Տիգրան Աբրահամյան. Ադրբեջանը շրջանցում է իրական օրակարգերը

Օրվա ընթացքում Ադրբեջանի պաշտպանության նախարարությունը պաշտոնական հաղորդագրություն տարածեց այն մասին, որ հայկական կողմից արձակված կրակից ադրբեջանցի զինծառայող է սպանվել: Այս և մի շարք այլ հարցերի շուրջ banak.info-ն զրուցել է Արցախի նախագահի խորհրդական Տիգրան Աբրահամյանի հետ:

- Պարոն Աբրահամյան, թերևս սկսենք Ադրբեջանի պաշտպանության նախարարության տարածած հաղորդագրությունից: Արդյո՞ք ՊԲ-ն խախտել է հրադադարի ռեժիմը, ինչի արդյունքում, սահմանի ադրբեջանական հատվածում զինծառայող է խոցվել:
- Չափազանցրած չեմ լինի, եթե ասեմ, որ ԵԱՀԿ Մինսկի խմբի համանախագահների այցի ընթացքում, նմանատիպ սադրանք՝ այս դեպքում տեղեկատվական բնույթի, սպասելի չէր: Ադրբեջանը ամեն քայլի դիմում է Արցախի հարցով իրական օրակարգերը շրջանցելու  և թեման մանր-մունր խորամանկությունների դաշտ տեղափոխելու համար:
 Եթե Ադրբեջանն իրականում շահագրգռված լիներ սահմանի հանգստությամբ, ապա կընդուներ տարբեր փուլերում բանակցությունների սեղանին դրված՝ վստահության ձևավորման ուղղված առաջարկները. դիպուկահարների՝ առաջնագծից դուրս բերում, շփման գծում հետաքննությունների մեխանիզմների ներդրում և այլն:

- Այս փուլում նման շանս տեսնում ե՞ք, կա՞ հնարավորություն այդ առաջարկներն ընդունելու համար:
- Ինչպես գիտեք, միջնորդների այս առաջարկներին Հայաստանն ու Արցախը դրական են արձագանքել, սակայն Ադրբեջանը ոչ միայն դրանք չի ընդունում, այլ շատ հաճախ փորձում է ցույց տալ, թե այդ առաջարկները առհասարակ գոյություն չունեն։
 Քանի այս ու նմանատիպ հարցերում համաձայնություն չկա, դժվար է խոսել բանակցությունների վերսկսման մասին:

- Գանք հայաստանյան օրակարգին, մասնավորապես խորհրդարանում քննարկվում է «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում փոփոխություններ և լրացումներ կատարելու մասին օրենքի նախագիծը: Մասնավորապես, փոփոխություններ են նախատեսված «պատիվ ունեմ» ծրագրում, որտեղ ծառայության ժամկետը 3 տարվա փոխարեն դառնում է 2 տարի, խստացվում է նաև ծրագրին մասնակից երիատասարդների ընտրությունը: Ինչպիսի՞ն է ձեր վերաբերմունքն այս հարցում:
- Օրենքում կատարվող ոչ բոլոր փոփոխություններին եմ տիրապետում, սակայն ծրագրի մասնակցության խստացումը անհրաժեշտ եմ համարում:
 Զինված ուժերն իրենց առջև խնդիր չեն դնում, զուտ թափուր տեղերը լրացնելու խնդիր կատարելու համարել, որ գործն արված է, մեր խնդիրը պետք է լինի պատրաստելու կադրեր, ովքեր համապատասխան հաստիքում ծառայություն կրելիս կլուծեն այն խնդիրները, որոնք ծառայության փուլում դրվելու է նրանց առջև:

  Մասնագիտական հանձնաժողովը պետք է ընտրի մասնակիցներ, ովքեր նվազագույնը հրամանատար ձիրք ունեն, կազմակերպված և կարգապահ մարդիկ են. փորձառու զինվորականների համար մասնակիցների որակներին տիրապետելը կարծում եմ բարդ գործ չի:
Ես կարծում եմ, որ անհրաժեշտ պայմանները ստեղծելու պարագայում կարող ենք ակնկալել, որ 2 տարվա ծառայությունից հետո, ծրագրին մասնակից սպաների մի մասը, եթե ոչ 2 տարվա ծառայությունից անմիջապես հետո, ապա հետագա տարիներին կհամալրեն ԶՈՒ շարքերը:
  Այս առումով, ոչ պակաս կարևոր հարց է նաև՝ պահեստազորում որակյալ, փորձառու կադրեր ներկայությունը, որովհետև եթե նույնիսկ ծրագրի մասնակիցները չերկարաձգեն ծառայության ժամկետը, ապա պետության համար նրանց ներկայությունը պահեստազորում ևս օգտակար է:

- Կարող է՞ արդյոք այս ծրագիրը մրցակցել ռազմական բուհերում տրվող կրթությանը:
- Սրանք տարբեր բովանդակություն, տարբեր խորություն և տարբեր նպատակներ լուծող հարթություններ են: Այս պահին դեռ շատ չեմ ծավալվի, սակայն առհասարակ ռազմական կրթության հարցը վերանայումների կարիք է զգում:
   Իհարկե շատ բարդ է լինելու, այն մեծ ռեսուրսներ է ենթադրում՝ ֆինանսականից գաղափարական: Մեծ անելիքներ ունենք այս ուղղությամբ և հուսով եմ, որ գործընթացը արագ ակտիվ փուլ կմտնի:


Լիանա Բրյան


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

ԱՀ ՊՆ-ն հերքում է Ադրբեջանի մամլո ծառայության կողմից տարածած տեղեկությունը, հորդորում ձեռնպահ մնալ անհեռանկար քայլերից


Մայիսի 30-ին Ադրբեջանի պաշտպանության նախարարության մամլո ծառայության կողմից տարածված տեղեկատվությունն առ այն, թե իբր Ակնայի հատվածում հայկական կողմից արձակված դիպուկահար կրակոցից սպանվել է ադրբեջանցի զինծառայող Ագիլ Ակիֆ օղլու Օմարովը, իրականությանը չի համապատասխանում:
     Արցախի Հանրապետության պաշտպանության նախարարությունը հայտարարում է, որ շփման գծի ողջ երկայնքով ՊԲ առաջապահ ուժերը շարունակում են խստորեն հետևել հրադադարի պահպանման ռեժիմին և, միաժամանակ, ադրբեջանական կողմին հորդորում ձեռնպահ մնալ սադրիչ ապատեղեկատվություններով իրադրությունն արհեստականորեն սրելու անհեռանկար քայլերից:

ԱՀ ՊՆ մամուլի ծառայություն


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

27/05/2019

Ադրբեջանը սպառնում է լարվածության նոր փուլով.Տիգրան Աբրահամյան

«Ադրբեջանի արտաքին գործերի նախարարի հայտարարությունը վտանգավոր եմ համարում, քանի որ բացի այն, որ իր մեջ շանտաժի էլեմենտներ է պարունակում, այլև ուղերձ է լարվածությունը նոր՝ առավել բարձր մակարդակ տեղափոխելու մասին»։ Panorama.am-ի հետ զրույցում նման կարծիք հայտնեց  Արցախի Հանրապետության նախագահի խորհրդական Տիգրան Աբրահամյանը՝ անդրադառնալով Ադրբեջանի ԱԳ նախարար Էլմար Մամեդյարովի՝ «Կոմերսանտ»-ին տված հարցազրույցում հնչեցրած հայտարարություններին։
Ադրբեջանցի պաշտոնյան հայտարարել էր, թե բանակցային գործընթացի դետալներին ծանոթանալու ՀՀ իշխանություններին տրված  ժամանակ սպառվել է։

«Մենք մեր հերթին  ժամանակավոր ընդմիջում էինք տվել, որպեսզի Հայաստանի նոր ղեկավարությունը ծանոթանա բանակցային գործընթացի մանրամասներին։ Անցումային այդ փուլն ավարտվել է, բանակցությունները սկկել են ինչպես երկու երկների առաջնորդների մակարդակով, այնպես էլ արտաքին գործերի նախարարների»,-ասել էր Մամեդյարովը։

Տիգրան Աբրահամյանի խոսքով, Ադրբեջանը հատկապես վերջին մեկ տարվա ընթացքում փորձում էր դիրքավորվել որպես կառուցողական կողմ՝ առաջնագծում հրադադարի ռեժիմի խախտումների համեմատաբար նվազումը ներկայացնելով որպես այդ երկրի՝ խնդրի խաղաղ կարգավորման քաղաքական կամքի դրսևորում։ Աակայն զուգահեռ ընթացող զարգացումները խոսում են հակառակի մասին։

«Իրականում Ադրբեջանն ինտենսիվ պատրաստվում է խնդրի կարգավորման լրիվ այլ՝   ռազմական տարբերակին, ինչի մասին են նաև վկայում  զինված ուժերի ինտենսիվ համալրումները և հատկապես առաջնագծի ադրբեջանական հատվածումինժիներական-ամրաշինական ակտիվ աշխատանքներն ու ռազմական տեխնիկայի հագեցումը»,- հավելեց Արցախի Հանրապետության նախագահի խորհրդականը:


Նյութը՝ Panorama.am կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

25/05/2019

Հակառակորդը չի կարողացել ամրանալ Նախիջևանի ուղղությամբ մի քանի հենակետում./Ռազմինֆո/


Հունուտ գյուղի, ադրբեջանական
 կրակակետերի և հայկական
 դիրքերի պատկերը:
Լուսանկարը արված է մեր դիրքից
Ձմռանը, չկարողանալով ապահովել մատակարարումները, հակառակորդը անցյալ տարվա գործողություններից հետո Նախիջևանի հատվածում՝ Հունուտ գյուղի ուղղությամբ չի կարողացել մի քանի հենակետ ամրացնել:
Այս մասին մայիսի 24-ին լրագրողների հետ զրույցում, անդրադառնալով վերջին շրջանում առաջնագծում իրավիճակին, ասել է ՀՀ ՊՆ հինգերորդ կորպուսի հրամանատար, գնդապետ Անդրանիկ Փիլոյանը։
Փիլոյանը նշեց, որ ամեն տարի և՛ հակառակորդի, և՛ մեր կողմից տարվում են դիրքերն առաջ տալու աշխատանքներ։ Ըստ նրա՝ միայն երկու օր առաջ ադրբեջանական կողմը փորձել է միջտարածությունում դիրքերը բարելավել, բայց հայկական կողմը թույլ չի տվել։ Գնդապետը հավելեց, որ այժմ իրավիճակն ավելի հանգիստ է, կրակոցներ կան, բայց դրանք հիմնականում և՛ հայկական, և՛ ադրբեջանական կողմի ինժեներական աշխատանքների հետ են կապված։

Հիշեցնենք, որ նախորդ տարի, արբանյակային լուսանկարների ուսումնասիրությամբ, հայտնել էինք որ հակառակորդը առաջացել էր 3 ուղղությամբ, այդ թվում՝ նաև Հունուտ գյուղի, որտեղ մի քանի տեղում կատարել էր դիրքավորվելու նախապատրաստական աշխատանքներ: Այն ժամանակ նախապատրաստությունը ենթադրում էր ինժիներական աշխատանքներ, ճանապարհների բացում և առանձին տեղերում հողով լցված պարկերի միջոցով կրակակետերի հիմնում: Դատելով գնդապետի խոսքից՝ առնվազն մի քանիսում ադրբեջանական կողմին չի հաջողվել հենակետ ամրացնել:

Նյութը՝ Razm.info կայքի։


Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

Վերլուծելով Ադրբեջանի 2019թ. մայիսի զորավարժությունը./Ռազմինֆո/



Դրվագ Ադրբեջանի
ԶՈւ գիշերային
 զորավարժությունից.
2019թ. մայիս
Մայիսի 20-24-ը Ադրբեջանի բանակն անցկացրեց հերթական խոշորամասշտաբ զորավարժությունը։ Մենք հետևել ենք զորավարժության ընթացքին և կփորձենք ներկայացնել մեր դիտարկումները:
Եթե փորձենք կարճ ձևակերպել, մեր դիտարկմամբ՝ «սա, ըստ էության, թիկունքային ստորաբաժանումների աջակցությամբ Ադրբեջանի բանակի 2-րդ կորպուսի զորավարժություն էր»:
Զորավարժության առաջին օրերին խաղարկվեցին թիկունքային ստորաբաժանումների զորաշարժի դրվագներ: Թիկունքային ասելով՝ նկատի ունենք Ադրբեջանի ԶՈւ 4-րդ (Բաքվի) կորպուսի մոտոհրաձգային ստորաբաժանումները, ինչպես նաև կենտրոնական ենթակայության «մասնագիտացված» ստորաբաժանումները:
Կենտրոնական ենթակայության ստորաբաժանումներից ներգրավվել էին օրինակ՝ հատուկ նշանակության ուժերի 052 հատուկ նշանակության բրիգադը, որը հայտնի է նաև որպես «Յաշմա», առանձին հրթիռային զորամասը՝ «Պոլոնեզի» և LORA-ի մարտկոցներով, տանկային ստորաբաժանում, ինժիներասակրավորային ստորաբաժանում՝ հատուկ տեխնիկայով, շարժական կամուրջներով ևն, ՀՕՊ ստորաբաժանումներ:
Զորավարժության ընթացքում, ըստ մեր դիտարկումների՝ խաղարկվեցին նաև երկրի հյուսիսից ստորաբաժանումների զորաշարժի դրվագներ: Այսպիսի զորաշարժի դրվագներ մենք նկատել էինք նաև 2018-ի հունիսին անցկացված զորավարժության ընթացքում:
Վարժանքների կրակային փուլը անցկացվեց Ադրբեջանի ԶՈւ 2-րդ բանակային կորպուսի «սահմաններում», ինչին ներգրավեցին տվյալ կորպուսի զորամասերը: Չենք կարող ասել, սակայն, վերոնշյալ թիկունքային ստորաբաժանումները ամբողջությամբ ևս մասնակցել են կրակային փուլին, թե՝ ոչ:
Կրակային փուլին ներգրավվեց նաև զորային և գրոհիչ ավիացիա՝ Սու-25 գրոհիչներ, հարվածային Մի-24/35 և բազմանպատակային Մի-8/17 ուղղաթիռներ:
Այս կորպուսի ստորաբաժանումները տեղակայված են Արցախի հարավարևելյան սահմանների դիմաց` Մարտունի – Ֆիզուլի հատվածում: Կարելի է ենթադրել, որ այս զորավարժությանը խաղարկվել են հենց այս հատվածում գործողությունների սցենարներ: Հատուկ նշենք, որ մենք չենք պնդում, թե Ադրբեջանը սրանով առանձնահատուկ ուշադրություն է դարձնում հարավային ուղղությանը։ Նմանատիպ վարժանքներ անցկացվում են նաև այլ ուղղություններով: Օրինակ՝ այս տարի մարտին անկացված զորավարժությունն էլ, ըստ մեր վերլուծության, «թիկունքային ստորաբաժանումների աջակցությամբ 1-ին կորպուսի զորավարժություն էր», որտեղ էլ խաղարկվում էին Արցախի արևելյան, հյուսիսարևելյան սահմանների ուղղությամբ գործողություններ:
Հետաքրքրական էր նաև հարավում առանձին հատուկ նշանակության 052 բրիգադի մասնակցությունը: 2016թ. ապրիլյան մարտերում այս ուղղությամբ կիրառվել էին տեղի կորպուսի հատուկ նշանակության ստորաբաժանումները, իսկ 052-ի ստորաբաժանումները՝ հյուսիսում Թալիշի ուղղությամբ: Կարելի է ենթադրել, որ զորավարժությանը փորձ է արվել ներդաշնակել հատուկջոկատայինների և տեղի մոտոհրաձգային ստորաբաժանումների գործողությունները նաև հարավում:

Ինչ վերաբերում է զորավարժության բուն կրակային փուլին, ապա առանձնահատկությունը թերևս գիշերային մարտն էր: Ադրբեջանում, իհարկե, գիշերային մարտի դրվագներ առաջին անգամ չեն խաղարկում, սակայն ապրիլին Ադրբեջանի պաշտպանության նախարար Զաքիր Հասանովը, հարցազրույցում խոսելով զորավարժություններից, հատուկ ուշադրություն էր դարձրել հենց գիշերային մարտին՝ շեշտելով, որ իրենք 3-4 բրիգադի կազմով կարողանում են գիշերային մարտական զորավարժություններ անել:

Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

24/05/2019

Ադրբեջանի ՊՆ-ն սպառնում է առաջնագծում լարվածությամբ./Ռազմինֆո/


Ադրբեջանի պաշտպանության նախարար Զաքիր Հասանովը հիմնավորում է այդ քայլը «Հայաստանում ընթացող ներքաղաքական առճակատմամբ»: Նա հանձնարարել է զինված ուժերին «անհապաղ կասեցնել հակառակորդի խոշորամասշտաբ սադրանքները»:
Հասանովը հրահանգը տվել է մայիսի 24-ին՝ նախորդ օրերի մեծ զորավարժությունը ամփոփող նիստում, որին ներկա էր բանակի սպայակազմը: Այս մասին հայտնել է Ադրբեջանի ՊՆ կայքը: Հայտարարության տեքստում մասնավորապես նշվում է՝
«Զաքիր Հասանովը անդրադառնալով տարածաշրջանի ներկայիս ռազմաքաղաքական իրավիճակին՝ հատկապես ընդգծել է, որ Հայաստանում ընթացող ներքաղաքական առճակատումը կարող է հանգեցնել շփման գծում իրավիճակի սրման: Նախարարը հրահանգել է, տրամադրության տակ եղած սպառազինության կիրառմամբ, անհապաղ միջոցներ ձեռնարկել հակառակորդի խոշորամասշտաբ սադրանքները կասեցնելու համար»:

Հիշեցնենք, որ մայիսի 20-24-ը Ադրբեջանում անկացվել էրխոշորամասշտաբ զորավարժություն: Առաջիկայում «Ռազմինֆոն» կհրապարակի դրա վերաբերյալ ամփոփիչ նյութ և կներկայացնի իր դիտարկումները:
Նյութը՝ Razm.info կայքի։
Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`

22/05/2019

Ադրբեջանում փորձարկել են ST-12.7 դիպուկահար հրացանը./Ռազմինֆո/

Ադրբեջանի պաշտպանական արդյունաբերության նախարարի տեղակալ Ազադ Մամեդովի խոսքերով՝ ST-12.7 դիպուկահար հրացանները հաջողությամբ անցել են 1600մ հեռավորության վրա կրակի փորձարկումը։
Նախարարի տեղակալի խոսքերը փոխանցում է ադրբեջանական մասնագիտացված «Ազերիդիֆենս» կայքը։ Ըստ աղբյուրի` 12.7×108մմ տրամափաչով այս հրացանները տարբերվում են իրենց թեթև քաշով, թեև քաշը չի նշվում։



Նշենք, որ այս հրացանի առաջին նախատիպը ներկայացվել է Բաքվում կայացած ADEX-2018 ռազմարդյունաբերական ցուցահանդեսի ժամանակ։ Բացի այդ՝ ցուցահանդեսին ներկայացված էին նաև 23×115մմ տրամաչափի 

նոր IST-23 և 8.6×70մմ տրամաչափի ST-338 «Վաշագ» դիպուկահար հրացանները:



Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է:
Տեղեկացրու՛ ընկերներիդ`

20/05/2019

Զորավարժություն Ադրբեջանում. Օր 1 /Ռազմինֆո/


Զորավարժությանը ներգրավված
Ադրբեջանի
ԶՈւ «Պոլոնեզ»
ՀԿՌՀ-ի ստորաբաժանում
Մայիսի 20-ին Ադրբեջանում մեկնարկել է խոշոր զորավարժություն, որին, ըստ ադրբեջանական տվյալների, մասնակցելու է մոտ 10 հազար զինծառայող, 150 միավոր տանկ և այլ զրահատեխնիկա, մինչև 200 միավոր հրթիռահրետանային տեխնիկա, ՀԿՌՀ–ներ ու ականանետեր և մինչև 35 միավոր ինքնաթիռ ու ուղղաթիռներ։
Զորավարժության առաջին օրը հրապարակում է արել Ադրբեջանի ՊՆ-ն: Դատելով առկա տվյալներից՝ կարող ենք ասել, որ վարժանքներին առաջին օրը ներգրավվել են ռեզերվային 4-րդ կորպուսի մոտոհրաձգային զորամասեր, առանձին ենթակայության հրթիռային, ինժենարա-սակրավորային և տանկային զորամասեր, ՀՕՊ ստորաբաժանումներ և ավիացիա:

• Մոտոհրաձգային սոտարաբաժումների տեխնիկական միջոցներից ներգրավվել են զրահամեքենաներ, ԲՏՌ-82Ա զրահափոխադիչներ, ԲՄՊ-3 հետևակի մարտական մեքենաներ:

Զորավարժությանը ներգրավված
Ադրբեջանի ԶՈւ ԲՏՌ-82Ա
զրահափոխադիչներ

• Առանձին հրթիռային զորամասից ներգրավվել են, մեր գնահատականով, «Պոլոնեզ» ՀԿՌՀ-ի մարտկոցներ և LORA օպերատիվ-մարտավարական հրթիռային համալիրների մեկ մարտկոց:


• Ինժիներասակրավորային զորամասից ներգրավվել են հատուկ ինժիներական տեխնիկա, շարժական կամուրջներ, այդ թվում՝ 
ТММ-6:

Զորավարժությանը ներգրավված
Ադրբեջանի ԶՈւ ТММ-6
 շարժական կամուրջներ

• ՀՕՊ և ավիացիոն միջոցներից ներգրավվել են ԲՈՒԿ և Ս-125 ԶՀՀ-ներ, ՍՈւ-25 գրոհիչներ, և Մի-35 հարվածային ուղղաթիռներ:

Զորավարժությանը ներգրավված
Ադրբեջանի ԶՈւ Մի-35
ուղղաթիռներ

Հիշեցնենք, որ ըստ Ադրբեջանի ՊՆ-ի՝ զորավարժության հայտարարված նպատակը 
գիշերային ժամերին պայմանական «թշնամու» հարձակմանը տարբեր ուղղություններով հակահարվածների ու հակահարձակումների խաղարկումն է։



Նյութը՝ Razm.info կայքի։

Ծանուցում․ Կայքից մեջբերումներ անելիս հղումը www.banak.info-ին պարտադիր է: Կայքի հոդվածների մասնակի կամ ամբողջական հեռուստառադիոընթերցում առանց www.banak.info-ին հղման արգելվում է: 
Տեղեկացրու՛ ընկերներիդ`